PROVERBIOS 20
20
1Jini vino mi' yʌc' ti wajal jini winic mu' bʌ i jap. Mi' tech leto jini lembal. Sajtem i pusic'al jini mu' bʌ i cha'len yʌc'ʌjel. 2Lajal i mich'ajel rey bajche' i t'an bajlum. Jini mu' bʌ i techben i mich'ajel mi caj i toj. 3Ñucʌch jini winic mach bʌ yujilic a'leya. Tonto jini mu' bʌ i yotsan i bʌ ba' woliyob ti a'leya. 4Jini ts'u' bʌ ma'anic mi' cha'len cholijel che' i yorajlelix. Mi' lon c'ajtin tac ñumel che' ti' yorajlel c'ajbal. 5Lajalʌch lac ña'tʌbal bajche' i yebal tam bʌ ja', che' ya jach lotol ti lac pusic'al, pero mux laj c'unte' tsictesʌben jini mu' bʌ i ch'ʌmben isujm. 6Cabʌlob mi poj pʌsob i bʌ ti uts, pero ¿am ba juntiquil uts bʌ i pusic'al ti pejtelel ora? Wocol ti tajol. 7Jini toj bʌ mu' bʌ i mel chuqui uts'at mi' pʌsbeñob i bijlel i yalobilob. Tijicñayob mu' bʌ i tilelob ti' pat. 8Jini rey buchul bʌ ti meloñel mi' jisan jontolil baqui jach mi' taj. 9¿Am ba juntiquil isujm bʌ mu' bʌ i yʌl: Tsa'ix c poco c pusic'al. Sʌconix. Ma'anix c mul, che'en? 10Ts'a' mi' q'uejlel ti lac Yum jini asibil bʌ balanza yic'ot jelchojc tac bʌ lac p'isonib. 11Winicob x'ixicob yic'ot ja'el alʌlob mi' yʌc'ob i bʌ ti cʌjñel ti' melbalob. Tsiquil ti lac melbal mi sʌconla mi tojonla. 12Jini lac chiquin mu' bʌ i yubin t'an yic'ot lac wut mu' bʌ i c'otel laj i melbalʌch lac Yum. 13Mach yomic mi' wen ochel a wʌyel ame ochiquet ti pobre. Cañʌ a wut cha'an ma' majlel ti e'tel. Che' jini mux a ñaj'an ti waj. 14Jini yom bʌ i cha'len mʌñoñel mi' yʌl: Mach wenic, mach i t'ojolic. Che' mi' lon al. Che' mʌmbilix i cha'an tijicña mi' majlel. 15Uts'at oro yic'ot i t'ojol bʌ xajlel letsem tac bʌ i tojol, pero c'ax uts'at i t'an jini wen bʌ i pusic'al. 16Jini mu' bʌ i yotsan i bʌ cha'an mi' tojben i bet xbeta taq'uin mi caj i mel i pusic'al ti wi'il. Mi caj i chilbentel i bujc ti prenda cha'an mi' tojben i bet jini mach bʌ i cʌñʌyic. 17Jini xlot sumuc mi' lon ubin i chobejtʌbal che' bajche' caxlan waj che' ti' cajibal, pero ti wi'il but'ulix i yej ti ji' lum yubil. 18Che' maxto ña'tʌbilic a cha'an bajche' yom ma' mel, c'ajtiben jini yujilo' bʌ. Ñich'tʌbeñob i t'an jini yujilo' bʌ che' a wom a mel guerra. 19Jini mu' bʌ i puc majlel t'an mi' tsictesan majlel jini mucul tac bʌ. Mach ma' wotsan a bʌ a wic'ot jini mu' bʌ i laj sub chuqui mi' ña'tan. 20Jini mu' bʌ i p'aj i tat i ña', mi' caj i toj ti ic'ch'ipan bʌ pañimil. 21Jini mu' bʌ i bʌc' otsan i bʌ ti rico an i mul. Mux i taj i ch'ijiyemlel i pusic'al che' ti wi'il. 22An mu' bʌ i yʌl: Mu' to caj j q'uextan jontolil, che'en, pero mach che'ic yom. Pijtan lac Yum. An ti' wenta lac Yum cha'an mi' mel. 23Ts'a' mi' q'uel lac Yum jini asibil bʌ balanza. Mach uts'atic mi' q'uel ja'el jini jelchojc bʌ p'isoñib. 24Jiñʌch lac Yum mu' bʌ i toj'esañonla majlel. ¿Mejl ba lac bajñel ch'ʌmben isujm lac bijlel? 25Jini mu' bʌ i bʌc' suben lac Yum chuqui mi caj i yʌq'uen, chucul ti yac yubil che' wi'il to mi' c'un ña'tan i t'an. 26Jini rey am bʌ wen bʌ i pusic'al mi' yʌc' ti jilel xjontolilob. Mi' yʌq'ueñob i toj i mul. 27Jini espíritu lac cha'an i wentajʌch lámpara. Mi' tsictesʌbeñonla i malil lac pusic'al. 28Cabʌl mi' taj i coltʌntel jini rey mu' bʌ i mel i ye'tel ti toj ti' yutslel i pusic'al. Che' jini mux i jal'an ti' buchlib. 29I ñuclel ch'iton winicob jiñʌch i p'ʌtʌlel. I ch'ʌjlil jini xñoxob jiñʌch i sʌquel i jol. 30Jini asiyal i wentajʌch ts'ac ti' pʌchʌlel xjontolil. Mi' sʌc'an i pusic'al mu' bʌ i yʌq'uentel i tsico' pusic'al.
Currently Selected:
PROVERBIOS 20: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.