NUMEROS 22
22
Balac tsi' choco ti pʌyol Balaam
1Tsi' chʌn cha'leyob xʌmbal israelob. Tsa' poj jijliyob ti' lumal Moab ti' junwejlel Jordán, ya' ti' tojel Jericó. 2-3Balac i yalobil Zipor tsi' yubi pejtelel chuqui tsi' meleyob israelob ti' tojlel amorreojob. Tsa' wen caji ti bʌq'uen come wen cabʌlob jini israelob. Jini cha'an tsa' caji i wen mel i pusic'al jini rey Balac yic'ot pejtelel año' bʌ ti Moab. 4Tsi' pʌyʌyob tilel jini xñoxob ti Madián. Tsi' subeyob: Wʌle jini israelob mi caj i jisañonla yic'ot pejtelel lac chubʌ'an che' lajal bajche' jini tat wacax mi' xop c'ux jam, che'ob. Ti jim bʌ ora yumʌlʌch Balac (i yalobil Zipor) ti' tojlelob moabob. 5Jini cha'an tsi' choco majlel winicob ti Pector ba'an Balaam i yalobil Beor, am bʌ ti' t'ejl colem ja' i c'aba' Eufrates cha'an mi' pʌy tilel, cha'an mi' coltañob. Awilan yom mi la' suben: “Tsa'ix c'otiyob bajc'ʌl winicob loq'uemo' bʌ ti Egipto. Woli' wen mʌctañob lum. Yomobix i chilbeñon lojon c lum. 6Awocolic yom ma' majlel quic'ot lojon ti ora cha'an ma' p'ajob, come ma'anic c p'ʌtʌlel lojon ti' tojlelob. Cujil muc'ʌch i coltʌntel jini mu' bʌ a coltan ti' yutslel a t'an. Cujil ja'el muc'ʌch i jisʌntelob jini mu' bʌ a p'ajob”. Che'ʌch yom mi la' suben, che'en.
7Jini xñoxob año' bʌ i ye'tel ti Moab yic'ot ti Madián tsa' c'otiyob ba'an Balaam. Tsi' ch'ʌmbeyob c'otel i majtan cha'an mi' jac' i pʌyol, cha'an mi' majlel i coltañob. 8Balaam tsi' subeyob: Cʌlen to la wʌle ti ili ac'ʌlel. Ijc'ʌl to mic subeñetla chuqui mi' tsictesʌbeñon lac Yum, che'en. Jini cha'an tsa' poj cʌleyob ti jini ac'ʌlel ti' yotot Balaam. 9Che' ti ac'ʌlel tsa' tili lac Yum i pejcan Balaam. Tsi' c'ajtibe: ¿Majquiyob ili winicob wʌ' ti a wotot? che'en. 10Balaam tsi' jac'ʌ: Jiñʌch chocbilo' bʌ tilel i cha'an Balac i yalobil Zipor, i yum moabob. Woli' yʌlob: 11“Awilan jini winicob loq'uemo' bʌ ti Egipto woli' wen mʌctañob lum. Awocolic la' tiq'uiyob. Tic'ʌl mi che' jini mi mejlel cajñesan lojon loq'uel”, che'ob. Che' tsi' yʌlʌ Balaam. 12Lac Yum tsi' sube: Mach yomic ma' majlel a wic'otob. Mach a p'aj c winicob come tsa'ix cʌq'ueyob i yutslel c t'an, che'en lac Yum Dios. 13Che' bʌ tsa'ix ch'ojyi Balaam che' ti wen sʌc'ajel, tsi' subeyob i yaj e'telob Balac: Cha' cucuxla ti sujtel ti la' lumal, come lac Yum mach yomic i chocon majlel, che'en. 14Jini ñuco' bʌ i ye'tel ti Moab tsa' cha' sujtiyob ba'an Balac. Tsi' subeyob: Ma'anic tsi' jac'ʌ tilel Balaam quic'ot lojon, che'ob.
15Che' jini Balac tsi' cha' choco majlel yambʌ winicob año' bʌ i ye'tel, ñumen ñucobix bʌ i ye'tel che' bajche' tsajniyo' bʌ ti ñaxan, ñumen p'ʌtʌlob ja'el. 16Che' bʌ tsa' c'otiyob ti' yotot Balaam tsi' subeyob: Ti wocol t'an mic subeñet lojon, yom ma' majlel quic'ot lojon, come Balac i yalobil Zipor woli' wersa pʌyet. 17Tsa'ix i yʌc'ʌ i t'an. Muq'uic a majlel, muq'uix i wen p'iset ti wenta. Chuqui jach ma' c'ajtiben mi caj i yʌq'ueñet. Jini cha'an jac'beñon lojon. Conla ti ora cha'an ma' p'ajbeñon lojon jini israelob, che'ob jini xpʌyojelob, come che'ʌch tsi' wʌn subeyob jini Balac. 18Pero Balaam tsi' jac'beyob: Anquese mi' yʌq'ueñon jump'ejl otot but'ul bʌ ti oro yic'ot ti plata, mach mejlicon ti majlel, come mach mejlic c ñusʌben i t'an c Yum Dios. 19Pero jijlen to la ila ti cotot cha'an mic cha' ubin mi yom i subeñon yambʌ t'an jini c Yum, che'en. 20Ti jim bʌ ac'ʌlel lac Yum tsi' sube Balaam: Mi tsa' tiliyob ili winicob cha'an mi' pʌyetob majlel, mi wersa a wom majlel, cucu a wic'otob, pero jini jach mi caj a sub jini mu' bʌ c subeñet, che'en lac Yum Dios.
Balaam yic'ot i burro tsi' taja ti bij ángel
21Che' wen sebto tsa' ch'ojyi Balaam ti yijc'ʌlal. Tsa' caji i ch'ʌl i burro. Tsa' caji ti majlel yic'ot jini ñuco' bʌ i ye'tel ti Moab. 22Pero tsa' wen mich'a lac Yum cha'an tsa' majli Balaam yic'otob. I yángel lac Yum tsa' majli i mʌctan ti bij che' c'ʌchʌl woli' majlel yic'ot cha'tiquil i yaj e'telob. 23Jini burro tsi' q'uele i yángel lac Yum, chucbil i cha'an espada bots'bilix i cha'an. Jini burro tsi' tʌts'ʌ i bʌ ti bij. Tsa' ochi ti mate'el. Balaam tsa' caji i jats' loq'uel ya' ti mate'el cha'an mi' cha' xʌn majlel jini bij. 24Tsa' wa'le i yángel lac Yum ya' ti bij ba' tsa' ñumi ti' yojlil cha'pejt ts'usubil am bʌ ts'ajc ti' ti'. 25Che' bʌ tsi' cha' q'uele i yángel lac Yum jini burro, tsa' majli ti lʌts' cʌytʌl ya' ba' tsa' lʌts' cʌle i yoc Balaam ya' ti ts'ajc. Jini cha'an Balaam tsi' cha' jats'ʌ i burro. 26I yángel lac Yum tsa' cha' majli i mʌctañob ya' ba' ma'anic tsa' mejli i wis tʌts' i bʌ mi ti' ñojic mi ti' ts'ejic. 27Che' bʌ tsi' cha' q'uele i yángel lac Yum jini burro, tsi' pʌcchoco i bʌ che' c'ʌchʌl to Balaam. Cʌlʌx jax tsa' mich'a Balaam. Wen p'ump'un jax tsa' caji i jats' i burro ti te'.
28Che' jini lac Yum tsi' yʌc'ʌ ti t'an jini burro. Tsa' caji i suben Balaam: ¿Chuqui tsac tumbeyet cha'an uxyajlix tsa' to'o jats'ʌyon? che'en. 29Balaam tsi' sube i burro: Wola' wajleñon. Anic c machit tij c'ʌb mic tsʌnsañet, che'en. 30Jini burro tsi' sube Balaam: ¿Mach ba a cha'añonic c'ʌlʌl che' alʌlon to? Ti pejtelel ora tsac mele che' bajche' a wom. ¿Mach ba isujmic? che'en jini xña'a burro. Balaam tsi' jac'ʌ: Isujm cu, che'en.
31Lac Yum tsi' jambe i wut Balaam cha'an mi' q'uel i yángel lac Yum ya' bʌ wa'al ti bij. Bots'bil i cha'an i yespada, chucbil i cha'an ti' c'ʌb. Tsa' toj sajti i pusic'al Balaam. Tsi' pʌcchoco i bʌ ti lum. 32I yángel lac Yum tsi' sube: ¿Chucoch uxyajl tsa' to'o jats'ʌ a burro? Tilemon cha'an mic mʌctañet cha'an a jontolil, ame jisʌntiquet cha'an jini chuqui woli bʌ a ña'tan a mel. 33Jini burro tsi' q'ueleyon. Jini cha'an uxyajl tsi' tʌts'ʌ i bʌ tic tojlel. Machic tsi' tʌts'ʌ i bʌ tic tojlel tsac tsʌnsayet, pero tsac p'unta jini burro, che'en. 34Che' jini Balaam tsi' subu i bʌ: Isujm tsa'ix c taja c mul. Ma'anic tsac ña'ta mi wʌ' wa'alet ti bij cha'an ma' mʌctañon. Wʌle mi mach a womic mic majlel ba'an Balac, mux c cha' sujtel majlel, che'en. 35I yángel lac Yum tsi' sube Balaam: Cucu a wic'ot jini winicob, pero jini jach ma' sub ili c t'an mu' bʌ caj c subeñet, che'en. Che' jini tsi' chʌn cha'le xʌmbal majlel Balaam yic'ot i winicob Balac.
36Che' bʌ tsi' yubi Balac lʌc'ʌlix yom c'otel Balaam, tsa' tili i taj ya' ti colem ja' i c'aba' Arnón ya' ba' jaxʌl i lumal Moab. 37Balac tsi' sube: ¿Mach ba anic tsac pʌyʌyet ti wocol t'an? ¿Chucoch ma'anic tsa' tiliyet ti ora ba' añon? ¿Mach ba mejlic cʌq'ueñet cabʌl a ñuclel? che'en. 38Balaam tsi' sube: Wʌ'ix añon ti a tojlel, pero mic wʌn subeñet, añon ti' wenta c Yum. Jini jach mu' bʌ i subeñon c Dios, mi mejlel c cha' sub, che'en. 39-40Che' jini Balac tsi' pʌyʌ majlel Balaam ti Quiriat Huzot. Tsi' yʌc'ʌ ti tsʌnsʌntel cabʌl wacax yic'ot tiñʌme'. Tsi' yʌq'ueyob i c'ux Balaam yic'ot i yaj e'telob.
Balaam tsi' yʌq'ue i yutslel i t'an israelob
41Che' ti yijc'ʌlal jini yumʌl Balac tsi' pʌyʌ letsel Balaam c'ʌlʌl ti Bamot Baal, ba' tsa' mejli i wen q'uel israelob año' bʌ ti lʌc'ʌl.
Currently Selected:
NUMEROS 22: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.
NUMEROS 22
22
Balac tsi' choco ti pʌyol Balaam
1Tsi' chʌn cha'leyob xʌmbal israelob. Tsa' poj jijliyob ti' lumal Moab ti' junwejlel Jordán, ya' ti' tojel Jericó. 2-3Balac i yalobil Zipor tsi' yubi pejtelel chuqui tsi' meleyob israelob ti' tojlel amorreojob. Tsa' wen caji ti bʌq'uen come wen cabʌlob jini israelob. Jini cha'an tsa' caji i wen mel i pusic'al jini rey Balac yic'ot pejtelel año' bʌ ti Moab. 4Tsi' pʌyʌyob tilel jini xñoxob ti Madián. Tsi' subeyob: Wʌle jini israelob mi caj i jisañonla yic'ot pejtelel lac chubʌ'an che' lajal bajche' jini tat wacax mi' xop c'ux jam, che'ob. Ti jim bʌ ora yumʌlʌch Balac (i yalobil Zipor) ti' tojlelob moabob. 5Jini cha'an tsi' choco majlel winicob ti Pector ba'an Balaam i yalobil Beor, am bʌ ti' t'ejl colem ja' i c'aba' Eufrates cha'an mi' pʌy tilel, cha'an mi' coltañob. Awilan yom mi la' suben: “Tsa'ix c'otiyob bajc'ʌl winicob loq'uemo' bʌ ti Egipto. Woli' wen mʌctañob lum. Yomobix i chilbeñon lojon c lum. 6Awocolic yom ma' majlel quic'ot lojon ti ora cha'an ma' p'ajob, come ma'anic c p'ʌtʌlel lojon ti' tojlelob. Cujil muc'ʌch i coltʌntel jini mu' bʌ a coltan ti' yutslel a t'an. Cujil ja'el muc'ʌch i jisʌntelob jini mu' bʌ a p'ajob”. Che'ʌch yom mi la' suben, che'en.
7Jini xñoxob año' bʌ i ye'tel ti Moab yic'ot ti Madián tsa' c'otiyob ba'an Balaam. Tsi' ch'ʌmbeyob c'otel i majtan cha'an mi' jac' i pʌyol, cha'an mi' majlel i coltañob. 8Balaam tsi' subeyob: Cʌlen to la wʌle ti ili ac'ʌlel. Ijc'ʌl to mic subeñetla chuqui mi' tsictesʌbeñon lac Yum, che'en. Jini cha'an tsa' poj cʌleyob ti jini ac'ʌlel ti' yotot Balaam. 9Che' ti ac'ʌlel tsa' tili lac Yum i pejcan Balaam. Tsi' c'ajtibe: ¿Majquiyob ili winicob wʌ' ti a wotot? che'en. 10Balaam tsi' jac'ʌ: Jiñʌch chocbilo' bʌ tilel i cha'an Balac i yalobil Zipor, i yum moabob. Woli' yʌlob: 11“Awilan jini winicob loq'uemo' bʌ ti Egipto woli' wen mʌctañob lum. Awocolic la' tiq'uiyob. Tic'ʌl mi che' jini mi mejlel cajñesan lojon loq'uel”, che'ob. Che' tsi' yʌlʌ Balaam. 12Lac Yum tsi' sube: Mach yomic ma' majlel a wic'otob. Mach a p'aj c winicob come tsa'ix cʌq'ueyob i yutslel c t'an, che'en lac Yum Dios. 13Che' bʌ tsa'ix ch'ojyi Balaam che' ti wen sʌc'ajel, tsi' subeyob i yaj e'telob Balac: Cha' cucuxla ti sujtel ti la' lumal, come lac Yum mach yomic i chocon majlel, che'en. 14Jini ñuco' bʌ i ye'tel ti Moab tsa' cha' sujtiyob ba'an Balac. Tsi' subeyob: Ma'anic tsi' jac'ʌ tilel Balaam quic'ot lojon, che'ob.
15Che' jini Balac tsi' cha' choco majlel yambʌ winicob año' bʌ i ye'tel, ñumen ñucobix bʌ i ye'tel che' bajche' tsajniyo' bʌ ti ñaxan, ñumen p'ʌtʌlob ja'el. 16Che' bʌ tsa' c'otiyob ti' yotot Balaam tsi' subeyob: Ti wocol t'an mic subeñet lojon, yom ma' majlel quic'ot lojon, come Balac i yalobil Zipor woli' wersa pʌyet. 17Tsa'ix i yʌc'ʌ i t'an. Muq'uic a majlel, muq'uix i wen p'iset ti wenta. Chuqui jach ma' c'ajtiben mi caj i yʌq'ueñet. Jini cha'an jac'beñon lojon. Conla ti ora cha'an ma' p'ajbeñon lojon jini israelob, che'ob jini xpʌyojelob, come che'ʌch tsi' wʌn subeyob jini Balac. 18Pero Balaam tsi' jac'beyob: Anquese mi' yʌq'ueñon jump'ejl otot but'ul bʌ ti oro yic'ot ti plata, mach mejlicon ti majlel, come mach mejlic c ñusʌben i t'an c Yum Dios. 19Pero jijlen to la ila ti cotot cha'an mic cha' ubin mi yom i subeñon yambʌ t'an jini c Yum, che'en. 20Ti jim bʌ ac'ʌlel lac Yum tsi' sube Balaam: Mi tsa' tiliyob ili winicob cha'an mi' pʌyetob majlel, mi wersa a wom majlel, cucu a wic'otob, pero jini jach mi caj a sub jini mu' bʌ c subeñet, che'en lac Yum Dios.
Balaam yic'ot i burro tsi' taja ti bij ángel
21Che' wen sebto tsa' ch'ojyi Balaam ti yijc'ʌlal. Tsa' caji i ch'ʌl i burro. Tsa' caji ti majlel yic'ot jini ñuco' bʌ i ye'tel ti Moab. 22Pero tsa' wen mich'a lac Yum cha'an tsa' majli Balaam yic'otob. I yángel lac Yum tsa' majli i mʌctan ti bij che' c'ʌchʌl woli' majlel yic'ot cha'tiquil i yaj e'telob. 23Jini burro tsi' q'uele i yángel lac Yum, chucbil i cha'an espada bots'bilix i cha'an. Jini burro tsi' tʌts'ʌ i bʌ ti bij. Tsa' ochi ti mate'el. Balaam tsa' caji i jats' loq'uel ya' ti mate'el cha'an mi' cha' xʌn majlel jini bij. 24Tsa' wa'le i yángel lac Yum ya' ti bij ba' tsa' ñumi ti' yojlil cha'pejt ts'usubil am bʌ ts'ajc ti' ti'. 25Che' bʌ tsi' cha' q'uele i yángel lac Yum jini burro, tsa' majli ti lʌts' cʌytʌl ya' ba' tsa' lʌts' cʌle i yoc Balaam ya' ti ts'ajc. Jini cha'an Balaam tsi' cha' jats'ʌ i burro. 26I yángel lac Yum tsa' cha' majli i mʌctañob ya' ba' ma'anic tsa' mejli i wis tʌts' i bʌ mi ti' ñojic mi ti' ts'ejic. 27Che' bʌ tsi' cha' q'uele i yángel lac Yum jini burro, tsi' pʌcchoco i bʌ che' c'ʌchʌl to Balaam. Cʌlʌx jax tsa' mich'a Balaam. Wen p'ump'un jax tsa' caji i jats' i burro ti te'.
28Che' jini lac Yum tsi' yʌc'ʌ ti t'an jini burro. Tsa' caji i suben Balaam: ¿Chuqui tsac tumbeyet cha'an uxyajlix tsa' to'o jats'ʌyon? che'en. 29Balaam tsi' sube i burro: Wola' wajleñon. Anic c machit tij c'ʌb mic tsʌnsañet, che'en. 30Jini burro tsi' sube Balaam: ¿Mach ba a cha'añonic c'ʌlʌl che' alʌlon to? Ti pejtelel ora tsac mele che' bajche' a wom. ¿Mach ba isujmic? che'en jini xña'a burro. Balaam tsi' jac'ʌ: Isujm cu, che'en.
31Lac Yum tsi' jambe i wut Balaam cha'an mi' q'uel i yángel lac Yum ya' bʌ wa'al ti bij. Bots'bil i cha'an i yespada, chucbil i cha'an ti' c'ʌb. Tsa' toj sajti i pusic'al Balaam. Tsi' pʌcchoco i bʌ ti lum. 32I yángel lac Yum tsi' sube: ¿Chucoch uxyajl tsa' to'o jats'ʌ a burro? Tilemon cha'an mic mʌctañet cha'an a jontolil, ame jisʌntiquet cha'an jini chuqui woli bʌ a ña'tan a mel. 33Jini burro tsi' q'ueleyon. Jini cha'an uxyajl tsi' tʌts'ʌ i bʌ tic tojlel. Machic tsi' tʌts'ʌ i bʌ tic tojlel tsac tsʌnsayet, pero tsac p'unta jini burro, che'en. 34Che' jini Balaam tsi' subu i bʌ: Isujm tsa'ix c taja c mul. Ma'anic tsac ña'ta mi wʌ' wa'alet ti bij cha'an ma' mʌctañon. Wʌle mi mach a womic mic majlel ba'an Balac, mux c cha' sujtel majlel, che'en. 35I yángel lac Yum tsi' sube Balaam: Cucu a wic'ot jini winicob, pero jini jach ma' sub ili c t'an mu' bʌ caj c subeñet, che'en. Che' jini tsi' chʌn cha'le xʌmbal majlel Balaam yic'ot i winicob Balac.
36Che' bʌ tsi' yubi Balac lʌc'ʌlix yom c'otel Balaam, tsa' tili i taj ya' ti colem ja' i c'aba' Arnón ya' ba' jaxʌl i lumal Moab. 37Balac tsi' sube: ¿Mach ba anic tsac pʌyʌyet ti wocol t'an? ¿Chucoch ma'anic tsa' tiliyet ti ora ba' añon? ¿Mach ba mejlic cʌq'ueñet cabʌl a ñuclel? che'en. 38Balaam tsi' sube: Wʌ'ix añon ti a tojlel, pero mic wʌn subeñet, añon ti' wenta c Yum. Jini jach mu' bʌ i subeñon c Dios, mi mejlel c cha' sub, che'en. 39-40Che' jini Balac tsi' pʌyʌ majlel Balaam ti Quiriat Huzot. Tsi' yʌc'ʌ ti tsʌnsʌntel cabʌl wacax yic'ot tiñʌme'. Tsi' yʌq'ueyob i c'ux Balaam yic'ot i yaj e'telob.
Balaam tsi' yʌq'ue i yutslel i t'an israelob
41Che' ti yijc'ʌlal jini yumʌl Balac tsi' pʌyʌ letsel Balaam c'ʌlʌl ti Bamot Baal, ba' tsa' mejli i wen q'uel israelob año' bʌ ti lʌc'ʌl.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.