NEHEMIAS 12
12
Jini motamajob yic'ot levíjob
1-7Jiñobʌch motomajob yic'ot levíjob tsa' bʌ letsiyob tilel ti Jerusalén yic'ot Zorobabel i yalobil Salatiel, yic'ot Jesúa:
Seraías, Jeremías, Esdras, Amarías, Maluc, Hatús, Secanías, Rehum, Meremot, Iddo, Gineto, Abías, Mijamín, Maadías, Bilga, Semaías, Joiarib, Jedaías, Salú, Amoc, Hilcías, Jedaías. Jiñobʌch ñuco' bʌ motomajob, jini yajcʌbilo' bʌ, che' ti' yorajlel Jesúa.
8Jiñobʌch levíjob: Jesúa, Binúi, Cadmiel, Serebías, Judá, Matanías, yic'ot i pi'ʌlob Matanías año' bʌ ti' wenta cha'an mi' subeñob Dios wocolix i yʌlʌ ti c'ay.
9Bacbuquías yic'ot Uni, i pi'ʌlob levíjob, tsi' cha'leyob i ye'tel yic'otob. 10Jesúa i tatʌch Joiacim. Joiacim i tatʌch Eliasib. Eliasib i tatʌch Joiada. 11Joiada i tatʌch Jonatán. Jonatán i tatʌch Jadúa.
12-21Che' ti' yorajlel Joiacim tatʌlobʌch jini motomajob. Yumʌlobʌch ti jujuntiquil ti' yotot i tat:
Meraías yumʌl ti' yotot Seraías, Hananías ti' yotot Jeremías, Mesulam ti' yotot Esdras, Johanán ti' yotot Amarías, Jonatán ti' yotot Melicú, José ti' yotot Sebanías, Adna ti' yotot Harim, Helcai ti' yotot Meraiot, Zacarías ti' yotot Iddo, Mesulam ti' yotot Ginetón, Zicri ti' yotot Abías, Piltai ti' yotot Miniamín yic'ot Moadías, Samúa ti' yotot Bilga, Jonatán ti' yotot Semaías, Matenai ti' yotot Joiarib, Uzi ti' yotot Jedaías, Calai ti' yotot Salai, Eber ti' yotot Amoc, Hasabías ti' yotot Hilcías, Natanael ti' yotot Jedaías.
22Che' ti' yorajlel Eliasib yic'ot Joiada yic'ot Johanán yic'ot Jadúa tsa' ts'ijbuntiyob i c'aba' levíjob. Yumʌlobʌch ti' yotot i tatob ti jujuntiquil. Tsa' ts'ijbuntiyob ja'el i c'aba'ob jini motomajob jinto che' bʌ tsa' caji ti yumʌntel Darío ti Persa. 23Tsa' ts'ijbuntiyob i c'aba' i yalobilob Leví c'ʌlʌl ti' yorajlel Johanán, i yalobil Eliasib. Yumʌlobʌch ti jujuntiquil ti' yotot i tat. I c'aba' jini jun Crónicas. 24I yumob levíjob jiñobʌch Hasabías, Serebías, yic'ot Jesúa i yalobil Cadmiel, yic'ot i pi'ʌlob año' bʌ ti' t'ejl. Añʌch i ye'tel cha'an mi' subeñob Dios i ñuclel yic'ot wocolix i yʌlʌ che' bajche' tsi' yʌc'ʌ mandar David i winic Dios. Tsi' q'uexeyob i bʌ. 25Che' ja'el Matanías, Bacbuquías, Obadías, Mesulam, Talmón yic'ot Acub xcʌnta ti'ob. Tsi' cʌntayob i yotlel tac chubʌ'añʌl ya' ti' ti' tac i yotot Dios. 26Laj cuxulob che' ti' yorajlel Joiacim i yalobil Jesúa, i yalobil bʌ Josadac, che' gobernador Nehemías, che' motomaj Esdras, jini sts'ijbujel.
Tsi' yʌq'ueyob Dios i ts'ajquil Jerusalén
27Che' bʌ tsa' aq'uenti Dios i ts'ajquil Jerusalén, tsi' sajcayob jini levíjob ti pejtelel i yajñib cha'an mi' wets'ob tilel ti Jerusalén, cha'an mi' yʌc'ob ti' wenta Dios i ts'ajquil Jerusalén. An ti' wenta cha'an mi' melob q'uin ti' tijicñʌyel i pusic'al, cha'an mi' subeñob Dios wocolix i yʌlʌ, cha'an mi' cha'lenob c'ay yic'ot música; címbalo tac, yic'ot arpa tac, yic'ot cítara tac. 28Tsi' tempayob i bʌ mu' bʌ i cha'leñob c'ay loq'uemo' bʌ ti joctʌl ti' joytilel Jerusalén yic'ot ti' tejclumob netofajob. 29Loq'uemobʌch ja'el ti Gilgal yic'ot ti' lumal Geba yic'ot Azmavet, come jini tsa' bʌ i cha'leyob c'ay tsi' meleyob tejclum tac ti' t'ejl Jerusalén. 30Jini motomajob yic'ot levíjob tsi' sʌq'uesayob i bʌ. Tsi' sʌq'uesayob ja'el winicob x'ixicob yic'ot i ti' tac tejclum yic'ot i ts'ajquil.
31Tsac subeyob jini yumʌlob ti Judá cha'an mi' letselob ti' pam i ts'ajquil tejclum. Tsac yajca cha'mojt winicob, cabʌlob ti jujunmojt. Tsi' subeyob Dios wocolix i yʌlʌ. Belecña tsa' majliyob. Junmojt tsa' majli tic ñoj ya' ti pam ts'ajc c'ʌlʌl ti' ti' tejclum ba' mi' chojquel misʌjelʌl. 32Ti' pat jini junmojt tsa' majli Osaías yic'ot lamital jini yumʌlob cha'an Judá, 33yic'ot Azarías, yic'ot Esdras yic'ot Mesulam, 34yic'ot Judá yic'ot Benjamín yic'ot Semaías yic'ot Jeremías, 35yic'ot cha'tiquil uxtiquil i yalobilob motomajob año' bʌ i cha'an trompeta tac: Zacarías i yalobil Jonatán, i yalobil bʌ Semaías, i yalobil bʌ Matanías, i yalobil bʌ Micaías, i yalobil bʌ Zacur, i yalobil bʌ Asaf, 36yic'ot i pi'ʌlob: Semaías, Azarael, Milalai, Gilalai, Maai, Natanael, Judá yic'ot Hanani. Tsi' ñijcayob majlel jini música tac i cha'an David. Jini motomaj Esdras, i winic Dios, tsa' majli ti ñaxan. 37Ya' ti' tojel i ti' tejclum i c'aba' Cuxul bʌ Ja', tsa' letsiyob majlel ti tec'oñib ti' yochib i tejclum David, ya' ba' ñumen chan jini ts'ajc bajche' i yotot David, c'ʌlʌl ti' ti' tejclum i c'aba' Ja' Ti' ba' mi' pasel q'uin.
38Jini yambʌ junmojt tsa' bʌ i yʌq'ueyob Dios wocolix i yʌlʌ tsa' majliyob tic ts'ejtʌlel. Tsac tsajcayob majlel yic'ot lamital winicob, ya' ti pam ts'ajc ba'an chan bʌ q'ueloñib i c'aba' Tic'ʌjib, c'ʌlʌl c'otemon lojon ti jini Ñuc bʌ Ts'ajc. 39Ya' ti pam ts'ajc tsac ñusa lojon majlel i ti' Efraín yic'ot yambʌ i ti' i c'aba' Tsucul Bʌ yic'ot yambʌ i ti' i c'aba' Chʌy yic'ot jini chan bʌ q'ueloñib i c'aba' Hananeel, yic'ot yambʌ q'ueloñib i c'aba' Hamea, yic'ot yambʌ i ti' ts'ajc i c'aba' Tiñʌme'. Tsaj cʌyʌ lojon xʌmbal ya' ti' ti' i c'aba' Xcʌntaya. 40Che' jini tsa' tiliyob ti wa'tʌl ti mal i yotot Dios jini cha'mojt winicob x'ixicob tsa' bʌ i subeyob Dios wocolix i yʌlʌ. Joñon tsac pi'leyob tilel lamital año' bʌ i ye'tel, 41yic'ot jini motomajob Eliacim, Maaseías, Miniamín, Micaías, Elioenai, Zacarías, yic'ot Hananías año' bʌ i trompeta tac, 42yic'ot Maasías, Semaías, Eleazar, Uzi, Johanán, Malquías, Elam, Ezer. Jini xc'ayob tsi' cha'leyob c'ay ti c'am bʌ t'an. Izrahías tsi' teche c'ay. 43Tsi' tsʌnsʌbeyob cabʌl i majtan tac Dios ti ili q'uin. Tsa' ñuc'ayob i pusic'al, come Dios tsi' yʌq'ueyob cabʌl i tijicñʌyel. Tsa' ñuc'ayob i pusic'al x'ixicob yic'ot alʌlob ja'el. Tsa' ñajti tsictiyi i t'an jini año' bʌ ti Jerusalén cha'an wen tijicñayob.
I majtan tac motomajob yic'ot levíjob
44Ti ili q'uin tsa' yajcʌntiyob winicob cha'an mi' q'uelob i yotlel tac chubʌ'añʌl yic'ot ofrenda tac yic'ot ñaxan bʌ i wut pʌc'ʌbʌl, yic'ot jini diezmo tac, cha'an mi' tempañob chuqui tac c'ajtibil ti ley cha'an mi' yotsañob ti' yotlel. An i ye'tel cha'an mi' lotbeñob i majtan tac motomajob yic'ot levíjob loc'sʌbil bʌ ti jujumpejt lum. Cabʌlix i tijicñʌyel jini año' bʌ ti Judá cha'an cha' c'uxbibilob motomajob yic'ot levíjob woliyo' bʌ ti e'tel. 45Tsi' laj cha'leyob i ye'tel aq'uebilo' bʌ ti Dios yic'ot i ye'tel ti sʌq'uesaya. Lajal tsi' meleyob ja'el jini xc'ayob yic'ot mu' bʌ i cʌntʌbeñob i ti' tac che' bajche' tsi' yʌq'ueyob mandar David yic'ot Salomón i yalobil David. 46Come che' cuxulob David yic'ot Asaf che' ti wajali an i yum xc'ayob. An ja'el c'ay cha'an mi' c'ʌyiñob i ñuclel Dios yic'ot wocolix i yʌlʌ. 47Ti jujump'ejl q'uin che' cuxul to Zorobabel yic'ot Nehemías, pejtel israelob tsi' yʌq'ueyob i bʌl i ñʌc' jini xc'ayob yic'ot xcʌnta ti'ob. Tsi' yʌq'ueyob levíjob ja'el chuqui yom i cha'añob. Jini levíjob tsi' cha' aq'ueyob i p'olbal Aarón chu' bʌ yom che' bajche' ts'ijbubil.
Currently Selected:
NEHEMIAS 12: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.