JOB 35
35
1-2Eliú tsi' chʌn cha'le t'an: ¿Yomto ba ma' chʌn sub a bʌ ti toj? ¿Mu' ba a lon ñop mach tojic Dios? 3Wola' wʌl: “¿Chuqui mi lac taj ti' tojlel Dios cha'an tojonla? ¿Mach ba lajalic mi' coltan xmulilob?” lon che'et. 4Mi caj c subeñet yic'ot a pi'ʌlob, 5letsan la' wut ti chan. Q'uelela. Ñejñanla jini tocal am bʌ ti chan. 6Mi an a mul, ¿mu' ba caj ti yʌjñel i pusic'al Dios cha'an jini? Mi cʌlʌxix a mul, ¿mu' ba caj i yʌsiyel i pusic'al? 7Mi tojet ¿woli ba a coltan Dios? ¿Mu' ba caj i ch'ʌm i majtan ti a c'ʌb? 8Pero mi an a mul ma' bajñel ac' a bʌ ti wocol cha'an a mul. Mi tojet ma' coltan winicob. 9Che' cabʌl mi' yubiñob wocol winicob cha'an i tic'lʌntel, c'am mi' cha'leñob oñel cha'an yomob loq'uel ti' c'ʌbob jini xtic'layajob. 10Ma'anic majqui mi' yʌl: “¿Baqui an Dios tsa' bʌ i meleyon, mu' bʌ i yʌc'on ti c'ay ti ac'ʌlel?” 11Dios mi' yʌq'ueñonla lac pusic'al yic'ot lac ña'tibal ñumen bajche' bʌte'el yic'ot te'lemut am bʌ ti pañimil. 12Mi' lon pejcañob Dios jini xjontolilob chan bʌ mi' melob i bʌ. 13Dios ma'anic mi' ñich'tʌbeñob i t'an jini mach bʌ i cha'añobic. Jini C'ax P'ʌtʌl Bʌ ma'anic mi' p'isob ti wenta. 14Jini cha'an ma'anic mi' p'iset ti wenta come ma'anic wola' p'is Dios. Anquese jal ma' pijtan, ma'anic woli' pʌs i bʌ. Ma'anic woli' melet che' bajche' tsa' wʌlʌ. 15Isujm ma'anic mi' tilel i jula'tañet Dios come mich'. Che jach mi' ñusañet come ts'a' mi' q'uel a mul. 16Jini cha'an, Job, wola' lon letsan a t'an. Anquese cabʌl a t'an ma'anic a ña'tibal, che'en.
Currently Selected:
JOB 35: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.