JOB 32
32
Eliú mi' yʌl an ti' wenta cha'an mi' jac'ben Job
1Jini cha'an ma'anix tsi' chʌn jac'beyob i t'an Job jini uxtiquil, come tsi' q'ueleyob woli' q'uel i bʌ ti toj Job. 2Pero wen mich'ix juntiquil wa'al bʌ ti' t'ejl, i c'aba' Eliú (i yalobil Baraquel ch'oyol bʌ ti Buz ti' yotot Ram). Cʌlʌx jax i mich'ajel, come Job woli' q'uel i bʌ ti toj, pero woli' yʌl mach tojic Dios. 3Eliú tsi' mich'le ja'el jini uxtiquil i pi'ʌlob, come tsi' yʌlʌyob an i mul Job, pero ma'anic tsi' wen jac'beyon bajche' yom. 4Ñʌch'ʌl tsa' cʌle Eliú che' ti ñaxan, come ch'iton to. Maxto cabʌlic i jabilel che' bajche' i pi'ʌlob. 5Pero tsa' mich'a che' bʌ tsi' q'uele mach yujilobic jac'ol jini uxtiquil.
6Eliú (i yalobil Baraquel, ch'oyol bʌ ti Buz) tsa caji' yʌl: Ch'itoñon to ti la' tojlel. Ñoxetixla. Jini cha'an tsac tiq'ui c bʌ ti t'an cha'an bʌq'uen. Ma'anic tsac subeyetla bajche' wolic ña'tan. 7Tsa cʌlʌ: La' i yʌlob jini ñoxo' bʌ, come cabʌl i jabilel, cabʌl ja'el i ña'tʌbal, cho'on. 8Pero jiñʌch i yespíritu winic mu' bʌ i yʌq'uen i ch'ʌmben isujm, yic'ot i yEspíritu Dios jini P'ʌtʌl Bʌ. 9Mach cha'anic lac jabilel mi lac taj lac ña'tʌbal. Mach jinic jach jini ñoxobix bʌ mi' ch'ʌmbeñob isujm toj bʌ meloñel. 10Jini cha'an ñich'tʌbeñon c t'an. Joñon ja'el mi caj c sub bajche' wolic ña'tan.
11La' wilan, tsa'ix c pijta la' t'an. Tsa'ix c wen ñich'ta che' bʌ tsa' la' wʌlʌ pejtel woli bʌ la' ña'tan, che' bʌ tsa' la' tsictesa la' pusic'al. 12Ma'anic tsaj cʌyʌ c ñich'tañetla. Pero ubinla. Ma'anic tsa' la' jac'be i t'an Job. Mach la' wujilic bajche' yom jac'ol, mi juntiquileticla. 13Mach yomic mi la' lon al: “Anix lac ña'tibal joñonla. Jini jach Dios mi mejlel i ju'sʌben i pusic'al”. 14Job ma'anic tsi' p'isiyon ti wenta che' bʌ tsi' pejcayetla. Mach lajalic mi caj c pejcan che' bajche' jatetla.
15Mi' toj sajtel la' pusic'al. Mach la' wujilic bajche' yom jac'ol. Ñʌch'ʌletixla. 16¿Yom ba mic chʌn pijtan la t'an? ¿Yom ba mic ñʌjch'el che' bajche'etla? 17Joñon ja'el mi caj c jac'. Mi caj c subeñetla chuqui cujil. 18But'ulix c pusic'al. Mach mejlix c tic' c bʌ ti t'an. 19Che'ʌch añon bajche' tsiji' bʌ pʌchi but'ul ti vino. Yomix tojmel cha'an ma'anic i ti'. 20Wersa mi caj c pejcañetla. 21Mach jelchojquic jach mij q'uel winicob. Ma'anic mic lotiñob ti uts bʌ t'an. 22Mach mejlic c sub ti ñuc jini mach bʌ ñuquic. Mi tsac mele bajche' jini, bʌbʌq'uen mi' jisañon Dios tsa' bʌ i meleyon.
Currently Selected:
JOB 32: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.