JOB 29
29
Job tsi' c'ajtesa i tijicñʌyel ti wajali
1-2Tsa' cha' caji ti t'an Job: Uts'atax tsi' cʌntayon Dios ti yambʌ ora. Uts'at muq'uic i cha' cʌntañon. Wen tijicñayon 3che' bʌ tsi' pʌsbeyon i c'ʌc'al ti ac'ʌlel. Tsac cha'le xʌmbal ti' c'ʌc'al. 4Wen ch'ejlon che' jini. Tsa' jal'a Dios ti cotot. Tsi' pʌsbeyon i c'uxbiya. 5Che' bʌ cuxulob to calobilob tic joytilel, che' lʌc'ʌl an jini mach bʌ anic i p'isol i p'ʌtʌlel, 6pejtel chuqui tsac cha'le tsa' loq'ui ti uts'at. Jini xajlelol ti lʌc'ʌl tsi' yʌq'ueyon aceite lajal bʌ i yonlel bajche' pa'. 7Tsajniyon ti' ti' tejclum. Tsa' buchleyon ti meloñel ya' ti' t'ejl ñoj bij. 8Jini ch'itoñob tsi' q'ueleyoñob ti ñuc. Jini ñoxobix bʌ tsa' ch'ojyiyob. Wa'alob tsi' pijtayoñob. 9I yalobilob rey tsa' ñʌjch'iyob ti t'an che' bʌ tsa' c'otiyon. Tsi' pʌsʌyob i c'ʌb ti' yej cha'an mi' laj ñʌjch'elob. 10Jini ñuco' bʌ año' bʌ i ye'tel tsi' cʌyʌyob t'an. Tsi' pijtayoñob.
11Tijicñayob jini tsa' bʌ i yubibeyon c t'an. Uts'at tsi' q'ueleyoñob. 12Come tsa cʌc'ʌ ti colel jini p'ump'un bʌ tsa' bʌ i c'ajti i coltʌntel. Tsaj colta meba' alʌlob yic'ot pejtel año' bʌ i wocol mach bʌ añobic i yaj coltaya. 13Tsaj colta jini colel bʌ i chʌmel. Tsac ñuq'uesʌbe i pusic'al meba' x'ixic. Tsa' cajiyob ti c'ay cha'an tijicñayob i pusic'al. 14Toj pejtel chuqui tsac cha'le. Tsac t'ojlʌtesa c bʌ ti toj bʌ c melbal che' bajche' winicob mu' bʌ i lʌpob i bujc yic'ot i pixol. 15Joñon i wentajon i wut xpots'. Tsaj c'ʌñʌ coc cha'an mij coltan jini mach bʌ weñobic i yoc. 16I wentajon i tat jini pobre. Tsaj colta ja'el jini mach bʌ j cʌñʌyobic che' bʌ tsi' meleyob i bʌ. 17Tsac jisʌbeyob i p'ʌtʌlel jini jontolo' bʌ cha'an mi' wersa cʌyob i tic'lan winicob. 18Tsac lon ña'ta tijicña mi caj c ñox'an ti' tojlel calobilob. Ñʌch'ʌlon mi caj c chʌmel che' cabʌlix c jabilel. 19Lajalon, lon cho'on, bajche' te' chucul bʌ i wi' ti' ti' ja', yic'ot i yopol te' am bʌ i ye'eb ti ac'ʌlel. 20Jini c pi'ʌlob ma'anic mi caj i cʌyob i pʌsbeñon i c'uxbiya. Mux i yutsi p'ojlel c wersa ti pejtelel que'tel, lon cho'on.
21C pi'ʌlob ñʌch'ʌlob tsi' yubibeyon c t'an. Tsi' pijtayoñob jinto tsac ñaxan ac'ʌ c t'an. 22Che' bʌ tsi' yubiyob, ma'anix majqui tsi' yotsa i t'an. Ma'anic tsi' contrajiyoñob. 23Che' bajche' mi lac pijtan ja'al ti' yorajlel jajmel che' tiquin lac ti', che'i tsi' pijtayoñob. 24Tsa' toj ñuc'ayob i pusic'al jini año' bʌ i wocol che' bʌ tsac jula'tayob. 25Tsac subeyob bajche' yom mi' cha'leñob. Che'ʌch añon ti' tojlelob bajche' ñuc bʌ yumʌl mu' bʌ i coltan i winicob. Tsac ñuq'uesʌbeyob i pusic'al jini ch'ijiyemo' bʌ.
Currently Selected:
JOB 29: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.
JOB 29
29
Job tsi' c'ajtesa i tijicñʌyel ti wajali
1-2Tsa' cha' caji ti t'an Job: Uts'atax tsi' cʌntayon Dios ti yambʌ ora. Uts'at muq'uic i cha' cʌntañon. Wen tijicñayon 3che' bʌ tsi' pʌsbeyon i c'ʌc'al ti ac'ʌlel. Tsac cha'le xʌmbal ti' c'ʌc'al. 4Wen ch'ejlon che' jini. Tsa' jal'a Dios ti cotot. Tsi' pʌsbeyon i c'uxbiya. 5Che' bʌ cuxulob to calobilob tic joytilel, che' lʌc'ʌl an jini mach bʌ anic i p'isol i p'ʌtʌlel, 6pejtel chuqui tsac cha'le tsa' loq'ui ti uts'at. Jini xajlelol ti lʌc'ʌl tsi' yʌq'ueyon aceite lajal bʌ i yonlel bajche' pa'. 7Tsajniyon ti' ti' tejclum. Tsa' buchleyon ti meloñel ya' ti' t'ejl ñoj bij. 8Jini ch'itoñob tsi' q'ueleyoñob ti ñuc. Jini ñoxobix bʌ tsa' ch'ojyiyob. Wa'alob tsi' pijtayoñob. 9I yalobilob rey tsa' ñʌjch'iyob ti t'an che' bʌ tsa' c'otiyon. Tsi' pʌsʌyob i c'ʌb ti' yej cha'an mi' laj ñʌjch'elob. 10Jini ñuco' bʌ año' bʌ i ye'tel tsi' cʌyʌyob t'an. Tsi' pijtayoñob.
11Tijicñayob jini tsa' bʌ i yubibeyon c t'an. Uts'at tsi' q'ueleyoñob. 12Come tsa cʌc'ʌ ti colel jini p'ump'un bʌ tsa' bʌ i c'ajti i coltʌntel. Tsaj colta meba' alʌlob yic'ot pejtel año' bʌ i wocol mach bʌ añobic i yaj coltaya. 13Tsaj colta jini colel bʌ i chʌmel. Tsac ñuq'uesʌbe i pusic'al meba' x'ixic. Tsa' cajiyob ti c'ay cha'an tijicñayob i pusic'al. 14Toj pejtel chuqui tsac cha'le. Tsac t'ojlʌtesa c bʌ ti toj bʌ c melbal che' bajche' winicob mu' bʌ i lʌpob i bujc yic'ot i pixol. 15Joñon i wentajon i wut xpots'. Tsaj c'ʌñʌ coc cha'an mij coltan jini mach bʌ weñobic i yoc. 16I wentajon i tat jini pobre. Tsaj colta ja'el jini mach bʌ j cʌñʌyobic che' bʌ tsi' meleyob i bʌ. 17Tsac jisʌbeyob i p'ʌtʌlel jini jontolo' bʌ cha'an mi' wersa cʌyob i tic'lan winicob. 18Tsac lon ña'ta tijicña mi caj c ñox'an ti' tojlel calobilob. Ñʌch'ʌlon mi caj c chʌmel che' cabʌlix c jabilel. 19Lajalon, lon cho'on, bajche' te' chucul bʌ i wi' ti' ti' ja', yic'ot i yopol te' am bʌ i ye'eb ti ac'ʌlel. 20Jini c pi'ʌlob ma'anic mi caj i cʌyob i pʌsbeñon i c'uxbiya. Mux i yutsi p'ojlel c wersa ti pejtelel que'tel, lon cho'on.
21C pi'ʌlob ñʌch'ʌlob tsi' yubibeyon c t'an. Tsi' pijtayoñob jinto tsac ñaxan ac'ʌ c t'an. 22Che' bʌ tsi' yubiyob, ma'anix majqui tsi' yotsa i t'an. Ma'anic tsi' contrajiyoñob. 23Che' bajche' mi lac pijtan ja'al ti' yorajlel jajmel che' tiquin lac ti', che'i tsi' pijtayoñob. 24Tsa' toj ñuc'ayob i pusic'al jini año' bʌ i wocol che' bʌ tsac jula'tayob. 25Tsac subeyob bajche' yom mi' cha'leñob. Che'ʌch añon ti' tojlelob bajche' ñuc bʌ yumʌl mu' bʌ i coltan i winicob. Tsac ñuq'uesʌbeyob i pusic'al jini ch'ijiyemo' bʌ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.