ISAIAS 63
63
Lac Yum mi' yʌq'uen castigo i contrajob
1¿Majqui jini ñuc bʌ loq'uem bʌ ti Bosra am bʌ ti Edom? Lʌpʌl i cha'an wen i t'ojol jax bʌ i pislel, ts'ajbil bʌ ti chʌccojan bʌ. Talix ti xʌmbal yic'ot cabʌl i p'ʌtʌlel. Dios tsi' jac'ʌ: Joñoñʌch a Yumon. Mic sub chuqui toj. P'ʌtʌlon, wen cujil coltaya, che'en. 2¿Chucoch chʌccojan a bujc, che' bajche' i bujc jini mu' bʌ i pets' t'uchtan loq'uel i ya'lel ts'usub?
3Dios tsi' jac'ʌ: C Bajñel jach tsac pets' t'uchta loq'uel i ya'lel ts'usub ti Edom, come ma'anic c pi'ʌl ti e'tel. Tic mich'ajel tsac pets' t'uchta j contrajob. Tsac teñeyob tic mich'ajel. Jini cha'an tsi' wijts'ayon i ch'ich'el. Tsa' laj pʌjq'ui c pislel. 4Tsac wʌn ña'ta jini q'uin. I q'uiñilelʌch i q'uextʌntel mulil. Wolij coltan c tejclum cha'an mi' loq'uelob ti' wenta jini mu' bʌ i tic'lañob. 5Tsaj q'uele ma'anic majch woli' coltañob mi juntiquilic. Tsac mele c pusic'al cha'an ma'anic majch tsi' jac'ʌ i coltañob. Jini cha'an tic mich'ajel tsaj coltayob tic bajñel p'ʌtʌlel. 6Tic mich'ajel tsac pech' teñe winicob mach bʌ anic tsi' cʌñʌyoñob. Tsac xiq'uiyob ti yajlel. Tsac jisayob. Yolocña tsa' majli i ch'ich'el ti lum. Che' tsi' yʌlʌ Dios.
I yutslel lac Yum ti' tojlel Israel
7Mi caj c cha' sub jini ñuc tac bʌ a we'tel c Yum, cha'an tsa' p'untayon lojon. Ñuquix c pusic'al cha'an tsa' wen pʌsbeyob israelob i yutslel a pusic'al. Uts tsa' pʌsʌ a bʌ tic tojlel lojon. Tsa' wen coltayon lojon c'ʌlʌl ti oñiyi. 8Tsa' wʌlʌ: C cha'añetla. Ma'anix mi caj la' chʌn cʌyon, che'et. Jini cha'an tsa' coltayon lojon. 9Ti pejtelel i wocol c tat lojon tsa' wubi wocol. A bajñel tsa' coltayob ti a c'uxbiya, ti' yutslel a pusic'al. Tsa' ch'uyuyob letsel ti a c'ʌb. Tsa' meq'ueyob majlel. Ma'anic tsa' wis cʌyʌyob.
10Pero tsi' ñusayob a t'an. Tsi' yʌq'ueyob i ch'ijiyemlel i pusic'al jini Ch'ujul bʌ a wEspíritu. Jini cha'an tsa' sujtiyet ti' contra. Tsa' p'ojlesʌbeyob i wocol. 11Ti' caj i wocol tsa' caji i cha' ña'tañob Moisés i winic Dios tsa' bʌ i pʌyʌ loq'uel c tat lojon ti Egipto. C'am tsa' caji i yʌlob: ¿Baqui an lac Yum tsa' bʌ i pʌyʌ ñumel ti colem ñajb jini israelob ti' c'ʌb Moisés che' bajche' xcʌnta tiñʌme'? ¿Baqui an Dios tsa' bʌ i choco tilel Ch'ujul bʌ i yEspíritu cha'an mi' yajñel yic'ot c tat lojon? 12¿Baqui an jini tsa' bʌ i t'oxo jini colem ñajb ti ñuc bʌ i p'ʌtʌlel che' bʌ tsi' sʌts'ʌ i c'ʌb Moisés? Che' jini tsi' yʌc'ʌ i bʌ ti cʌjñel cha'an mi' ña'tʌntel ti pejtelel ora. 13¿Majqui tsi' c'axtesayob ya' ba' tam jini ja'? Toj tsa' majliyob che' bajche' caballo ti tiquiñal pañimil. Ma'anic tsi' jats'ʌyob i yoc. 14Jini Ch'ujul bʌ a wEspíritu tsi' yʌq'ueyob i c'aj i yo che' bajche' wacax ti jamil. Che'ʌch tsa' toj'esa majlel a winicob. Ñuc tsa' pʌsʌ a bʌ ti' tojlelob, che'ob.
Tsi' c'ajtibeyob Dios i coltʌntel
15C Yum, añet bʌ ti chan, añet bʌ ti ch'ujul bʌ a chumlib i t'ojol jax bʌ, q'ueleyon lojon. ¿Baqui an a c'uxbiya? Cha' pʌsbeñon lojon a p'ʌtʌlel yic'ot ñuc bʌ a melbal. Mach a tʌts' a bʌ tic tojlel lojon. 16Mach chʌn mejlix i coltañon lojon jini Abraham yic'ot Jacob, pero mi mejlel jatet, come c Tatet lojon, Caj Coltayajet lojon. Jiñʌch a c'aba' ti pejtelel ora. 17C Yum, ¿chucoch ma' wʌc'on lojon ti sajtel ba' mach c tajayic a bijlel? ¿Chucoch ma' tsʌts'esan c pusic'al lojon? Jini cha'an ma'anix a bʌc'ñʌntel ti' tojlel winicob. Sujten tic tojlel lojon, come a cha'añon lojon che' bajche' jaymojton lojon. C'ux ma' wubin a winicob. 18Jini Jerusalén poj jumuc' jach an tic wenta lojon. Tsa' juli laj contrajob. Tsi' chilbeyon lojon. Tsi' t'uchtayob. 19C Yum, ¿chucoch ma' q'uelon lojon che' bajche' sajtem bʌ mach bʌ i cʌñʌyetic, mach bʌ anic mi' yumañet, jini parte bʌ i c'aba' mach bʌ a walobilic?
Currently Selected:
ISAIAS 63: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.
ISAIAS 63
63
Lac Yum mi' yʌq'uen castigo i contrajob
1¿Majqui jini ñuc bʌ loq'uem bʌ ti Bosra am bʌ ti Edom? Lʌpʌl i cha'an wen i t'ojol jax bʌ i pislel, ts'ajbil bʌ ti chʌccojan bʌ. Talix ti xʌmbal yic'ot cabʌl i p'ʌtʌlel. Dios tsi' jac'ʌ: Joñoñʌch a Yumon. Mic sub chuqui toj. P'ʌtʌlon, wen cujil coltaya, che'en. 2¿Chucoch chʌccojan a bujc, che' bajche' i bujc jini mu' bʌ i pets' t'uchtan loq'uel i ya'lel ts'usub?
3Dios tsi' jac'ʌ: C Bajñel jach tsac pets' t'uchta loq'uel i ya'lel ts'usub ti Edom, come ma'anic c pi'ʌl ti e'tel. Tic mich'ajel tsac pets' t'uchta j contrajob. Tsac teñeyob tic mich'ajel. Jini cha'an tsi' wijts'ayon i ch'ich'el. Tsa' laj pʌjq'ui c pislel. 4Tsac wʌn ña'ta jini q'uin. I q'uiñilelʌch i q'uextʌntel mulil. Wolij coltan c tejclum cha'an mi' loq'uelob ti' wenta jini mu' bʌ i tic'lañob. 5Tsaj q'uele ma'anic majch woli' coltañob mi juntiquilic. Tsac mele c pusic'al cha'an ma'anic majch tsi' jac'ʌ i coltañob. Jini cha'an tic mich'ajel tsaj coltayob tic bajñel p'ʌtʌlel. 6Tic mich'ajel tsac pech' teñe winicob mach bʌ anic tsi' cʌñʌyoñob. Tsac xiq'uiyob ti yajlel. Tsac jisayob. Yolocña tsa' majli i ch'ich'el ti lum. Che' tsi' yʌlʌ Dios.
I yutslel lac Yum ti' tojlel Israel
7Mi caj c cha' sub jini ñuc tac bʌ a we'tel c Yum, cha'an tsa' p'untayon lojon. Ñuquix c pusic'al cha'an tsa' wen pʌsbeyob israelob i yutslel a pusic'al. Uts tsa' pʌsʌ a bʌ tic tojlel lojon. Tsa' wen coltayon lojon c'ʌlʌl ti oñiyi. 8Tsa' wʌlʌ: C cha'añetla. Ma'anix mi caj la' chʌn cʌyon, che'et. Jini cha'an tsa' coltayon lojon. 9Ti pejtelel i wocol c tat lojon tsa' wubi wocol. A bajñel tsa' coltayob ti a c'uxbiya, ti' yutslel a pusic'al. Tsa' ch'uyuyob letsel ti a c'ʌb. Tsa' meq'ueyob majlel. Ma'anic tsa' wis cʌyʌyob.
10Pero tsi' ñusayob a t'an. Tsi' yʌq'ueyob i ch'ijiyemlel i pusic'al jini Ch'ujul bʌ a wEspíritu. Jini cha'an tsa' sujtiyet ti' contra. Tsa' p'ojlesʌbeyob i wocol. 11Ti' caj i wocol tsa' caji i cha' ña'tañob Moisés i winic Dios tsa' bʌ i pʌyʌ loq'uel c tat lojon ti Egipto. C'am tsa' caji i yʌlob: ¿Baqui an lac Yum tsa' bʌ i pʌyʌ ñumel ti colem ñajb jini israelob ti' c'ʌb Moisés che' bajche' xcʌnta tiñʌme'? ¿Baqui an Dios tsa' bʌ i choco tilel Ch'ujul bʌ i yEspíritu cha'an mi' yajñel yic'ot c tat lojon? 12¿Baqui an jini tsa' bʌ i t'oxo jini colem ñajb ti ñuc bʌ i p'ʌtʌlel che' bʌ tsi' sʌts'ʌ i c'ʌb Moisés? Che' jini tsi' yʌc'ʌ i bʌ ti cʌjñel cha'an mi' ña'tʌntel ti pejtelel ora. 13¿Majqui tsi' c'axtesayob ya' ba' tam jini ja'? Toj tsa' majliyob che' bajche' caballo ti tiquiñal pañimil. Ma'anic tsi' jats'ʌyob i yoc. 14Jini Ch'ujul bʌ a wEspíritu tsi' yʌq'ueyob i c'aj i yo che' bajche' wacax ti jamil. Che'ʌch tsa' toj'esa majlel a winicob. Ñuc tsa' pʌsʌ a bʌ ti' tojlelob, che'ob.
Tsi' c'ajtibeyob Dios i coltʌntel
15C Yum, añet bʌ ti chan, añet bʌ ti ch'ujul bʌ a chumlib i t'ojol jax bʌ, q'ueleyon lojon. ¿Baqui an a c'uxbiya? Cha' pʌsbeñon lojon a p'ʌtʌlel yic'ot ñuc bʌ a melbal. Mach a tʌts' a bʌ tic tojlel lojon. 16Mach chʌn mejlix i coltañon lojon jini Abraham yic'ot Jacob, pero mi mejlel jatet, come c Tatet lojon, Caj Coltayajet lojon. Jiñʌch a c'aba' ti pejtelel ora. 17C Yum, ¿chucoch ma' wʌc'on lojon ti sajtel ba' mach c tajayic a bijlel? ¿Chucoch ma' tsʌts'esan c pusic'al lojon? Jini cha'an ma'anix a bʌc'ñʌntel ti' tojlel winicob. Sujten tic tojlel lojon, come a cha'añon lojon che' bajche' jaymojton lojon. C'ux ma' wubin a winicob. 18Jini Jerusalén poj jumuc' jach an tic wenta lojon. Tsa' juli laj contrajob. Tsi' chilbeyon lojon. Tsi' t'uchtayob. 19C Yum, ¿chucoch ma' q'uelon lojon che' bajche' sajtem bʌ mach bʌ i cʌñʌyetic, mach bʌ anic mi' yumañet, jini parte bʌ i c'aba' mach bʌ a walobilic?
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.