ISAIAS 50
50
Jini israelob tsi' cʌyʌyob lac Yum
1Lac Yum woli' yʌl: ¿Chucoch tsa' majli Israel la' ña'? ¿Cha'an ba tsaj cʌyʌ? ¿Cha'an ba tsa cʌq'ue i juñilel divorcio? ¿Am ba c bet cha'an mic chon c tejclumob? Ma'anic. Tsa' la' choño la' bʌ ba'an yambʌ la' yum cha'an ti' caj la' mul. Tsa' pʌjyi majlel Israel la' ña' cha'an ti' caj tsa' la' ñusʌbeyon c mandar. 2Che' bʌ tsa' tiliyon, ¿chucoch ma'anic majch tsac taja? Che' bʌ tsac pʌyʌyetla, ¿chucoch ma'anic majch tsi' jac'ʌ? ¿Tutsul ba j c'ʌb cha'an mach c tajayeticla? ¿Mach ba anic c p'ʌtʌlel cha'an mij coltañetla, cha'an mi cʌq'uetla ti libre? Jasʌl mi cʌc' c t'an cha'an mi' laj tiquin jini colem ñajb. Ya' ti colem ja' tiquin lumix mi' majlel. Muq'uix i tuw'an chʌy cha'an ma'anix ja'. Woli' chʌmelob ti tiquin ti'. 3Joñon mic mos panchan yic'ot i'ic' bʌ tocal che' bajche' mi' mos i bʌ meba' x'ixic woli bʌ ti uq'uel, che'en Dios.
I xuc'tilel i winic Dios che' an ti wocol
4Lac Yum Dios tsi' yʌq'ueyon c ña'tʌbal cha'an mic ñuq'uesʌbeñob i pusic'al jini lujbo' bʌ. Mi' ñijcañon ch'ojyel ti jujump'ejl sʌc'ajel. Mi' jambeñon c chiquin cha'an mic wen ubin. 5Lac Yum Dios tsi' pejcayon. Tsac ñich'tʌbe i t'an. Ma'anic mic sutq'uiben c pat. Mi cʌq'uen c wut. 6Tsa cʌc'ʌ c pat ti jajts'el ti pʌchi. Tsa cʌc'ʌ c choj cha'an mi' bocbeñoñob c tsucti'. Ma'anic tsac mʌyʌ c wut che' bʌ tsi' ts'a'leyoñob. Tsi' p'ajayoñob che' bʌ tsi' tujbayoñob.
7Lac Yum Dios jiñʌch Caj Coltaya. Jini cha'an ma'anic mic p'is tic wenta che' mi' p'ajoñob. Xuc'ul mi cajñel che' bajche' tsʌts bʌ xajlel. Cujil mi caj c mʌl ti' tojlel j contrajob. 8Lʌc'ʌl an jini mu' bʌ i tsictesan toj bʌ c pusic'al. ¿Majqui yom i contrajiñon? La' i ñochtañon cha'an mic taj lojon c bʌ. 9Lac Yum Dios mi' coltañon. ¿Majqui mi' pʌc'on ti mulil? Mach isujmic i t'an j contrajob. Mi caj i jilelob che' bajche' pisil. Jini ts'islum mi caj i c'uxob. 10¿Majqui mi' bʌc'ñan lac Yum? ¿Majqui mi' jac'ben i t'an jini X'e'tel i cha'an? Jini winic, anquese mi' ñumel ba' ic'yoch'an, ba' mach wisilic i sʌclel, cʌyʌl i pusic'al yic'ot i Dios. 11Pero p'ump'uñetla mu' bʌ la' xic' la' bajñel c'ajc che' mi la' ñijcan letsel i nich cha'an mi la' cha'len q'uix. Cha'lenixla xʌmbal ba' tsiquilix la' c'ajc tsa bʌ la' xiq'ui, come mach la' womic la' ñopon. Mi caj la' cʌytʌl ti la' wocol.
Currently Selected:
ISAIAS 50: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.