ISAIAS 34
34
Dios tsi yʌq'ue wocol jini colem tejclum tac
1Lʌc'tesan la' bʌ winicob ti pejtelel pañimil cha'an mi la' wubin c t'an. La' i ñich'tañob jini chumulo' bʌ ti pejtelel pañimil, yic'ot pejtelel i p'olbal ti jujump'ejl lum. 2Come lac Yum wolix i mich'len pejtelel mach bʌ anic mi' cʌñob Dios yic'ot jini xguerrajob ti mojt ti mojt. Mi caj i laj jisañob. Mi caj i yʌc'ob ti tsʌnsʌntel. 3Jini tsʌnsʌbilo' bʌ mi caj i chojquelob loq'uel. Mi caj i letsel i tuwel c'ʌlʌl ti chan bʌ wits. Mi' caj ti' ts'ʌjmel jubel i ch'ich'el ya' ti wits. 4Jini yujil tac bʌ ulmʌl ti panchan mi caj i sʌc jilel. Jini panchan mi caj i bʌjlel che' bajche' jun. Jini ec' tac mi caj i yajlel che' bajche' tiquinix bʌ i yopol te' mu' bʌ i p'ajtel ti lum yic'ot c'un bʌ i wut higuera.
5Che' bʌ tsa'ix c chajpa quespada ti panchan, mi caj c choc tilel guerra ti' contra Edom. 6Come ya' mi' caj i tojob i mul. Bombilix i yespada lac Yum ti' ch'ich'el yic'ot ti' lewil tiñʌme' yic'ot chivo tac. Ya' ti Edom mi caj i tsʌnsʌbentel cabʌl i majtan lac Yum. 7Junlajal mi caj i jilelob i yʌlac' yic'ot i yumob, jini p'ʌtʌlo' bʌ yic'ot ch'itoñob to bʌ yic'ot xñoxob. Mi caj i laj ts'ʌjmel ti ch'ich'. Jini ts'ubejn mi caj i xʌc' i bʌ ti lew. 8Jiñʌch i q'uiñilel lac Yum che' mi' q'uextan jontolil. I yorajlelix mi' tojob i mul ti Edom cha'an tsi' contrajiyob Sion. 9Mi' caj ti jisʌntel Edom che' bajche' mi' pulel i yetsel taj. Mi' caj ti sujtel ti azufre jini ts'ubejn.
10Mach yajpic ti q'uiñil mi ti ac'ʌlel. Ti pejtelel ora jomocña mi caj i letsel i buts'il. Ma'anix majqui mi caj i chʌn ñumel ya'i. 11Jini jach jojmay yic'ot ch'ix'uch mi caj i yajñel ya'i. Jini xjoch' mut yic'ot x'ac'xi' mi caj i melob i c'u'. Lac Yum mi caj i yʌc' ti asiyel jini lum. Mi caj i junyajlel jisʌben i c'ʌjñibal. 12Ma'anix ñuc bʌ winicob ya'i. Ma'anix majqui mi' chʌn wa'chocontel ti rey. Mux i sʌc jilelob jini yumʌlob.
13Mux i colel ch'ixol ba' jejmenix i yotot yumʌlob. Mux i colel ts'ʌbab yic'ot stsajatun ba' jejmenix ts'ajc. Ya' mi' caj ti p'ojlel mate'el ts'i' yic'ot ja'al pech. 14Temel mi caj i cha'leñob xʌmbal jini wax yic'ot mate'el ts'i'. Jini chivo tac mi caj i pʌyob i bʌ. Ya' mi caj i yajñel xibajob mu' bʌ i cha'leñob bʌc'tesaya ti ac'ʌlel. Jiñʌch i yajñib ba' mi' c'ajob i yo.
15Ya' mi caj i mel i c'u' jini xjoch' mut. Mi caj i cha'len tun, mi caj i tojp'ejl i yal. P'ulucña mi caj i cʌntan. Ya' mi caj i tempañob i bʌ xiye'. Ti jujuncojt an i pi'ʌl. 16Q'uelela i jun lac Yum. Mi' caj i ts'ʌctiyel i t'an. Ya' mi caj i yajñel pejtel ili bʌte'el yic'ot i ña'al. Come che'ʌch tsi' ña'ta lac Yum. Mi caj i wets' tilel pejtelel ili bʌte'el ti' yiq'uilel i yej. 17Tsa'ix i yʌq'ueyob i yajñib ti chajp ti chajp. Yic'ot i c'ʌb tsi' pʌsbeyob i lumal. Ya' mi caj i yajñelob yic'ot i yal ti pejtelel ora.
Currently Selected:
ISAIAS 34: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.
ISAIAS 34
34
Dios tsi yʌq'ue wocol jini colem tejclum tac
1Lʌc'tesan la' bʌ winicob ti pejtelel pañimil cha'an mi la' wubin c t'an. La' i ñich'tañob jini chumulo' bʌ ti pejtelel pañimil, yic'ot pejtelel i p'olbal ti jujump'ejl lum. 2Come lac Yum wolix i mich'len pejtelel mach bʌ anic mi' cʌñob Dios yic'ot jini xguerrajob ti mojt ti mojt. Mi caj i laj jisañob. Mi caj i yʌc'ob ti tsʌnsʌntel. 3Jini tsʌnsʌbilo' bʌ mi caj i chojquelob loq'uel. Mi caj i letsel i tuwel c'ʌlʌl ti chan bʌ wits. Mi' caj ti' ts'ʌjmel jubel i ch'ich'el ya' ti wits. 4Jini yujil tac bʌ ulmʌl ti panchan mi caj i sʌc jilel. Jini panchan mi caj i bʌjlel che' bajche' jun. Jini ec' tac mi caj i yajlel che' bajche' tiquinix bʌ i yopol te' mu' bʌ i p'ajtel ti lum yic'ot c'un bʌ i wut higuera.
5Che' bʌ tsa'ix c chajpa quespada ti panchan, mi caj c choc tilel guerra ti' contra Edom. 6Come ya' mi' caj i tojob i mul. Bombilix i yespada lac Yum ti' ch'ich'el yic'ot ti' lewil tiñʌme' yic'ot chivo tac. Ya' ti Edom mi caj i tsʌnsʌbentel cabʌl i majtan lac Yum. 7Junlajal mi caj i jilelob i yʌlac' yic'ot i yumob, jini p'ʌtʌlo' bʌ yic'ot ch'itoñob to bʌ yic'ot xñoxob. Mi caj i laj ts'ʌjmel ti ch'ich'. Jini ts'ubejn mi caj i xʌc' i bʌ ti lew. 8Jiñʌch i q'uiñilel lac Yum che' mi' q'uextan jontolil. I yorajlelix mi' tojob i mul ti Edom cha'an tsi' contrajiyob Sion. 9Mi' caj ti jisʌntel Edom che' bajche' mi' pulel i yetsel taj. Mi' caj ti sujtel ti azufre jini ts'ubejn.
10Mach yajpic ti q'uiñil mi ti ac'ʌlel. Ti pejtelel ora jomocña mi caj i letsel i buts'il. Ma'anix majqui mi caj i chʌn ñumel ya'i. 11Jini jach jojmay yic'ot ch'ix'uch mi caj i yajñel ya'i. Jini xjoch' mut yic'ot x'ac'xi' mi caj i melob i c'u'. Lac Yum mi caj i yʌc' ti asiyel jini lum. Mi caj i junyajlel jisʌben i c'ʌjñibal. 12Ma'anix ñuc bʌ winicob ya'i. Ma'anix majqui mi' chʌn wa'chocontel ti rey. Mux i sʌc jilelob jini yumʌlob.
13Mux i colel ch'ixol ba' jejmenix i yotot yumʌlob. Mux i colel ts'ʌbab yic'ot stsajatun ba' jejmenix ts'ajc. Ya' mi' caj ti p'ojlel mate'el ts'i' yic'ot ja'al pech. 14Temel mi caj i cha'leñob xʌmbal jini wax yic'ot mate'el ts'i'. Jini chivo tac mi caj i pʌyob i bʌ. Ya' mi caj i yajñel xibajob mu' bʌ i cha'leñob bʌc'tesaya ti ac'ʌlel. Jiñʌch i yajñib ba' mi' c'ajob i yo.
15Ya' mi caj i mel i c'u' jini xjoch' mut. Mi caj i cha'len tun, mi caj i tojp'ejl i yal. P'ulucña mi caj i cʌntan. Ya' mi caj i tempañob i bʌ xiye'. Ti jujuncojt an i pi'ʌl. 16Q'uelela i jun lac Yum. Mi' caj i ts'ʌctiyel i t'an. Ya' mi caj i yajñel pejtel ili bʌte'el yic'ot i ña'al. Come che'ʌch tsi' ña'ta lac Yum. Mi caj i wets' tilel pejtelel ili bʌte'el ti' yiq'uilel i yej. 17Tsa'ix i yʌq'ueyob i yajñib ti chajp ti chajp. Yic'ot i c'ʌb tsi' pʌsbeyob i lumal. Ya' mi caj i yajñelob yic'ot i yal ti pejtelel ora.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.