GENESIS 40
40
José tsi' tsictesa i ñajal xnujp'elob
1Che' ñumenix cha'p'ejl uxp'ejl jab, tsi' tajayob i mul cha'tiquil i winicob jini rey ti Egipto. Jiñobʌch xñusa waj yic'ot xmel caxlan waj año' bʌ i ye'tel ti' tojlel jini rey ti Egipto. 2Faraón tsi' mich'le jini cha'tiquil winicob, jini ñuc bʌ i yaj ñusa waj yic'ot jini ñuc bʌ i yaj mel caxlan waj. 3Tsi' yotsayob ti mʌjquibʌl ya' ti' yotot i capitán xcʌntayajob, ya' ti mʌjquibʌl ba' ñup'ul José. 4I capitán xcʌntayajob tsi' yotsayob ti' wenta José. José tsi' cʌntayob. Tsa' ajniyob ya' ti mʌjquibʌl.
5Jump'ejl ac'ʌlel jini ñup'ulo' bʌ ti mʌjquibʌl tsi' cha'leyob ñajal ti cha'ticlelob, jini xñusa waj yic'ot xmel caxlan waj i cha'añob jini rey ti Egipto. Mach lajalic i ñajal. Mach lajalic i sujmlel. 6José tsa' c'oti ya' ba' añob che' ti sʌc'ajel. Awilan, ch'ijiyemob. 7José tsi' c'ajtibeyob: ¿Chucoch ch'ijiyemetla? che'en. 8Tsi' jac'ʌyob: Tsac cha'le lojon ñajal. Ma'anic majqui mi mejlel i subeñon lojon i sujmlel, che'ob. José tsi' subeyob: Dios mi mejlel i pʌsbeñonla i sujmlel. Poj subeñon chuqui tsa' la' ñajle, che'en.
9Jini cha'an jini ñuc bʌ xñusa waj tsi' sube José chuqui tsi' ñajle. Tsi' yʌlʌ: Awilan, an ac' ti' tojel c wut. 10An uxp'ejl i xʌc' ac'. Che' bʌ tsa' caji ti loq'uel i buts, ora jach tsa' loq'ui i nich. Tsa' caji ti c'ʌñ'an i wut ts'usub. 11I tsima Faraón an tij c'ʌb. Tsac ch'ʌmʌ ts'usub. Tsac yʌts'be ochel i ya'lel ti tsima. Tsa cʌc'ʌ jini tsima ti' c'ʌb Faraón.
12José tsi' sube: Jiñʌch i sujmlel: Jini uxp'ejl i xʌc' ac' jiñʌch uxp'ejl q'uin. 13Che' maxto ñumenic uxp'ejl q'uin, Faraón mi caj i pʌyet majlel. Mi caj i cha' wa'chocoñet ti a we'tel. Mi caj a wʌq'uen i jap Faraón che' bajche' ti wajali. 14Pero yom ma' chʌn ña'tañon che' uts'at añet. Yom ma' coltañon ti' yutslel a pusic'al. Tsictesañon ti' tojlel Faraón che' ya' añet ti' tojlel. Loc'sañon ti ili mʌjquibʌl. 15Come ti mucul jach tsa' pʌjyiyon loq'uel ti' lumal hebreojob. Ma'anic c mul che' bʌ tsi' yotsayoñob ti mʌjquibʌl, che'en.
16Jini ñuc bʌ xmel waj che' bʌ tsi' q'uele uts'at i sujmlel ñajal, tsi' sube José: Joñon ja'el tsac cha'le ñajal. An uxp'ejl chiquib tic jol but'ul ti caxlan waj. 17Ti chan bʌ chiquib an cabʌl caxlan waj ti chajp ti chajp cha'an mi cʌq'uen Faraón. Pero tsi' c'uxuyob te'lemut ya' ti chan bʌ chiquib am bʌ tic jol.
18José tsi' jac'ʌ: Jiñʌch i sujmlel: Jini uxp'ejl chiquib jiñʌch uxp'ejl q'uin. 19Che' maxto ñumenic uxp'ejl q'uin Faraón mi caj i tsep loq'uel a bic'. Mi caj i joc'chocoñet ti te'. Jini te'lemut mi caj i c'ux a bʌc'tal, che'en José.
20Ti yuxp'ejlel q'uin Faraón tsi' mele q'uin ti' tojlel i winicob come i q'uiñilelʌch i jabilel. Tsi' pʌyʌ tilel jini ñuc bʌ i yaj ñusa waj yic'ot jini ñuc bʌ i yaj mel caxlan waj. 21Tsi' cha' wa'choco jini ñuc bʌ i yaj ñusa waj ti' ye'tel. Tsa' caji' cha' ac' jini tsima ti' c'ʌb Faraón. 22Pero tsi' jich'choco jini xmel caxlan waj che' bajche' tsi' sube José. Jiñʌch i sujmlel i ñajal. 23Pero jini ñuc bʌ i yaj ñusa waj ma'anic tsi' chʌn ña'ta José. Tsa' ñajʌyi ti' pusic'al.
Currently Selected:
GENESIS 40: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.
GENESIS 40
40
José tsi' tsictesa i ñajal xnujp'elob
1Che' ñumenix cha'p'ejl uxp'ejl jab, tsi' tajayob i mul cha'tiquil i winicob jini rey ti Egipto. Jiñobʌch xñusa waj yic'ot xmel caxlan waj año' bʌ i ye'tel ti' tojlel jini rey ti Egipto. 2Faraón tsi' mich'le jini cha'tiquil winicob, jini ñuc bʌ i yaj ñusa waj yic'ot jini ñuc bʌ i yaj mel caxlan waj. 3Tsi' yotsayob ti mʌjquibʌl ya' ti' yotot i capitán xcʌntayajob, ya' ti mʌjquibʌl ba' ñup'ul José. 4I capitán xcʌntayajob tsi' yotsayob ti' wenta José. José tsi' cʌntayob. Tsa' ajniyob ya' ti mʌjquibʌl.
5Jump'ejl ac'ʌlel jini ñup'ulo' bʌ ti mʌjquibʌl tsi' cha'leyob ñajal ti cha'ticlelob, jini xñusa waj yic'ot xmel caxlan waj i cha'añob jini rey ti Egipto. Mach lajalic i ñajal. Mach lajalic i sujmlel. 6José tsa' c'oti ya' ba' añob che' ti sʌc'ajel. Awilan, ch'ijiyemob. 7José tsi' c'ajtibeyob: ¿Chucoch ch'ijiyemetla? che'en. 8Tsi' jac'ʌyob: Tsac cha'le lojon ñajal. Ma'anic majqui mi mejlel i subeñon lojon i sujmlel, che'ob. José tsi' subeyob: Dios mi mejlel i pʌsbeñonla i sujmlel. Poj subeñon chuqui tsa' la' ñajle, che'en.
9Jini cha'an jini ñuc bʌ xñusa waj tsi' sube José chuqui tsi' ñajle. Tsi' yʌlʌ: Awilan, an ac' ti' tojel c wut. 10An uxp'ejl i xʌc' ac'. Che' bʌ tsa' caji ti loq'uel i buts, ora jach tsa' loq'ui i nich. Tsa' caji ti c'ʌñ'an i wut ts'usub. 11I tsima Faraón an tij c'ʌb. Tsac ch'ʌmʌ ts'usub. Tsac yʌts'be ochel i ya'lel ti tsima. Tsa cʌc'ʌ jini tsima ti' c'ʌb Faraón.
12José tsi' sube: Jiñʌch i sujmlel: Jini uxp'ejl i xʌc' ac' jiñʌch uxp'ejl q'uin. 13Che' maxto ñumenic uxp'ejl q'uin, Faraón mi caj i pʌyet majlel. Mi caj i cha' wa'chocoñet ti a we'tel. Mi caj a wʌq'uen i jap Faraón che' bajche' ti wajali. 14Pero yom ma' chʌn ña'tañon che' uts'at añet. Yom ma' coltañon ti' yutslel a pusic'al. Tsictesañon ti' tojlel Faraón che' ya' añet ti' tojlel. Loc'sañon ti ili mʌjquibʌl. 15Come ti mucul jach tsa' pʌjyiyon loq'uel ti' lumal hebreojob. Ma'anic c mul che' bʌ tsi' yotsayoñob ti mʌjquibʌl, che'en.
16Jini ñuc bʌ xmel waj che' bʌ tsi' q'uele uts'at i sujmlel ñajal, tsi' sube José: Joñon ja'el tsac cha'le ñajal. An uxp'ejl chiquib tic jol but'ul ti caxlan waj. 17Ti chan bʌ chiquib an cabʌl caxlan waj ti chajp ti chajp cha'an mi cʌq'uen Faraón. Pero tsi' c'uxuyob te'lemut ya' ti chan bʌ chiquib am bʌ tic jol.
18José tsi' jac'ʌ: Jiñʌch i sujmlel: Jini uxp'ejl chiquib jiñʌch uxp'ejl q'uin. 19Che' maxto ñumenic uxp'ejl q'uin Faraón mi caj i tsep loq'uel a bic'. Mi caj i joc'chocoñet ti te'. Jini te'lemut mi caj i c'ux a bʌc'tal, che'en José.
20Ti yuxp'ejlel q'uin Faraón tsi' mele q'uin ti' tojlel i winicob come i q'uiñilelʌch i jabilel. Tsi' pʌyʌ tilel jini ñuc bʌ i yaj ñusa waj yic'ot jini ñuc bʌ i yaj mel caxlan waj. 21Tsi' cha' wa'choco jini ñuc bʌ i yaj ñusa waj ti' ye'tel. Tsa' caji' cha' ac' jini tsima ti' c'ʌb Faraón. 22Pero tsi' jich'choco jini xmel caxlan waj che' bajche' tsi' sube José. Jiñʌch i sujmlel i ñajal. 23Pero jini ñuc bʌ i yaj ñusa waj ma'anic tsi' chʌn ña'ta José. Tsa' ñajʌyi ti' pusic'al.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.