EZEQUIEL 15
15
Jerusalén, ts'usub mach bʌ anic i c'ʌjñibal
1Tsa' tili i t'an lac Yum ba' añon: 2I yalobil winic, ¿chuqui i ye'tel jini ac' am bʌ ti te'el? ¿Mu' ba' mejlel i c'ʌjñel bajche' te'? 3¿Mu' ba i c'ʌjñel ac' cha'an i melol i bʌl otot, mi jini jach i joc'lib p'ejt? 4Cojach an i c'ʌjñibal cha'an sí', pero ma'anic mi' wen pulel. 5Che' jini ma'anic i c'ʌjñibal, mi ti c'ajc mi ti te'el ba' mi' colel, che'en. 6Jini cha'an lac Yum Dios woli' yʌl: Che' bajche' tsa cʌc'ʌ ti c'ajc jini ac' am bʌ ti' yojlil te'el, che' ja'el mi caj cʌc' ti jilel jini chumulo' bʌ ti Jerusalén. 7Mi caj j contrajiñob ti pejtelelob. Jini mu' bʌ i puts'tan c'ajc mi caj i jilel ti c'ajc. Mi caj la' ña'tan la' Yumon che' mij contrajiñob. 8Ts'ibuyemix mi caj i cʌytʌl jini lum, ti' caj i mul cha'an tsi' ch'ujutesayob dioste' tac, che'en lac Yum Dios.
Currently Selected:
EZEQUIEL 15: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.