EXODO 1
1
I wocol israelob ya' ti Egipto
1Jiñobʌch i c'aba' jini israelob tsa' bʌ c'otiyob ti Egipto yic'ot Jacob. Ti jujuntiquil tsa' c'otiyob yic'ot i pi'ʌlob: 2Rubén, Simeón, Leví, Judá, 3Isacar, Zabulón, Benjamín, 4Dan, Neftalí, Gad, Aser. 5An lujuntiquil i chʌnc'al i p'olbal Jacob ti pejtelel. Ya'an José ti Egipto. 6Tsa' chʌmiyob José yic'ot i yerañob yic'ot pejtel i pi'ʌlob. 7Tsa' wen p'ojliyob jini israelob. Wen cabʌlob. Wen p'ʌtʌlob. Ma'anix jochol bʌ lum ba'añob.
8Ti jim bʌ ora juntiquil rey tsa' ochi ti' ye'tel ti Egipto. Ma'anic tsi' cʌñʌ José. Tsa' caji' pejcan winicob x'ixicob: 9Awilan, ñumen ñuc jini israelob bajche' joñonla. Ñumen p'ʌtʌlob. 10La' lac p'ʌtesan lac bʌ ti' contra cha'an ma'anix mi' chʌn p'ojlelob. Mi tsa' tejchi guerra mi caj i coltañob laj contrajob. Che' jini mi caj i contrajiñonla. Mi caj i loq'uelob ti lac lum, che'en. 11Jini cha'an tsi' wa'choco mayordomojob cha'an mi' tic'lañob ti al bʌ i cuch. Jini israelob tsi' melbeyob Faraón jini tejclum tac i c'aba' Pitón yic'ot Ramesés ba' mi' much'quiñob trigo. 12Anquese tsa' wen tic'lʌntiyob jini israelob ñumen tsa' p'ojliyob. Tsa' wen oñ'ayob ti jini lum. Jini cha'an jini egiptojob tsi' bʌc'ñayob jini israelob. 13Tsi' tic'layob ti majtan e'tel, wen wocol bʌ. 14Tsi' yʌq'ueyob i ch'ijiyemlel i pusic'al cha'an tsʌts bʌ e'tel ti ladrillo yic'ot mezcla, yic'ot pejtel yambʌ e'tel ti cholel. Tsi' wersa ac'ʌyob ti wocol bʌ e'tel.
15Jini rey am bʌ ti Egipto tsi' subeyob i co'ob hebreojob (i c'aba' juntiquil jiñʌch Sifra, i c'aba' yambʌ jiñʌch Fúa): 16Che' mi' q'uelob pañimil i yalobilob hebreojob, mi ch'iton, yom mi la' tsʌnsan. Mi xch'oc, la' colic, che'en. 17Pero jini co'ʌlob tsi' bʌc'ñayob Dios. Ma'anic tsi' meleyob che' bajche' tsi' yʌq'ueyob mandar i rey Egipto. Ma'anic tsi' tsʌnsayob jini ch'itoño' bʌ. 18Jini rey tsi' pʌyʌ tilel co'ʌlob. Tsi' c'ajtibeyob: ¿Chucoch tsa' la' mele che' bajche' jini? ¿Chucoch ma'anic tsa' la' tsʌnsa jini ch'itoñob? che'en. 19Jini co'ʌlob tsi' subeyob Faraón: Mach lajalobic c pi'ʌlob lojon bajche' x'ixicob ti Egipto, come ch'ejlob. Che' maxto julemonic lojon mi' yilañob pañimil i yalobilob, che'ob. 20Jini cha'an Dios uts'at tsi' q'uele jini co'ʌlob. Jini winicob tsa' wen p'ojliyob. Tsa' wen p'ʌtayob. 21Dios tsi' yʌq'ueyob i yalobilob jini co'ʌlob, come tsi' bʌc'ñayob Dios. 22Che' jini Faraón tsi' yʌq'ue mandar pejtelel winicob x'ixicob ti' lumal: Che' mi' yilan pañimil ch'iton ti' tojlel hebreojob, chocola ti colem ja', pero la' cuxtiyic jini xch'oc tacob, che'en.
Currently Selected:
EXODO 1: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.