1 SAMUEL 20
20
David yic'ot Jonatán tsi' wen c'uxbiyob i bʌ
1Ti ajñel tsa' loq'ui David ti Naiot am bʌ ti Ramá. Tsa' c'oti ba'an Jonatán. Tsi' sube: ¿Chuqui tsac mele? ¿Chuqui c mul? ¿Chucoch yom i tsʌnsañon a tat? che'en. 2Tsi' sube: Mach yomic. Ma'anic mi caj a chʌmel. Jini c tat ma'anic chuqui mi caj i mel che' ma'anic mi' ñaxan subeñon. Mi ñuc mi ch'o'ch'oc mux c laj tsictesʌbeñet. Ma'anic mi' mucbeñon c tat chuqui woli' ña'tan i mel. Melel mic subeñet, che'en Jonatán. 3Pero David tsi' cha' ac'ʌ i t'an: Wen yujil a tat c'ux ma' wubiñon. Jini cha'an mi caj i yʌl: “Ma'anic mi caj c suben Jonatán ame ch'ijiyemic i pusic'al mi caj i yubin”, che' mi caj i yʌl. Pero isujmʌch jini mu' bʌ c subeñet, come mic bʌc'ñan lac Yum. Cujil bʌbʌq'uen mic chʌmel, che'en. 4Jonatán tsi' sube David: Subeñon chuqui a wom mic melbeñet. Muc'ʌch j coltañet, che'en.
5David tsi' jac'be: Ña'tan che' jini, ijc'ʌl jiñʌch tsiji' bʌ uw. An c mul ti' tojlel a tat che' ma'anic mic buchtʌl yic'ot che' i yorajlelix c'ux waj. Mach talonic. Mi caj c muc c bʌ cha'p'ejl q'uin ti mate'el. Chabi to mic tilel ti och'ajel q'uin. 6Mi tsi' ña'tayon a tat, yom ma' suben: “Tsi' c'ajtibeyon ti wocol t'an David cha'an yom sujtel ti Belén ti' yotot i tat, come ya' woli' tempañob i bʌ i pi'ʌlob cha'an mi' melob jini q'uin cha'an tsʌnsʌbil bʌ majtañʌl che' bajche' i tilel ti jujump'ejl jab”. Che'ʌch yom ma' suben. 7Mi uts'at mi' yubin a t'an, uts'at añon ti' tojlel che' jini. Pero mi tsa' mich'a, ña'tan che' jini yomʌch i tsʌnsañon. 8Yom xuc'ulet quic'ot, come tsa'ix lac laja lac t'an ti' tojlel lac Yum. Mi an c mul, tsʌnsañon jatet. Mach wersajix ma' pʌyon majlel ba'an a tat, che'en. 9Jonatán tsi' sube: Ma'anic a mul. Mi caj j coltañet. Mi tsa cubi woli' ña'tan jontolil ti a tojlel, mic bʌc' tsictesʌbeñet, che'en.
10Che' jini David tsi' sube Jonatán: ¿Bajche' mi caj a tsictesʌbeñon mi tsi' jac'beyet ti mich' bʌ t'an jini a tat? che'en. 11Jonatán tsi' yʌlʌ: Conla ti jamil. Mux c subeñet, che'en. Che' jini temel tsa' majliyob ti jamil. 12Jonatán tsi' sube David: Testigojʌch lac Yum i Dios Israel. Ijc'ʌl che' ti ili ora o mi chabi mi caj c pejcan c tat che' mi' c'ajtibeñon baqui añet. Che' jini mi caj c chocbeñet t'an cha'an ma' ña'tan. 13Mi woli' ña'tan i tic'lañet c tat, mi caj c tsictesʌbeñet cha'an ma' puts'el ti' ñʌch'tʌlel a pusic'al. Mi ma'anic mic mel che' bajche' wolic subeñet, la' c toj yic'ot Dios. La' ajnic lac Yum a wic'ot che' bajche' tsa' ajni yic'ot c tat. 14-15Che' cuxulon to xuc'ul mi caj a pʌsbeñon i yutslel a pusic'al. Che' ja'el mi tsa' chʌmiyon mi cajel a chʌn p'untan c pi'ʌlob. Lac Yum mi caj i jisan a contrajob ila ti pañimil. Che' laj jisʌbilobix, mach a cʌy a pʌsbeñon lojon i yutslel a pusic'al. 16Lac Yum mi caj i yʌq'ueñet a toj a mul ti' c'ʌbob a contrajob mi ma'anix ma' chʌn p'untañon lojon, che'en Jonatán. Che'ʌch tsi' lajayob i t'an ti' tojlel lac Yum Jonatán yic'ot David. 17Jonatán tsi' c'ajtibe David cha'an mi' cha' ac' i t'an, come wen c'ux tsi' yubi. Lajal tsi' c'uxbi che' bajche' tsi' bajñel c'uxbi i bʌ.
18Jonatán tsi' sube: Ijc'ʌl an tsiji' bʌ uw. Mi cajel i ña'tan Saúl majlemetix come jochol a buchlib. 19Uxi yom ma' jubel tilel baqui tsa' mujcu a bʌ ti yambʌ ora che' an a bʌq'uen ti' tojlel c tat. Pijtañon lʌc'ʌl ya' ba' ts'ʌlʌl xajlel. 20Mi caj c choc majlel uxts'ijt i te'el jalʌjb ya' ti a t'ejl. Mi caj c mel che' bajche' wolic chajpan c bʌ cha'an julbʌl. 21Mi caj c suben majlel jini ch'iton cha'an mi' taj i te'el jalʌjb. Mi tsac sube: “Ya'an i te'el jalʌjb lʌc'ʌl ba'añet. Ch'ʌmʌ tilel”, mi cho'on, yom ma' tilel che' jini, come ma'anic bʌq'uen. Isujmʌch mu' bʌ c subeñet come mic bʌc'ñan lac Yum. Ma'anic a contrajintel che' jini. 22Pero mi tsac sube jini ch'iton: “Ñajt to an i te'el jalʌjb ya' ba' wa'alet”, mi cho'on, cucux coltan a bʌ, che' jini, come lac Yum tsa'ix i chocoyet majlel. 23Chʌn ña'tan lac t'an wa'chocobil bʌ lac cha'an. Tsa'ix i yubi lac Yum am bʌ ti lac tojlel ti pejtelel ora, che'en Jonatán.
24David tsi' mucu i bʌ ti jamil. Che' bʌ tsa' c'oti i yorajlel jini tsiji' bʌ uw, tsa' buchle jini rey ti c'ux waj. 25Ya' buchul che' bajche' ti pejtelel ora ti' buchlib lʌc'ʌl ti ts'ajc. Wa'al Jonatán ti' ñoj i tat. Ya' buchul Abner ti' ts'ej Saúl. Jochol tsa' cʌle i buchlib David. 26Ti jim bʌ q'uin ma'anic chuqui tsi' yʌlʌ Saúl come tsi' lon ña'ta an chuqui tsa' ujti: Tic'ʌl mach sʌq'uesʌbilic David. Isujm mach sʌq'uesʌbilic, lon che'en ti' pusic'al. 27Pero che' ti' yijc'ʌlal jini tsiji' bʌ uw, jochol tsa' cha' cʌle i buchlib David. Saúl tsi' c'ajtibe Jonatán i yalobil: ¿Chucoch ma'anic tilem ti c'ux waj i yalobil Isaí? Sajmʌl yic'ot ac'bi ma'anic tsiquil, che'en.
28Jonatán tsi' jac'be: David tsi' c'ajtibeyon ti wocol t'an cha'an yom majlel ti Belén. 29Tsi' subeyon: “A wocolic mic subeñet, la' majlicon quic'ot c pi'ʌlob tic tejclum. Come woli' tsʌnsʌbeñob i majtan Dios. Wersa woli' pʌyon majlel cʌscun. A wocolic com ma' chocon majlel c jula'tan c pi'ʌlob”, che'en. Jini cha'an ma'anic tsa' tili ti buchtʌl wʌ' ti mesa ti' tojlel rey, che'en Jonatán.
30Che' jini Saúl tsa' mich'le Jonatán. Tsi' sube: Lajalet che' bajche' a ña' mach bʌ yujilic jac'ol. Lajal ma' chan'esan a bʌ. ¿Mach ba cujilic tsa' mele a bʌ ti amigo yic'ot i yalobil Isaí? Mi caj a wubin quisin. Che' ja'el wola' wʌc' ti quisin a ña'. Cujil bajche' mi caj i yujtel. 31Che' cuxul to David ila ti pañimil ma'anic mi caj a cha'len yumʌntel. Mach xuc'ulic mi caj i yajñel a yumʌntel. Choco majlel winicob cha'an mi' pʌyob tilel ba' añon. Wersa mi' cajel ti chʌmel, che'en Saúl. 32Jonatán tsi' jac'be: ¿Chucoch mi' cajel ti chʌmel? ¿Chuqui i mul? che'en. 33Saúl tsi' choco junts'ijt lanza cha'an mi' tsʌnsan i yalobil. Che' jini tsi' ch'ʌmbe isujm Jonatán melelʌch wolix i ña'tan i tsʌnsan David. 34Wen mich' tsa' ch'ojyi ti mesa Jonatán. Ma'anix tsa' chʌn tili ti c'ux waj ti' yijc'ʌlal jini tsiji' bʌ uw. Ch'ijiyem i pusic'al cha'an ti' caj David come jontol Saúl ti' tojlel.
35Che' ti yambʌ q'uin ti sʌc'ajel tsa' loq'ui Jonatán ti jamil ti' yorajlel che' bajche' tsi' wʌn sube David. Tsa' majli alʌ ch'iton yic'ot. 36Jonatán tsi' sube jini ch'iton: Cucu ti ajñel. Sʌclan i te'el jini jalʌjb mu' bʌ caj c choc, che'en. Che' woli' ti ajñel jini ch'iton, ñajt to tsi' choco. Tsi' ñusa jini ch'iton. 37Che' bʌ tsa' c'oti jini ch'iton ya' baqui an i te'el jalʌjb tsa' bʌ i choco Jonatán, Jonatán tsi' sube ti c'am bʌ t'an: Mach ya'ic an i te'el jalʌjb ya' ba' wa'alet. Ñajt to an, che'en. 38Tsi' cha' ota jini ch'iton: Cha'len ajñel. Se'ñun. Mach yomic ma' wa'tʌl, che'en. Che' jini tsi' tempa i te'el jalʌjb. Tsa' tili i cʌyben i yum. 39Cojach Jonatán yic'ot David tsi' ch'ʌmbeyob isujm. Pero jini ch'iton ma'anic tsi' ña'ta chuqui i ye'tel. 40Jonatán tsi' yʌq'ue i jalʌjb jini ch'iton. Tsi' sube: Cucux, ch'ʌmʌ majlel ya' ti tejclum, che'en.
41Che' majlemix jini ch'iton, tsa' loq'ui David ya' ba' mucul ti' pat jini much'ul bʌ xajlel. Tsi' pʌcchoco i bʌ uxyajl ti' tojlel Jonatán. Tsi' ts'ujts'uyob i bʌ. Tsi' cha'leyob uq'uel. Jal tsa' mejli i tic' i bʌ ti uq'uel David. 42Jonatán tsi' sube: Cucu ti' ñʌch'tʌlel a pusic'al. Come ti lac cha'ticlel tsa'ix la cʌc'ʌ lac t'an ti' c'aba' lac Yum. Lac Yum mi caj i yajñel ti lac tojlel yic'ot ti' tojlel lac p'olbal, che'en. Che' jini tsa' majli David. Tsa' sujti ti tejclum Jonatán.
Currently Selected:
1 SAMUEL 20: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.
1 SAMUEL 20
20
David yic'ot Jonatán tsi' wen c'uxbiyob i bʌ
1Ti ajñel tsa' loq'ui David ti Naiot am bʌ ti Ramá. Tsa' c'oti ba'an Jonatán. Tsi' sube: ¿Chuqui tsac mele? ¿Chuqui c mul? ¿Chucoch yom i tsʌnsañon a tat? che'en. 2Tsi' sube: Mach yomic. Ma'anic mi caj a chʌmel. Jini c tat ma'anic chuqui mi caj i mel che' ma'anic mi' ñaxan subeñon. Mi ñuc mi ch'o'ch'oc mux c laj tsictesʌbeñet. Ma'anic mi' mucbeñon c tat chuqui woli' ña'tan i mel. Melel mic subeñet, che'en Jonatán. 3Pero David tsi' cha' ac'ʌ i t'an: Wen yujil a tat c'ux ma' wubiñon. Jini cha'an mi caj i yʌl: “Ma'anic mi caj c suben Jonatán ame ch'ijiyemic i pusic'al mi caj i yubin”, che' mi caj i yʌl. Pero isujmʌch jini mu' bʌ c subeñet, come mic bʌc'ñan lac Yum. Cujil bʌbʌq'uen mic chʌmel, che'en. 4Jonatán tsi' sube David: Subeñon chuqui a wom mic melbeñet. Muc'ʌch j coltañet, che'en.
5David tsi' jac'be: Ña'tan che' jini, ijc'ʌl jiñʌch tsiji' bʌ uw. An c mul ti' tojlel a tat che' ma'anic mic buchtʌl yic'ot che' i yorajlelix c'ux waj. Mach talonic. Mi caj c muc c bʌ cha'p'ejl q'uin ti mate'el. Chabi to mic tilel ti och'ajel q'uin. 6Mi tsi' ña'tayon a tat, yom ma' suben: “Tsi' c'ajtibeyon ti wocol t'an David cha'an yom sujtel ti Belén ti' yotot i tat, come ya' woli' tempañob i bʌ i pi'ʌlob cha'an mi' melob jini q'uin cha'an tsʌnsʌbil bʌ majtañʌl che' bajche' i tilel ti jujump'ejl jab”. Che'ʌch yom ma' suben. 7Mi uts'at mi' yubin a t'an, uts'at añon ti' tojlel che' jini. Pero mi tsa' mich'a, ña'tan che' jini yomʌch i tsʌnsañon. 8Yom xuc'ulet quic'ot, come tsa'ix lac laja lac t'an ti' tojlel lac Yum. Mi an c mul, tsʌnsañon jatet. Mach wersajix ma' pʌyon majlel ba'an a tat, che'en. 9Jonatán tsi' sube: Ma'anic a mul. Mi caj j coltañet. Mi tsa cubi woli' ña'tan jontolil ti a tojlel, mic bʌc' tsictesʌbeñet, che'en.
10Che' jini David tsi' sube Jonatán: ¿Bajche' mi caj a tsictesʌbeñon mi tsi' jac'beyet ti mich' bʌ t'an jini a tat? che'en. 11Jonatán tsi' yʌlʌ: Conla ti jamil. Mux c subeñet, che'en. Che' jini temel tsa' majliyob ti jamil. 12Jonatán tsi' sube David: Testigojʌch lac Yum i Dios Israel. Ijc'ʌl che' ti ili ora o mi chabi mi caj c pejcan c tat che' mi' c'ajtibeñon baqui añet. Che' jini mi caj c chocbeñet t'an cha'an ma' ña'tan. 13Mi woli' ña'tan i tic'lañet c tat, mi caj c tsictesʌbeñet cha'an ma' puts'el ti' ñʌch'tʌlel a pusic'al. Mi ma'anic mic mel che' bajche' wolic subeñet, la' c toj yic'ot Dios. La' ajnic lac Yum a wic'ot che' bajche' tsa' ajni yic'ot c tat. 14-15Che' cuxulon to xuc'ul mi caj a pʌsbeñon i yutslel a pusic'al. Che' ja'el mi tsa' chʌmiyon mi cajel a chʌn p'untan c pi'ʌlob. Lac Yum mi caj i jisan a contrajob ila ti pañimil. Che' laj jisʌbilobix, mach a cʌy a pʌsbeñon lojon i yutslel a pusic'al. 16Lac Yum mi caj i yʌq'ueñet a toj a mul ti' c'ʌbob a contrajob mi ma'anix ma' chʌn p'untañon lojon, che'en Jonatán. Che'ʌch tsi' lajayob i t'an ti' tojlel lac Yum Jonatán yic'ot David. 17Jonatán tsi' c'ajtibe David cha'an mi' cha' ac' i t'an, come wen c'ux tsi' yubi. Lajal tsi' c'uxbi che' bajche' tsi' bajñel c'uxbi i bʌ.
18Jonatán tsi' sube: Ijc'ʌl an tsiji' bʌ uw. Mi cajel i ña'tan Saúl majlemetix come jochol a buchlib. 19Uxi yom ma' jubel tilel baqui tsa' mujcu a bʌ ti yambʌ ora che' an a bʌq'uen ti' tojlel c tat. Pijtañon lʌc'ʌl ya' ba' ts'ʌlʌl xajlel. 20Mi caj c choc majlel uxts'ijt i te'el jalʌjb ya' ti a t'ejl. Mi caj c mel che' bajche' wolic chajpan c bʌ cha'an julbʌl. 21Mi caj c suben majlel jini ch'iton cha'an mi' taj i te'el jalʌjb. Mi tsac sube: “Ya'an i te'el jalʌjb lʌc'ʌl ba'añet. Ch'ʌmʌ tilel”, mi cho'on, yom ma' tilel che' jini, come ma'anic bʌq'uen. Isujmʌch mu' bʌ c subeñet come mic bʌc'ñan lac Yum. Ma'anic a contrajintel che' jini. 22Pero mi tsac sube jini ch'iton: “Ñajt to an i te'el jalʌjb ya' ba' wa'alet”, mi cho'on, cucux coltan a bʌ, che' jini, come lac Yum tsa'ix i chocoyet majlel. 23Chʌn ña'tan lac t'an wa'chocobil bʌ lac cha'an. Tsa'ix i yubi lac Yum am bʌ ti lac tojlel ti pejtelel ora, che'en Jonatán.
24David tsi' mucu i bʌ ti jamil. Che' bʌ tsa' c'oti i yorajlel jini tsiji' bʌ uw, tsa' buchle jini rey ti c'ux waj. 25Ya' buchul che' bajche' ti pejtelel ora ti' buchlib lʌc'ʌl ti ts'ajc. Wa'al Jonatán ti' ñoj i tat. Ya' buchul Abner ti' ts'ej Saúl. Jochol tsa' cʌle i buchlib David. 26Ti jim bʌ q'uin ma'anic chuqui tsi' yʌlʌ Saúl come tsi' lon ña'ta an chuqui tsa' ujti: Tic'ʌl mach sʌq'uesʌbilic David. Isujm mach sʌq'uesʌbilic, lon che'en ti' pusic'al. 27Pero che' ti' yijc'ʌlal jini tsiji' bʌ uw, jochol tsa' cha' cʌle i buchlib David. Saúl tsi' c'ajtibe Jonatán i yalobil: ¿Chucoch ma'anic tilem ti c'ux waj i yalobil Isaí? Sajmʌl yic'ot ac'bi ma'anic tsiquil, che'en.
28Jonatán tsi' jac'be: David tsi' c'ajtibeyon ti wocol t'an cha'an yom majlel ti Belén. 29Tsi' subeyon: “A wocolic mic subeñet, la' majlicon quic'ot c pi'ʌlob tic tejclum. Come woli' tsʌnsʌbeñob i majtan Dios. Wersa woli' pʌyon majlel cʌscun. A wocolic com ma' chocon majlel c jula'tan c pi'ʌlob”, che'en. Jini cha'an ma'anic tsa' tili ti buchtʌl wʌ' ti mesa ti' tojlel rey, che'en Jonatán.
30Che' jini Saúl tsa' mich'le Jonatán. Tsi' sube: Lajalet che' bajche' a ña' mach bʌ yujilic jac'ol. Lajal ma' chan'esan a bʌ. ¿Mach ba cujilic tsa' mele a bʌ ti amigo yic'ot i yalobil Isaí? Mi caj a wubin quisin. Che' ja'el wola' wʌc' ti quisin a ña'. Cujil bajche' mi caj i yujtel. 31Che' cuxul to David ila ti pañimil ma'anic mi caj a cha'len yumʌntel. Mach xuc'ulic mi caj i yajñel a yumʌntel. Choco majlel winicob cha'an mi' pʌyob tilel ba' añon. Wersa mi' cajel ti chʌmel, che'en Saúl. 32Jonatán tsi' jac'be: ¿Chucoch mi' cajel ti chʌmel? ¿Chuqui i mul? che'en. 33Saúl tsi' choco junts'ijt lanza cha'an mi' tsʌnsan i yalobil. Che' jini tsi' ch'ʌmbe isujm Jonatán melelʌch wolix i ña'tan i tsʌnsan David. 34Wen mich' tsa' ch'ojyi ti mesa Jonatán. Ma'anix tsa' chʌn tili ti c'ux waj ti' yijc'ʌlal jini tsiji' bʌ uw. Ch'ijiyem i pusic'al cha'an ti' caj David come jontol Saúl ti' tojlel.
35Che' ti yambʌ q'uin ti sʌc'ajel tsa' loq'ui Jonatán ti jamil ti' yorajlel che' bajche' tsi' wʌn sube David. Tsa' majli alʌ ch'iton yic'ot. 36Jonatán tsi' sube jini ch'iton: Cucu ti ajñel. Sʌclan i te'el jini jalʌjb mu' bʌ caj c choc, che'en. Che' woli' ti ajñel jini ch'iton, ñajt to tsi' choco. Tsi' ñusa jini ch'iton. 37Che' bʌ tsa' c'oti jini ch'iton ya' baqui an i te'el jalʌjb tsa' bʌ i choco Jonatán, Jonatán tsi' sube ti c'am bʌ t'an: Mach ya'ic an i te'el jalʌjb ya' ba' wa'alet. Ñajt to an, che'en. 38Tsi' cha' ota jini ch'iton: Cha'len ajñel. Se'ñun. Mach yomic ma' wa'tʌl, che'en. Che' jini tsi' tempa i te'el jalʌjb. Tsa' tili i cʌyben i yum. 39Cojach Jonatán yic'ot David tsi' ch'ʌmbeyob isujm. Pero jini ch'iton ma'anic tsi' ña'ta chuqui i ye'tel. 40Jonatán tsi' yʌq'ue i jalʌjb jini ch'iton. Tsi' sube: Cucux, ch'ʌmʌ majlel ya' ti tejclum, che'en.
41Che' majlemix jini ch'iton, tsa' loq'ui David ya' ba' mucul ti' pat jini much'ul bʌ xajlel. Tsi' pʌcchoco i bʌ uxyajl ti' tojlel Jonatán. Tsi' ts'ujts'uyob i bʌ. Tsi' cha'leyob uq'uel. Jal tsa' mejli i tic' i bʌ ti uq'uel David. 42Jonatán tsi' sube: Cucu ti' ñʌch'tʌlel a pusic'al. Come ti lac cha'ticlel tsa'ix la cʌc'ʌ lac t'an ti' c'aba' lac Yum. Lac Yum mi caj i yajñel ti lac tojlel yic'ot ti' tojlel lac p'olbal, che'en. Che' jini tsa' majli David. Tsa' sujti ti tejclum Jonatán.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.