1 CRONICAS 9
9
Jini tsa' bʌ i cha' sujtiyob ti Babilonia
(Neh. 11.1-24)
1Ochem tac ti' jun i reyob Israel i c'aba' tac pejtelel i ñojte'elob jini israelob. Tsa' wersa pʌjyiyob majlel ti Babilonia jini año' bʌ ti Judá, come tsi' ch'ujutesayob dioste' tac. 2Jini tsa' bʌ ñaxan sujtiyob tilel cha'an mi' cha' cajel ti chumtʌlob ti' tejclum tac, jiñobʌch i p'olbalob Israel yic'ot jini motomajob, jini levíjob, yic'ot jini mu' bʌ i coltañob ti Templo.
3Ti wi'il lamital jini tilemo' bʌ ti Judá, Benjamín, Efraín yic'ot Manasés tsa' c'otiyob ti Jerusalén. Jiñobʌch iliyi: 4I pi'ʌlob Utai (i yalobil bʌ Amiud, i yalobil bʌ Omri, i yalobil bʌ Imri, i yalobil bʌ Bani) loq'uemo' bʌ ti' pi'ʌlob Fares (i yalobil bʌ Judá).
5Tsa' sujtiyob ja'el Asaías, jiñʌch ascuñʌl bʌ i yalobil Silón, yic'ot i yalobilob. 6Tsa' sujtiyob i yalobilob Zera, yic'ot Jeuel, yic'ot i pi'ʌlob. An lujunc'al i cha'bajc' yic'ot lujump'ejl i jo'c'al (690) ti pejtelel.
7-8Jini i p'olbalob Benjamín tsa' bʌ sujtiyob jiñobʌch iliyi:
Salú (i yalobil bʌ Mesulam, i yalobil Hodavías, i yalobil Asenúa); Ibneías (i yalobil bʌ Jeroham); Ela (i yalobil bʌ Uzi, i yalobil Micri); Mesulam (i yalobil bʌ Sefatías, i yalobil Reuel, i yalobil Ibnías).
9Ili winicob i yumobʌch i pi'ʌlob ti jujunmojt. Tsa' sujtiyob jo'c'al i yuxbajc' yic'ot wʌclujump'ejl i yuxc'al (956) ti pejtelelob tilemo' bʌ ti Benjamín.
10-11Jini motomajob tsa' bʌ sujtiyob ja'el jiñobʌch iliyi:
Jedaías, Joiarib, Jaquín, Azarías (i yalobil bʌ Hilcías, i yalobil Mesulam, i yalobil Sadoc, i yalobil Meraiot, i yalobil Ahitob). Azarías jiñʌch ñuc bʌ xcʌntaya cha'an Templo.
12Yambʌ motomaj tsa' bʌ sujti jiñʌch Adaía i yalobil bʌ Jeroham, i yalobil Pasur, i yalobil Malquías. Yambʌ motomaj jiñʌch Masai (i yalobil bʌ Adiel, i yalobil Jazera, i yalobil Mesulam, i yalobil Mesilemit, i yalobil Imer). 13Ti pejtelel jini motomajob tsa' bʌ sujtiyob jiñobʌch jo'c'al i jo'bajc' yic'ot uxc'al (1,760), wen nuco' bʌ i c'ʌjñibal winicob. 14Jini levíjob tsa' bʌ sujtiyob jiñobʌch Semaías (i yalobil bʌ Hasub, i yalobil Azricam, i yalobil Hasabías, i p'olbal bʌ Merari). 15-16Yambʌ levíjob tsa' bʌ sujtiyob jiñobʌch iliyi:
Bacbacar, Heres, Galal, Matanías (i yalobil bʌ Micaía, i yalobil Zicri, i yalobil Asaf); Obadías (i yalobil bʌ Semaías, i yalobil Galal, i yalobil Jedutún); Berequías (i yalobil bʌ Asa, i yalobil Elcana, tsa' bʌ chumle ti' lumal netofatob).
17-18Jini tsa' bʌ i cʌntayob i ti' tejclum jiñobʌch iliyi: Salum (jiñʌch ñuc bʌ xcʌntaya), Acub, Talmón, Ahimán. Levíjobʌch ti pejtelel. An to ti' wenta cha'an mi' cʌntañob i ti' i yotot jini rey am bʌ ti tojel ba' mi' pasel q'uin. 19Salum jiñʌch i yalobil Coré, i yalobil Ebiasaf, i yalobil Coré. An ti' wenta Salum yic'ot i pi'ʌlob jini corejob cha'an mi' q'uelob jini majtañʌl tac ti Templo, cha'an mi' cʌntañob jini Ch'ujul bʌ Ajñibʌl, che' bajche' i ñojte'elob tsi' cʌntayob jini Tabernáculo. 20Jini ñaxan bʌ yumʌl cha'an jini corejob jiñʌch Finees i yalobil bʌ Eleazar. Lac Yum an yic'ot.
21Ti jimbʌ ora jini xcʌnta ti' Tabernáculo jiñʌch Zacarías i yalobil Meselemías. 22Ti jimbʌ ora an lujunc'al yic'ot lajchʌntiquil (212) xcʌnta ti' Tabernáculo. Tsa' yajcʌntiyob ti' tojlel colonia tac ba' ch'oyolob i ñojte'elob. Tsa' wa'chocontiyob i cha'an David yic'ot Samuel cha'an xuc'ulob. 23An ti' wenta jini xcʌntayajob yic'ot i p'olbalob cha'an mi' cʌntañob jini Tabernáculo. 24Tsa' aq'uentiyob i ye'tel cha'an mi' cʌntañob jini Templo ti jujunwejl ya' ba' mi' pasel q'uin, yic'ot ba' mi' bʌjlel q'uin, yic'ot ti norte, yic'ot ti sur. 25I pi'ʌlob jini motomajob año' bʌ ti colonia tac mi' q'uex tacob i bʌ ya' ti e'tel ti Tabernáculo. Ti jujunmojt mi' yajñel wucp'ejl q'uin.
26An chʌntiquil wen ñuc bʌ xcʌnta ti' templojob, levíjob ti pejtelel. Añob ti' wenta cha'an mi' cʌntañob jini tsalʌl tac ba' mi' wʌyelob yic'ot ba' lotbil jini e'tijibʌl tac wen uts'atax bʌ am bʌ ti' Tabernáculo Dios. 27Jini ñuctaco' bʌ i ye'tel tsa' chumleyob ti lʌc'ʌl Tabernáculo. Tsi' jamʌyob i ti' jujump'ejl sʌc'ajel. 28Lamital tsa' aq'uentiyob i ye'tel cha'an mi' cʌntañob jini e'tijibʌl mu' bʌ i c'ʌjñel cha'an majtañʌl yic'ot cha'an ch'ujutesaya. Tsi' tsiquiyob che' bʌ tsa' c'ʌjni jini e'tijibʌl tac. 29Jini yaño' bʌ añob ti' wenta cha'an mi' cʌntañob i bʌl Templo yic'ot pejtelel am bʌ i c'ʌjñibal, che' bajche' harina, yic'ot i ya'lel ts'usub, yic'ot pom, yic'ot aceite.
30Yaño' bʌ motomajob tsi' chajpayob jini pom yic'ot jini xojocña bʌ perfume. 31Tsa' aq'uenti ti' wenta Matatías cha'an mi' mel jini waj cha'an majtañʌl tac. Matatías jiñʌch leví, ascuñʌl bʌ i yalobil Salum jini coré. 32An ti' wenta lamital i p'olbal Coat cha'an mi' chajpañob jini waj mu' bʌ i pʌsbentel lac Yum ti jujump'ejl semana che' i yorajlel c'aj o.
33-34Jini xc'ayob levíjobʌch ti pejtelel. Tsa' chumleyob ti Templo ya' ti Jerusalén. An i ye'tel ti q'uiñil ti ac'ʌlel. Ma'anic yambʌ i ye'tel, cojach iliyi. Tsa' yajcʌntiyob loq'uel ti' yotot tac levíjob.
I ñojte'elob Saúl
35-37I yijñam Jehiel jiñʌch Maaca. Tsa' chumleyob ti Gabaón. Jini ch'iton bʌ i yalobilob jiñobʌch iliyi:
Gabaón, Abdón (jini ascuñʌl bʌ), Zur, Cis, Baal, Ner, Nadab, Gedor, Ahío, Zacarías, Miclot. 38Tsa' chumle Miclot ya' ti Jerusalén yic'ot i yalobil i c'aba' Simeam lʌc'ʌl ba'an i pi'ʌlob. 39Ner i tatʌch Cis. Cis i tatʌch Saúl. Saúl i tatʌch Jonatán, yic'ot Malquisúa, yic'ot Abinadab, yic'ot Esbaal. 40Jonatán jiñʌch i tat Merib Baal. Merib Baal jiñʌch i tat Micaía. 41I yalobilob Micaía jiñobʌch iliyi: Pitón, Melec, Tarea, Acaz. 42Acaz jiñʌch i tat Jara. Jara jiñʌch i tat Alemet, Azmavet, Zimri. Zimri jiñʌch i tat Mosa. 43I yalobilob Mosa jiñobʌch iliyi: Bina, Refaías, Elasa, Azel. 44Jini wʌctiquil ch'iton bʌ i yalobilob Azel jiñobʌch Azricam, Bocru, Ismael, Searías, Obadías, Hanán.
Currently Selected:
1 CRONICAS 9: ctuBI
Highlight
Copy
Compare
Share
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.
