1 CRONICAS 7
7
I p'olbalob Isacar
1Jini ch'iton bʌ i yalobilob Isacar jiñobʌch Tola, Fúa, Jasub, Simrón. 2Jini ch'iton bʌ i yalobilob Tola tsa' bʌ ochiyob ti yumʌl ti jujunmojt i p'olbal jiñobʌch Uzi, Refaías, Jeriel, Jahmai, Jibsam, Semuel. Che' ti' yorajlel jini rey David tsa' loq'uiyob soldadojob (22,600) ti' tojlelob i p'olbalob Tola. 3Jini ch'iton bʌ i yalobilob Uzi jiñʌch Israhías. Jini ch'iton bʌ i yalobilob Israhías jiñobʌch Micael, Obadías, Joel, Isías. 4Che' ti' yorajlel David añob wʌclujump'ejl i cha'c'al mil (36,000) soldadojob i p'olbalo' bʌ Uzi, come ti jujuntiquil añob cha'tiquil uxtiquil i yijñam yic'ot cabʌl i yalobilob. 5Ti' tojlel i p'olbalob Isacar an wucp'ejl i jo'c'al mil (87,000) che'ejlo' bʌ soldadojob chajpʌbilo' bʌ cha'an guerra. Tsa' laj ochiyob ti lista.
I p'olbalob Benjamín
6Jini ch'iton bʌ i yalobilob Benjamín jiñobʌch Bela, Bequer, Jediael. 7Jini ch'iton bʌ i yalobilob Bela jiñobʌch Ezbón, Uzi, Uziel, Jerimot, Iri. Ili jo'tiquil soldado wen ch'ejlob. I yumobʌch i pi'ʌlob ti jujunmojt. Tsa' ochiyob ti' yumob jini cha'p'ejl i cha'c'al mil yic'ot chʌnlujump'ejl i cha'c'al (22,034) soldadojob. Ti pejtelel tsa' ochiyob ti' listajlel cha'an i p'olbalob Bela. 8Jini ch'iton bʌ i yalobilob Bequer jiñobʌch Zemira, Joás, Eliezer, Elioenai, Omri, Jerimot, Abías, Anatot, Alamet. 9Che' ti' yorajlel David añob junc'al mil yic'ot lujunc'al (20,200) soldadojob ti' tojlelob i p'olbalob Bequer. 10Jini ch'iton bʌ i yalobil Jediael jiñʌch Bilhán. Jini ch'iton bʌ i yalobilob Bilhán jiñobʌch Jeús, Benjamín, Aod, Quenaana, Zetán, Tarsis, Ahisahar. 11Ili winicob i yumobʌch i p'olbalob Jediael ti jujunmojt. Añob wuclujump'ejl mil yic'ot lujunc'al (17,200) soldadojob ti' tojlelob che' ti' yorajlel David. 12Jini ch'iton bʌ i yalobilob Hir jiñobʌch Supim, Hupim. Aher jiñʌch i tat Husim.
I p'olbalob Neftalí
13Neftalí jiñʌch i yalobil Bilha i yixic Jacob. Jini ch'iton bʌ i yalobilob Neftalí jiñobʌch Jahzeel, Guni, Jezer, Salum.
I p'olbalob Manasés
14Jini ch'iton bʌ i yalobilob Manasés yic'ot i yijñam mach bʌ ñujpujñemic yic'ot, jiñobʌch iliyi: Asriel, Maquir. Maquir jiñʌch i tat Galaad. 15Maquir tsi' c'ajtibeyob i yijñam Hupim yic'ot Supim. I chich Maquir jiñʌch Maaca. Yambʌ i p'olbal Maquir jiñʌch Zelofehad. An jach xch'oc bʌ i yalobilob Zelofehad. 16I yijñam Maquir am bʌ i c'aba' ja'el Maaca tsi' yʌc'ʌ ti pañimil ch'iton bʌ i yalobil jiñʌch Peres. I c'aba' i yeran jiñʌch Seres. Jini ch'iton bʌ i yalobilob jiñobʌch Ulam yic'ot Requem. 17Jini ch'iton bʌ i yalobil Ulam jiñʌch Bedán. Laj i yalobilobʌch Galaad. I butsobʌch Maquir. I yalobilobʌch i buts Manasés. 18I chich Maquir jiñʌch Hamolequet. Tsi' yʌc'ʌ ti pañimil Isod, Abiezer, Mahala. 19Jini ch'iton bʌ i yalobilob Semida jiñobʌch Ahián, Siquem, Likhi, Aniam.
I p'olbalob Efraín
20-21Jini ch'iton bʌ i yalobilob Efraín jiñobʌch Sutela, Bered, Tahat, Elada, Tahat, Zabad, Sutela, Ezer, Elad. Elad yic'ot Ezer tsi' ñopo i xujch'iñob wacax, pero jini winicob ya'i tsi' tsʌnsayob. 22Efraín i tat ili chatiquilob, jal tsi' yuc'tayob. I pi'ʌlob tsa' caji i ñuq'uesʌbeñob i pusic'al. 23Ti wi'il i yijñam tsa' caji i cʌntan i yalobil. Tsi' yʌc'ʌ ti pañimil ch'iton bʌ i yalobil. Efraín tsi' yotsʌbe i c'aba' Bería am bʌ i sujmlel ch'ijiyem bʌ, cha'an jini wocol tsa' bʌ ujti. 24Jini xch'oc bʌ i yalobil Efraín jiñʌch Seera. Tsi' mele jini Bethorón am bʌ ti entʌl yic'ot am bʌ ti chan. Tsi' mele Uzenseera ja'el.
25-27I p'olbalob Efraín jiñobʌch iliyi:
Refa i tatʌch Resef, Resef i tatʌch Telah, Telah i tatʌch Tahán, Tahán i tatʌch Laadán, Laadán i tatʌch Amiud, Amiud i tatʌch Elisama, Elisama i tatʌch Nun, Nun i tatʌch Josué.
28Ili winicob ya' jaxʌl tsa' chumleyob ti junwejl i cayajonlel Betel yic'ot ti yambʌ tejclum tac. Ya' jaxʌl ja'el ba' mi' pasel q'uin ba'an Naarán, yic'ot ba' mi' bʌjlel q'uin ba'an Gezer yic'ot i colonia tac, yic'ot ti yambʌ junwejl ba'an Siquem yic'ot i colonia tac c'ʌlʌl ti Gaza yic'ot i colonia tac. 29Jini año' bʌ ti Manasés i p'olbalobʌch José i yalobil bʌ Israel. Tsa' chumleyob ti ili tejclum tac: Betseán, Taanac, Meguido, Dor.
I p'olbalob Aser
30Jini ch'iton bʌ i yalobilob Aser jiñobʌch Imna, Isúa, Isúi, Bería, yic'ot xch'oc bʌ i yalobil jiñʌch Sera. 31Jini ch'iton bʌ i yalobilob Bería jiñobʌch Heber, Malquiel. Malquiel i tatʌch Birzavit. 32I yalobilob Heber jiñobʌch Jaflet, Somer, Hotam, yic'ot xch'oc bʌ i yalobil i c'aba' Súa. 33Jini ch'iton bʌ i yalobilob Jaflet jiñobʌch Pasac, Bimhal, Asvat. 34Jini ch'iton bʌ i yalobilob i yeran i c'aba' Semer jiñobʌch Ahí, Rohga, Jehúba, Aram. 35Jini ch'iton bʌ i yalobilob i yeran i c'aba' Hotam jiñobʌch Zofa, Imna, Seles, Amal. 36-37Jini ch'iton bʌ i yalobilob Zofa jiñobʌch Súa, Harnefer, Súal, Beri, Imra, Beser, Hod, Sama, Silsa, Itrán, Beera. 38Jini ch'iton bʌ i yalobilob Itrán jiñobʌch Jefone, Pispa, Ara. 39Jini ch'iton bʌ i yalobilob Ula jiñobʌch Ara, Haniel, Rezia.
40Pejtelel iliyi i p'olbalobʌch Aser. I yumobʌch i pi'ʌlob ti jujunmojt. Wen yujilob guerra. Añob i ye'tel ti jujuntiquil. Añob wʌcp'ejl i cha'c'al mil (26,000) i p'olbalob yujilo' bʌ guerra ochemo' bʌ ti lista.
Currently Selected:
1 CRONICAS 7: ctuBI
Highlight
Copy
Compare
Share
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.
