METIAS 27
27
Yésus asu be Pilat
(Mk 15:1; Lk 23:1; Yoa 18:28)
1Eyoñe tyé é nga lendé, betuni benen a bemvendé ya ayoñ be nga bo ésoʼo ya tebe Yésus e ngame yat asu ya wôé nye. 2Ane be nga kaʼa nye, be kele nye a kalane nye Pilat, ngovina.
Awu Yudas
(Mm 1:16-20; Zak 11:12,13)
3Eyoñe Yudas, nyô a nga koñe nye, a nga yene na be veya nye mekua, nde a nga kôñelane nlem a bulane bifase bi moné mewôm melaa e be betuni benen a bemvendé 4a jôʼô na: Me nga bo abé éyoñ me nga koñe metyi me ne te bijô. Nde ba jô na: Wo zuu bia ajô nyôl aya? Womien wo ye yen. 5Eyoñ a wuaya bifase bi moné e nda Zambe nde a nga kôlô a éyoñ a keya ôyap, a nga timbane nko. 6Eyoñe betuni benen be nyoñeya minsañ mi moné be nga jô na: E nji yiane na bi futi mie akume ya nda Zambe, amu mi ne tañe metyi. 7Eyoñ be tabeya ésok, be nga kuse afube mmé meviek a moné ate asu ya jame bikuu. 8Ajô te ba loon afube te na afube metyi a kui e môse wu. 9Nalé ate mejô Yérémi nkulu mejô ma ye tôébane na: Ane be nga nyoñe minsañ mi moné mewôm melaa: Tañ éte é ne tañe ya nyô be nga tube tañ, nyô ya bone be Israél be nga tube tañ. 10A be nga ve mie asu afube mmé meviek, avale Nti a nga jô ma de.
Pilat a sili Yésus minsili
11Ane be nga kee Yésus asu be ngovina; nde ngovina a nga sili nye minsili na: Ye ô ne njôô beyude nga? Yésus na: Wo wo jô. 12Nté betuni benen a bemvendé be nga boʼolô nye, a nji yalane jam éziñ. 13Pilat a nga jô nye na: Ye ô nji wôk ane ba boʼolô wo? 14A nji yalane nye toʼo ve ajô da, a ngovina a nga kame jame te étua abui.
Ye Yésus, ye Barabas?
(Mk 15:6-15; Lk 23:13-15; Yoa 18:39-40)
15E abôʼô ése, ngovina a nga bili fulu ya suu mbôʼô wua e be ékôane bôt, e wu bebien be nga sili. 16Be nga bili étua mbôʼô éziñ jôé na: Yésus Barabas. 17Eyoñ be sulaneya, Pilat a nga sili be na mia yi na me suu mia za: Ye Barabas, ye Yésus ba loone na Krist? 18A mbe a yeme na be nga kuane nye amu éviele. 19A too éto ya aba mejô, nde minga wé a lôme nye tyiñe na: Te ke jam éziñ é ne e zañe jôé a zôsôa môt ate; me tôbaneya njuʼu abui den e biyeyem amu nye. 20Betuni benen a bemvendé be nga tindi minsamba mi bôt mi sili Barabas ve mi dimili Yésus. 21Eyalane jé été ngovina a nga jô be na: Mia yi na me suu mia za? Be na: Barabas. 22Pilat a nga jô be na: Nde ma ye bo Yésus ba loone Krist aya? Be nga jô bese na: A tyelébaʼane krôa yôp! 23Pilat na: Za mbia jam a nga bo? Be nga yalan a ayoʼo ese na: A tyelébaʼane krôa yôp! 24Eyoñ Pilat a yeneya teke mvolan éziñ a na zôʼé é ne ve betebet, a nga nyoñe mendim a sôbe mo asu nsamba bôt a jôʼô na: Me ne mfuban ajô metyi me môte nyô; ve mia mia ye tôban. 25Ane bôte bese be nga yalan a jô na: Metyi mé me tabeʼe be bia a e be bone bangan. 26Nde a nga suu be Barabas, ve a nga kee be Yésus be ke tyelé nye krôa yôp valé a maneya bibi nye nkasa.
Bezimbi ba kpweʼele Yésus
(Mk 15:15-20; Lk 23:13-25; Yoa 19:1-3,16)
27Ane bezimbi be ngovina be nga zuu Yésus e vôme ba kobô mejô a sulane nsamba bôt ôse ô tebe nye ngame yat. 28Be nga vaa nye ngômesane jé a jalé nye nyô é ne évele; 29be nga lôñ ékate biyo a jalé nye je nlô be kee ke nye ntum e mbo nnôm, ve kute meboñe si asu dé a kpweʼele nye be jôʼô na: Mbôlô, a njôô beyude; 30be nga tui nye mendene nyô, be nyoñe ke ntum a bibi nye wô nlô. 31Eyoñe be maneya kpweʼele nye, be nga beta vaa évele ngômesan be nga jalé nye, a bulane jalé nye ngômesane jé a kee nye na be ke tyelé nye krôa yôp.
Ba tyelé Yésus e krôa yôp
(Mk 15:21-28; Lk 23:26-34,38; Yoa 19:16-24)
32Eyoñe be nga kui atan, be nga koone môte ya Sirén jôé na Simon, be nga sili nye na a beʼe krôa Yésus 33be kelek e vôm ba loone na Gôlgôta, nge na ékôkoé nlô; 34be nga nyuu nye woon a ne sañ; éyoñ a tyeʼeya je a nji je kômbô nyu. 35Eyoñ be tyeléya nye krôa yôp, be nga kabane mengômesane mé a mboon asimba . 36Be nga tabe si a baʼale nye valé. 37Be nga tyelé, e nlô wé yôp, étome jé é too ntilane na: Nyôna a ne Yésus njôô beyude. 38Baa be beze mimfaka bebaé be nga tyelébane krôa yôp: jia mbo nnôm, nyô fok mbo nga. 39Belôtan be nga taa nye, be meʼete be minlô 40be jôʼô na: A ntyame nda Zambe a beta lôñe je môse milaa, nyiʼi womien; nge ô ne mona Zambe, sisik si krôa . 41Avale te fe betuni benen baa be beyeme kalate a bemvendé be nga kpweʼele nye be jôʼô na: 42A nga nyii bôte befe, ve a se nguleya nyii émien; a ne njô bôte Israél, a sisik si krôa éyoñe ji a bia ye buni nye. 43A nga ve émiene be Zambe a jô fe na: Me ne mona Zambe: Nge Zambe a nyeʼe nye, a tame ñhe kôté nye éyoñe ji. 44Avale te fe beze mimfaka ba be be be nga tyele krôa be mbe be taa nye.
Awu Yésus
(Mk 15:33-37; Lk 23:44-46; Yoa 19:28-30; Sam 22; Eza 53:5-8,10; Rm 5:6-8; 1 Pi 2:21-24; 1 Jn 4:9-11)
45Ataté zañe môs , dibi e nga yiane si ése a kui mewolo melale ya mamengôʼé. 46Bebé mewolo melaa ya mamengôʼé, Yésus a nga yône tyiñe yôp: Eli, Eli, lama sabaktani, nalé a tinane na: Zambe wom, Zambe wom, amu jé ô liʼiya ma? 47Bevoʼo ya bôt be mbe valé be mbe be jôʼô, éyoñ be nga wôʼô nye na: A loon Elie! 48Eté été, wua ya be be a nga mate a nyoñe kusa, ve dube je e woon a ne sañ été, a some je ôlé a ve nye je na a nyu. 49Ba bevoʼo be nga jô na: Yangeʼe! Ñyenan nge Elie a ye zu nyii nye. 50Ve Yésus a nga beta yôn tyiñe yôbe ngu, a nga suu nsisime wé. 51Ô lôô, éndelé ya nda Zambe é nga salé bifas bibaé, ataté yôp a kui si; si é nga fôʼôsan; mekôm me nga salé; 52mesoñ me nga kuiban, menyôle ya abui mimfufup e wuya me nga wômô: 53mi nga vame mesoñ a nyiin e tison é ne étyi e mvuse ñwômane soñ Yésus, a yené e be abui bôt. 54E ñyenane mfôʼôsane si a mam mese me nga boban, nde évete bezimbi ntete wua a ba ba be be be mbe be baʼaleʼe Yésus, be nga dañe ko woñ a jô na: Bebela na nyôna a be mona Zambe.
55Binga abui ya ba be nga wulu nsamba Yésus, ataté Galilé, be saane nye, be mbe wé be tele ôyap a yen. 56Be mbe été na: Marie ya Magdala a Marie nyia Yakob a Yôsep a nyia bone be Zébédé.
Yésus a jambane soñ
(Mk 15:42-47; Lk 23:50-56; Yoa 19:38-42)
57Eyoñe ngôʼé é nga kui, nkukume môte ya Arimaté ô nga suan jôé na Yôsep, nye fe a nga suʼulane bo ñyeʼé Yésus, 58a nga zu be Pilat a sili mbime Yésus. Ane Pilat a nga kañese. 59Eyoñ a nyoñe mbim, Yôsep a nga vule wô e mfuban éndelé. 60A nga futi mbim e mfefé soñe wé, nyô a nga fak akôm été, a éyoñ a maneya dibe beta akok e mbé soñ nde a nga ke. 61Be mbe valé na: Marie ya Magdala a Marie mbok be nga too ôsu soñ.
Bezimbi ba baʼale soñ
(Mt 28:1-4,11-15)
62Tyé kpwaa ya mvuse nkômesan, betuni benen a befarizieñ be nga sulan e be Pilat 63be jôʼô na: A Masa, bi nga simesane njôane môt ate, nyô a nga yale bôte fé a nga jô a ngenan a vee na: Ma ye wômô e mvuse môse milaa. 64Ajô te vaʼa abendé na be tuʼa baʼale soñ a kui môse lale, beyéʼé bé be za zu wube nye a jô bôte na: A wômôya miñwuan, njañelane bôte fé wo suʼulan ô za dañe abé a dañe wu ya ôsu. 65Pilat a nga jô be na: Mi bili bebaʼale; a kelan mi tuʼa baʼale avale mia yem. 66Eyoñ be keya, be nga tuʼa foʼo baʼale soñ, be nga yemete akoʼo e nga dibe soñ a telé bebaʼale!
Currently Selected:
METIAS 27: BULU09
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
© LʼAlliance Biblique du Cameroun, 2009
METIAS 27
27
Yésus asu be Pilat
(Mk 15:1; Lk 23:1; Yoa 18:28)
1Eyoñe tyé é nga lendé, betuni benen a bemvendé ya ayoñ be nga bo ésoʼo ya tebe Yésus e ngame yat asu ya wôé nye. 2Ane be nga kaʼa nye, be kele nye a kalane nye Pilat, ngovina.
Awu Yudas
(Mm 1:16-20; Zak 11:12,13)
3Eyoñe Yudas, nyô a nga koñe nye, a nga yene na be veya nye mekua, nde a nga kôñelane nlem a bulane bifase bi moné mewôm melaa e be betuni benen a bemvendé 4a jôʼô na: Me nga bo abé éyoñ me nga koñe metyi me ne te bijô. Nde ba jô na: Wo zuu bia ajô nyôl aya? Womien wo ye yen. 5Eyoñ a wuaya bifase bi moné e nda Zambe nde a nga kôlô a éyoñ a keya ôyap, a nga timbane nko. 6Eyoñe betuni benen be nyoñeya minsañ mi moné be nga jô na: E nji yiane na bi futi mie akume ya nda Zambe, amu mi ne tañe metyi. 7Eyoñ be tabeya ésok, be nga kuse afube mmé meviek a moné ate asu ya jame bikuu. 8Ajô te ba loon afube te na afube metyi a kui e môse wu. 9Nalé ate mejô Yérémi nkulu mejô ma ye tôébane na: Ane be nga nyoñe minsañ mi moné mewôm melaa: Tañ éte é ne tañe ya nyô be nga tube tañ, nyô ya bone be Israél be nga tube tañ. 10A be nga ve mie asu afube mmé meviek, avale Nti a nga jô ma de.
Pilat a sili Yésus minsili
11Ane be nga kee Yésus asu be ngovina; nde ngovina a nga sili nye minsili na: Ye ô ne njôô beyude nga? Yésus na: Wo wo jô. 12Nté betuni benen a bemvendé be nga boʼolô nye, a nji yalane jam éziñ. 13Pilat a nga jô nye na: Ye ô nji wôk ane ba boʼolô wo? 14A nji yalane nye toʼo ve ajô da, a ngovina a nga kame jame te étua abui.
Ye Yésus, ye Barabas?
(Mk 15:6-15; Lk 23:13-15; Yoa 18:39-40)
15E abôʼô ése, ngovina a nga bili fulu ya suu mbôʼô wua e be ékôane bôt, e wu bebien be nga sili. 16Be nga bili étua mbôʼô éziñ jôé na: Yésus Barabas. 17Eyoñ be sulaneya, Pilat a nga sili be na mia yi na me suu mia za: Ye Barabas, ye Yésus ba loone na Krist? 18A mbe a yeme na be nga kuane nye amu éviele. 19A too éto ya aba mejô, nde minga wé a lôme nye tyiñe na: Te ke jam éziñ é ne e zañe jôé a zôsôa môt ate; me tôbaneya njuʼu abui den e biyeyem amu nye. 20Betuni benen a bemvendé be nga tindi minsamba mi bôt mi sili Barabas ve mi dimili Yésus. 21Eyalane jé été ngovina a nga jô be na: Mia yi na me suu mia za? Be na: Barabas. 22Pilat a nga jô be na: Nde ma ye bo Yésus ba loone Krist aya? Be nga jô bese na: A tyelébaʼane krôa yôp! 23Pilat na: Za mbia jam a nga bo? Be nga yalan a ayoʼo ese na: A tyelébaʼane krôa yôp! 24Eyoñ Pilat a yeneya teke mvolan éziñ a na zôʼé é ne ve betebet, a nga nyoñe mendim a sôbe mo asu nsamba bôt a jôʼô na: Me ne mfuban ajô metyi me môte nyô; ve mia mia ye tôban. 25Ane bôte bese be nga yalan a jô na: Metyi mé me tabeʼe be bia a e be bone bangan. 26Nde a nga suu be Barabas, ve a nga kee be Yésus be ke tyelé nye krôa yôp valé a maneya bibi nye nkasa.
Bezimbi ba kpweʼele Yésus
(Mk 15:15-20; Lk 23:13-25; Yoa 19:1-3,16)
27Ane bezimbi be ngovina be nga zuu Yésus e vôme ba kobô mejô a sulane nsamba bôt ôse ô tebe nye ngame yat. 28Be nga vaa nye ngômesane jé a jalé nye nyô é ne évele; 29be nga lôñ ékate biyo a jalé nye je nlô be kee ke nye ntum e mbo nnôm, ve kute meboñe si asu dé a kpweʼele nye be jôʼô na: Mbôlô, a njôô beyude; 30be nga tui nye mendene nyô, be nyoñe ke ntum a bibi nye wô nlô. 31Eyoñe be maneya kpweʼele nye, be nga beta vaa évele ngômesan be nga jalé nye, a bulane jalé nye ngômesane jé a kee nye na be ke tyelé nye krôa yôp.
Ba tyelé Yésus e krôa yôp
(Mk 15:21-28; Lk 23:26-34,38; Yoa 19:16-24)
32Eyoñe be nga kui atan, be nga koone môte ya Sirén jôé na Simon, be nga sili nye na a beʼe krôa Yésus 33be kelek e vôm ba loone na Gôlgôta, nge na ékôkoé nlô; 34be nga nyuu nye woon a ne sañ; éyoñ a tyeʼeya je a nji je kômbô nyu. 35Eyoñ be tyeléya nye krôa yôp, be nga kabane mengômesane mé a mboon asimba . 36Be nga tabe si a baʼale nye valé. 37Be nga tyelé, e nlô wé yôp, étome jé é too ntilane na: Nyôna a ne Yésus njôô beyude. 38Baa be beze mimfaka bebaé be nga tyelébane krôa yôp: jia mbo nnôm, nyô fok mbo nga. 39Belôtan be nga taa nye, be meʼete be minlô 40be jôʼô na: A ntyame nda Zambe a beta lôñe je môse milaa, nyiʼi womien; nge ô ne mona Zambe, sisik si krôa . 41Avale te fe betuni benen baa be beyeme kalate a bemvendé be nga kpweʼele nye be jôʼô na: 42A nga nyii bôte befe, ve a se nguleya nyii émien; a ne njô bôte Israél, a sisik si krôa éyoñe ji a bia ye buni nye. 43A nga ve émiene be Zambe a jô fe na: Me ne mona Zambe: Nge Zambe a nyeʼe nye, a tame ñhe kôté nye éyoñe ji. 44Avale te fe beze mimfaka ba be be be nga tyele krôa be mbe be taa nye.
Awu Yésus
(Mk 15:33-37; Lk 23:44-46; Yoa 19:28-30; Sam 22; Eza 53:5-8,10; Rm 5:6-8; 1 Pi 2:21-24; 1 Jn 4:9-11)
45Ataté zañe môs , dibi e nga yiane si ése a kui mewolo melale ya mamengôʼé. 46Bebé mewolo melaa ya mamengôʼé, Yésus a nga yône tyiñe yôp: Eli, Eli, lama sabaktani, nalé a tinane na: Zambe wom, Zambe wom, amu jé ô liʼiya ma? 47Bevoʼo ya bôt be mbe valé be mbe be jôʼô, éyoñ be nga wôʼô nye na: A loon Elie! 48Eté été, wua ya be be a nga mate a nyoñe kusa, ve dube je e woon a ne sañ été, a some je ôlé a ve nye je na a nyu. 49Ba bevoʼo be nga jô na: Yangeʼe! Ñyenan nge Elie a ye zu nyii nye. 50Ve Yésus a nga beta yôn tyiñe yôbe ngu, a nga suu nsisime wé. 51Ô lôô, éndelé ya nda Zambe é nga salé bifas bibaé, ataté yôp a kui si; si é nga fôʼôsan; mekôm me nga salé; 52mesoñ me nga kuiban, menyôle ya abui mimfufup e wuya me nga wômô: 53mi nga vame mesoñ a nyiin e tison é ne étyi e mvuse ñwômane soñ Yésus, a yené e be abui bôt. 54E ñyenane mfôʼôsane si a mam mese me nga boban, nde évete bezimbi ntete wua a ba ba be be be mbe be baʼaleʼe Yésus, be nga dañe ko woñ a jô na: Bebela na nyôna a be mona Zambe.
55Binga abui ya ba be nga wulu nsamba Yésus, ataté Galilé, be saane nye, be mbe wé be tele ôyap a yen. 56Be mbe été na: Marie ya Magdala a Marie nyia Yakob a Yôsep a nyia bone be Zébédé.
Yésus a jambane soñ
(Mk 15:42-47; Lk 23:50-56; Yoa 19:38-42)
57Eyoñe ngôʼé é nga kui, nkukume môte ya Arimaté ô nga suan jôé na Yôsep, nye fe a nga suʼulane bo ñyeʼé Yésus, 58a nga zu be Pilat a sili mbime Yésus. Ane Pilat a nga kañese. 59Eyoñ a nyoñe mbim, Yôsep a nga vule wô e mfuban éndelé. 60A nga futi mbim e mfefé soñe wé, nyô a nga fak akôm été, a éyoñ a maneya dibe beta akok e mbé soñ nde a nga ke. 61Be mbe valé na: Marie ya Magdala a Marie mbok be nga too ôsu soñ.
Bezimbi ba baʼale soñ
(Mt 28:1-4,11-15)
62Tyé kpwaa ya mvuse nkômesan, betuni benen a befarizieñ be nga sulan e be Pilat 63be jôʼô na: A Masa, bi nga simesane njôane môt ate, nyô a nga yale bôte fé a nga jô a ngenan a vee na: Ma ye wômô e mvuse môse milaa. 64Ajô te vaʼa abendé na be tuʼa baʼale soñ a kui môse lale, beyéʼé bé be za zu wube nye a jô bôte na: A wômôya miñwuan, njañelane bôte fé wo suʼulan ô za dañe abé a dañe wu ya ôsu. 65Pilat a nga jô be na: Mi bili bebaʼale; a kelan mi tuʼa baʼale avale mia yem. 66Eyoñ be keya, be nga tuʼa foʼo baʼale soñ, be nga yemete akoʼo e nga dibe soñ a telé bebaʼale!
Currently Selected:
:
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
© LʼAlliance Biblique du Cameroun, 2009