METIAS 11
11
1Eyoñe Yésus a maneya ve beyéʼé béé awôm a bebaé miñyeʼelane mite, a nga téé valé na a ke a yeʼele a kate Mbamba Foé e bitisone biap.
2Nde a kooé Yôanes e nda mimbôʼô été, éyoñ a wôʼôya be kobôʼô ajô mame Krist a bo, ane a nga lôme beyéʼé béé be sili nye na: 3Ye wo ô ne nyô a yiane zu, ye bia yiane yange mfe? 4Yésus a nga yalane be na: Kela katane Yôanes mam mia wôk a yen: 5mindindim mia yen, e bôte ba feñke ba wulu mvoʼé , minzezam mia tuneban a mindôndok mia wôk, mimbim mia wômô a Mbamba Foé a kateban e be bingôngole bi bôt; 6mvom a nyô a ye bo te ku amu ma.
7Be bulaʼan, nde Yésus a taté na a kobô jama bôt ajô Yôanes: Jé mi nga yene nkôte si? Ye nden évuñulu ja fôʼô? 8Nde ñhe jé mi nga ke yen? Ye môt a beʼe nyanga mimbot? Ve ba be beʼe nyanga mimbot be ne e menda bejô bôt. 9Nde ñhe jé mi nga ke yen? Ye nkulu mejô? Yaa, ma jô mia na, a dañe nkulu mejô. 10Nye a ne nyô ajô dé e ne ntilane na: Ô lôô, ma lôme nkatefoé wom ôsu viôé; a ye kôme zene jôé ôsu viôé. 11Ma jô mia bebela na e zañe ya ba bese be nga bialé be minga, teke wua yʼété a nga tebe a too éwôlô ane Yôanes Babtist; ve da, nyô a dañe tyôtyoé éjôé ya yôp a ne éwôlô a dañe nye. 12Ataté melu Yôanes Babtist a kui den, éjôé ya yôp ja nyoñeban a ngu; bôte be ne ngu mbe ba wôlé je. 13E ne foʼo na bekulu mejô bese, nalé fe metiñ, be nga kulu mejô a kui melu Yôanes. 14Nge mia tuʼa kômbô wôk, nye a ne Elie a yiane beta so.
15E môt a bili melo, a wôʼôk! 16Ma ye funane miaé wuna za? Be ne veʼane wô a bongô be too bito, mbe ba loone ba bevok:
17Bi maneya loñe mia mfañ, ve mi nji jem!
Bi maneya yia jia awu, mi teke yôn!
18Amu e ne foʼo na Yôanes a soya nye te di, te nyu, be na: A dimiliya fek. 19Mona môt a soya, a di a nyu, be na: Yenane seba a nsoʼo bilam, mvôé benyoñe toya a bebo abé ! Ve fek é kabeya amu mimboone mié.
Yésus a yône bitisone ya Galilé
(Mt 10:15; Lk 10:12-15)
20Nde a nga taté na a ve bitison bijô e vôme beta ngabe ya bitua bi mam bié a nga boban, amu bi nji ke kôñelane minlem. 21Engôngol a wo a Korazin! Engôngol a wo a Bétsayida! Amu nge bitua bi mam bi nga bobane be mia bi nga ye boban e Tir a Sidoñ, ve be nga ye kôñelan a ayap e nkuta a asup été. 22Yaa, ma jô mia de na e môse ntyiʼane mejô, mia ye dañe tôban ayaa a dañe Tir a Sidoñ.
23A wo, a Kapernawum,
ye wo ye beteban a kui yôp?
Wo ye sis a kui vôme miñwuan mi too!
Amu nge bitua bi mam bi nga bobane be wo bi nga ye boban e Sodom, ve a ngenan a kui den. 24Ajô te, ma kate mia de, e môse ntyiʼane mejô, wo (Kapernawum) ye dañe tôban ayaa a dañe Sodom.
Esaa ba mon
25Eyoñe te Yésus a nga nyoñe nkobô a jô na: Ma ve wo duma, a Tate, Nti ya yôp a si amu ô nga solé mimfefek a mintyetyeñ mam mete a amu ô nga kulane me bone be bongô. 26Yaa a Tat, e mvame jôé été, nne ô nga taʼa me nalé. 27Esaa wom a nga ve ma mam mese. Te ke môt a yeme mon, vengevenge ve Esaa, a teke môt a yeme Esaa, vengevenge ve mon, a nyô mon a kômbô nye liti.
Nyôñane mbeʼe mon
28Zaʼane be ma, mia bese mia wôʼô njuk amu adite mbeʼe a ma ma ye ve mia awoʼon. 29Bekaʼan éboñeté jam a yékaʼane be ma, amu me ne évôvoé a nleme njeʼebane si a mia ye yen awoʼone ya minsisime mienan. 30Yaa, ébôñeté jam é ne tyiʼibi ya beʼe a mbeʼe wom éveves.
Currently Selected:
METIAS 11: BULU09
Highlight
Share
Copy
Want to have your highlights saved across all your devices? Sign up or sign in
© LʼAlliance Biblique du Cameroun, 2009
METIAS 11
11
1Eyoñe Yésus a maneya ve beyéʼé béé awôm a bebaé miñyeʼelane mite, a nga téé valé na a ke a yeʼele a kate Mbamba Foé e bitisone biap.
2Nde a kooé Yôanes e nda mimbôʼô été, éyoñ a wôʼôya be kobôʼô ajô mame Krist a bo, ane a nga lôme beyéʼé béé be sili nye na: 3Ye wo ô ne nyô a yiane zu, ye bia yiane yange mfe? 4Yésus a nga yalane be na: Kela katane Yôanes mam mia wôk a yen: 5mindindim mia yen, e bôte ba feñke ba wulu mvoʼé , minzezam mia tuneban a mindôndok mia wôk, mimbim mia wômô a Mbamba Foé a kateban e be bingôngole bi bôt; 6mvom a nyô a ye bo te ku amu ma.
7Be bulaʼan, nde Yésus a taté na a kobô jama bôt ajô Yôanes: Jé mi nga yene nkôte si? Ye nden évuñulu ja fôʼô? 8Nde ñhe jé mi nga ke yen? Ye môt a beʼe nyanga mimbot? Ve ba be beʼe nyanga mimbot be ne e menda bejô bôt. 9Nde ñhe jé mi nga ke yen? Ye nkulu mejô? Yaa, ma jô mia na, a dañe nkulu mejô. 10Nye a ne nyô ajô dé e ne ntilane na: Ô lôô, ma lôme nkatefoé wom ôsu viôé; a ye kôme zene jôé ôsu viôé. 11Ma jô mia bebela na e zañe ya ba bese be nga bialé be minga, teke wua yʼété a nga tebe a too éwôlô ane Yôanes Babtist; ve da, nyô a dañe tyôtyoé éjôé ya yôp a ne éwôlô a dañe nye. 12Ataté melu Yôanes Babtist a kui den, éjôé ya yôp ja nyoñeban a ngu; bôte be ne ngu mbe ba wôlé je. 13E ne foʼo na bekulu mejô bese, nalé fe metiñ, be nga kulu mejô a kui melu Yôanes. 14Nge mia tuʼa kômbô wôk, nye a ne Elie a yiane beta so.
15E môt a bili melo, a wôʼôk! 16Ma ye funane miaé wuna za? Be ne veʼane wô a bongô be too bito, mbe ba loone ba bevok:
17Bi maneya loñe mia mfañ, ve mi nji jem!
Bi maneya yia jia awu, mi teke yôn!
18Amu e ne foʼo na Yôanes a soya nye te di, te nyu, be na: A dimiliya fek. 19Mona môt a soya, a di a nyu, be na: Yenane seba a nsoʼo bilam, mvôé benyoñe toya a bebo abé ! Ve fek é kabeya amu mimboone mié.
Yésus a yône bitisone ya Galilé
(Mt 10:15; Lk 10:12-15)
20Nde a nga taté na a ve bitison bijô e vôme beta ngabe ya bitua bi mam bié a nga boban, amu bi nji ke kôñelane minlem. 21Engôngol a wo a Korazin! Engôngol a wo a Bétsayida! Amu nge bitua bi mam bi nga bobane be mia bi nga ye boban e Tir a Sidoñ, ve be nga ye kôñelan a ayap e nkuta a asup été. 22Yaa, ma jô mia de na e môse ntyiʼane mejô, mia ye dañe tôban ayaa a dañe Tir a Sidoñ.
23A wo, a Kapernawum,
ye wo ye beteban a kui yôp?
Wo ye sis a kui vôme miñwuan mi too!
Amu nge bitua bi mam bi nga bobane be wo bi nga ye boban e Sodom, ve a ngenan a kui den. 24Ajô te, ma kate mia de, e môse ntyiʼane mejô, wo (Kapernawum) ye dañe tôban ayaa a dañe Sodom.
Esaa ba mon
25Eyoñe te Yésus a nga nyoñe nkobô a jô na: Ma ve wo duma, a Tate, Nti ya yôp a si amu ô nga solé mimfefek a mintyetyeñ mam mete a amu ô nga kulane me bone be bongô. 26Yaa a Tat, e mvame jôé été, nne ô nga taʼa me nalé. 27Esaa wom a nga ve ma mam mese. Te ke môt a yeme mon, vengevenge ve Esaa, a teke môt a yeme Esaa, vengevenge ve mon, a nyô mon a kômbô nye liti.
Nyôñane mbeʼe mon
28Zaʼane be ma, mia bese mia wôʼô njuk amu adite mbeʼe a ma ma ye ve mia awoʼon. 29Bekaʼan éboñeté jam a yékaʼane be ma, amu me ne évôvoé a nleme njeʼebane si a mia ye yen awoʼone ya minsisime mienan. 30Yaa, ébôñeté jam é ne tyiʼibi ya beʼe a mbeʼe wom éveves.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© LʼAlliance Biblique du Cameroun, 2009