Sofoni 2
2
A nga yi suma lulumana
1Agi andjaf ma bei zulona ba na,
agi togogiya, agi togogi tagi
2avok ka bei vun ma hed’a mba tua d’a,
bei burâ mi kal d’igi brad’a ti fel lei na d’a,
bei ayî ma bibiliuna hi Ma didina mi mba kagid’a,
bei bur ma ayî máma mi mba kagid’a.
3Agi suma luluma suma yam andagad’ina pet,
agi halagi Ma didina,
agi tid’igi yam vun mam ma hed’a,
agi halagi d’ingêra,
agi gagi yagi kä luluma avok Alona mi.
Dam mba mi kengêgi woi kur bur mam ma ayîna kla.
Alona mi ngop suma abo ma fladegena
4A mba ar Gaza woyo,
Askalon mba d’i mbut djona,
a mba dik suma Asdot-na falei d’ad’ar,
a mba tchi suma Ekron-na woi pepet mi.
5Ni zla d’a hohoud’a yam agi andjaf ma Keret
ma nga kaka avun alum ma ngolîna.
Ndak Kanan ambas sa Filistê-d’a,
Ma didina mi dala:
an mba ni b’lagak keyo,
a mba fe sama kak kuruk ki.
6Ambas magi d’a avun alum ma ngolîd’a
mba d’i mbut ni yima te hatna,
mba d’i mbut ni yima burâ hi suma polîna,
mba d’i mbut ni kangâna hi d’uwarîna mi.
7Vun alum máma mba mi arî
mandjafâ hi Juda ma arâ,
ni kua ba, a mba pol d’uwar mazina,
a mba tuk tazi fladege
kur azì ma Askalon-na,
kayam Ma didina Alo mazina
mba mi mar kazi d’i,
mba mi yozï woi kur magomba.
Alona mi ngop suma abo ma yorogona
8Ma didina mi dala:
An hum ngula hi suma Mowap-ma
ki lasa hi suma Amon-nid’a
ata yima azi nga mbut sum mana zulonina
a hle yazi akulo
a kal kur leu mazid’a mi na.
9Kayam ndata, an ma bei matna
Ma didin ma ad’engên kal petna,
Alona hi Israel-lîna, ni dala:
Mowap mba d’i mbut ni d’igi Sodom na,
Amon mba d’i mbut ni d’igi Gomor na.
Yazi mba mi se kekerezeuna,
mba mi mbut ni zul la a djugot ndjuvuna kuad’a,
mba mi arî djona ki iram fafat.
Sum mana ad’uzi d’a ara a mba hurumuziya,
andjaf man suma a mba ar nde na
a mba hlambas mazid’a mi.
10Ahle ndazina a mba mba kazi hina
kayam subur ta mazid’a,
kayam a hle yazi akulo,
a ngul suma hi Ma didin ma ad’engêm kal petnina.
11Ma didina mba mi mbut ni vama mandarâ kaziya,
kayam mba mi dap alo ma yam andagad’ina woi pet.
Andjaf ma kur tilina pet, nge nge pî
mba mi grif kä avorom yam andaga mamba,
ata yam ma kaka mi.
Mi ngop suma abo ma sutna ki suma abo ma norâ
12Ma didina mi dala:
Agi suma Etiyopi-na,
an mba ni tchagi woi avun ayîna.
13Ma didina mba mi hlabom akulo
á ngop suma abo ma norâ,
mba mi dap suma Asiri-na woyo,
mba mi mbut azì ma ngol ma Ninif-fâ djona,
mba mi mbud’um hur ful ma so ma gangrasâ.
14Ades d’uwarâ mba mi tuk tam kuru,
andjaf ahle suma abagei suma lara ge pepet
zlapa ki bud’ufâ ki tchetchema a mba bur akulo
yam agu ma murgulina yam mba djumba,
a mba tchi ir fenetred’a wü,
agu ma avun gongîyonina mba mi b’lak keyo,
agu sedre ma ped’a ngingitna a mba pad’am mbei mi.
15Wana nazì ma ngol ma
suma kuruma a nga subur tazi
a nga kaka ki halasa
a nga de kuruzi ala:
Nazì meina wan tu go!
Ma ding ma d’igi mam na na nga d’uo na.
Suma a mba de kam ala:
Ni nana ba, mi mbut djona ge?
Mi mbut wa yima kaka hahle suma abageina.
Suma a nga kal kuana pet a mba le atchap,
a mba tchabozi kukup mi.
Currently Selected:
Sofoni 2: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Sofoni 2
2
A nga yi suma lulumana
1Agi andjaf ma bei zulona ba na,
agi togogiya, agi togogi tagi
2avok ka bei vun ma hed’a mba tua d’a,
bei burâ mi kal d’igi brad’a ti fel lei na d’a,
bei ayî ma bibiliuna hi Ma didina mi mba kagid’a,
bei bur ma ayî máma mi mba kagid’a.
3Agi suma luluma suma yam andagad’ina pet,
agi halagi Ma didina,
agi tid’igi yam vun mam ma hed’a,
agi halagi d’ingêra,
agi gagi yagi kä luluma avok Alona mi.
Dam mba mi kengêgi woi kur bur mam ma ayîna kla.
Alona mi ngop suma abo ma fladegena
4A mba ar Gaza woyo,
Askalon mba d’i mbut djona,
a mba dik suma Asdot-na falei d’ad’ar,
a mba tchi suma Ekron-na woi pepet mi.
5Ni zla d’a hohoud’a yam agi andjaf ma Keret
ma nga kaka avun alum ma ngolîna.
Ndak Kanan ambas sa Filistê-d’a,
Ma didina mi dala:
an mba ni b’lagak keyo,
a mba fe sama kak kuruk ki.
6Ambas magi d’a avun alum ma ngolîd’a
mba d’i mbut ni yima te hatna,
mba d’i mbut ni yima burâ hi suma polîna,
mba d’i mbut ni kangâna hi d’uwarîna mi.
7Vun alum máma mba mi arî
mandjafâ hi Juda ma arâ,
ni kua ba, a mba pol d’uwar mazina,
a mba tuk tazi fladege
kur azì ma Askalon-na,
kayam Ma didina Alo mazina
mba mi mar kazi d’i,
mba mi yozï woi kur magomba.
Alona mi ngop suma abo ma yorogona
8Ma didina mi dala:
An hum ngula hi suma Mowap-ma
ki lasa hi suma Amon-nid’a
ata yima azi nga mbut sum mana zulonina
a hle yazi akulo
a kal kur leu mazid’a mi na.
9Kayam ndata, an ma bei matna
Ma didin ma ad’engên kal petna,
Alona hi Israel-lîna, ni dala:
Mowap mba d’i mbut ni d’igi Sodom na,
Amon mba d’i mbut ni d’igi Gomor na.
Yazi mba mi se kekerezeuna,
mba mi mbut ni zul la a djugot ndjuvuna kuad’a,
mba mi arî djona ki iram fafat.
Sum mana ad’uzi d’a ara a mba hurumuziya,
andjaf man suma a mba ar nde na
a mba hlambas mazid’a mi.
10Ahle ndazina a mba mba kazi hina
kayam subur ta mazid’a,
kayam a hle yazi akulo,
a ngul suma hi Ma didin ma ad’engêm kal petnina.
11Ma didina mba mi mbut ni vama mandarâ kaziya,
kayam mba mi dap alo ma yam andagad’ina woi pet.
Andjaf ma kur tilina pet, nge nge pî
mba mi grif kä avorom yam andaga mamba,
ata yam ma kaka mi.
Mi ngop suma abo ma sutna ki suma abo ma norâ
12Ma didina mi dala:
Agi suma Etiyopi-na,
an mba ni tchagi woi avun ayîna.
13Ma didina mba mi hlabom akulo
á ngop suma abo ma norâ,
mba mi dap suma Asiri-na woyo,
mba mi mbut azì ma ngol ma Ninif-fâ djona,
mba mi mbud’um hur ful ma so ma gangrasâ.
14Ades d’uwarâ mba mi tuk tam kuru,
andjaf ahle suma abagei suma lara ge pepet
zlapa ki bud’ufâ ki tchetchema a mba bur akulo
yam agu ma murgulina yam mba djumba,
a mba tchi ir fenetred’a wü,
agu ma avun gongîyonina mba mi b’lak keyo,
agu sedre ma ped’a ngingitna a mba pad’am mbei mi.
15Wana nazì ma ngol ma
suma kuruma a nga subur tazi
a nga kaka ki halasa
a nga de kuruzi ala:
Nazì meina wan tu go!
Ma ding ma d’igi mam na na nga d’uo na.
Suma a mba de kam ala:
Ni nana ba, mi mbut djona ge?
Mi mbut wa yima kaka hahle suma abageina.
Suma a nga kal kuana pet a mba le atchap,
a mba tchabozi kukup mi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.