Zakari 13
13
1Kur bur máma ir mbiyo ma laud’a mba mi mal lei á mbus tchod’a ki ndjendjed’a handjafâ hi David-na ki d’a hi suma Jerusalem-mid’a woyo.
Alona mba mi b’lak fileina ki suma ka zlad’a woyo
2Ma didin ma ad’engêm kal petna mi dala: An mba ni yo filei ma yam ambasina woi tala ar sa mi djib’er kam mbuo d’a, an mba ni yo suma djok vun suma kur ambasina ki muzuk ma ndjendjed’a woi mi. 3Le sama dingâ mi djok vuna d’eyu ni, abum kasum suma a vud’uma a mba dum ala: Ang ndak á matna, kayam ang de ni zla d’a kad’a ki simiyê Ma didina. Abum kasum suma a vud’uma a mba tchogom a tchum mbei ata yima mam nga mi djok vunina. 4Kur bur máma suma djok vuna a mba le zulona á djok vuna woi yam ahle suma a nde tazi woi irazina, a mba tchuk baru d’a ngol la tumusa á mbut ir suma d’uo d’a. 5Nge nge pî adigazi mba mi dala: An nga ni ma djok vun Alona d’i, an ni sama zuma, kayam an ni sama zuma ki gogoron dei. 6Wani a mba dum ala: Ni mbil ma me abong hî ge? Mam mba mi dazi ala: Ni mbil ma an fumî avo hi buniyônina.
A mba we Ma didina ala mi nAlona
7Ma didin ma ad’engêm kal petna mi dala:
Ndak mbigeu d’a fiyaka,
ndak ka man ma pola,
ndak ka ndrana mi.
Ndak ka ma pola,
ar tumiyôna a b’rau woi yayak,
an mba ni mbut iran yam suma gureina.
8Ma didina mi de kua ala: Andagad’a abot ma wal ad’u hindina abot ma mbàna suma kuruma a mba tchazi woyo, abot ma hindina suma kuruma a mba arî aziya. 9An mba ni tchuk suma kur abo ma hindi mámina akua, an mba ni yorozi d’igi a yor kawei ma hapma na, an mba ni kuguzi d’igi a kuk lora na, a mba tchenenu, an mba ni humuzi mi. An mba ni dala: Sum ndazina a ni sum mana; azi mba dala: Ma didina nAlo meina mi.
Currently Selected:
Zakari 13: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Zakari 13
13
1Kur bur máma ir mbiyo ma laud’a mba mi mal lei á mbus tchod’a ki ndjendjed’a handjafâ hi David-na ki d’a hi suma Jerusalem-mid’a woyo.
Alona mba mi b’lak fileina ki suma ka zlad’a woyo
2Ma didin ma ad’engêm kal petna mi dala: An mba ni yo filei ma yam ambasina woi tala ar sa mi djib’er kam mbuo d’a, an mba ni yo suma djok vun suma kur ambasina ki muzuk ma ndjendjed’a woi mi. 3Le sama dingâ mi djok vuna d’eyu ni, abum kasum suma a vud’uma a mba dum ala: Ang ndak á matna, kayam ang de ni zla d’a kad’a ki simiyê Ma didina. Abum kasum suma a vud’uma a mba tchogom a tchum mbei ata yima mam nga mi djok vunina. 4Kur bur máma suma djok vuna a mba le zulona á djok vuna woi yam ahle suma a nde tazi woi irazina, a mba tchuk baru d’a ngol la tumusa á mbut ir suma d’uo d’a. 5Nge nge pî adigazi mba mi dala: An nga ni ma djok vun Alona d’i, an ni sama zuma, kayam an ni sama zuma ki gogoron dei. 6Wani a mba dum ala: Ni mbil ma me abong hî ge? Mam mba mi dazi ala: Ni mbil ma an fumî avo hi buniyônina.
A mba we Ma didina ala mi nAlona
7Ma didin ma ad’engêm kal petna mi dala:
Ndak mbigeu d’a fiyaka,
ndak ka man ma pola,
ndak ka ndrana mi.
Ndak ka ma pola,
ar tumiyôna a b’rau woi yayak,
an mba ni mbut iran yam suma gureina.
8Ma didina mi de kua ala: Andagad’a abot ma wal ad’u hindina abot ma mbàna suma kuruma a mba tchazi woyo, abot ma hindina suma kuruma a mba arî aziya. 9An mba ni tchuk suma kur abo ma hindi mámina akua, an mba ni yorozi d’igi a yor kawei ma hapma na, an mba ni kuguzi d’igi a kuk lora na, a mba tchenenu, an mba ni humuzi mi. An mba ni dala: Sum ndazina a ni sum mana; azi mba dala: Ma didina nAlo meina mi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.