Sawal la kal teglesa 2
2
1An ni b’o d’a Saron-nda,
an ni tamas sa kur horid’a.
(Mamu)
2Mi dala:
Ta an le kat heîd’a ta aduk gro yuguneina
ni d’igi tamas sa aduk aweid’id’a na.
(Ndad’u)
3Ti dala:
Ma an le kam heî ma aduk gro azungeînina
mi ni d’igi agu pom ma aduk agunina na.
An min kak ad’u anguzamu,
vud’um mbi adjib’eta avunanu.
4Mi kal ki sed’en kur gong nga tche süm guguzlud’a,
drapo d’a mi tinindji kanda ni od’a.
5Agi ndjunun ki weî vud’a guguzlud’a,
agi b’lengên hurun ki vud’agu poma,
kayam an amangeîd’a kur od’a.
6Mi ge abom ma gulana kä ad’u yanu,
mi gabom ma ndjufâ kä kan mi.
(Mamu)
7Mi dala:
Agi gro yugunei suma Jerusalem-ma,
an nga ni gunugi ki duguyona
ki pandri d’a abageid’a mi,
agi zlid’igi d’a an le kat heîd’a akulo d’i,
agi zlid’it akulo d’i
gak ti tchol akulo nata min mata!
Sawal la mbàd’a
(2.8-17)
Ni mam ba, nga mi djï wana
(Ndad’u)
8Ti dala:
Agi humugi del ma an le kam heîna;
gola! Nga mi djïya,
nga mi pir akulo yam ahuniyôna,
nga mi gal akulo yam yima ndingâ.
9Ma an le kam heîna,
mi hle tamî d’igi duka na,
d’igi gor gayangâ na mi.
Gola! Mi tchol nga huyok gong meid’a,
nga mi golî ir fenetred’a,
iram nga d’i wile ir kawei ma ndjana.
10Ma an le kam heîna, mi dan ala:
Ndak ka an hurun vaka,
ndak tchol akulo!
Man nda djifâ, ndak mbeyo!
11Andola ti kal da’,
alo ma sed’a mi hô mi i da’.
12Ahlena a nga b’o kur ambasa,
yima hle sawala mba wa da’,
suma a nga hum del gugu bed’egera kur ambas meid’a.
13Tuluma mi tchuk vuta,
guguzlud’a b’ot ti b’ik hisâ kä b’ib’ik.
Ndak ka an le kak heîd’a,
ndak tchol akulo!
Man nda djifâ, ndak mbeya!
14Gugu manda,
ndak ka nga kaka angra ahinad’id’a,
ndak ka nga ngei d’a kä ata yima ligitimid’a,
ar an wak iragu,
ar an humuk delegu,
kayam delek ki djivid’a,
irak ki djif heî mi.
(Asud’u)
15Asut ti dala:
Agi vigimi bayak ka gurei
d’a nga d’i b’lak guguzlud’id’a,
kayam guguzlu meid’a nga d’i b’o!
(Ndad’u)
16Atchad’a ti dala:
Ma an le kam heîna ni mana,
an ni mamba mi,
nga mi pol d’uwar mama aduk tamasa.
17Ata yima afata b’leng
anguzuna mi kal leina,
ang ma an le kang heîna, ang mbeya,
ang mbut ni d’igi duka na,
d’igi gor gayangâ na
yam yima nding ma mi walei woina.
Sawal la hindid’a
(3.1—5.1)
Adïd’a nga d’i dat ala ti i atam hala
(Ndad’u)
Currently Selected:
Sawal la kal teglesa 2: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Sawal la kal teglesa 2
2
1An ni b’o d’a Saron-nda,
an ni tamas sa kur horid’a.
(Mamu)
2Mi dala:
Ta an le kat heîd’a ta aduk gro yuguneina
ni d’igi tamas sa aduk aweid’id’a na.
(Ndad’u)
3Ti dala:
Ma an le kam heî ma aduk gro azungeînina
mi ni d’igi agu pom ma aduk agunina na.
An min kak ad’u anguzamu,
vud’um mbi adjib’eta avunanu.
4Mi kal ki sed’en kur gong nga tche süm guguzlud’a,
drapo d’a mi tinindji kanda ni od’a.
5Agi ndjunun ki weî vud’a guguzlud’a,
agi b’lengên hurun ki vud’agu poma,
kayam an amangeîd’a kur od’a.
6Mi ge abom ma gulana kä ad’u yanu,
mi gabom ma ndjufâ kä kan mi.
(Mamu)
7Mi dala:
Agi gro yugunei suma Jerusalem-ma,
an nga ni gunugi ki duguyona
ki pandri d’a abageid’a mi,
agi zlid’igi d’a an le kat heîd’a akulo d’i,
agi zlid’it akulo d’i
gak ti tchol akulo nata min mata!
Sawal la mbàd’a
(2.8-17)
Ni mam ba, nga mi djï wana
(Ndad’u)
8Ti dala:
Agi humugi del ma an le kam heîna;
gola! Nga mi djïya,
nga mi pir akulo yam ahuniyôna,
nga mi gal akulo yam yima ndingâ.
9Ma an le kam heîna,
mi hle tamî d’igi duka na,
d’igi gor gayangâ na mi.
Gola! Mi tchol nga huyok gong meid’a,
nga mi golî ir fenetred’a,
iram nga d’i wile ir kawei ma ndjana.
10Ma an le kam heîna, mi dan ala:
Ndak ka an hurun vaka,
ndak tchol akulo!
Man nda djifâ, ndak mbeyo!
11Andola ti kal da’,
alo ma sed’a mi hô mi i da’.
12Ahlena a nga b’o kur ambasa,
yima hle sawala mba wa da’,
suma a nga hum del gugu bed’egera kur ambas meid’a.
13Tuluma mi tchuk vuta,
guguzlud’a b’ot ti b’ik hisâ kä b’ib’ik.
Ndak ka an le kak heîd’a,
ndak tchol akulo!
Man nda djifâ, ndak mbeya!
14Gugu manda,
ndak ka nga kaka angra ahinad’id’a,
ndak ka nga ngei d’a kä ata yima ligitimid’a,
ar an wak iragu,
ar an humuk delegu,
kayam delek ki djivid’a,
irak ki djif heî mi.
(Asud’u)
15Asut ti dala:
Agi vigimi bayak ka gurei
d’a nga d’i b’lak guguzlud’id’a,
kayam guguzlu meid’a nga d’i b’o!
(Ndad’u)
16Atchad’a ti dala:
Ma an le kam heîna ni mana,
an ni mamba mi,
nga mi pol d’uwar mama aduk tamasa.
17Ata yima afata b’leng
anguzuna mi kal leina,
ang ma an le kang heîna, ang mbeya,
ang mbut ni d’igi duka na,
d’igi gor gayangâ na
yam yima nding ma mi walei woina.
Sawal la hindid’a
(3.1—5.1)
Adïd’a nga d’i dat ala ti i atam hala
(Ndad’u)
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.