Zla d’a d’ogolâ 6
6
Ang djin vunang ki sa á hlum bal li
1Gorona, le ang hle vunang mi sama dingâ yam balâ hi ndrangîna, le ang he tang yam sama dingâ, 2le zla d’a avunanga ti djiningû, le zla d’a ang data ti vang wa ni, 3gorona, vama ang luma ba wana: Ang prut tang ngeyo, ang i grif kä avok ndrangâ, ang tchenem ki labiyad’a, kayam ang nde nabomu. 4Ar ang bur sen ndi, ang rimek irang kä bei ang ndak vun zla ndata d’uo mi. 5Ang prut tang ngei d’igi duka ti prut tat tei abo sama nduwanda na, d’igi aleina mi prut tam mbei abo sama gun dauna na mi.
Ar ang lazulomba d’i
6Ang ma azulomba, ang i gol matchid’agad’a, ang djib’er yam sun mata, ang mba fe ned’a. 7Ti nga ki sama golot toze amul mat toze ma te kat tuo mi. 8Wani nga d’i tok te matna awaliya, nga d’i togom ata yima suma a nga fet awunina. 9Ang ma azulomba, ang mba bur sena hina gagak mindja ge? Ni mindja ba, ang mba zlit akulo ge? 10Ang bur sena ndjö, ang hulong tuk tang ndjö, ang d’ut abong vunadigang hina djang, ang bur ki sena ndjö. 11Gola! Houd’a mba d’i nde kang dumuzi d’igi sama nga mi tit avun azina azina á kul ahlenina na, meid’a mba d’i mba atang d’igi sama i dur ayînina na.
Zla d’a yam sama bateinid’a
12Sama hawa ya’â ni sama bateina, ni sama tit ki zla d’a kad’a avunama. 13Nga mi tchem iram á de zlad’a, nga mi de zlad’a kasemu, nga mi de zlad’a ki tchitchid’amu. 14Zla d’a ata yat tuo d’a ti nga oîd’a kurumu, ata yima lara pî mi djib’erî djib’er ra tchod’a, nga mi tchuk suma huneîd’a aduk tazi mi. 15Kayam ndata, b’laka mba d’i mba kam dumuzi, mba mi ba woi atogo zak bei mi fe lovot ta prut tam ba.
Ahle suma Ma didina mi minizi d’uo na
16Ahle suma karagaya d’oze kid’iziya suma Ma didina mi minizi d’uo suma mi golozi nahle suma ndjendjed’a irama ba wana:
17Hle yam mba akulod’a,
zla d’a kad’a,
tchi d’a tchi suma bei zlad’a kazinid’a,
18djib’er ra lahle suma ata yazi d’uo nid’a,
asem ma tin kä ta d’uo á le tchod’ina,
19glangâs ma aboi ma de zla d’a kad’ina,
ma tchuk b’oziyoma huneîd’a aduk tazina.
Ang gol tang djivi ki mizeuna
20Gorona, ang ngom vun ma hed’a habungâ, ang noî hata hasunga woi d’uo mi. 21Ang vazi kurung burâ ki burâ, ang gazi keleng adivadivi. 22A mba tagang lovota kur tit manga, a mba ngomong ata yi mang ma burâ, a mba dang zlad’a ata yima ang mba zlit akulona mi. 23Kayam vun ma hed’a ni lalamba, hata ni b’od’a, ngopa á hata ni lovot ta suta. 24A mba ngomong ngei abo atcha d’a tchod’a, abo d’a ding nga vunat mbulâ á lop sumid’a mi. 25Ar ang le d’od’oka kurung yam djif matna d’i, ar ti vang ki irat ta bizeina d’i. 26Atcha d’a gaulangâ ti te ni sana abomu, ti aramî bubuk avuna, atcha d’a d’umba hi sanid’a ti gunungî dauna avorong kä á bang ari manga woyo. 27Sana mi ndak á hlakud’a didigam bei baru mama mi vakud’a zu? 28Sana mi ndak á tit aduk gordjo ma aku ma hihî’â bei mi ngalam asem zu? 29Sama mi kal ad’u atchad’a hi ndramid’a, mi hle tamî hina dedege; sama lara ma mi dotna, zlad’a nga d’i ba bei vum mbi. 30Sa nga mi gol sama kula tä ata yima mi kul abo meid’ina d’i. 31Wani le a fumu ni, mba mi wurak yam kid’iziya, a mba yo ahle suma avo hatama pet mi. 32Wani sama mi le mizeuna katchad’a hi sanid’ina ni sama bei wäd’u zlad’a ba na, sama mi min ba tam mbeina, mi le ni hina. 33Mba mi fe tod’a ki zulona; zulo mama nga mi dap pei d’uo mi. 34Kayam yungôrâ nga mi tin sana kur hur ma zala, nga mi we hohowa sa kur bur ma sä atchugula d’i. 35Nga mi tin djib’erem yam wuraka d’i. Le ang hum he d’a hawad’a ni nana pî, nga mi vat ti.
Currently Selected:
Zla d’a d’ogolâ 6: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Zla d’a d’ogolâ 6
6
Ang djin vunang ki sa á hlum bal li
1Gorona, le ang hle vunang mi sama dingâ yam balâ hi ndrangîna, le ang he tang yam sama dingâ, 2le zla d’a avunanga ti djiningû, le zla d’a ang data ti vang wa ni, 3gorona, vama ang luma ba wana: Ang prut tang ngeyo, ang i grif kä avok ndrangâ, ang tchenem ki labiyad’a, kayam ang nde nabomu. 4Ar ang bur sen ndi, ang rimek irang kä bei ang ndak vun zla ndata d’uo mi. 5Ang prut tang ngei d’igi duka ti prut tat tei abo sama nduwanda na, d’igi aleina mi prut tam mbei abo sama gun dauna na mi.
Ar ang lazulomba d’i
6Ang ma azulomba, ang i gol matchid’agad’a, ang djib’er yam sun mata, ang mba fe ned’a. 7Ti nga ki sama golot toze amul mat toze ma te kat tuo mi. 8Wani nga d’i tok te matna awaliya, nga d’i togom ata yima suma a nga fet awunina. 9Ang ma azulomba, ang mba bur sena hina gagak mindja ge? Ni mindja ba, ang mba zlit akulo ge? 10Ang bur sena ndjö, ang hulong tuk tang ndjö, ang d’ut abong vunadigang hina djang, ang bur ki sena ndjö. 11Gola! Houd’a mba d’i nde kang dumuzi d’igi sama nga mi tit avun azina azina á kul ahlenina na, meid’a mba d’i mba atang d’igi sama i dur ayînina na.
Zla d’a yam sama bateinid’a
12Sama hawa ya’â ni sama bateina, ni sama tit ki zla d’a kad’a avunama. 13Nga mi tchem iram á de zlad’a, nga mi de zlad’a kasemu, nga mi de zlad’a ki tchitchid’amu. 14Zla d’a ata yat tuo d’a ti nga oîd’a kurumu, ata yima lara pî mi djib’erî djib’er ra tchod’a, nga mi tchuk suma huneîd’a aduk tazi mi. 15Kayam ndata, b’laka mba d’i mba kam dumuzi, mba mi ba woi atogo zak bei mi fe lovot ta prut tam ba.
Ahle suma Ma didina mi minizi d’uo na
16Ahle suma karagaya d’oze kid’iziya suma Ma didina mi minizi d’uo suma mi golozi nahle suma ndjendjed’a irama ba wana:
17Hle yam mba akulod’a,
zla d’a kad’a,
tchi d’a tchi suma bei zlad’a kazinid’a,
18djib’er ra lahle suma ata yazi d’uo nid’a,
asem ma tin kä ta d’uo á le tchod’ina,
19glangâs ma aboi ma de zla d’a kad’ina,
ma tchuk b’oziyoma huneîd’a aduk tazina.
Ang gol tang djivi ki mizeuna
20Gorona, ang ngom vun ma hed’a habungâ, ang noî hata hasunga woi d’uo mi. 21Ang vazi kurung burâ ki burâ, ang gazi keleng adivadivi. 22A mba tagang lovota kur tit manga, a mba ngomong ata yi mang ma burâ, a mba dang zlad’a ata yima ang mba zlit akulona mi. 23Kayam vun ma hed’a ni lalamba, hata ni b’od’a, ngopa á hata ni lovot ta suta. 24A mba ngomong ngei abo atcha d’a tchod’a, abo d’a ding nga vunat mbulâ á lop sumid’a mi. 25Ar ang le d’od’oka kurung yam djif matna d’i, ar ti vang ki irat ta bizeina d’i. 26Atcha d’a gaulangâ ti te ni sana abomu, ti aramî bubuk avuna, atcha d’a d’umba hi sanid’a ti gunungî dauna avorong kä á bang ari manga woyo. 27Sana mi ndak á hlakud’a didigam bei baru mama mi vakud’a zu? 28Sana mi ndak á tit aduk gordjo ma aku ma hihî’â bei mi ngalam asem zu? 29Sama mi kal ad’u atchad’a hi ndramid’a, mi hle tamî hina dedege; sama lara ma mi dotna, zlad’a nga d’i ba bei vum mbi. 30Sa nga mi gol sama kula tä ata yima mi kul abo meid’ina d’i. 31Wani le a fumu ni, mba mi wurak yam kid’iziya, a mba yo ahle suma avo hatama pet mi. 32Wani sama mi le mizeuna katchad’a hi sanid’ina ni sama bei wäd’u zlad’a ba na, sama mi min ba tam mbeina, mi le ni hina. 33Mba mi fe tod’a ki zulona; zulo mama nga mi dap pei d’uo mi. 34Kayam yungôrâ nga mi tin sana kur hur ma zala, nga mi we hohowa sa kur bur ma sä atchugula d’i. 35Nga mi tin djib’erem yam wuraka d’i. Le ang hum he d’a hawad’a ni nana pî, nga mi vat ti.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.