Zla d’a d’ogolâ 31
31
D’al ma a dum mamulîna
1Wana ni zlad’a hi Lemuel amul ma Masa-nid’a, wana ni zla d’a asum mbi had’amzid’a mi:
2Gorona, goron ma kuruna, goron ma an fum ki tchendina, ang huma! 3Ang had’eng manga ki tit manga marop suma a nga b’lak lovota hamuleinid’a woina d’i. 4Lemuel, nga djivid’a tala amuleina a tche süm guguzlud’a d’a d’i, d’oze suma nglona a tche süm ma ayîna d’a d’uo mi. 5Le a gurut kiya ni, a mba mar yam gata, a mba gol zlad’a hi suma hohoud’id’a tä mi. 6Ang he süm ma ayîna mi sama lá bad’a woina, ang he süm guguzlud’a mi sama hurum b’la’â mi. 7Ar mi tche mi mar yam hou mamba tala mi djib’er yam ndak mamba d’uo d’a. 8Ang ngo vunang á de zlad’a yam suma ndumîd’a, yam suma a noyôzi woina mi. 9Ang ngo vunang á ka sariya d’a d’ingêra á ndjun suma hohoud’a ki suma kid’aka mi.
Zla d’a yam atcha d’a ndak avun tat memetid’a
10Ni nge ba, mi fatcha d’a ndak avun tat memeta ge?
Zlat ti kal ahina d’a guzut kal teglesa woi dei.
11Ndjuvut mi tin hurum kad’u,
ndjuvut nga mi kid’ak va d’i.
12Ata yima ndat nga ki irat yam andagad’ina,
ti nga d’i lum djivid’a,
wani ti nga d’i lum vama tcho d’i.
13Ti nga d’i hal tumus tumiyôna ki baru d’a par ra luluîd’a,
ti tchi nabot peped’emba ki sunda ba ba.
14Ti hle tat ni d’igi batod’a hi sama mbut abomid’a na,
nga d’i yoï te matna ata yima deina.
15Ti nga d’i tchol akulo ki yina kukurumuka,
ti le tena mi suma avo hatatna,
nga d’i b’rau sunda mi yugunei matna mi.
16Ti djib’era, ti gus asinena,
ti pe guguzlud’a ki bege d’a ndat fat ki sun matid’a.
17Ti nga d’i djin ad’enga furut d’igi sana mi djin d’i’â furum na,
abot nga mi ge kä ki sunda su d’i.
18Ti wala nga d’i fe djivid’a kur sun mata,
nga d’i tchi lalam mata woi andjege d’i.
19Abot mi nga ved’a akulo ata akeid’a hi baru d’a para,
abot mi nga ved’a ata azlung mata á para mi.
20Ti nga d’i mat abot á hahlena mi suma hohoud’a,
nga d’i mat abot á ndjun suma kid’aka mi.
21Ti nga d’i le mandara ab’lenga yam suma avo hatatna d’i,
kayam a nga ki baru d’a duburok ka b’lenga ataziya.
22Ti nga d’i tchil borogona,
ti nga ki baru ma luluî ma hleu ma sisilâ atat mi.
23Ata yima ndjuvut nga mi kak kä aduk suma nglo suma kur ambasina,
a nga hum ngola.
24Ti nga d’i tchil barud’a, nga d’i guzut teyo,
nga d’i he d’i’â mi suma mbut abozina á gusa.
25Baru mat ma tchuka nad’enga ki ndak ka memeta,
nga d’i le mandar abo vama nga mi mbana d’i.
26Ti nga d’i mal vunat á de zlad’a ni ki ned’a,
hat ta djivid’a nga d’i ndavunat mi.
27Ti nga d’i tin irat yam hur aziyad’u,
nga d’i kak hawa bei le sunda d’i.
28Grotna a nga tchol a nga suburud’u,
ndjuvut nga mi gilet ala:
29Gro aropma ablaud’a a nga tit tit ta ndaka,
wani ndak kalazi pet.
30Mbut tang djivid’a ir suma ni mbut ira, djifâ ni vama kal leina,
wani atcha d’a nga d’i le mandara Ma didinid’a, ti ndak á subura.
31Ar suma a wuragat yam sun mata,
ar suma a suburut ata yima a nga tok kuana yam sun mat ta ti lata mi.
Currently Selected:
Zla d’a d’ogolâ 31: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Zla d’a d’ogolâ 31
31
D’al ma a dum mamulîna
1Wana ni zlad’a hi Lemuel amul ma Masa-nid’a, wana ni zla d’a asum mbi had’amzid’a mi:
2Gorona, goron ma kuruna, goron ma an fum ki tchendina, ang huma! 3Ang had’eng manga ki tit manga marop suma a nga b’lak lovota hamuleinid’a woina d’i. 4Lemuel, nga djivid’a tala amuleina a tche süm guguzlud’a d’a d’i, d’oze suma nglona a tche süm ma ayîna d’a d’uo mi. 5Le a gurut kiya ni, a mba mar yam gata, a mba gol zlad’a hi suma hohoud’id’a tä mi. 6Ang he süm ma ayîna mi sama lá bad’a woina, ang he süm guguzlud’a mi sama hurum b’la’â mi. 7Ar mi tche mi mar yam hou mamba tala mi djib’er yam ndak mamba d’uo d’a. 8Ang ngo vunang á de zlad’a yam suma ndumîd’a, yam suma a noyôzi woina mi. 9Ang ngo vunang á ka sariya d’a d’ingêra á ndjun suma hohoud’a ki suma kid’aka mi.
Zla d’a yam atcha d’a ndak avun tat memetid’a
10Ni nge ba, mi fatcha d’a ndak avun tat memeta ge?
Zlat ti kal ahina d’a guzut kal teglesa woi dei.
11Ndjuvut mi tin hurum kad’u,
ndjuvut nga mi kid’ak va d’i.
12Ata yima ndat nga ki irat yam andagad’ina,
ti nga d’i lum djivid’a,
wani ti nga d’i lum vama tcho d’i.
13Ti nga d’i hal tumus tumiyôna ki baru d’a par ra luluîd’a,
ti tchi nabot peped’emba ki sunda ba ba.
14Ti hle tat ni d’igi batod’a hi sama mbut abomid’a na,
nga d’i yoï te matna ata yima deina.
15Ti nga d’i tchol akulo ki yina kukurumuka,
ti le tena mi suma avo hatatna,
nga d’i b’rau sunda mi yugunei matna mi.
16Ti djib’era, ti gus asinena,
ti pe guguzlud’a ki bege d’a ndat fat ki sun matid’a.
17Ti nga d’i djin ad’enga furut d’igi sana mi djin d’i’â furum na,
abot nga mi ge kä ki sunda su d’i.
18Ti wala nga d’i fe djivid’a kur sun mata,
nga d’i tchi lalam mata woi andjege d’i.
19Abot mi nga ved’a akulo ata akeid’a hi baru d’a para,
abot mi nga ved’a ata azlung mata á para mi.
20Ti nga d’i mat abot á hahlena mi suma hohoud’a,
nga d’i mat abot á ndjun suma kid’aka mi.
21Ti nga d’i le mandara ab’lenga yam suma avo hatatna d’i,
kayam a nga ki baru d’a duburok ka b’lenga ataziya.
22Ti nga d’i tchil borogona,
ti nga ki baru ma luluî ma hleu ma sisilâ atat mi.
23Ata yima ndjuvut nga mi kak kä aduk suma nglo suma kur ambasina,
a nga hum ngola.
24Ti nga d’i tchil barud’a, nga d’i guzut teyo,
nga d’i he d’i’â mi suma mbut abozina á gusa.
25Baru mat ma tchuka nad’enga ki ndak ka memeta,
nga d’i le mandar abo vama nga mi mbana d’i.
26Ti nga d’i mal vunat á de zlad’a ni ki ned’a,
hat ta djivid’a nga d’i ndavunat mi.
27Ti nga d’i tin irat yam hur aziyad’u,
nga d’i kak hawa bei le sunda d’i.
28Grotna a nga tchol a nga suburud’u,
ndjuvut nga mi gilet ala:
29Gro aropma ablaud’a a nga tit tit ta ndaka,
wani ndak kalazi pet.
30Mbut tang djivid’a ir suma ni mbut ira, djifâ ni vama kal leina,
wani atcha d’a nga d’i le mandara Ma didinid’a, ti ndak á subura.
31Ar suma a wuragat yam sun mata,
ar suma a suburut ata yima a nga tok kuana yam sun mat ta ti lata mi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.