Zla d’a d’ogolâ 29
29
1Sama suma a ngobom yazi ablaud’a nga mi hum vun nduo na, mba mi b’lak kei atogo zak. Kuma ma a mbud’um ki djivid’ina mi nga d’uo d’a.
2Ata yima suma d’ingêrâ a zulâ, suma a kak ki furîd’a; ata yima sama asa’atna mi te yambina, suma a zamî taziya.
3Sama mi le yam ned’ina, abum tam nga d’i lum djivid’a kamu, wani sama nga mi tit avo harop suma gaulangâ teteuna, mi b’la’î ndjondjoî mamba woyo.
4Amul ma nga mi ka sariya d’a d’ingêrina, mi min nambasa, wani ma nga mi ve he d’a hawa d’a mbut irina, mi b’lagat ni b’laga.
5Sama nga mi läd’u ndrama ki zla d’a de d’a avunamba gogona, mi gunumî abeid’a kä avoromu.
6Suma asa’atna a mbut ni magumeina hi tcho mazid’ina, wani suma d’ingêrâ a nga hle sawal la bangâna ki furîd’a ngola.
7Sama d’ingêrâ nga mi we suma kid’aka zla mazid’a, wani sama asa’atna nga mi wazi zla mazid’a d’i.
8Suma las suma a nga do akud’a hur azì ma ngolâ, wani suma ned’a a nga ve vun ayîna kä.
9Le sama ned’a mi kal ki sama lilid’a ata yima ka sariyad’a ni, le mi de ni zla d’a ayîna d’oze zla d’a sanda pî, zla ndata mba d’i dap pi.
10Suma tchi matna, a nga min suma iratna d’i, wani suma d’ingêrâ a ngomozi ni ngoma.
11Sama lilid’a nga mi ndayî mama woi abu pepet, wani sama ned’a nga mi ve vun ayî mama kä, nga mi ndum mbei abu d’i.
12Le sama te yamba nga mi hum zla d’a kad’a ni, mam suma nglona pet a mba mbut ni suma ka zlad’a mi.
13Ma houd’a ki ma djop vun suma a ni zlapa ata vama tuna; nala, Ma didina ni ma mi malazi irazi woi zla tazi dja’â.
14Amul ma ka sariyad’a hi suma kid’aka ki gagazid’ina, amul mamba ad’ut mba d’i b’al kä ngingi.
15Tod’a ki ngopa a nga he sana ned’a, wani gogor ma a golom hawa isâ, mi mba ni ki zulona yam asumu.
16Ata yima suma asa’atna a nga zulâ, tchod’a nga d’i zul avogovok mi, wani suma d’ingêrâ a mba gol puk mazid’a.
17Ang gat gorongâ, mba mi tugung tangû, mba mi b’lengêng hurung mi.
18Ata yima sama mi de zlad’a woi yam vama ndum mbeina nga d’uo na, suma a tit ni kur batranga, wani sama nga mi ngom gata hAlonid’ina, mi le furîd’a.
19A nga gat magoma ni ki zla d’a ded’a d’i, kayam le mi wad’ud’a pî, nga mi ge yam kä d’i.
20Le ang we sama de zlad’a bei djib’era ba na ni, hotei ang tin hurung yam sama lilid’a, kal la ang tin hurung kamba.
21Sama mi b’lak azong mama woi ki djivid’a ki gogorom deina, dabid’a mba mi djib’er ala mam mbut ni goroma.
22Sama ayîna heîna nga mi djiu huneîd’a akulo, sama hurum zal atogo heîna nga mi le tchod’a ngola mi.
23Yam mba ad’enga hi sanid’a nga d’i hulongôm yam kä, wani sama lulumana, a mba hum ngola.
24Sama ve banad’a ki sama kulina, mi le ni tam tchod’a, kayam le nga mi hum gun nda suma a nga gun tazid’a pî, mi min de woi d’i.
25Sama mi le mandara sumina mi gun ni dauna kä kamu, wani sama mi tin hurum yam Ma didinina, va nga mi lum mbi.
26Suma ablaud’a a nga hal lovota á mbut tazi djivid’a avok ma te yamba, wani Ma didina ni ma ka sariyad’a yam nge nge pî na.
27Sama tchona mi ni vama ndjendjed’a ir sama d’ingêrâ, sama d’ingêrâ mi ni vama ndjendjed’a ir sama tchona mi.
Currently Selected:
Zla d’a d’ogolâ 29: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Zla d’a d’ogolâ 29
29
1Sama suma a ngobom yazi ablaud’a nga mi hum vun nduo na, mba mi b’lak kei atogo zak. Kuma ma a mbud’um ki djivid’ina mi nga d’uo d’a.
2Ata yima suma d’ingêrâ a zulâ, suma a kak ki furîd’a; ata yima sama asa’atna mi te yambina, suma a zamî taziya.
3Sama mi le yam ned’ina, abum tam nga d’i lum djivid’a kamu, wani sama nga mi tit avo harop suma gaulangâ teteuna, mi b’la’î ndjondjoî mamba woyo.
4Amul ma nga mi ka sariya d’a d’ingêrina, mi min nambasa, wani ma nga mi ve he d’a hawa d’a mbut irina, mi b’lagat ni b’laga.
5Sama nga mi läd’u ndrama ki zla d’a de d’a avunamba gogona, mi gunumî abeid’a kä avoromu.
6Suma asa’atna a mbut ni magumeina hi tcho mazid’ina, wani suma d’ingêrâ a nga hle sawal la bangâna ki furîd’a ngola.
7Sama d’ingêrâ nga mi we suma kid’aka zla mazid’a, wani sama asa’atna nga mi wazi zla mazid’a d’i.
8Suma las suma a nga do akud’a hur azì ma ngolâ, wani suma ned’a a nga ve vun ayîna kä.
9Le sama ned’a mi kal ki sama lilid’a ata yima ka sariyad’a ni, le mi de ni zla d’a ayîna d’oze zla d’a sanda pî, zla ndata mba d’i dap pi.
10Suma tchi matna, a nga min suma iratna d’i, wani suma d’ingêrâ a ngomozi ni ngoma.
11Sama lilid’a nga mi ndayî mama woi abu pepet, wani sama ned’a nga mi ve vun ayî mama kä, nga mi ndum mbei abu d’i.
12Le sama te yamba nga mi hum zla d’a kad’a ni, mam suma nglona pet a mba mbut ni suma ka zlad’a mi.
13Ma houd’a ki ma djop vun suma a ni zlapa ata vama tuna; nala, Ma didina ni ma mi malazi irazi woi zla tazi dja’â.
14Amul ma ka sariyad’a hi suma kid’aka ki gagazid’ina, amul mamba ad’ut mba d’i b’al kä ngingi.
15Tod’a ki ngopa a nga he sana ned’a, wani gogor ma a golom hawa isâ, mi mba ni ki zulona yam asumu.
16Ata yima suma asa’atna a nga zulâ, tchod’a nga d’i zul avogovok mi, wani suma d’ingêrâ a mba gol puk mazid’a.
17Ang gat gorongâ, mba mi tugung tangû, mba mi b’lengêng hurung mi.
18Ata yima sama mi de zlad’a woi yam vama ndum mbeina nga d’uo na, suma a tit ni kur batranga, wani sama nga mi ngom gata hAlonid’ina, mi le furîd’a.
19A nga gat magoma ni ki zla d’a ded’a d’i, kayam le mi wad’ud’a pî, nga mi ge yam kä d’i.
20Le ang we sama de zlad’a bei djib’era ba na ni, hotei ang tin hurung yam sama lilid’a, kal la ang tin hurung kamba.
21Sama mi b’lak azong mama woi ki djivid’a ki gogorom deina, dabid’a mba mi djib’er ala mam mbut ni goroma.
22Sama ayîna heîna nga mi djiu huneîd’a akulo, sama hurum zal atogo heîna nga mi le tchod’a ngola mi.
23Yam mba ad’enga hi sanid’a nga d’i hulongôm yam kä, wani sama lulumana, a mba hum ngola.
24Sama ve banad’a ki sama kulina, mi le ni tam tchod’a, kayam le nga mi hum gun nda suma a nga gun tazid’a pî, mi min de woi d’i.
25Sama mi le mandara sumina mi gun ni dauna kä kamu, wani sama mi tin hurum yam Ma didinina, va nga mi lum mbi.
26Suma ablaud’a a nga hal lovota á mbut tazi djivid’a avok ma te yamba, wani Ma didina ni ma ka sariyad’a yam nge nge pî na.
27Sama tchona mi ni vama ndjendjed’a ir sama d’ingêrâ, sama d’ingêrâ mi ni vama ndjendjed’a ir sama tchona mi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.