Zla d’a d’ogolâ 22
22
1Simi ma a yoroma mi kal ndjondjoî d’a ngola,
sumad’a ti kal kawei ma hapma ki lora mi.
2Sama ndjondjoîna ki sama houd’a a ni zlapa ata vama tuna;
nala, azi djak Ma didina mi lazi ni mamu.
3Sama ned’a nga mi we vama tcho ma nga mi mbana, nga mi ngei tamu,
wani suma lilid’a a kal kua, a fe ndaka.
4Sama mi ge yam kä, mi le mandara Ma didinina,
mba mi fe ni ndjondjoîd’a ki subura, mba mi te tatâ mi.
5Aweid’a ki dauna a nga kur lovota hi sama bateinid’a;
sama mi min ngom tama, mi wal tam mbei dei kahle ndazina.
6Ang tak gogorâ lovot ta mi ndak á tit kura,
le mi djeng mamara pî, mba mi d’es sei kurut ti.
7Ma ndjondjoîna nga mi te yam suma houd’a.
Sama mi nde balîna, mi ni magoma hi sama mam nde balâ aboma.
8Sama nga mi zar zla d’a kad’ina
mba mi dut ni ndaka,
totogo mam mbala ni hur mam ma zala d’a
mba d’i kus seyo.
9Sama nga mi le suma djivid’ina, a mba b’e vuna kamu,
kayam nga mi he te mama mi suma kid’aka.
10Ang dik sama las suma woyo, huneîd’a mba d’i dap peyo;
tuguyod’a ki ngula a mba dap pei mi.
11Sama nga mi le yam d’engzeng nga kurumbina,
zla d’a de d’a djivid’a nga d’i ndavunamu,
mi namulâ banama mi.
12Ma didina iram nga tinda yam sama wed’a,
wani nga mi b’lak zlad’a hi sama mbut irid’a woyo.
13Sama azulomba nga mi dala: Azlona mi nga abua.
Mba mi van ir palumba.
14Atcha d’a gaulangâ, vunat ni zul la yiyika.
Sama Ma didina hurum zal kama, mba mi nde kä kuru.
15Lilid’a nga kur gogorâ,
wani azlingât ta a tom ki d’a mba d’i digit tei dei ki sed’emu.
16Sama nga mi kid’eî ir sama kid’akina,
mi mbud’umî sama ndjondjoîna;
sama nga mi hahlena mi ma ndjondjoînina,
mi mbut ni tam houd’a.
Ang gol tang djivi kandjaf zla d’a tetenga
17Ang tin humang ang hum zlad’a hi suma ned’id’a, ang tin hurung yam we manda. 18Le ang ngomot kurungû ni, mba d’i mbut ni vama djivina kangû, ar ti kak avunang teteu. 19An min had’ang wed’a ini mi ang tanga tala tin hur mangâ mi ka’î yam Ma didina d’a. 20An b’iring zlad’a yam d’alâ ki wad’ud’a yan dok hindi 21á tagang zla d’a irata ki zla d’a gagazid’a, tala ang hulong zla d’a de d’a gagazid’a mi sama mi sunungâ d’a d’uo zu?
22Ar ang hurum sama kid’aka tala ni ma kid’aka d’a d’i, ang kid’eî ir ma hohoud’a ata yima ka sariyad’a d’uo mi. 23Kayam Ma didina nga mi ndjun kaziya, mba mi b’lak suma a b’lagazina woi mi.
24Ar ang le darigïd’a ki sama ayîna d’i, ang tit ki sama hurum zal heîna 25tala ang hat zla mamba hat ba, ti mbut dau ma mi vangâ d’a d’i.
26Ar ang hle vunang á ve balâ mi sama ding ngi, ar ang he tang á hle balâ mi suma dingâ 27tala ang le nga ki vama wurak kuo ba, a hlang azang mangâ ad’ung ngiyeû d’a.
28Ar ang djok agu ma abuyong ngolo a pum ir hagad’a adjeuna woi d’i.
29Ang we sama d’alâ kur sun mam mba led’a d’uo zu? Mam mba mi tcholî avok amuleina, mba mi tchol avok suma hawa ya’â d’i.
Currently Selected:
Zla d’a d’ogolâ 22: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Zla d’a d’ogolâ 22
22
1Simi ma a yoroma mi kal ndjondjoî d’a ngola,
sumad’a ti kal kawei ma hapma ki lora mi.
2Sama ndjondjoîna ki sama houd’a a ni zlapa ata vama tuna;
nala, azi djak Ma didina mi lazi ni mamu.
3Sama ned’a nga mi we vama tcho ma nga mi mbana, nga mi ngei tamu,
wani suma lilid’a a kal kua, a fe ndaka.
4Sama mi ge yam kä, mi le mandara Ma didinina,
mba mi fe ni ndjondjoîd’a ki subura, mba mi te tatâ mi.
5Aweid’a ki dauna a nga kur lovota hi sama bateinid’a;
sama mi min ngom tama, mi wal tam mbei dei kahle ndazina.
6Ang tak gogorâ lovot ta mi ndak á tit kura,
le mi djeng mamara pî, mba mi d’es sei kurut ti.
7Ma ndjondjoîna nga mi te yam suma houd’a.
Sama mi nde balîna, mi ni magoma hi sama mam nde balâ aboma.
8Sama nga mi zar zla d’a kad’ina
mba mi dut ni ndaka,
totogo mam mbala ni hur mam ma zala d’a
mba d’i kus seyo.
9Sama nga mi le suma djivid’ina, a mba b’e vuna kamu,
kayam nga mi he te mama mi suma kid’aka.
10Ang dik sama las suma woyo, huneîd’a mba d’i dap peyo;
tuguyod’a ki ngula a mba dap pei mi.
11Sama nga mi le yam d’engzeng nga kurumbina,
zla d’a de d’a djivid’a nga d’i ndavunamu,
mi namulâ banama mi.
12Ma didina iram nga tinda yam sama wed’a,
wani nga mi b’lak zlad’a hi sama mbut irid’a woyo.
13Sama azulomba nga mi dala: Azlona mi nga abua.
Mba mi van ir palumba.
14Atcha d’a gaulangâ, vunat ni zul la yiyika.
Sama Ma didina hurum zal kama, mba mi nde kä kuru.
15Lilid’a nga kur gogorâ,
wani azlingât ta a tom ki d’a mba d’i digit tei dei ki sed’emu.
16Sama nga mi kid’eî ir sama kid’akina,
mi mbud’umî sama ndjondjoîna;
sama nga mi hahlena mi ma ndjondjoînina,
mi mbut ni tam houd’a.
Ang gol tang djivi kandjaf zla d’a tetenga
17Ang tin humang ang hum zlad’a hi suma ned’id’a, ang tin hurung yam we manda. 18Le ang ngomot kurungû ni, mba d’i mbut ni vama djivina kangû, ar ti kak avunang teteu. 19An min had’ang wed’a ini mi ang tanga tala tin hur mangâ mi ka’î yam Ma didina d’a. 20An b’iring zlad’a yam d’alâ ki wad’ud’a yan dok hindi 21á tagang zla d’a irata ki zla d’a gagazid’a, tala ang hulong zla d’a de d’a gagazid’a mi sama mi sunungâ d’a d’uo zu?
22Ar ang hurum sama kid’aka tala ni ma kid’aka d’a d’i, ang kid’eî ir ma hohoud’a ata yima ka sariyad’a d’uo mi. 23Kayam Ma didina nga mi ndjun kaziya, mba mi b’lak suma a b’lagazina woi mi.
24Ar ang le darigïd’a ki sama ayîna d’i, ang tit ki sama hurum zal heîna 25tala ang hat zla mamba hat ba, ti mbut dau ma mi vangâ d’a d’i.
26Ar ang hle vunang á ve balâ mi sama ding ngi, ar ang he tang á hle balâ mi suma dingâ 27tala ang le nga ki vama wurak kuo ba, a hlang azang mangâ ad’ung ngiyeû d’a.
28Ar ang djok agu ma abuyong ngolo a pum ir hagad’a adjeuna woi d’i.
29Ang we sama d’alâ kur sun mam mba led’a d’uo zu? Mam mba mi tcholî avok amuleina, mba mi tchol avok suma hawa ya’â d’i.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.