Zla d’a d’ogolâ 17
17
1Hotei ang mut hebelek mangâ ki halasa,
kal la ang kak kur azì ma oîd’a ki hliuna ma huneîd’a nga kuana.
2Azong ma ned’a mba mi te yam gor ma mi lahle suma zulonina,
mba mi te djona aduk sana groma mi.
3Deina ni vama a yor ki kawei ma hapmina, fürâ ni vama a yor ki lorina mi,
wani Ma didina ni ma kuk hur sumina.
4Sama le tchod’a mi tin humam á hum zla d’a ata yat tuo d’a,
sama ka zlad’a nga mi tin humam á hum zla d’a tchod’a mi.
5Sama nga mi las sama houd’ina, mi ngulî Salam ma luma,
sama nga mi san ad’u sama ndaka mba kama, a mba ba bei gad’am mbi.
6Momorogeina subur mazid’a ni grozi ngolona,
gugureina subur mazid’a nabuyozi mi.
7Zla d’a de d’a djivid’a ndak nga yam sama lilid’a d’i,
kal pet zla d’a kad’a ndak nga yam ma te yamba d’uo mi.
8He d’a hawa d’a mbut ira ti ni d’igi kumana na ir suma a nga hatna,
ata yima a mbut irazi kuana a nga fe djivid’a!
9Sama nga mi tin humam yam tcho d’a a lumzid’a d’uo na, mi halî od’a,
wani sama nga mi dugud’ot ded’ina mi walî sana woi ki banama.
10Ngop pa a ngop sama ned’id’a ti le sunda kurum
kal to d’a a to sama lilid’a blafâ kisa.
11Sama asa’atna mi halî huneîd’a,
wani a mba sunumî ma sun ma murud’umba atam á lum tchod’a.
12Hotei ang ngaf kambur ma a yum ala urs ma a yom gromina,
kal la ang ngaf ki sama lilid’a kur sun mam mba lilid’id’a.
13Sama nga mi hulong tchod’a yam djivid’ina,
ndaka mba d’i aram aziyam mbi.
14Tin ad’u yalâ ni d’igi ang ngo ni ir mbina kä woi na;
kayam ndata, ang hut tang ngei avok ka bei huneîd’a tchola.
15Sama nga mi pat zlad’a woi yam sama asa’atna ki sama nga mi ve sama d’ingêrâ ki zlad’ina,
azi djak ni vama ndjendjed’a ir Ma didina.
16Bege d’a abo suma lilid’id’a ti le ni suna me ge?
Mi guzî ki ned’a zu? Kayam yam nga kam mbi!
17Banang ma kokodjona mi le kangî burâ ki burâ.
Ni wiyengâ ba, mi ndjunung kur bur ma ndaka.
18Sama bei wäd’u zlad’a ba na mi he tam yam sama dingâ,
mi hle vunam mi sama dingâ á ve balâ mi ndrama.
19Sama mi min yalîna mi min ni tcho d’a led’a,
sama mi hle yam akulo ngolina mi halî b’laka mi.
20Sama nga ki hur ma tchonina nga mi fe djivid’a d’i,
sama nga mi de zla d’a ata yat tuo d’ina nga mi nde kur ndaka mi.
21Sama mi vut gor ma lilid’ina mi ni kur hur ma b’laka.
Gor ma pluta abum nga mi le hur ma hap pi.
22Kak kä ki hur ma hapmid’a ni kuma ma djivina,
wani kak kä ki hur ma wuranid’a ti id’ingî id’a.
23Sama asa’atna mi ve ni he d’a hawa d’a gumunda
á b’lak sariya d’a d’ingêra woyo.
24Ned’a ni go ki sama wad’ud’a,
wani sama lilid’a mi gol yina gak avun dabid’a handagad’id’a.
25Gor ma lilid’a mi b’la’î hur abumu,
mi zalî hur ra vud’umba mi.
26Nga djivid’a á nga wuraka yam sama d’ingêrâ d’i,
d’oze á to suma nglona yam d’ingêr mazid’a d’uo mi.
27Sama nga mi sizar zla d’a d’ed’ina ni sama ned’a,
sama nga kaka hina tchugotna ni sama wad’ud’a mi.
28Sama lilid’a pî, ata yima mi kak hawa tchugotna, a golomî d’igi sama ned’a na.
Ata yima mi duk vunama, ang golomî d’igi sama wad’ud’a na mi.
Currently Selected:
Zla d’a d’ogolâ 17: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Zla d’a d’ogolâ 17
17
1Hotei ang mut hebelek mangâ ki halasa,
kal la ang kak kur azì ma oîd’a ki hliuna ma huneîd’a nga kuana.
2Azong ma ned’a mba mi te yam gor ma mi lahle suma zulonina,
mba mi te djona aduk sana groma mi.
3Deina ni vama a yor ki kawei ma hapmina, fürâ ni vama a yor ki lorina mi,
wani Ma didina ni ma kuk hur sumina.
4Sama le tchod’a mi tin humam á hum zla d’a ata yat tuo d’a,
sama ka zlad’a nga mi tin humam á hum zla d’a tchod’a mi.
5Sama nga mi las sama houd’ina, mi ngulî Salam ma luma,
sama nga mi san ad’u sama ndaka mba kama, a mba ba bei gad’am mbi.
6Momorogeina subur mazid’a ni grozi ngolona,
gugureina subur mazid’a nabuyozi mi.
7Zla d’a de d’a djivid’a ndak nga yam sama lilid’a d’i,
kal pet zla d’a kad’a ndak nga yam ma te yamba d’uo mi.
8He d’a hawa d’a mbut ira ti ni d’igi kumana na ir suma a nga hatna,
ata yima a mbut irazi kuana a nga fe djivid’a!
9Sama nga mi tin humam yam tcho d’a a lumzid’a d’uo na, mi halî od’a,
wani sama nga mi dugud’ot ded’ina mi walî sana woi ki banama.
10Ngop pa a ngop sama ned’id’a ti le sunda kurum
kal to d’a a to sama lilid’a blafâ kisa.
11Sama asa’atna mi halî huneîd’a,
wani a mba sunumî ma sun ma murud’umba atam á lum tchod’a.
12Hotei ang ngaf kambur ma a yum ala urs ma a yom gromina,
kal la ang ngaf ki sama lilid’a kur sun mam mba lilid’id’a.
13Sama nga mi hulong tchod’a yam djivid’ina,
ndaka mba d’i aram aziyam mbi.
14Tin ad’u yalâ ni d’igi ang ngo ni ir mbina kä woi na;
kayam ndata, ang hut tang ngei avok ka bei huneîd’a tchola.
15Sama nga mi pat zlad’a woi yam sama asa’atna ki sama nga mi ve sama d’ingêrâ ki zlad’ina,
azi djak ni vama ndjendjed’a ir Ma didina.
16Bege d’a abo suma lilid’id’a ti le ni suna me ge?
Mi guzî ki ned’a zu? Kayam yam nga kam mbi!
17Banang ma kokodjona mi le kangî burâ ki burâ.
Ni wiyengâ ba, mi ndjunung kur bur ma ndaka.
18Sama bei wäd’u zlad’a ba na mi he tam yam sama dingâ,
mi hle vunam mi sama dingâ á ve balâ mi ndrama.
19Sama mi min yalîna mi min ni tcho d’a led’a,
sama mi hle yam akulo ngolina mi halî b’laka mi.
20Sama nga ki hur ma tchonina nga mi fe djivid’a d’i,
sama nga mi de zla d’a ata yat tuo d’ina nga mi nde kur ndaka mi.
21Sama mi vut gor ma lilid’ina mi ni kur hur ma b’laka.
Gor ma pluta abum nga mi le hur ma hap pi.
22Kak kä ki hur ma hapmid’a ni kuma ma djivina,
wani kak kä ki hur ma wuranid’a ti id’ingî id’a.
23Sama asa’atna mi ve ni he d’a hawa d’a gumunda
á b’lak sariya d’a d’ingêra woyo.
24Ned’a ni go ki sama wad’ud’a,
wani sama lilid’a mi gol yina gak avun dabid’a handagad’id’a.
25Gor ma lilid’a mi b’la’î hur abumu,
mi zalî hur ra vud’umba mi.
26Nga djivid’a á nga wuraka yam sama d’ingêrâ d’i,
d’oze á to suma nglona yam d’ingêr mazid’a d’uo mi.
27Sama nga mi sizar zla d’a d’ed’ina ni sama ned’a,
sama nga kaka hina tchugotna ni sama wad’ud’a mi.
28Sama lilid’a pî, ata yima mi kak hawa tchugotna, a golomî d’igi sama ned’a na.
Ata yima mi duk vunama, ang golomî d’igi sama wad’ud’a na mi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.