Zla d’a d’ogolâ 11
11
1Kilo ma hle ma ata yam mbuo na ni vama ndjendjed’a ir Ma didina,
wani kilo ma hle ma ata yama ni vama djivina iramu.
2Ata yima yam mba ad’enga ti mbana, zulona mi mba mi,
wani ned’a ti mba ni ki lulumad’a.
3Suma iratna d’ingêr mazid’a nga d’i tagazi lovota,
wani suma mbut ira a nga ba woi kur sun mazi d’a ata yat tuo d’a.
4Ndjondjoîd’a nga d’i le va ki sa kur bur ma ayîna d’i,
wani d’ingêra nga d’i prut sana woi avun matna.
5D’ingêra hi sama iratnid’a nga d’i mbud’um lovot mamba d’ingêr,
wani sama asa’atna nga mi puk kä yam asa’at mamba.
6D’ingêra hi suma d’ingêrîd’a nga d’i prud’uzi woyo,
wani suma mbut ira a mba ve ki mbut ir mazid’a.
7Ata yima sama asa’atna mi mitna, hur mam ma tinda mi dap mi woi mi,
tin hurâ hi suma tchonina a mba b’lagam mbeyo.
8Sama d’ingêrâ mba mi prut tei kur ndaka,
wani sama asa’atna mi vrak blangâmu.
9Sama bei wAlona nga mi b’lak ndrama ki zla d’a de d’a avunamba,
wani suma d’ingêrâ a nga prut tei ki we mazid’a.
10Ata yima suma d’ingêrâ a nga ki furîd’ina,
suma hur azì ma ngolîna a le furîd’a mi;
ata yima suma asa’atna a bona,
suma hur azina a nga aî mi.
11Ni yam b’e vuna hi suma d’ingêrîna ba, azina nga mi i avogovogo,
wani suma asa’atna a b’lagamî ki zla d’a de d’a avunazid’a.
12Sama mi gol ndrama isâ ni sama bei wäd’u zlad’a,
wani sama ned’a mi ka’î ki vunam ma du’â.
13Sama nga mi tchuk zla d’a aboina yam ndrama aduk sumina,
nga mi de woi yam zla d’a gumunda,
wani sama mi nga ki djib’er ra iratina,
mi ngeyet ni kä kurumu.
14Ata yima suma tak lovot ta ned’a mi sumina a nga d’uo na, suma a pu’î kä,
wani suma a fe halasa nata suma de d’al suma ablauna.
15Sama mi hle vunam mi sama dingâ yam balâ hi sama dingîna, nga mi fe ndaka,
wani sama nga mi he tam mbuo na mba mi kak ki halasa.
16Atcha d’a sumad’a nga d’i fe subura,
suma a yo ahlena abo suma kad’engîna
a nga mbut suma ndjondjoîna mi.
17Sama we hohowa sumina mi le ni tam djivid’a,
wani sama murud’umba mi le ni hliwim tchod’a.
18Sama asa’atna mi fe ni mbiyo ma mbut ira,
wani sama nga mi zar d’ingêrîna,
mi fe ni wurak ka gagazid’a.
19D’ingêra ti i ki sana ni kur arid’a,
wani sama nga mi tit bugol tchod’ina, mi i ni kur matna.
20Suma huruzi tchod’ina a ni vama ndjendjed’a ir Ma didina,
wani suma lovot mazid’a d’ingêrâ a ni vama djivina iram mi.
21Gagazi, sama asa’atna zlad’a mba d’i ba bei vum mbi,
wani andjafâ hi suma d’ingêrîna mba mi sut teyo.
22Atcha d’a djif fa bei wäd’u zlad’a ba d’a,
ti hle tat d’igi ngangam ma lor ma sana mi gum atchin kozongîna na.
23Minda hi sama d’ingêrîd’a ni djivi d’a led’a hol,
wani hur ma tinda hi suma asa’atnina nayî ma led’a.
24Sama nga mi he bei djib’era ba na, ahligiyem nga zul avogovok ngola,
wani sama abom nga mi he woi d’uo na, mi mbut ni tam houd’a.
25Sama mi le djivid’a mi sumina, mba mi mbut sama duzîna,
sama nga mi he mbiyo ma tched’a mi sumina, a mba hum mbiyo ma tched’a mi.
26Sama nga mi d’el awu mama bei gusina, suma a mba gum vuna,
wani sama nga mi gus awu mama woina, suma a mba b’e vunazi kam mi.
27Sama nga mi hal djivid’ina, mba mi fe ni djivid’a,
wani sama nga mi hal tchod’ina, mba mi fe ni tchod’a mi.
28Sama deng tam yam ndjondjoî mambina, mba mi puk kä,
wani suma d’ingêrâ a mba d’uf d’igi aguna mi d’uf na.
29Sama nga mi b’lak aziyama, mba mi te ni simetna djona,
sama lilid’a mba mi mbut ni magoma hi sama ned’ina.
30Sun nda led’a hi suma d’ingêrîd’a nagu ma harid’ina.
Sama ned’a nga mi hal lovota á fe suma.
31Le sama d’ingêrâ nga mi fe wurak mamba yam andagad’a ka hî ni,
sama asa’atna ki ma le tchod’a a mba fe wuraka ngola kal luo zu?
Currently Selected:
Zla d’a d’ogolâ 11: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Zla d’a d’ogolâ 11
11
1Kilo ma hle ma ata yam mbuo na ni vama ndjendjed’a ir Ma didina,
wani kilo ma hle ma ata yama ni vama djivina iramu.
2Ata yima yam mba ad’enga ti mbana, zulona mi mba mi,
wani ned’a ti mba ni ki lulumad’a.
3Suma iratna d’ingêr mazid’a nga d’i tagazi lovota,
wani suma mbut ira a nga ba woi kur sun mazi d’a ata yat tuo d’a.
4Ndjondjoîd’a nga d’i le va ki sa kur bur ma ayîna d’i,
wani d’ingêra nga d’i prut sana woi avun matna.
5D’ingêra hi sama iratnid’a nga d’i mbud’um lovot mamba d’ingêr,
wani sama asa’atna nga mi puk kä yam asa’at mamba.
6D’ingêra hi suma d’ingêrîd’a nga d’i prud’uzi woyo,
wani suma mbut ira a mba ve ki mbut ir mazid’a.
7Ata yima sama asa’atna mi mitna, hur mam ma tinda mi dap mi woi mi,
tin hurâ hi suma tchonina a mba b’lagam mbeyo.
8Sama d’ingêrâ mba mi prut tei kur ndaka,
wani sama asa’atna mi vrak blangâmu.
9Sama bei wAlona nga mi b’lak ndrama ki zla d’a de d’a avunamba,
wani suma d’ingêrâ a nga prut tei ki we mazid’a.
10Ata yima suma d’ingêrâ a nga ki furîd’ina,
suma hur azì ma ngolîna a le furîd’a mi;
ata yima suma asa’atna a bona,
suma hur azina a nga aî mi.
11Ni yam b’e vuna hi suma d’ingêrîna ba, azina nga mi i avogovogo,
wani suma asa’atna a b’lagamî ki zla d’a de d’a avunazid’a.
12Sama mi gol ndrama isâ ni sama bei wäd’u zlad’a,
wani sama ned’a mi ka’î ki vunam ma du’â.
13Sama nga mi tchuk zla d’a aboina yam ndrama aduk sumina,
nga mi de woi yam zla d’a gumunda,
wani sama mi nga ki djib’er ra iratina,
mi ngeyet ni kä kurumu.
14Ata yima suma tak lovot ta ned’a mi sumina a nga d’uo na, suma a pu’î kä,
wani suma a fe halasa nata suma de d’al suma ablauna.
15Sama mi hle vunam mi sama dingâ yam balâ hi sama dingîna, nga mi fe ndaka,
wani sama nga mi he tam mbuo na mba mi kak ki halasa.
16Atcha d’a sumad’a nga d’i fe subura,
suma a yo ahlena abo suma kad’engîna
a nga mbut suma ndjondjoîna mi.
17Sama we hohowa sumina mi le ni tam djivid’a,
wani sama murud’umba mi le ni hliwim tchod’a.
18Sama asa’atna mi fe ni mbiyo ma mbut ira,
wani sama nga mi zar d’ingêrîna,
mi fe ni wurak ka gagazid’a.
19D’ingêra ti i ki sana ni kur arid’a,
wani sama nga mi tit bugol tchod’ina, mi i ni kur matna.
20Suma huruzi tchod’ina a ni vama ndjendjed’a ir Ma didina,
wani suma lovot mazid’a d’ingêrâ a ni vama djivina iram mi.
21Gagazi, sama asa’atna zlad’a mba d’i ba bei vum mbi,
wani andjafâ hi suma d’ingêrîna mba mi sut teyo.
22Atcha d’a djif fa bei wäd’u zlad’a ba d’a,
ti hle tat d’igi ngangam ma lor ma sana mi gum atchin kozongîna na.
23Minda hi sama d’ingêrîd’a ni djivi d’a led’a hol,
wani hur ma tinda hi suma asa’atnina nayî ma led’a.
24Sama nga mi he bei djib’era ba na, ahligiyem nga zul avogovok ngola,
wani sama abom nga mi he woi d’uo na, mi mbut ni tam houd’a.
25Sama mi le djivid’a mi sumina, mba mi mbut sama duzîna,
sama nga mi he mbiyo ma tched’a mi sumina, a mba hum mbiyo ma tched’a mi.
26Sama nga mi d’el awu mama bei gusina, suma a mba gum vuna,
wani sama nga mi gus awu mama woina, suma a mba b’e vunazi kam mi.
27Sama nga mi hal djivid’ina, mba mi fe ni djivid’a,
wani sama nga mi hal tchod’ina, mba mi fe ni tchod’a mi.
28Sama deng tam yam ndjondjoî mambina, mba mi puk kä,
wani suma d’ingêrâ a mba d’uf d’igi aguna mi d’uf na.
29Sama nga mi b’lak aziyama, mba mi te ni simetna djona,
sama lilid’a mba mi mbut ni magoma hi sama ned’ina.
30Sun nda led’a hi suma d’ingêrîd’a nagu ma harid’ina.
Sama ned’a nga mi hal lovota á fe suma.
31Le sama d’ingêrâ nga mi fe wurak mamba yam andagad’a ka hî ni,
sama asa’atna ki ma le tchod’a a mba fe wuraka ngola kal luo zu?
Currently Selected:
:
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.