Ndumba 36
36
Gat ta yam arop suma te djonina
1Suma ad’u andjafâ hi Josef suma avok andjafâ hi Galät ma Makir gorom ma Manase gorom ngolonina, a mba gen Moise ki suma nglo suma avok andjafâ hi Israel-lîna, 2a dazi ala: Ma didina mi hang vuna á hambasa djona mi Israel-lâ ki togina, mi hang vuna á he djona mi wiyemina Selofat grom suma aropma mi. 3Le a vik andjof suma ad’u adesâ hi Israel suma nga nandjaf mazina d’uo na ni, a mba ka djona habumina woi á hum mandjaf ma azi vuma. Hina wani, djo ma ami fum ki toginina mba mi feyâ. 4Fata biza d’a tuk tad’a hi Israel-lîd’a mbad’a, djo mazina a mba hum yam ma hi suma azi vigizina, mba mi wal lei ki ma habuyomina kur bur máma.
5Moise mi djok vun ma hed’a hi Ma didinina mi Israel-lâ ala: Zlad’a handjafâ hi Josef-fâ nata yad’u. 6Wana ni zla d’a Ma didina mi dat yam Selofat grom suma aropmid’a: Azi ndak á ve mandjuf ma lara ma azi huruzi vuma, wani a vi’î suma ad’u andjafâ habuyozina hol. 7Ar djona hi Israel-lîna mi kal kur ndram mbi. Ar Israel ma lara pî mi ve tam ad’enga yam djona habuyoma. 8Gor atcha d’a lara pî d’a nga ki djona aduk andjafâ hi Israel-lîd’a, ti ve ni sama ad’u andjafâ habutna, kayambala Israel-lâ nge nge pî mi ngom djona habuyoma d’a. 9Ar djona handjaf ma ding kal kur andjaf ma ding ngi, ar Israel-lâ nge nge pî mi ve tam ad’enga yam djo mama.
10Selofat grom suma aropma a tit yam vun ma he ma Ma didina mi hum mi Moise-sâ. 11Mala, Nowa, Hogla, Milka ki Tirsa a vi’î abuzi b’oziyoma grozina. 12A vik andjofâ nad’u andjafâ hi Manase ma Josef goromina. Djo mazina mi arî ad’u andjafâ habuzina mi.
13Wana ni vun ma hed’a ki gat ta teteng nga Ma didina mi hat mi Israel-lâ avun Moise abagei hur ful la Mowap pa go kalum ma Jurdê-na d’a ngagad’a yam Jeriko d’ara.
Currently Selected:
Ndumba 36: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Ndumba 36
36
Gat ta yam arop suma te djonina
1Suma ad’u andjafâ hi Josef suma avok andjafâ hi Galät ma Makir gorom ma Manase gorom ngolonina, a mba gen Moise ki suma nglo suma avok andjafâ hi Israel-lîna, 2a dazi ala: Ma didina mi hang vuna á hambasa djona mi Israel-lâ ki togina, mi hang vuna á he djona mi wiyemina Selofat grom suma aropma mi. 3Le a vik andjof suma ad’u adesâ hi Israel suma nga nandjaf mazina d’uo na ni, a mba ka djona habumina woi á hum mandjaf ma azi vuma. Hina wani, djo ma ami fum ki toginina mba mi feyâ. 4Fata biza d’a tuk tad’a hi Israel-lîd’a mbad’a, djo mazina a mba hum yam ma hi suma azi vigizina, mba mi wal lei ki ma habuyomina kur bur máma.
5Moise mi djok vun ma hed’a hi Ma didinina mi Israel-lâ ala: Zlad’a handjafâ hi Josef-fâ nata yad’u. 6Wana ni zla d’a Ma didina mi dat yam Selofat grom suma aropmid’a: Azi ndak á ve mandjuf ma lara ma azi huruzi vuma, wani a vi’î suma ad’u andjafâ habuyozina hol. 7Ar djona hi Israel-lîna mi kal kur ndram mbi. Ar Israel ma lara pî mi ve tam ad’enga yam djona habuyoma. 8Gor atcha d’a lara pî d’a nga ki djona aduk andjafâ hi Israel-lîd’a, ti ve ni sama ad’u andjafâ habutna, kayambala Israel-lâ nge nge pî mi ngom djona habuyoma d’a. 9Ar djona handjaf ma ding kal kur andjaf ma ding ngi, ar Israel-lâ nge nge pî mi ve tam ad’enga yam djo mama.
10Selofat grom suma aropma a tit yam vun ma he ma Ma didina mi hum mi Moise-sâ. 11Mala, Nowa, Hogla, Milka ki Tirsa a vi’î abuzi b’oziyoma grozina. 12A vik andjofâ nad’u andjafâ hi Manase ma Josef goromina. Djo mazina mi arî ad’u andjafâ habuzina mi.
13Wana ni vun ma hed’a ki gat ta teteng nga Ma didina mi hat mi Israel-lâ avun Moise abagei hur ful la Mowap pa go kalum ma Jurdê-na d’a ngagad’a yam Jeriko d’ara.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.