Ndumba 32
32
Andjaf ma hindi ma kak abo ma yorogona hi Jurdê-nina
1Andjafâ hi Ruben-na kandjafâ hi Gad-na a ki d’uwarâ ablaud’a heî. A wala ambas sa Jazer-ra ki d’a Galät-ta nambas sa djivid’a yam d’uwarâ. 2A i gen Moise ki ma ngat buzuna Elazar ki suma nglo suma avok ablaud’ina, a dazi ala: 3Ambas sa Atarot-ta, d’a Dibon-nda, d’a Jazer-ra, d’a Nimra-d’a, d’a Hesbon-nda, d’a Elale-d’a, d’a Sebam-mba, d’a Nebo-d’a ki d’a Beyon-nda 4nambas sa Ma didina mi hlat mablaud’a hi Israel-lîd’a, nambasa djivid’a yam d’uwarâ. Wani ami azungeî mangâ, ami nga ki d’uwarâ mi!
5A dum kua ala: Le ang mina ni, ang hami ami azungeî mangâ ambas ndata djona, ar ami djagami sä woi abo alum ma Jurdê-na abo hî d’i.
6Moise mi de mandjafâ hi Gad-na kandjafâ hi Ruben-na ala: B’oziyogina a i dur ayîna mi, agi kagagi ka hî hawa mi zu? 7Ni kayam me ba, agi tchugugi Israel-lâ tazi susub’ok tala a djak aluma, a i yam ambas sa Ma didina mi hazizid’a d’uo ge? 8Abuyogi a le ni hina dedege kid’a ami nga Kades-Barneya ata yima an sunuzi á d’u ambasina. 9A i gak a mbaza kur hor ra Eskol-la, a d’uï ambasa. Kur hulong mazid’a a tchuk Israel-lâ tazi susub’ok tala a i kur ambas sa Ma didina mi hazizid’a d’uo d’a. 10Kur bur máma Ma didina hurum zal ngola, mi gun tam mi dala: 11Suma a tcholï yam ambas sa Ezipte suma bizazi dok mbà d’oze kal dok mbà ndazina, a mba wandaga d’a an gun tan mi Abraham mi Isak ki Jakob kata d’i, kayam azi tit nga kur lovot manda memet ti. 12Ni Kalep Jefune gorom ma ad’u andjafâ hi Kenas-sâ ki Josue Nun goroma hol ba, a mba kala, kayam azi tit kur lovota hi an Ma didinid’a memet. 13Ma didina hurum zal ngola ata Israel-lâ, mi tchazi tita abagei hur fulâ tata gak bizad’a dok fid’i gak suma a le tchod’a avoroma a dap pei pet.
14Gola! Agi hlagi ni balum abuyogi d’igi ades ma le tchod’a na á djo ayîna hi Ma didinina ma bibiliuna akulo yam Israel-lâ kua. 15Agi suma hi Ruben-na ki suma hi Gad-na, le agi lagi tchod’a avok Ma didina na ni, mam mba mi ar Israel-lâ a i avogovok abagei hur fulâ, ni agi ba, mbagi ki bad’a yam sum ndazina.
16Sum ndazina a i gen Moise kua, a dum ala: Ami i minimi kangâna yam d’uwar mamina, ami i minimi azì ma ad’engâ yam gromina mi. 17Bugola, ami mba yomi ahle suma dur ayîna abomi atogo zak, ami mba tid’imi avok Israel-lâ á izi kur ambas sa a mba hazizid’a. Kur yi máma gromina a mba kak kur azì ma ad’engâ abo suma kur azì mamina. 18Ami mba hulongômi avo hatami bei Israel ma lara pî mi fe djo mama sä abo alum ma Jurdê-na abo hî d’i. 19Le ami fami djo mamina abo alum ma Jurdê-na abom ma yorogona ka hî da ni, ami mba b’rawami djona ki sed’ezi sä abo alum ma Jurdê-na abo hî d’uo d’a.
20Moise mi dazi ala: Le agi lagi sunda yam zla magi d’a ded’a, le agi yogi ahle suma dur ayîna agi durugi d’igi Ma didina mi he vuna na, 21le sum magina a yo ahle suma dur ayîna, a djak alum ma Jurdê-na avok Ma didina gak mi dik mam suma djangûna woi avoromu, 22le mi hle wa andagad’a da ni, bugola, agi hulongôgi avo hatagiya, hina wani, zla nga kagi avok Ma didina d’uo mi na, zla nga kagi avok Israel-lâ d’uo mi. Ata yi máma ambas sa avun alum ma Jurdê-na ka hî d’a mba d’i arî magid’a avok Ma didina.
23Wani le agi lagi nga hina d’uo ni, agi lagi ni tchod’a avok Ma didina, agi wagi woi tetet ala tcho magid’a mba d’i hulong kagiya. 24Agi minigi azina mi grogina, agi minigi kangâna yam ahok magina, agi lagi sunda yam zla d’a ndavunagid’a.
25Andjafâ hi Gad-na kandjafâ hi Ruben-na a de mi Moise kua ala: Ami azungeî mangâ, ami mba lami d’igi ang salamina hami vuna na. 26Gromina kamiyômina, d’uwar mami ma gureina ki ma nglona a mba kak ka hî kur azì ma Galät-na. 27Ami azungeî mangâ, ami yomi ahle suma dur ayîna, ami i durumi ayîna yam vun ma hed’a hi Ma didinina d’igi ang salamina de na.
28Moise mi he vuna kazi mi ma ngat buzuna Elazar ki Josue Nun goroma ki suma nglo suma avok andjafâ hi Israel ma tetengâ mi. 29Mi dazi ala: Le andjafâ hi Gad-na kandjafâ hi Ruben-na a djak alum ma Jurdê-na ki sed’egi á dur ayîna yam vun ma hed’a hi Ma didinina, agi hlagi wa ambasa da ni, agi hazi ambas sa Galät-ta djona. 30Wani le a i nga dur ayîna ki sed’egi d’uo ni, ar azi te djona zlapa ki sed’egi yam ambas sa Kanan-nda.
31Andjafâ hi Gad-na kandjafâ hi Ruben-na a hulong dum ala: Ami mba lami vama Ma didina mi dum mi ami azungeî mangîna. 32Ami mba durumi ayîna yam vun ma hed’a hi Ma didinina yam ambas sa Kanan-nda, wani djo mami ma ted’a ni ka hî avun alum ma Jurdê-na.
33Moise mi handjafâ hi Gad-na, andjafâ hi Ruben-na kabo andjafâ hi Manase ma Josef goromina leud’a hi Sihon amul ma Amor-râ ki leud’a hi Ok amul ma Basan-nid’a, nala, ambasa kazì mat ma nglona kandaga d’a nguyumba pet mi.
34Andjafâ hi Gad-na mi min azì ma nglo ma ad’engâ, nala, Dibon, Atarot, Arower, 35Atrot-Sofan, Jazer, Jokbeha, 36Bet-Nimra ki Bet-Haran ki kangâna hi d’uwarîna mi.
37Andjafâ hi Ruben-na mi min Hesbon, Elale ki Kiriyatayim, 38Nebo ki Bäl-Meyon suma a djogozi simiyêzina ki Sipma mi, a tin simina mi azì ma nglo ma a minima.
39Andjafâ hi Makir ma Manase goromina, mi dur ayîna ki suma yam ambas sa Galät-ta, mi hlad’u, mi hle suma Amor suma nga kurutna djona. 40Moise mi hambas sa Galät-ta mi Makir ma Manase goromina, mi kak kua. 41Jair ma Manase goromina mi i dur ayîna, mi hle azì ma nglo ma tetengâ, mi yum ala Azì ma nglo ma Jair-râ. 42Noba mi i dur ayîna, mi hle azì ma Kenat-na kazì ma teteng ma nguyuma, mi yum ki simiyêm ala Neba.
Currently Selected:
Ndumba 32: BA
Highlight
Share
Compare
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Ndumba 32
32
Andjaf ma hindi ma kak abo ma yorogona hi Jurdê-nina
1Andjafâ hi Ruben-na kandjafâ hi Gad-na a ki d’uwarâ ablaud’a heî. A wala ambas sa Jazer-ra ki d’a Galät-ta nambas sa djivid’a yam d’uwarâ. 2A i gen Moise ki ma ngat buzuna Elazar ki suma nglo suma avok ablaud’ina, a dazi ala: 3Ambas sa Atarot-ta, d’a Dibon-nda, d’a Jazer-ra, d’a Nimra-d’a, d’a Hesbon-nda, d’a Elale-d’a, d’a Sebam-mba, d’a Nebo-d’a ki d’a Beyon-nda 4nambas sa Ma didina mi hlat mablaud’a hi Israel-lîd’a, nambasa djivid’a yam d’uwarâ. Wani ami azungeî mangâ, ami nga ki d’uwarâ mi!
5A dum kua ala: Le ang mina ni, ang hami ami azungeî mangâ ambas ndata djona, ar ami djagami sä woi abo alum ma Jurdê-na abo hî d’i.
6Moise mi de mandjafâ hi Gad-na kandjafâ hi Ruben-na ala: B’oziyogina a i dur ayîna mi, agi kagagi ka hî hawa mi zu? 7Ni kayam me ba, agi tchugugi Israel-lâ tazi susub’ok tala a djak aluma, a i yam ambas sa Ma didina mi hazizid’a d’uo ge? 8Abuyogi a le ni hina dedege kid’a ami nga Kades-Barneya ata yima an sunuzi á d’u ambasina. 9A i gak a mbaza kur hor ra Eskol-la, a d’uï ambasa. Kur hulong mazid’a a tchuk Israel-lâ tazi susub’ok tala a i kur ambas sa Ma didina mi hazizid’a d’uo d’a. 10Kur bur máma Ma didina hurum zal ngola, mi gun tam mi dala: 11Suma a tcholï yam ambas sa Ezipte suma bizazi dok mbà d’oze kal dok mbà ndazina, a mba wandaga d’a an gun tan mi Abraham mi Isak ki Jakob kata d’i, kayam azi tit nga kur lovot manda memet ti. 12Ni Kalep Jefune gorom ma ad’u andjafâ hi Kenas-sâ ki Josue Nun goroma hol ba, a mba kala, kayam azi tit kur lovota hi an Ma didinid’a memet. 13Ma didina hurum zal ngola ata Israel-lâ, mi tchazi tita abagei hur fulâ tata gak bizad’a dok fid’i gak suma a le tchod’a avoroma a dap pei pet.
14Gola! Agi hlagi ni balum abuyogi d’igi ades ma le tchod’a na á djo ayîna hi Ma didinina ma bibiliuna akulo yam Israel-lâ kua. 15Agi suma hi Ruben-na ki suma hi Gad-na, le agi lagi tchod’a avok Ma didina na ni, mam mba mi ar Israel-lâ a i avogovok abagei hur fulâ, ni agi ba, mbagi ki bad’a yam sum ndazina.
16Sum ndazina a i gen Moise kua, a dum ala: Ami i minimi kangâna yam d’uwar mamina, ami i minimi azì ma ad’engâ yam gromina mi. 17Bugola, ami mba yomi ahle suma dur ayîna abomi atogo zak, ami mba tid’imi avok Israel-lâ á izi kur ambas sa a mba hazizid’a. Kur yi máma gromina a mba kak kur azì ma ad’engâ abo suma kur azì mamina. 18Ami mba hulongômi avo hatami bei Israel ma lara pî mi fe djo mama sä abo alum ma Jurdê-na abo hî d’i. 19Le ami fami djo mamina abo alum ma Jurdê-na abom ma yorogona ka hî da ni, ami mba b’rawami djona ki sed’ezi sä abo alum ma Jurdê-na abo hî d’uo d’a.
20Moise mi dazi ala: Le agi lagi sunda yam zla magi d’a ded’a, le agi yogi ahle suma dur ayîna agi durugi d’igi Ma didina mi he vuna na, 21le sum magina a yo ahle suma dur ayîna, a djak alum ma Jurdê-na avok Ma didina gak mi dik mam suma djangûna woi avoromu, 22le mi hle wa andagad’a da ni, bugola, agi hulongôgi avo hatagiya, hina wani, zla nga kagi avok Ma didina d’uo mi na, zla nga kagi avok Israel-lâ d’uo mi. Ata yi máma ambas sa avun alum ma Jurdê-na ka hî d’a mba d’i arî magid’a avok Ma didina.
23Wani le agi lagi nga hina d’uo ni, agi lagi ni tchod’a avok Ma didina, agi wagi woi tetet ala tcho magid’a mba d’i hulong kagiya. 24Agi minigi azina mi grogina, agi minigi kangâna yam ahok magina, agi lagi sunda yam zla d’a ndavunagid’a.
25Andjafâ hi Gad-na kandjafâ hi Ruben-na a de mi Moise kua ala: Ami azungeî mangâ, ami mba lami d’igi ang salamina hami vuna na. 26Gromina kamiyômina, d’uwar mami ma gureina ki ma nglona a mba kak ka hî kur azì ma Galät-na. 27Ami azungeî mangâ, ami yomi ahle suma dur ayîna, ami i durumi ayîna yam vun ma hed’a hi Ma didinina d’igi ang salamina de na.
28Moise mi he vuna kazi mi ma ngat buzuna Elazar ki Josue Nun goroma ki suma nglo suma avok andjafâ hi Israel ma tetengâ mi. 29Mi dazi ala: Le andjafâ hi Gad-na kandjafâ hi Ruben-na a djak alum ma Jurdê-na ki sed’egi á dur ayîna yam vun ma hed’a hi Ma didinina, agi hlagi wa ambasa da ni, agi hazi ambas sa Galät-ta djona. 30Wani le a i nga dur ayîna ki sed’egi d’uo ni, ar azi te djona zlapa ki sed’egi yam ambas sa Kanan-nda.
31Andjafâ hi Gad-na kandjafâ hi Ruben-na a hulong dum ala: Ami mba lami vama Ma didina mi dum mi ami azungeî mangîna. 32Ami mba durumi ayîna yam vun ma hed’a hi Ma didinina yam ambas sa Kanan-nda, wani djo mami ma ted’a ni ka hî avun alum ma Jurdê-na.
33Moise mi handjafâ hi Gad-na, andjafâ hi Ruben-na kabo andjafâ hi Manase ma Josef goromina leud’a hi Sihon amul ma Amor-râ ki leud’a hi Ok amul ma Basan-nid’a, nala, ambasa kazì mat ma nglona kandaga d’a nguyumba pet mi.
34Andjafâ hi Gad-na mi min azì ma nglo ma ad’engâ, nala, Dibon, Atarot, Arower, 35Atrot-Sofan, Jazer, Jokbeha, 36Bet-Nimra ki Bet-Haran ki kangâna hi d’uwarîna mi.
37Andjafâ hi Ruben-na mi min Hesbon, Elale ki Kiriyatayim, 38Nebo ki Bäl-Meyon suma a djogozi simiyêzina ki Sipma mi, a tin simina mi azì ma nglo ma a minima.
39Andjafâ hi Makir ma Manase goromina, mi dur ayîna ki suma yam ambas sa Galät-ta, mi hlad’u, mi hle suma Amor suma nga kurutna djona. 40Moise mi hambas sa Galät-ta mi Makir ma Manase goromina, mi kak kua. 41Jair ma Manase goromina mi i dur ayîna, mi hle azì ma nglo ma tetengâ, mi yum ala Azì ma nglo ma Jair-râ. 42Noba mi i dur ayîna, mi hle azì ma Kenat-na kazì ma teteng ma nguyuma, mi yum ki simiyêm ala Neba.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.