Nehemi 5
5
Nehemi mi d’el sun nda nga ata yat tuo d’a
1Bur tu andjof suma dingâ kamiyôzina a tchol kal yam b’oziyozi suma Juif-fâ. 2Suma hiuna adigazi a dala: Ami ki gromi suma andjofâ ki suma aropma, ami ablaud’a, ami minimi awuna, kayam ami tami sud’umi ki tamiya. 3Suma hiuna a dala: Ami dengêmi asinemi ki guguzlu mamid’a kaziyami woi á fawuna yam zla meid’a. 4Suma hiuna a dala: Ami ndami ni bege d’a balâ yam asine mamina ki guguzlu mamid’a á wurak bege d’a amulâ ngamizi kamid’a. 5Ami ni hliu ma tuna d’igi azi na, gromi suma andjofâ ni d’igi grozina na mi. Gola! Ami mbud’umi wa magumeina ki gromi suma andjofâ ki suma aropma, gromi suma aropma ablaud’a a seî wa abo sunda, ami nga ki va d’uo d’a, asine mamina ki guguzlu mamid’a a arî hi suma dingîna.
6Ata yima an hum kal mazid’a ki zla mazi ndatina, hurun zal ngola. 7An nga hurun á ngop suma nglona ki suma avok sumina, an dazi ala: Ni kayam me ba, agi vagi beged’a ki mbiyot abo b’oziyogina ge? An ge tok ka ngola yam zla mazi ndata.
8An dazi kua ala: Ami mbud’umi yam b’oziyoi Juif suma a guzuzi woi kur magomba abo andjaf suma dingîna ndak yam ad’eng mamid’a. Wani agi tagid’a nga guzugi b’oziyogina woi abo sum meina wa d’ei zu? Ata yi máma a seng silil, a fe nga zla d’a a hulongôndji ded’id’a d’i.
9An dazi kua ala: Ahle suma agi lazi wana nga djivi d’i. Agi ndak käla agi lagi mandara Alo meina tala andjaf suma ding suma djangû meina a nguli d’uo d’a d’uo zu? 10An ki b’oziyona kazungeî mana, ami hazi beged’a kawuna balâ mi. Ar ei vei ahle ndazina abozi d’i. 11Agi hulongôgi ahle suma agi vazi abozina ini, nala, asine mazina, guguzlu mazid’a, olif mazina kaziyaziya. Ahle suma agi hazizi á mbinina pet, nala, beged’a, awuna, guguzlud’a d’oze mbulâ, ar agi vagi va tu abozi d’i.
12Ata yi máma a hulong dan ala: Ami mba lami d’igi ang de na, ami mba hulongôzi ahle suma ami yozina, ami mba vami va abozi tu d’uo d’a.
Kayam ndata, an yi suma ngat buzuna, an gun suma a he balâ mi sumina ala ar a tchol yam vun mazi ma hle ma azi hluma. 13Ata yi máma an po vun baru man nda ngola woyo, an dala: Ar Alona mi le ki sama lara ma tchol nga yam vun ma hle mama d’uo na hina dedege mi, mi digim mbei hur aziyamu; ar mi fe va bugol luo d’a.
Suma petna a dala: Amin! (Nala, Nä!) A gile Ma didina, a tchol yam vun ma hle máma.
14Kur bur ma amulâ mi tinin ma te yamba kazi yam ambas sa Juda ei kur biza d’a dok mbàd’a dei gak mba kur biza d’a dok hindi yam mbà d’a amulâ Artazerses nga mi tamulid’a, kur biza d’a dogo yam mbà ndata an ki b’oziyona ami vami nga tar ra amulâ ngat yam sumid’a abozi d’i. 15Wani suma a mba a te yam suma avorona a tin aneka yam suma, a nga tar avungôna ki süm guguzlud’a aboziya, burâ ki burâ a nga ve bege d’a hapa abozi dok fid’i dok fid’i; azungeî mazina pî, a nga hazi ndaka mi. Wani yam mandara Alona, an le nga hina d’i. 16An le ni suna gulumuna, ami guzumi nga asine tu d’i; azungeî mana pet a to’î ata yima sun ndata mi. 17Suma a te tena avo hatana Juif-fâ ki suma avok suma ni kis yam dok vahl zlapa kandjaf suma ding suma a nguyumi suma a nga mba gevemina. 18Burâ pet a nga tchämuhl ma d’orâ avo hatanu, tumiyô suma d’orâ karagaya karagaya kaluweina mi. Kur burâ dogo a nga le süm guguzlud’a ngola. Hina pet pî, an ve nga bege d’a ma te yamba mi ngat yam sumid’a d’i, kayam sun ndata aneka yam suma heî.
19An tchen Alona ala: Alo mana, ang djib’er kanu, ang wan hohowon yam ahlena pet suma an lazi yam sum ndazinina.
Currently Selected:
Nehemi 5: BA
Highlight
Share
Compare
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Nehemi 5
5
Nehemi mi d’el sun nda nga ata yat tuo d’a
1Bur tu andjof suma dingâ kamiyôzina a tchol kal yam b’oziyozi suma Juif-fâ. 2Suma hiuna adigazi a dala: Ami ki gromi suma andjofâ ki suma aropma, ami ablaud’a, ami minimi awuna, kayam ami tami sud’umi ki tamiya. 3Suma hiuna a dala: Ami dengêmi asinemi ki guguzlu mamid’a kaziyami woi á fawuna yam zla meid’a. 4Suma hiuna a dala: Ami ndami ni bege d’a balâ yam asine mamina ki guguzlu mamid’a á wurak bege d’a amulâ ngamizi kamid’a. 5Ami ni hliu ma tuna d’igi azi na, gromi suma andjofâ ni d’igi grozina na mi. Gola! Ami mbud’umi wa magumeina ki gromi suma andjofâ ki suma aropma, gromi suma aropma ablaud’a a seî wa abo sunda, ami nga ki va d’uo d’a, asine mamina ki guguzlu mamid’a a arî hi suma dingîna.
6Ata yima an hum kal mazid’a ki zla mazi ndatina, hurun zal ngola. 7An nga hurun á ngop suma nglona ki suma avok sumina, an dazi ala: Ni kayam me ba, agi vagi beged’a ki mbiyot abo b’oziyogina ge? An ge tok ka ngola yam zla mazi ndata.
8An dazi kua ala: Ami mbud’umi yam b’oziyoi Juif suma a guzuzi woi kur magomba abo andjaf suma dingîna ndak yam ad’eng mamid’a. Wani agi tagid’a nga guzugi b’oziyogina woi abo sum meina wa d’ei zu? Ata yi máma a seng silil, a fe nga zla d’a a hulongôndji ded’id’a d’i.
9An dazi kua ala: Ahle suma agi lazi wana nga djivi d’i. Agi ndak käla agi lagi mandara Alo meina tala andjaf suma ding suma djangû meina a nguli d’uo d’a d’uo zu? 10An ki b’oziyona kazungeî mana, ami hazi beged’a kawuna balâ mi. Ar ei vei ahle ndazina abozi d’i. 11Agi hulongôgi ahle suma agi vazi abozina ini, nala, asine mazina, guguzlu mazid’a, olif mazina kaziyaziya. Ahle suma agi hazizi á mbinina pet, nala, beged’a, awuna, guguzlud’a d’oze mbulâ, ar agi vagi va tu abozi d’i.
12Ata yi máma a hulong dan ala: Ami mba lami d’igi ang de na, ami mba hulongôzi ahle suma ami yozina, ami mba vami va abozi tu d’uo d’a.
Kayam ndata, an yi suma ngat buzuna, an gun suma a he balâ mi sumina ala ar a tchol yam vun mazi ma hle ma azi hluma. 13Ata yi máma an po vun baru man nda ngola woyo, an dala: Ar Alona mi le ki sama lara ma tchol nga yam vun ma hle mama d’uo na hina dedege mi, mi digim mbei hur aziyamu; ar mi fe va bugol luo d’a.
Suma petna a dala: Amin! (Nala, Nä!) A gile Ma didina, a tchol yam vun ma hle máma.
14Kur bur ma amulâ mi tinin ma te yamba kazi yam ambas sa Juda ei kur biza d’a dok mbàd’a dei gak mba kur biza d’a dok hindi yam mbà d’a amulâ Artazerses nga mi tamulid’a, kur biza d’a dogo yam mbà ndata an ki b’oziyona ami vami nga tar ra amulâ ngat yam sumid’a abozi d’i. 15Wani suma a mba a te yam suma avorona a tin aneka yam suma, a nga tar avungôna ki süm guguzlud’a aboziya, burâ ki burâ a nga ve bege d’a hapa abozi dok fid’i dok fid’i; azungeî mazina pî, a nga hazi ndaka mi. Wani yam mandara Alona, an le nga hina d’i. 16An le ni suna gulumuna, ami guzumi nga asine tu d’i; azungeî mana pet a to’î ata yima sun ndata mi. 17Suma a te tena avo hatana Juif-fâ ki suma avok suma ni kis yam dok vahl zlapa kandjaf suma ding suma a nguyumi suma a nga mba gevemina. 18Burâ pet a nga tchämuhl ma d’orâ avo hatanu, tumiyô suma d’orâ karagaya karagaya kaluweina mi. Kur burâ dogo a nga le süm guguzlud’a ngola. Hina pet pî, an ve nga bege d’a ma te yamba mi ngat yam sumid’a d’i, kayam sun ndata aneka yam suma heî.
19An tchen Alona ala: Alo mana, ang djib’er kanu, ang wan hohowon yam ahlena pet suma an lazi yam sum ndazinina.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.