Matiye 17
17
Jesus tam mbi mbut vat zenen
(Gol Mar 9.2-13; Luc 9.28-36)
1Bugol kur bur ma karagayana, Jesus mi yo Pierre azi ki Jacques ki wiyema Jean, mi i ki sed’ezi akulo yam ahina d’a fiyak ka ked’iwurenga woi vaziya. 2Tam mbi mbut vat zenen avoroziya, iram mbi mbut ngal wiwilik d’igi afata na, baru mamba ti mbut hapa titil d’igi b’od’a na mi. 3Ata yi máma, Moise azi ki Elie a buzuk kei iraziya, a nga yo siretna ki Jesus.
4Pierre mi hulong de mi Jesus ala: Salamina, djivid’a ei kagei ka hî. Le ang mina ni, an mba ni ve zlub’ud’a hindi, tu kangû, tu yam Moise, tu yam Elie mi.
5Kid’a nga mi de zla ndata tua d’a, d’ugula ti b’o ti kulubuziya, dela ti ndeï kur d’ugula, ti dala: Wana ni Goron ma an hurun vum heîna, ni ma tan ndi lan djivid’a heî kama; agi humugiziya.
6Ata yima suma hata a hum del ndatina, a puk kä abo mandarâ. 7Jesus mi mba, mi doziya, mi dazi ala: Agi tchologi akulo, agi lagi mandar ri. 8Kid’a a yo irazi akulod’a, a we nga sa d’i, ni Jesus hol.
9Kid’a a tchugï asezi kä woi yam ahinad’id’a, Jesus mi gad’azi ala: Ar agi dagi vama agi wuma mi sa d’i, gak an Gor Sana ni tchol akulo aduk suma matna mbeî tua.
10Mam suma hata a djobom ala: Ni kayam me ba, suma hat gata a nga dala Elie mba mi mba avo’î mam tua ge?
11Mi hulong dazi ala: Gagazi, Elie mba mi mba avogo, mba mi min ahlena pet ata yazi ma adjeuna. 12Wani an nga ni dagiya, Elie mi mba wa da’. Azi wum nga d’i, wani a lum ahlena pet suma huruzi mina. An Gor Sana mba ni fe ndaka abozi hina mi.
13Ata yi máma, mam suma hata a wala mi dazi zlad’a ni yam Jean ma le suma batemba.
Jesus mi sut gor ma nga ki muzuk ma tchona kuruma
(Gol Mar 9.14-29; Luc 9.37-43a)
14Kid’a Jesus azi a mba gen ablau sumid’a, sana mi mba gevem mi grif kä avoromu, 15mi dum ala: Salana, ang we hohowa gorona, kayam pipina nga mi lum ngola heî, nga mi gum aduk akud’a ki mbina teteu. 16An mbam mi mang suma hata, wani azi ndak á sud’um mbi.
17Jesus mi hulong dazi ala: Agi suma bei he gagazid’a suma bei hum vuna suma kur atchogoî d’a wandina, an mba ni kak ki sed’egi gak mindja ge? An mba ni ve tan ki sed’egi gak mindja ge? Agi mbeyendjïya. 18Jesus mi ngop muzuk ma tchona; mi nde woi kur gorâ. Ata yi máma gorâ mi tchol akulo.
19Bugola, suma hata a mba gen Jesus gumun vaziya. A djobom ala: Ni kayam me ba, ami ndak á dik muzuk ma tcho máma woi d’uo ge?
20Mi hulong dazi ala: Kayam he gagazi magid’a akid’eid’a. Gagazi, an nga ni dagiya, le he gagazi magid’a ni d’igi ir mutarâ na ni, agi dagi mahina d’a wanda ala: Ndak pat tak iza hî ni, mba d’i pat ti i mi. Vama mba mi hlagi abod’ina nga d’i. [21Wani andjaf muzuk ma hina na, ang tchen nAlona ki d’el tad’a bei te tena tua ba, ang digim mbeyo.]
Jesus mi de woi kua yam mad’am ki tchol mamba
(Gol Mar 9.30-32; Luc 9.43b-45)
22Kid’a azi nga kur andaga d’a Galile-d’a tua d’a, Jesus mi de mi mam suma hata ala: A mba han an Gor Sana abo suma. 23Azi mba tchanu, wani kur bur ma hindina, an mba ni tchol akulo aduk suma matna. Mam suma hata a yor tazi ngola.
Tar ra yam gong nga kud’orid’a
24Kid’a azi mbaza Kapernayum-mba, suma tar beged’a yam gong nga kud’ora hAlonid’ina, a mba ata Pierre, a dum ala: Magi ma hata mi wurak lombod’a yam gong nga kud’ora hAlonid’a d’uo zu?
25Pierre mi hulong dazi ala: Mi wuraga.
Ata yima Pierre mi kal avona, zla d’a Jesus mi dumzi avoka ba wana, mi dum ala: Simon, djib’er manga nana ge? Amulei suma yam andagad’ina a ve lombod’a nabo suma lara ge? Nabo grozina, d’oze nabo angoyogeina zu?
26Pierre mi hulong dum ala: Nabo angoyogeina.
Jesus mi dum ala: Le ni na ni, gro vuta a wurak ki. 27Wani ar ei hazi djib’era d’i. Ang i kur apod’a, ang ge tunglîd’a kä aduk mbina. Kuluf ma vavo’â, ang tanam akulo, ang ngom vunam mbeyo, ang mba fe gurzud’a kua. Ang yod’u, ang wurak kanu, ang wurak kang mi.
Currently Selected:
Matiye 17: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Matiye 17
17
Jesus tam mbi mbut vat zenen
(Gol Mar 9.2-13; Luc 9.28-36)
1Bugol kur bur ma karagayana, Jesus mi yo Pierre azi ki Jacques ki wiyema Jean, mi i ki sed’ezi akulo yam ahina d’a fiyak ka ked’iwurenga woi vaziya. 2Tam mbi mbut vat zenen avoroziya, iram mbi mbut ngal wiwilik d’igi afata na, baru mamba ti mbut hapa titil d’igi b’od’a na mi. 3Ata yi máma, Moise azi ki Elie a buzuk kei iraziya, a nga yo siretna ki Jesus.
4Pierre mi hulong de mi Jesus ala: Salamina, djivid’a ei kagei ka hî. Le ang mina ni, an mba ni ve zlub’ud’a hindi, tu kangû, tu yam Moise, tu yam Elie mi.
5Kid’a nga mi de zla ndata tua d’a, d’ugula ti b’o ti kulubuziya, dela ti ndeï kur d’ugula, ti dala: Wana ni Goron ma an hurun vum heîna, ni ma tan ndi lan djivid’a heî kama; agi humugiziya.
6Ata yima suma hata a hum del ndatina, a puk kä abo mandarâ. 7Jesus mi mba, mi doziya, mi dazi ala: Agi tchologi akulo, agi lagi mandar ri. 8Kid’a a yo irazi akulod’a, a we nga sa d’i, ni Jesus hol.
9Kid’a a tchugï asezi kä woi yam ahinad’id’a, Jesus mi gad’azi ala: Ar agi dagi vama agi wuma mi sa d’i, gak an Gor Sana ni tchol akulo aduk suma matna mbeî tua.
10Mam suma hata a djobom ala: Ni kayam me ba, suma hat gata a nga dala Elie mba mi mba avo’î mam tua ge?
11Mi hulong dazi ala: Gagazi, Elie mba mi mba avogo, mba mi min ahlena pet ata yazi ma adjeuna. 12Wani an nga ni dagiya, Elie mi mba wa da’. Azi wum nga d’i, wani a lum ahlena pet suma huruzi mina. An Gor Sana mba ni fe ndaka abozi hina mi.
13Ata yi máma, mam suma hata a wala mi dazi zlad’a ni yam Jean ma le suma batemba.
Jesus mi sut gor ma nga ki muzuk ma tchona kuruma
(Gol Mar 9.14-29; Luc 9.37-43a)
14Kid’a Jesus azi a mba gen ablau sumid’a, sana mi mba gevem mi grif kä avoromu, 15mi dum ala: Salana, ang we hohowa gorona, kayam pipina nga mi lum ngola heî, nga mi gum aduk akud’a ki mbina teteu. 16An mbam mi mang suma hata, wani azi ndak á sud’um mbi.
17Jesus mi hulong dazi ala: Agi suma bei he gagazid’a suma bei hum vuna suma kur atchogoî d’a wandina, an mba ni kak ki sed’egi gak mindja ge? An mba ni ve tan ki sed’egi gak mindja ge? Agi mbeyendjïya. 18Jesus mi ngop muzuk ma tchona; mi nde woi kur gorâ. Ata yi máma gorâ mi tchol akulo.
19Bugola, suma hata a mba gen Jesus gumun vaziya. A djobom ala: Ni kayam me ba, ami ndak á dik muzuk ma tcho máma woi d’uo ge?
20Mi hulong dazi ala: Kayam he gagazi magid’a akid’eid’a. Gagazi, an nga ni dagiya, le he gagazi magid’a ni d’igi ir mutarâ na ni, agi dagi mahina d’a wanda ala: Ndak pat tak iza hî ni, mba d’i pat ti i mi. Vama mba mi hlagi abod’ina nga d’i. [21Wani andjaf muzuk ma hina na, ang tchen nAlona ki d’el tad’a bei te tena tua ba, ang digim mbeyo.]
Jesus mi de woi kua yam mad’am ki tchol mamba
(Gol Mar 9.30-32; Luc 9.43b-45)
22Kid’a azi nga kur andaga d’a Galile-d’a tua d’a, Jesus mi de mi mam suma hata ala: A mba han an Gor Sana abo suma. 23Azi mba tchanu, wani kur bur ma hindina, an mba ni tchol akulo aduk suma matna. Mam suma hata a yor tazi ngola.
Tar ra yam gong nga kud’orid’a
24Kid’a azi mbaza Kapernayum-mba, suma tar beged’a yam gong nga kud’ora hAlonid’ina, a mba ata Pierre, a dum ala: Magi ma hata mi wurak lombod’a yam gong nga kud’ora hAlonid’a d’uo zu?
25Pierre mi hulong dazi ala: Mi wuraga.
Ata yima Pierre mi kal avona, zla d’a Jesus mi dumzi avoka ba wana, mi dum ala: Simon, djib’er manga nana ge? Amulei suma yam andagad’ina a ve lombod’a nabo suma lara ge? Nabo grozina, d’oze nabo angoyogeina zu?
26Pierre mi hulong dum ala: Nabo angoyogeina.
Jesus mi dum ala: Le ni na ni, gro vuta a wurak ki. 27Wani ar ei hazi djib’era d’i. Ang i kur apod’a, ang ge tunglîd’a kä aduk mbina. Kuluf ma vavo’â, ang tanam akulo, ang ngom vunam mbeyo, ang mba fe gurzud’a kua. Ang yod’u, ang wurak kanu, ang wurak kang mi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.