Sunda hi suma hi Levi-nid’a 21
21
Alona mi he vuna yam suma ngat buzuna
1Ma didina mi de mi Moise ala: Ang de mi suma ngat buzuna Aron groma ala:
Ar ma ngat buzuna mi mbut tam ndjendjed’a ki sama mi mit aduk sum mamina d’i. 2Wani ni ki suma a nga go ki sed’ema hol, nala, asum mboze abumu, goroma d’oze goromba ki wiyema. 3Wiyem mba atcha d’a a vat nga d’uo d’a, kayam ndat ni d’a nga ki sed’em god’a, kayam a vat nga d’uo, mi ndak á mbut tam ndjendjed’a kat mi. 4Mi ni d’igi amulâ na aduk sum mama; ar mi mbut tam ndjendjed’a á mbut tam zulona d’i.
5Ar suma ngat buzuna a wel yazi d’oze apei dudumazi d’oze a zi tazi á tak kei ala azi nga kur yor tad’a d’i. 6Ar azi ka’î suma yed’etna yam an Alo mazina, ar azi mbud’un simiyên ndjendjed’a d’i, kayam azi nga han he d’a hawa d’a ngala; ni tena hi an Ma didina Alo mazinina. Ar azi ka’î suma yed’etna.
7Ar azi vatcha d’a gaulang ngi, d’oze d’a mbut tat zulonid’a d’uo mi. Ar azi vatcha d’a a digit teid’a d’i, kayam ma ngat buzuna ni sama yed’etna yam an Alo mama. 8Agi Israel-lâ agi gologi suma ngat buzuna ni suma yed’etna, kayam a nga he tena mi an Alo magina. A mba ka’î suma yed’etna kagiya, kayam an ni Ma bei tchod’ina, an ni Ma didin ma tinigi iragi vagina.
9Le ma ngat buzuna goromba ti mbut tat zulona á le gaulangâ ni, ti mbut nabut zulona; a ngalat tei kakud’a.
10Ma ngat buzu ma ngol ma yam b’oziyoma ma a manam a vom mbulâ kam a tinim iram vam yam sun ndata ma a tchugum baru ma a tinim iram vama atama, mi ar yam mbei hawa d’uo, mi haû baru ma atama woi d’uo mi. 11Mam mba mi i yam mat ti, mi mbut tam ndjendjed’a yam matna habuma d’oze yam matna hasuma d’uo mi. 12Mam mba mi nde woi kur zlub’u d’a kud’ora d’i, mba mi mbut zlub’u d’a kud’ora hi an Alo mamid’a ndjendjed’a d’uo mi, kayam a manam a vom mbulâ hi an Alo mamina kamu. An ni Ma didina.
13Mam mba mi ve ni gor weid’a ba atchad’a. 14Mam mba mi vatcha d’a modonod’a d’i, d’oze d’a ndjuvut mi digit teid’a, d’oze d’a gaulangâ, d’oze d’a mbut tat zulonid’a d’i, wani mba mi ve ni gor wei d’a aduk sum mamid’a ba atchad’a. 15Mam mba mi mbut andjavam zulona aduk sum mama d’i, kayam an ni Ma didin ma tinim iram vama.
Ahle suma a d’el suma yam sun nda ngat buzunid’a
16Ma didina mi de mi Moise kua ala: 17Ang de mi Aron ala:
Sama ad’u andjavang ma daka kur atchogoi d’a lara pî, mba mi hud’ï geven go á le sun nda ngat buzuna á he tena mi an Alo mama d’i. 18Sama lara ma da’â, le ni ma duka, le ni ma dileîd’a, le ni ma atchinam hengileud’ina, le ni ma ir hliu tam tu mi vut nga ata yam mbuo na ni, mi hut go á le sun nda ngat buzuna d’i. 19Le ni ma abom mboze asem kusâ, 20le ni ma do’orâ d’oze ma agengâ, le ni ma iram teud’ina d’oze ma vuyoka, le ni ma bigriuna, d’oze ma a pad’am hud’um mbeina ni, mi ndak á le sun nda ngat buzuna d’uo mi. 21Ar sama ad’u andjafâ hi Aron ma ngat buzuna ma da’â, mi hud’ï geven an Ma didina go á han vama ngat buzu ma ngala d’i; ma da’â mi he tena mi an Alo mama d’uo mi. 22Mi ndak á te te ma a tinim iram vam ma kal teglesâ ki ma a tinim iram vam mi an Alo mamina. 23Wani mi i ata yima baru d’a ka ira d’i, mi hut go gen yima ngal ahle suma ngat buzuna d’uo mi, kayam mi ni daka. Ar mi mbut yi man ma a tinim iram vama ndjendjed’a d’i, kayam an ni Ma didin ma ni tin yi máma iram vama.
24Moise mi de zla ndata mi Aron azi ki groma ki Israel-lâ pet mi.
Currently Selected:
Sunda hi suma hi Levi-nid’a 21: BA
Highlight
Share
Compare
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Sunda hi suma hi Levi-nid’a 21
21
Alona mi he vuna yam suma ngat buzuna
1Ma didina mi de mi Moise ala: Ang de mi suma ngat buzuna Aron groma ala:
Ar ma ngat buzuna mi mbut tam ndjendjed’a ki sama mi mit aduk sum mamina d’i. 2Wani ni ki suma a nga go ki sed’ema hol, nala, asum mboze abumu, goroma d’oze goromba ki wiyema. 3Wiyem mba atcha d’a a vat nga d’uo d’a, kayam ndat ni d’a nga ki sed’em god’a, kayam a vat nga d’uo, mi ndak á mbut tam ndjendjed’a kat mi. 4Mi ni d’igi amulâ na aduk sum mama; ar mi mbut tam ndjendjed’a á mbut tam zulona d’i.
5Ar suma ngat buzuna a wel yazi d’oze apei dudumazi d’oze a zi tazi á tak kei ala azi nga kur yor tad’a d’i. 6Ar azi ka’î suma yed’etna yam an Alo mazina, ar azi mbud’un simiyên ndjendjed’a d’i, kayam azi nga han he d’a hawa d’a ngala; ni tena hi an Ma didina Alo mazinina. Ar azi ka’î suma yed’etna.
7Ar azi vatcha d’a gaulang ngi, d’oze d’a mbut tat zulonid’a d’uo mi. Ar azi vatcha d’a a digit teid’a d’i, kayam ma ngat buzuna ni sama yed’etna yam an Alo mama. 8Agi Israel-lâ agi gologi suma ngat buzuna ni suma yed’etna, kayam a nga he tena mi an Alo magina. A mba ka’î suma yed’etna kagiya, kayam an ni Ma bei tchod’ina, an ni Ma didin ma tinigi iragi vagina.
9Le ma ngat buzuna goromba ti mbut tat zulona á le gaulangâ ni, ti mbut nabut zulona; a ngalat tei kakud’a.
10Ma ngat buzu ma ngol ma yam b’oziyoma ma a manam a vom mbulâ kam a tinim iram vam yam sun ndata ma a tchugum baru ma a tinim iram vama atama, mi ar yam mbei hawa d’uo, mi haû baru ma atama woi d’uo mi. 11Mam mba mi i yam mat ti, mi mbut tam ndjendjed’a yam matna habuma d’oze yam matna hasuma d’uo mi. 12Mam mba mi nde woi kur zlub’u d’a kud’ora d’i, mba mi mbut zlub’u d’a kud’ora hi an Alo mamid’a ndjendjed’a d’uo mi, kayam a manam a vom mbulâ hi an Alo mamina kamu. An ni Ma didina.
13Mam mba mi ve ni gor weid’a ba atchad’a. 14Mam mba mi vatcha d’a modonod’a d’i, d’oze d’a ndjuvut mi digit teid’a, d’oze d’a gaulangâ, d’oze d’a mbut tat zulonid’a d’i, wani mba mi ve ni gor wei d’a aduk sum mamid’a ba atchad’a. 15Mam mba mi mbut andjavam zulona aduk sum mama d’i, kayam an ni Ma didin ma tinim iram vama.
Ahle suma a d’el suma yam sun nda ngat buzunid’a
16Ma didina mi de mi Moise kua ala: 17Ang de mi Aron ala:
Sama ad’u andjavang ma daka kur atchogoi d’a lara pî, mba mi hud’ï geven go á le sun nda ngat buzuna á he tena mi an Alo mama d’i. 18Sama lara ma da’â, le ni ma duka, le ni ma dileîd’a, le ni ma atchinam hengileud’ina, le ni ma ir hliu tam tu mi vut nga ata yam mbuo na ni, mi hut go á le sun nda ngat buzuna d’i. 19Le ni ma abom mboze asem kusâ, 20le ni ma do’orâ d’oze ma agengâ, le ni ma iram teud’ina d’oze ma vuyoka, le ni ma bigriuna, d’oze ma a pad’am hud’um mbeina ni, mi ndak á le sun nda ngat buzuna d’uo mi. 21Ar sama ad’u andjafâ hi Aron ma ngat buzuna ma da’â, mi hud’ï geven an Ma didina go á han vama ngat buzu ma ngala d’i; ma da’â mi he tena mi an Alo mama d’uo mi. 22Mi ndak á te te ma a tinim iram vam ma kal teglesâ ki ma a tinim iram vam mi an Alo mamina. 23Wani mi i ata yima baru d’a ka ira d’i, mi hut go gen yima ngal ahle suma ngat buzuna d’uo mi, kayam mi ni daka. Ar mi mbut yi man ma a tinim iram vama ndjendjed’a d’i, kayam an ni Ma didin ma ni tin yi máma iram vama.
24Moise mi de zla ndata mi Aron azi ki groma ki Israel-lâ pet mi.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.