Hor ma tchina 3
3
Yor tad’a ki tin hur ma gagazina
1An ni sama ni fe ndaka
abo totogod’a hi Salad’a d’a mi ton ki hur mam ma zalîna.
2Mi gan avoromu, mi i ki sed’en kur nduvunda,
nga ni kur b’od’a d’i.
3Nga mi ngobonu, nga mi mbut abom kan
burâ ki burâ.
4Mi lugud’on hliwin ki babaganu,
mi kuzun asogon ndei djodjom mi.
5Mi nguyun kahle suma aglarâ ki ndaka
d’igi sana mi ge gulumuna kam na.
6Mi kagan kur nduvunda
d’igi suma a bo adjeu dedeina na.
7Mi nguyun kä ki gulumuna ala an nde woi d’i.
Mi tchugun kindjingâ asen mi.
8An tchiya, an yi á ndjununu,
wani mi hum nga tchen manda d’i.
9Mi d’el lovot manda kahina d’a tcheta,
mi gan kur lovot ta tchod’a.
10Mi mbut kan ni d’igi ambur urs ma mi bur kä á ve vanina na
d’igi azlo ma mi ngei tam kana na mi.
11Mi kan vita woyo, mi kizagan ndei kikizak,
mi mbud’un hohoud’a.
12Mi ndir yeû mamba,
mi tinin d’igi va mam ma mi d’ingêrem á yetina na.
13Yeû mam mba kur akuluta,
mi dabandji atan pet.
14An mbut ni vama sanda hi sum manina pet,
an mbut ni va mazi ma ge sawala burâ ki burâ.
15Mi hobon kahlap ma aglarâ,
mi han ahle suma azleîna á tched’a.
16Mi kuzun siyan ndei ki greina,
mi rod’on kä aduk butna mi.
17Mi walan ndei ki b’leng nga halasa,
an mar rei yam ahle suma djivina.
18An dala: Ad’engên dap pei da’,
an nga ki hur ma tinda yam Ma didina d’uo d’a!
*
19Ata yima an djib’er yam hohou manda ki tcha man nda tatad’ina,
an golozi ni d’igi vama aglarâ ki kuma ma tchi matna na mi.
20An ni djib’er kur muzugan ndei tetet,
wani muzugan nga mi tcha tata kurun krovo.
21Wana ni vama an nga ni djib’er kama,
ni kayam ndata ba, an nga ki hur ma tinda ala:
22Djivi d’a tetenga hi Ma didinid’a nga d’i dap pi,
we hohou mamba ti dap nga d’uo tua mi.
23Yorogo d’a lara pî, azi nga mbut awilid’a.
Ma didina, d’engzeng manga ti ngola heî!
24An nga ni de tan ala: Ma didina ni b’rau manda.
Ni kayam ndata ba, an tin hurun kamu.
25Ma didina mi djivid’a á tin hurung kamu,
mi djivid’a á halam mi.
26Djivid’a ang kak tchugot
á djup suta hi Ma didinid’a.
27Djivid’a yam sana
á zi dju’â ni kazong tam dei.
28Ar mi kak kei vam tu ki vunam ma du’â,
kayam ni Ma didina ba, mi tinimzi kamu.
29Ar mi pe vunam kä aduk andaga d’a gugud’upa.
Dam tin hurâ nga tua.
30Ar mi mbut agozlom mi sama nga mi toma,
ar suma a kragam ngula mi.
31Kayam Salad’a nga mi noî
sa woi hina baba d’i,
32Wani ata yima mi gad’ama,
mi wum hohowom yam o mam mba ngol la bei dabid’a.
33Nga ni min mamba ba, mi hulong sana yam kä,
mi gat grong suma d’uo mi.
*
34Ata yima ang miret suma a yozi dangeinina
kä kur ambasa kasengâ,
35ata yima ang b’lak d’ingêra hi sanid’a
avok Alo ma sä akulo ma kal teglesîna,
36ata yima ang b’ak sariyad’a hi sama d’ingêrîna,
Salad’a mi we nga d’uo zu?
37Ni nge ba, mi de ba ahle ndazina a le ge?
Ni Salad’a ba, mi he vuna d’uo zu?
38Djivid’a ki tchod’a a tcholï
nata Alo ma sä akulo ma kal teglesâ d’uo zu?
39Ni kayam me ba, sama mi nga kaka ki irama mi tchi tam ge?
Ar nge nge pî mi tchi ni yam tcho mamba tata.
40Ar ei kugi tit meid’a, ei halat ad’ud’u,
ei hulongeî gen Ma didina.
41Ar ei tchenei Alona ki hur ma tuna,
ar ei yoi aboi akulo ir Alo ma sä akulona ala:
42Ami lami tchod’a, ami song vunangû,
wani ang vat nga hurung ngei kami d’i.
43Ang ngei tang kur ayî mangâ, ang digimi baba,
ang tchami woi bei wami hohowomi ba.
44Ang ngei tang ngei gumun d’ugula
tala tchen mamid’a ti i atang nguo d’a.
45Ang mbud’umi vama ndjendjed’a,
ang mbud’umi djimgilâ aduk andjaf suma.
46Mami suma djangûna pet a ngo vunazi woi
á dami zla d’a tchod’a.
47Mandarâ ki bad’a ki b’laka ki pleîd’a
a mba kamiya.
48Iran nga d’i djang simina kä d’igi mbiyo toliyonda na
yam b’laka hi sum manid’a.
49Iran nga d’i djang simina bei tuk tad’u,
bei ara
50gak Ma didina mi djib’era,
mi golï kä kur akulod’a.
51Ata yima iran nga d’i wahle ndazinina,
hurun nga mi hat yam yugunei suma kur azì man ma ngolîna.
*
52Suma a kak djangûna ki sed’en bei zlad’a ba na,
a nga digin d’igi sana mi dik aleina na.
53Azi gan kä ki iran kur golong nga adjeud’a,
a dugun vunan kahinad’a.
54Mbina mi hlubumunu, an dala:
An ba wa woyo!
55Ma didina, an yangî kä
ad’u golong nga adjeud’a.
56Ang hum yi manda ala: Ar ang tos humang ngei
á hum zam ta manda ki yi manda d’uo d’a d’i.
57Kid’a an yanga, ang hud’ï gevenu,
ang dan ala: Ar ang le mandar ri!
58Salad’a, ang ndjun wa kanu,
ang sud’un ndei mi.
59Ma didina, ang we tcho d’a azi landjid’a.
Ang kan wa sariya manda.
60Ang watchugul mazi d’a azi sandjid’a pet,
ang we vun mazi ma ndjak ma azi ndjagam kan adjeuna pet mi.
61Ma didina, ang hum wa krak ka azi nga kraganda,
ang we vun mazi ma ndjak ma azi ndjagam kan adjeuna mi.
62Ang we zla d’a de d’a tcho d’a man suma djangûna a nga dat kanda,
ang we nga hur mazi ma azi nga ngam kan yorogo dei gak fladegena mi.
63Ang gola, ata yima azi nga kaka kä na d’oze ata yima azi tchol akulona,
an mbut ni va mazi ma hle sawala.
64Ma didina, ang lazi
d’igi azi lan an na mi.
65Ang b’alazi huruzi kiki,
ang gazi vuna mi.
66Ang digizi ad’uzi kayî mangâ,
ang dabazi woi yam andaga manga mi.
Currently Selected:
Hor ma tchina 3: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Hor ma tchina 3
3
Yor tad’a ki tin hur ma gagazina
1An ni sama ni fe ndaka
abo totogod’a hi Salad’a d’a mi ton ki hur mam ma zalîna.
2Mi gan avoromu, mi i ki sed’en kur nduvunda,
nga ni kur b’od’a d’i.
3Nga mi ngobonu, nga mi mbut abom kan
burâ ki burâ.
4Mi lugud’on hliwin ki babaganu,
mi kuzun asogon ndei djodjom mi.
5Mi nguyun kahle suma aglarâ ki ndaka
d’igi sana mi ge gulumuna kam na.
6Mi kagan kur nduvunda
d’igi suma a bo adjeu dedeina na.
7Mi nguyun kä ki gulumuna ala an nde woi d’i.
Mi tchugun kindjingâ asen mi.
8An tchiya, an yi á ndjununu,
wani mi hum nga tchen manda d’i.
9Mi d’el lovot manda kahina d’a tcheta,
mi gan kur lovot ta tchod’a.
10Mi mbut kan ni d’igi ambur urs ma mi bur kä á ve vanina na
d’igi azlo ma mi ngei tam kana na mi.
11Mi kan vita woyo, mi kizagan ndei kikizak,
mi mbud’un hohoud’a.
12Mi ndir yeû mamba,
mi tinin d’igi va mam ma mi d’ingêrem á yetina na.
13Yeû mam mba kur akuluta,
mi dabandji atan pet.
14An mbut ni vama sanda hi sum manina pet,
an mbut ni va mazi ma ge sawala burâ ki burâ.
15Mi hobon kahlap ma aglarâ,
mi han ahle suma azleîna á tched’a.
16Mi kuzun siyan ndei ki greina,
mi rod’on kä aduk butna mi.
17Mi walan ndei ki b’leng nga halasa,
an mar rei yam ahle suma djivina.
18An dala: Ad’engên dap pei da’,
an nga ki hur ma tinda yam Ma didina d’uo d’a!
*
19Ata yima an djib’er yam hohou manda ki tcha man nda tatad’ina,
an golozi ni d’igi vama aglarâ ki kuma ma tchi matna na mi.
20An ni djib’er kur muzugan ndei tetet,
wani muzugan nga mi tcha tata kurun krovo.
21Wana ni vama an nga ni djib’er kama,
ni kayam ndata ba, an nga ki hur ma tinda ala:
22Djivi d’a tetenga hi Ma didinid’a nga d’i dap pi,
we hohou mamba ti dap nga d’uo tua mi.
23Yorogo d’a lara pî, azi nga mbut awilid’a.
Ma didina, d’engzeng manga ti ngola heî!
24An nga ni de tan ala: Ma didina ni b’rau manda.
Ni kayam ndata ba, an tin hurun kamu.
25Ma didina mi djivid’a á tin hurung kamu,
mi djivid’a á halam mi.
26Djivid’a ang kak tchugot
á djup suta hi Ma didinid’a.
27Djivid’a yam sana
á zi dju’â ni kazong tam dei.
28Ar mi kak kei vam tu ki vunam ma du’â,
kayam ni Ma didina ba, mi tinimzi kamu.
29Ar mi pe vunam kä aduk andaga d’a gugud’upa.
Dam tin hurâ nga tua.
30Ar mi mbut agozlom mi sama nga mi toma,
ar suma a kragam ngula mi.
31Kayam Salad’a nga mi noî
sa woi hina baba d’i,
32Wani ata yima mi gad’ama,
mi wum hohowom yam o mam mba ngol la bei dabid’a.
33Nga ni min mamba ba, mi hulong sana yam kä,
mi gat grong suma d’uo mi.
*
34Ata yima ang miret suma a yozi dangeinina
kä kur ambasa kasengâ,
35ata yima ang b’lak d’ingêra hi sanid’a
avok Alo ma sä akulo ma kal teglesîna,
36ata yima ang b’ak sariyad’a hi sama d’ingêrîna,
Salad’a mi we nga d’uo zu?
37Ni nge ba, mi de ba ahle ndazina a le ge?
Ni Salad’a ba, mi he vuna d’uo zu?
38Djivid’a ki tchod’a a tcholï
nata Alo ma sä akulo ma kal teglesâ d’uo zu?
39Ni kayam me ba, sama mi nga kaka ki irama mi tchi tam ge?
Ar nge nge pî mi tchi ni yam tcho mamba tata.
40Ar ei kugi tit meid’a, ei halat ad’ud’u,
ei hulongeî gen Ma didina.
41Ar ei tchenei Alona ki hur ma tuna,
ar ei yoi aboi akulo ir Alo ma sä akulona ala:
42Ami lami tchod’a, ami song vunangû,
wani ang vat nga hurung ngei kami d’i.
43Ang ngei tang kur ayî mangâ, ang digimi baba,
ang tchami woi bei wami hohowomi ba.
44Ang ngei tang ngei gumun d’ugula
tala tchen mamid’a ti i atang nguo d’a.
45Ang mbud’umi vama ndjendjed’a,
ang mbud’umi djimgilâ aduk andjaf suma.
46Mami suma djangûna pet a ngo vunazi woi
á dami zla d’a tchod’a.
47Mandarâ ki bad’a ki b’laka ki pleîd’a
a mba kamiya.
48Iran nga d’i djang simina kä d’igi mbiyo toliyonda na
yam b’laka hi sum manid’a.
49Iran nga d’i djang simina bei tuk tad’u,
bei ara
50gak Ma didina mi djib’era,
mi golï kä kur akulod’a.
51Ata yima iran nga d’i wahle ndazinina,
hurun nga mi hat yam yugunei suma kur azì man ma ngolîna.
*
52Suma a kak djangûna ki sed’en bei zlad’a ba na,
a nga digin d’igi sana mi dik aleina na.
53Azi gan kä ki iran kur golong nga adjeud’a,
a dugun vunan kahinad’a.
54Mbina mi hlubumunu, an dala:
An ba wa woyo!
55Ma didina, an yangî kä
ad’u golong nga adjeud’a.
56Ang hum yi manda ala: Ar ang tos humang ngei
á hum zam ta manda ki yi manda d’uo d’a d’i.
57Kid’a an yanga, ang hud’ï gevenu,
ang dan ala: Ar ang le mandar ri!
58Salad’a, ang ndjun wa kanu,
ang sud’un ndei mi.
59Ma didina, ang we tcho d’a azi landjid’a.
Ang kan wa sariya manda.
60Ang watchugul mazi d’a azi sandjid’a pet,
ang we vun mazi ma ndjak ma azi ndjagam kan adjeuna pet mi.
61Ma didina, ang hum wa krak ka azi nga kraganda,
ang we vun mazi ma ndjak ma azi ndjagam kan adjeuna mi.
62Ang we zla d’a de d’a tcho d’a man suma djangûna a nga dat kanda,
ang we nga hur mazi ma azi nga ngam kan yorogo dei gak fladegena mi.
63Ang gola, ata yima azi nga kaka kä na d’oze ata yima azi tchol akulona,
an mbut ni va mazi ma hle sawala.
64Ma didina, ang lazi
d’igi azi lan an na mi.
65Ang b’alazi huruzi kiki,
ang gazi vuna mi.
66Ang digizi ad’uzi kayî mangâ,
ang dabazi woi yam andaga manga mi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.