Josue 13
13
B’RAUD’A HAMBASID’A
(13—21)
Ambas sa ar bei hled’a tua d’a
1Josue mi mbut mamara, bizam kal ngola. Ata yi máma Ma didina mi dum ala: Gola! Ang mbut wa mamara, bizang kal wa ngola mi. Ambas sa ar bei hled’a tua d’a ti ngola heî. 2Ambas sa ar bei hled’id’a ba wana: Ambasa hi suma Filistê-nid’a pet kambasa hi suma Gesur-rîd’a pet, 3tinï ad’ud’a Sihor ra nga avok Ezipte-d’a dei gak mba yo hagad’a ki Ekron. Ni yima suma Kanan-na a te kam adjeuna, ni yima amulei suma vahl suma Filistê-na a nga te kama, nala, azì ma Gaza-na, ma Asdot-na, ma Askalon-na, ma Gat-na ki ma Ekron-na ki suma Af-fâ.
4Ambas sa ar bei hled’a abo ma sutnid’a ba wana: Ambasa hi suma Kanan-nid’a pet ki Meyara d’a hi suma Sidon-nid’a gak mba Afek, gak mba yo hagad’a ki suma Amor-râ, 5kambasa hi suma Giblos-sîd’a, ki Liban nda abo ma yorogonid’a tinï ad’ud’a Bäl-Gad ad’u ahina d’a Hermon-nda dei gak mba avun azì ma Hamat-na, 6ki suma nga kaka yam ahinad’ina pet, tinï ad’ud’a Liban dei gak mba Misrefot-Mayim ki suma Sidon-na pet. An mba ni digizi woi avok Israel-lâ. Ki tchetchemba, ang b’rau ambas ndata mi Israel-lâ ni ki togina d’igi an hang vuna na.
7Ang b’rau ambas ndata mandjaf ma zlengîna kabo andjafâ hi Manase-na mi.
A b’rau ambas sa sä abo Jurdê woi hid’a
8Andjafâ hi Ruben-na, andjafâ hi Gad-na kabo andjafâ hi Manase-na, a b’rawazi ambas sa sä abo alum ma Jurdê-na woi hî abo ma yorogonid’a. Ni Moise azongâ hi Ma didinina ba, mi b’rawaziziya. 9Ambas mazid’a tinï ad’ud’a Arower avun alum ma Arnon-na ei kur azì ma ngol ma kä kur horina dei gak mba hur ful la papana d’a Medeba-d’a gak mba Dibon, 10zlapa kazì ma nglona hi Sihon amul ma Amor ma te yam Hesbon-na gak mba yo hagad’a ki suma Amon-na, 11zlapa kambas sa Galät-ta, ambas hi suma Gesur-rîd’a ki d’a hi suma Mäka-nid’a zlapa kahina d’a Hermon-nda pet kazì ma Basan-na pet gak mba Salka, 12zlapa ki leud’a hi Ok amul ma Basan ma mi te yam Astarot ki Edrei-na pet, ni ma tu ma danan ma ad’u andjafâ hi suma Refa-nina. Moise mi dur amulei ndazina adjeu, mi digizi woyo. 13Wani Israel-lâ a dik nga suma Gesur-râ ki suma Mäka-na woi d’i. Sum ndazina a nga kaka aduk Israel-lâ gak ini.
14Nandjafâ hi Levi-na hol ba, Moise mi hum nga andagad’a djona d’i, kayam ahle suma ngat buzu suma a hazi he d’a hawa d’a ngala mi Ma didina Alona hi Israel-lîna ni djo mama d’igi Ma didina mi hlum vunam na.
15Moise mi b’rau andagad’a djona mandjafâ hi Ruben-na nad’u adezeziya, ad’u adezeziya. 16Andaga mazid’a tinï ad’ud’a ni Arower avun alum ma Arnon-na ei kur kazì ma kä kur horina dei gak mba hur ful la papana d’a go ki Medeba-d’a, 17zlapa ki Hesbon kazì mam ma nglo ma hur ful la papanid’ina pet zlapa ki Dibon, ki Bamot-Bäl, ki Bet-Bäl-Meyon, 18ki Jahas, ki Kedemot, ki Mefat, 19ki Kiriyatayim, ki Sipma, ki Seret-Sahar ra yam ahina d’a kur horid’a, 20zlapa ki Bet-Peyor, kahina d’a Pisga-d’a yat ma sulugot kä na ki Bet-Jesimot, 21zlapa kazì ma nglo ma hur ful la papanid’ina, ki leud’a hi Sihon amul ma Amor ma mi te leud’a avo Hesbon-na pet mi. Ni ma Moise mi kus kam kamulei suma Madiyan-na, nala, Evi, Rekem, Sur, Hur ki Reba; namulei suma Sihon mi te kazi suma a nga kaka kur ambas ndatina. 22Aduk suma Israel-lâ a tchazi ki mbigeu d’a fiyakina, ma djopa Baläm Beyor goroma mi nga adigazi mi. 23Andjafâ hi Ruben-na haga mamba nalum ma Jurdê-na ki gongôd’i mamba. Wana ni djo ma a hum mandjafâ hi Ruben-nina, ad’u adezeziya, ad’u adezeziya, azì ma nglona kazì ma gureina mi.
24Moise mi b’rau andagad’a djona mandjafâ hi Gad-na nad’u adezeziya, ad’u adezeziya. 25Andaga mazid’a tinï ad’ud’a ni Jazer kazì ma nglo ma Galät-na pet kabo ambasa hi suma Amon-na gak mba Arower ra ngagad’a yam Raba-d’a. 26Ti hleï Hesbon gak ti mba Ramat-Mispe ki Betonim, ti kal ti i Mahanayim gak mba yo hagad’a ki Debir. 27Ti kal i kur hora. Azì ma kurutna ni Bet-Haram, Bet-Nimra, Sukot ki Safon; ni leu d’a ara hi Sihon amul ma Hesbon-nid’a. Haga mazid’a nalum ma Jurdê-na gak mba avun apo d’a Kineret-ta sä abo alum ma Jurdê-na woi hî abo ma yorogonid’a. 28Wana ni djo ma a hum mandjafâ hi Gad-nina ad’u adezeziya, ad’u adezeziya, azì ma nglona kazì ma gureina mi.
29Moise mi b’rau andagad’a djona mabo andjafâ hi Manase-na nad’u adezeziya, ad’u adezeziya. 30Andaga mazid’a tinï ad’ud’a Mahanayim zlapa kazì ma Basan-na pet, ki leud’a hi Ok amul ma Basan-nid’a pet zlapa kazì ma ngol ma Jayir ma kur Basan ma dok karagayana mi. 31Abo azì ma Galät-na ki Astarot ki Edrei nazì ma nglo ma kur leud’a hi Ok amul ma Basan-nina, azì máma a humî mabo andjafâ hi Makir ma Manase goromina.
32Wana nandaga d’a Moise mi hat djona sä abo alum ma Jurdê-na woi hî ngagad’a yam Jeriko abo ma yorogona kid’a mam nga abagei hur ful la Mowap-pid’a. 33Wani Moise mi he nga andagad’a djona mandjafâ hi Levi-na d’i, kayam Ma didina Alona hi Israel-lîna ni djo mazina d’igi mam dazi na.
Currently Selected:
Josue 13: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Josue 13
13
B’RAUD’A HAMBASID’A
(13—21)
Ambas sa ar bei hled’a tua d’a
1Josue mi mbut mamara, bizam kal ngola. Ata yi máma Ma didina mi dum ala: Gola! Ang mbut wa mamara, bizang kal wa ngola mi. Ambas sa ar bei hled’a tua d’a ti ngola heî. 2Ambas sa ar bei hled’id’a ba wana: Ambasa hi suma Filistê-nid’a pet kambasa hi suma Gesur-rîd’a pet, 3tinï ad’ud’a Sihor ra nga avok Ezipte-d’a dei gak mba yo hagad’a ki Ekron. Ni yima suma Kanan-na a te kam adjeuna, ni yima amulei suma vahl suma Filistê-na a nga te kama, nala, azì ma Gaza-na, ma Asdot-na, ma Askalon-na, ma Gat-na ki ma Ekron-na ki suma Af-fâ.
4Ambas sa ar bei hled’a abo ma sutnid’a ba wana: Ambasa hi suma Kanan-nid’a pet ki Meyara d’a hi suma Sidon-nid’a gak mba Afek, gak mba yo hagad’a ki suma Amor-râ, 5kambasa hi suma Giblos-sîd’a, ki Liban nda abo ma yorogonid’a tinï ad’ud’a Bäl-Gad ad’u ahina d’a Hermon-nda dei gak mba avun azì ma Hamat-na, 6ki suma nga kaka yam ahinad’ina pet, tinï ad’ud’a Liban dei gak mba Misrefot-Mayim ki suma Sidon-na pet. An mba ni digizi woi avok Israel-lâ. Ki tchetchemba, ang b’rau ambas ndata mi Israel-lâ ni ki togina d’igi an hang vuna na.
7Ang b’rau ambas ndata mandjaf ma zlengîna kabo andjafâ hi Manase-na mi.
A b’rau ambas sa sä abo Jurdê woi hid’a
8Andjafâ hi Ruben-na, andjafâ hi Gad-na kabo andjafâ hi Manase-na, a b’rawazi ambas sa sä abo alum ma Jurdê-na woi hî abo ma yorogonid’a. Ni Moise azongâ hi Ma didinina ba, mi b’rawaziziya. 9Ambas mazid’a tinï ad’ud’a Arower avun alum ma Arnon-na ei kur azì ma ngol ma kä kur horina dei gak mba hur ful la papana d’a Medeba-d’a gak mba Dibon, 10zlapa kazì ma nglona hi Sihon amul ma Amor ma te yam Hesbon-na gak mba yo hagad’a ki suma Amon-na, 11zlapa kambas sa Galät-ta, ambas hi suma Gesur-rîd’a ki d’a hi suma Mäka-nid’a zlapa kahina d’a Hermon-nda pet kazì ma Basan-na pet gak mba Salka, 12zlapa ki leud’a hi Ok amul ma Basan ma mi te yam Astarot ki Edrei-na pet, ni ma tu ma danan ma ad’u andjafâ hi suma Refa-nina. Moise mi dur amulei ndazina adjeu, mi digizi woyo. 13Wani Israel-lâ a dik nga suma Gesur-râ ki suma Mäka-na woi d’i. Sum ndazina a nga kaka aduk Israel-lâ gak ini.
14Nandjafâ hi Levi-na hol ba, Moise mi hum nga andagad’a djona d’i, kayam ahle suma ngat buzu suma a hazi he d’a hawa d’a ngala mi Ma didina Alona hi Israel-lîna ni djo mama d’igi Ma didina mi hlum vunam na.
15Moise mi b’rau andagad’a djona mandjafâ hi Ruben-na nad’u adezeziya, ad’u adezeziya. 16Andaga mazid’a tinï ad’ud’a ni Arower avun alum ma Arnon-na ei kur kazì ma kä kur horina dei gak mba hur ful la papana d’a go ki Medeba-d’a, 17zlapa ki Hesbon kazì mam ma nglo ma hur ful la papanid’ina pet zlapa ki Dibon, ki Bamot-Bäl, ki Bet-Bäl-Meyon, 18ki Jahas, ki Kedemot, ki Mefat, 19ki Kiriyatayim, ki Sipma, ki Seret-Sahar ra yam ahina d’a kur horid’a, 20zlapa ki Bet-Peyor, kahina d’a Pisga-d’a yat ma sulugot kä na ki Bet-Jesimot, 21zlapa kazì ma nglo ma hur ful la papanid’ina, ki leud’a hi Sihon amul ma Amor ma mi te leud’a avo Hesbon-na pet mi. Ni ma Moise mi kus kam kamulei suma Madiyan-na, nala, Evi, Rekem, Sur, Hur ki Reba; namulei suma Sihon mi te kazi suma a nga kaka kur ambas ndatina. 22Aduk suma Israel-lâ a tchazi ki mbigeu d’a fiyakina, ma djopa Baläm Beyor goroma mi nga adigazi mi. 23Andjafâ hi Ruben-na haga mamba nalum ma Jurdê-na ki gongôd’i mamba. Wana ni djo ma a hum mandjafâ hi Ruben-nina, ad’u adezeziya, ad’u adezeziya, azì ma nglona kazì ma gureina mi.
24Moise mi b’rau andagad’a djona mandjafâ hi Gad-na nad’u adezeziya, ad’u adezeziya. 25Andaga mazid’a tinï ad’ud’a ni Jazer kazì ma nglo ma Galät-na pet kabo ambasa hi suma Amon-na gak mba Arower ra ngagad’a yam Raba-d’a. 26Ti hleï Hesbon gak ti mba Ramat-Mispe ki Betonim, ti kal ti i Mahanayim gak mba yo hagad’a ki Debir. 27Ti kal i kur hora. Azì ma kurutna ni Bet-Haram, Bet-Nimra, Sukot ki Safon; ni leu d’a ara hi Sihon amul ma Hesbon-nid’a. Haga mazid’a nalum ma Jurdê-na gak mba avun apo d’a Kineret-ta sä abo alum ma Jurdê-na woi hî abo ma yorogonid’a. 28Wana ni djo ma a hum mandjafâ hi Gad-nina ad’u adezeziya, ad’u adezeziya, azì ma nglona kazì ma gureina mi.
29Moise mi b’rau andagad’a djona mabo andjafâ hi Manase-na nad’u adezeziya, ad’u adezeziya. 30Andaga mazid’a tinï ad’ud’a Mahanayim zlapa kazì ma Basan-na pet, ki leud’a hi Ok amul ma Basan-nid’a pet zlapa kazì ma ngol ma Jayir ma kur Basan ma dok karagayana mi. 31Abo azì ma Galät-na ki Astarot ki Edrei nazì ma nglo ma kur leud’a hi Ok amul ma Basan-nina, azì máma a humî mabo andjafâ hi Makir ma Manase goromina.
32Wana nandaga d’a Moise mi hat djona sä abo alum ma Jurdê-na woi hî ngagad’a yam Jeriko abo ma yorogona kid’a mam nga abagei hur ful la Mowap-pid’a. 33Wani Moise mi he nga andagad’a djona mandjafâ hi Levi-na d’i, kayam Ma didina Alona hi Israel-lîna ni djo mazina d’igi mam dazi na.
Azumeina Bible © Alliance Biblique du Tchad, 1999.