Job 41
41
1Sama ayîna heîna pî, mi ndak á djom mbi,
ni nge ba, mi ndak á tchol avorom ge?
2Ni nge ba, mi ndak á durum bei va mi lum ge?
Sa yam andagad’a tu pî, mi ndak ki#41.2: Verse máma ki vun Hebre-na nga pid’ak ki. Suma a mbud’umî teteng ala: Ni nge ba, mi han va ba, an hulong ni wuragam ge? Ahle suma yam andagad’a ka hina pet ni mana..
*
3An nga ni ba bei de zlad’a yam ir hliwim
mboze sib’ik mamba ki djif mama d’uo mi.
4Ni nge ba, mi zum bagam mbei ge?
Ni nge ba, mi ndak á tchugum djamad’a avunam ge?
5Ni nge ba, mi malam vunam mbei ge?
Kayam siyamî vama mandarâ.
6Azlung nga huyogomba ti ni d’igi mboriyo suma ablau
suma a b’alazi kä ad’enga ki dubangîna na.
7Ti nga ndjaka ata tad’u,
simetna mi ndak á tchuk adigat ti.
8Vunat nga ndjaka ata tad’u,
ti nga b’ala ad’enga ngingi,
ti ndak á wal lei d’uo.
*
9Ereseu mamba nga d’i b’o yina,
iram nga d’i b’o d’igi yima fo ma yorogona na.
10Sin akud’a nga d’i buzuk kei avunamu,
aku d’a munda nga d’i yak kei avunam tchutchum mi.
11Andosâ nga mi buzuk kei atchinam
d’igi vama nga mi yaku kur deinina na,
d’igi dei ma akud’a gum kukurangâ na mi.
12Muzuk mamba nga d’i ve kiwilâ akud’a,
sin akud’a nga d’i ndei woi avunam mi.
13Sib’ik ka ngola ti nga kelemu.
Sama mi wuma
nga mi ring avorom abo mandarâ.
*
14Hliwim pet ni zlapa ata tam tu,
mi ni sizaka atam ad’enga ngingi, nga mi pret ti.
15Mugulamî ad’enga d’igi ahinad’a na,
mad’enga d’igi gor ahinana na mi.
16Le mi ndakulo ni, suma sib’ika a le mandarâ,
a nga tchi tazi ki ringâ abo mandarâ mi.
17Le sana mi i atam ki mbigeu d’a fiyaka
d’oze asapa d’oze yeûd’a d’oze djamba zala pî,
a ndak á lum va d’i.
18Mi gol kawei ma wurana ni d’igi asuna na,
mi gol kawei ma hleuna ni d’igi agu ma matufâ na mi.
19Nga mi ring abo yeû d’i,
mi gol mbiud’a ni d’igi asuna na.
20Mi gol tatagama ni d’igi asuna na,
nga ni san ad’u djangâ hasapina mi.
*
21Hayamî d’igi azlung nga sina na,
nga mi tanat kä ata yima dorbopma,
nga d’i ar d’udjod’a kä ndjugurî.
22Nga mi zal mbiyo galilei ma yiyi’â
d’igi mbiyo ma zal kur deinina na,
nga mi mbut alum ma ngolâ
d’igi dei ma a yor mbulâ kurâ na mi.
23Ata yima nga mi djang akulo yam mbinina,
nga mi ngo lovota blogomu, ti wile mi.
Mbiyo máma nga mi wile hapa d’igi abusa na.
24Ma yam andagad’a ka hî ma d’igi mam na na nga d’i,
an lumî á le mandara va d’i.
25Nga mi gol ahle suma a suburuzina is,
mam mi amulâ hamburei suma ayînina mi.
Currently Selected:
Job 41: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Job 41
41
1Sama ayîna heîna pî, mi ndak á djom mbi,
ni nge ba, mi ndak á tchol avorom ge?
2Ni nge ba, mi ndak á durum bei va mi lum ge?
Sa yam andagad’a tu pî, mi ndak ki#41.2: Verse máma ki vun Hebre-na nga pid’ak ki. Suma a mbud’umî teteng ala: Ni nge ba, mi han va ba, an hulong ni wuragam ge? Ahle suma yam andagad’a ka hina pet ni mana..
*
3An nga ni ba bei de zlad’a yam ir hliwim
mboze sib’ik mamba ki djif mama d’uo mi.
4Ni nge ba, mi zum bagam mbei ge?
Ni nge ba, mi ndak á tchugum djamad’a avunam ge?
5Ni nge ba, mi malam vunam mbei ge?
Kayam siyamî vama mandarâ.
6Azlung nga huyogomba ti ni d’igi mboriyo suma ablau
suma a b’alazi kä ad’enga ki dubangîna na.
7Ti nga ndjaka ata tad’u,
simetna mi ndak á tchuk adigat ti.
8Vunat nga ndjaka ata tad’u,
ti nga b’ala ad’enga ngingi,
ti ndak á wal lei d’uo.
*
9Ereseu mamba nga d’i b’o yina,
iram nga d’i b’o d’igi yima fo ma yorogona na.
10Sin akud’a nga d’i buzuk kei avunamu,
aku d’a munda nga d’i yak kei avunam tchutchum mi.
11Andosâ nga mi buzuk kei atchinam
d’igi vama nga mi yaku kur deinina na,
d’igi dei ma akud’a gum kukurangâ na mi.
12Muzuk mamba nga d’i ve kiwilâ akud’a,
sin akud’a nga d’i ndei woi avunam mi.
13Sib’ik ka ngola ti nga kelemu.
Sama mi wuma
nga mi ring avorom abo mandarâ.
*
14Hliwim pet ni zlapa ata tam tu,
mi ni sizaka atam ad’enga ngingi, nga mi pret ti.
15Mugulamî ad’enga d’igi ahinad’a na,
mad’enga d’igi gor ahinana na mi.
16Le mi ndakulo ni, suma sib’ika a le mandarâ,
a nga tchi tazi ki ringâ abo mandarâ mi.
17Le sana mi i atam ki mbigeu d’a fiyaka
d’oze asapa d’oze yeûd’a d’oze djamba zala pî,
a ndak á lum va d’i.
18Mi gol kawei ma wurana ni d’igi asuna na,
mi gol kawei ma hleuna ni d’igi agu ma matufâ na mi.
19Nga mi ring abo yeû d’i,
mi gol mbiud’a ni d’igi asuna na.
20Mi gol tatagama ni d’igi asuna na,
nga ni san ad’u djangâ hasapina mi.
*
21Hayamî d’igi azlung nga sina na,
nga mi tanat kä ata yima dorbopma,
nga d’i ar d’udjod’a kä ndjugurî.
22Nga mi zal mbiyo galilei ma yiyi’â
d’igi mbiyo ma zal kur deinina na,
nga mi mbut alum ma ngolâ
d’igi dei ma a yor mbulâ kurâ na mi.
23Ata yima nga mi djang akulo yam mbinina,
nga mi ngo lovota blogomu, ti wile mi.
Mbiyo máma nga mi wile hapa d’igi abusa na.
24Ma yam andagad’a ka hî ma d’igi mam na na nga d’i,
an lumî á le mandara va d’i.
25Nga mi gol ahle suma a suburuzina is,
mam mi amulâ hamburei suma ayînina mi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.