Job 33
33
Elihu mi dala: Alona nga mi ge hum sana
1Elihu mi de kua ala:
Ki tchetchemba, Job, ang hum zla manda,
ang tin humang hum zla manda pet.
2Gola! An nga ni mal vunanu,
sinan nga d’i de zlad’a.
3An nga ni de zla d’a gagazi d’a kurunda woyo,
an nga ni de zla d’a gagazid’a woi ki vunan mi.
4Ni Muzu’â hAlonina ba, mi lanu,
ni muzuka hi Ma ad’engêm kal petnid’a ba,
ti han arid’a mi.
5Le ang ndaga ni, ang hulongôn humba;
ang min tangû, ang tchol akulo avoronu!
6Gola! Avok Alona an ni d’igi ang na,
a lan ni ki lubu ma ab’lorina d’igi ang na mi.
7Ar mandaran mi lang ngi,
ar anegen ti tchang aneka d’uo mi.
*
8Gagazi, ang de, an huma,
an hum zla manga, ang dala:
9An ni ma yed’etna, an tchila nga d’i,
zla nga kan ndi, tcho nga kurun nduo mi.
10Wani Alona mi tinin zlad’a kan
mi kak djangûna ki sed’enu,
mi golon ni d’igi mam ma djangûna na.
11Mi gan aleina asenu,
mi tin iram yam sun man nda an nga ni lata pet.
12An nga ni hulongông zla d’a ded’a,
zla mang ndata nga ata yat ti,
kayam Alona mi ngola kal sana.
13Ni kayam me ba, ang min tchi tuguyod’a ki sed’em ge?
Kayam sana mi ndak á hulong zla d’a ded’a yam zla mamba pet ti.
*
14Kayam Alona nga mi de zlad’a kiling woi hî,
nga mi de zlad’a kiling woi hî,
sa nga mi wat ad’ut ti.
15Nga mi de zlad’a mi sana kur adïd’a,
nga mi nde va woi ir sana,
ata yima suma a bur sena kä lagad’a’â,
ata yima a nga burâ kä yam azang mazinina mi.
16Nga mi mal suma humazi woyo,
nga mi gad’azi á lum mandaram
17tala mi wal sana woi ki sun mam mba tchod’a
á d’elem bei mi le yam mba ad’enga,
18á ngomom muzugam tala mi nde kur zula
á tchum ki mbigeu d’a fiyaka d’uo mi d’a.
*
19Wani Alona nga mi ngop sana ki pupuluka,
ata yima mi nga burâ yam azangîna,
ata yima asogom mi mud’um teteuna mi.
20Ata yi máma tena mi mbut avunam tchod’a,
te ma djivi ma mam minim heîna ko mi noyômu.
21Hliwim mi dap ngeid’a hahalang,
asogom ma sa nga mi wum adjeu d’uo na,
mi buzuk kei abu hirindjing.
22Mi hut go avun zula,
mi hut go ki suma a sunuzi á tchi sumina mi.
23Le mi fe malaikana tu ma aduk suma kAlona
ma aduk suma dubuna
á tak sana vama mam ndak á luma ni,
24Alona mba mi wum hohowomu,
mba mi de mi malaikana ala:
Ang prud’um mbeyo,
aram mi nde kä kur zula d’i,
kayam an fe wa vama wurak kama da’.
*
25Hliwim mi hulong kal ma hi gogorina,
mi mbut ni d’igi mam tam kazongômba na.
26Mi tchen Alona, Alona mi wum hohowomu,
mi aram mi wum iram ki furîd’a,
mi hulongôm d’ingêr mamba mi.
27Nga mi hle sawala avok suma, nga mi dala:
An le tchod’a, an tchila yam lovot ta d’ingêra,
wani mi ngobon nga d’igi ndak kan á ngopa hina d’i.
28Wani mi prud’un ndei tala an kal kä kur zula d’uo,
an mba ni we b’od’a kua d’a!
*
29Wan pet nahle suma Alona mi lazi
yam mbà yam hindi ki sana
30á prud’um mbei kur zula
tala ar b’od’a hi suma arina ti b’o kamu d’a.
31Job, ang kak tchugot, ang huma!
Ang kak mudjuk! Ni an ba ni de zlad’a.
32Le ang nga ki zla d’a hulonga ni, ang de,
kayam an min mbud’ung zla manga d’ingêr.
33Le ang nga ki zla d’a ded’a d’uo ni, ang humun anu!
Ang kak mudjuk! An nga ni had’ang ned’a.
Currently Selected:
Job 33: BA
Highlight
Share
Compare
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Job 33
33
Elihu mi dala: Alona nga mi ge hum sana
1Elihu mi de kua ala:
Ki tchetchemba, Job, ang hum zla manda,
ang tin humang hum zla manda pet.
2Gola! An nga ni mal vunanu,
sinan nga d’i de zlad’a.
3An nga ni de zla d’a gagazi d’a kurunda woyo,
an nga ni de zla d’a gagazid’a woi ki vunan mi.
4Ni Muzu’â hAlonina ba, mi lanu,
ni muzuka hi Ma ad’engêm kal petnid’a ba,
ti han arid’a mi.
5Le ang ndaga ni, ang hulongôn humba;
ang min tangû, ang tchol akulo avoronu!
6Gola! Avok Alona an ni d’igi ang na,
a lan ni ki lubu ma ab’lorina d’igi ang na mi.
7Ar mandaran mi lang ngi,
ar anegen ti tchang aneka d’uo mi.
*
8Gagazi, ang de, an huma,
an hum zla manga, ang dala:
9An ni ma yed’etna, an tchila nga d’i,
zla nga kan ndi, tcho nga kurun nduo mi.
10Wani Alona mi tinin zlad’a kan
mi kak djangûna ki sed’enu,
mi golon ni d’igi mam ma djangûna na.
11Mi gan aleina asenu,
mi tin iram yam sun man nda an nga ni lata pet.
12An nga ni hulongông zla d’a ded’a,
zla mang ndata nga ata yat ti,
kayam Alona mi ngola kal sana.
13Ni kayam me ba, ang min tchi tuguyod’a ki sed’em ge?
Kayam sana mi ndak á hulong zla d’a ded’a yam zla mamba pet ti.
*
14Kayam Alona nga mi de zlad’a kiling woi hî,
nga mi de zlad’a kiling woi hî,
sa nga mi wat ad’ut ti.
15Nga mi de zlad’a mi sana kur adïd’a,
nga mi nde va woi ir sana,
ata yima suma a bur sena kä lagad’a’â,
ata yima a nga burâ kä yam azang mazinina mi.
16Nga mi mal suma humazi woyo,
nga mi gad’azi á lum mandaram
17tala mi wal sana woi ki sun mam mba tchod’a
á d’elem bei mi le yam mba ad’enga,
18á ngomom muzugam tala mi nde kur zula
á tchum ki mbigeu d’a fiyaka d’uo mi d’a.
*
19Wani Alona nga mi ngop sana ki pupuluka,
ata yima mi nga burâ yam azangîna,
ata yima asogom mi mud’um teteuna mi.
20Ata yi máma tena mi mbut avunam tchod’a,
te ma djivi ma mam minim heîna ko mi noyômu.
21Hliwim mi dap ngeid’a hahalang,
asogom ma sa nga mi wum adjeu d’uo na,
mi buzuk kei abu hirindjing.
22Mi hut go avun zula,
mi hut go ki suma a sunuzi á tchi sumina mi.
23Le mi fe malaikana tu ma aduk suma kAlona
ma aduk suma dubuna
á tak sana vama mam ndak á luma ni,
24Alona mba mi wum hohowomu,
mba mi de mi malaikana ala:
Ang prud’um mbeyo,
aram mi nde kä kur zula d’i,
kayam an fe wa vama wurak kama da’.
*
25Hliwim mi hulong kal ma hi gogorina,
mi mbut ni d’igi mam tam kazongômba na.
26Mi tchen Alona, Alona mi wum hohowomu,
mi aram mi wum iram ki furîd’a,
mi hulongôm d’ingêr mamba mi.
27Nga mi hle sawala avok suma, nga mi dala:
An le tchod’a, an tchila yam lovot ta d’ingêra,
wani mi ngobon nga d’igi ndak kan á ngopa hina d’i.
28Wani mi prud’un ndei tala an kal kä kur zula d’uo,
an mba ni we b’od’a kua d’a!
*
29Wan pet nahle suma Alona mi lazi
yam mbà yam hindi ki sana
30á prud’um mbei kur zula
tala ar b’od’a hi suma arina ti b’o kamu d’a.
31Job, ang kak tchugot, ang huma!
Ang kak mudjuk! Ni an ba ni de zlad’a.
32Le ang nga ki zla d’a hulonga ni, ang de,
kayam an min mbud’ung zla manga d’ingêr.
33Le ang nga ki zla d’a ded’a d’uo ni, ang humun anu!
Ang kak mudjuk! An nga ni had’ang ned’a.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.