Job 30
30
Job mi de kua ala: An mbut vama lasa hi suma an kalazina
1Job mi de kua ala:
Wani ki tchetchemba, suma gurei mana a nga san ad’unu.
Ni suma an gol abuyozi is ala
an min tchuguzi aduk adurei suma a nga ngom d’uwar manina d’uo na.
2Nad’enga me ba, an fat adjeu
abo azi sumala ad’engêzi dap peyo na ge?
3A it abo houd’a ki baktarad’a,
a ring a i abagei hur ful ma gangrasâ
ata yima dedei ma sa kak nga kua d’uo na.
4Azi nga dut hum aguna aduk azlupa,
a te ni sidei agu zenetna.
5A digizi woi aduk suma,
a siwel ad’uzi d’igi a siwel ad’u suma kula na.
6A nga hal yima kaka kur b’irlim ma nduvun ma i’îli’â,
kur angrifa, aduk ahinad’a mi.
7A nga tchi aduk azlupa d’igi korona na,
a mol nga tazi kä ad’u kekerezeuna.
8Azi ni suma lili suma zlazi nga d’uo
suma a digizi woi yam ambasa ki tod’ina.
*
9Ki tchetchemba, a nga hle sawala ki sed’enu,
an mbut ni va mazi ma sanda mi.
10A golon ni vama ndjendjed’a,
a tchol sä woi geven hina dei,
a nga tuvon ayôna iran bei ara ba.
11Wani nAlona ba, mi mbud’un amangeîd’a, mi hulongôn yan kä.
Kayam ndata, a kus djama d’a d’elezi lovotid’a woi avoronu.
12Suma tcho ndazina a tchol akulo yam bigan nda ndjufa,
a kan asen azlinga,
a nga min lovota kan á ban ndeyo.
13Suma a b’lagan lovot mandina
a nga hal lovota á ban ndeyo,
wani sama ndjunuzi nga d’i.
14A nga tchugï atan d’igi suma a tchuk ir gulumun ma tchod’a hohogo’â na,
a nga b’at tazi atan ad’u ahle suma b’laka.
*
15Mandarâ mi vanu, a hle subur manda woi
d’igi simetna mi hle vana woi na;
djivi manda ti kal lei
d’igi d’ugula ti kal lei na mi.
16Ki tchetchemba, muzugan mi b’lak kurun krovo,
bur ma ndaka mba wa kan mi.
17Andjege asogon nga mi mud’un krovo,
pupuluka nga d’i aran hina ta d’i.
18Baru mana mi b’lak kei abo tugud’ei d’a tcho ndata,
ti sizagan delen d’igi baru man nda ngola ti sizagan delen na.
19Alona mi gan ndei aduk dorbopma,
an mbut ni d’igi andaga d’a gugud’upa ki butna na.
*
20An nga ni yang á ndjununu,
wani ang nga humun ndi.
An tchol akulo avorongû,
wani ang golon ni hawa hina ta.
21Ang mbut man ma djangûna,
ang nga durun kabong ma sib’ika.
22Ang hlan akulo hur simetna, ang kagan kamu,
ang lud’un ndei aduk babar ma ngolâ.
23An wala ang mba in kur matna
ata yima suma arina a mba i kuana.
24Na ni sama nga mi i á bad’a woina,
nga mi simat abom akulo d’uo zu?
Sama mi nga kur ndakina,
nga mi hal sama mi ndjunuma d’uo zu?
25Adjeu sama nga kur ndakina,
an nga ni tchi kam ki simina iran nduo zu?
Hurun nga mi hat yam sama nga kur kid’akina mi d’uo zu?
26An tin hurun ala an ni fe ni djivid’a, wani ndaka mba ni ndad’u;
an djup mi b’od’a, wani nduvunda ti mba ni ndat zang.
*
27Aruwad’an nga mi mbuzuk kurun dudu bei ara ba,
bur ma ndaka mi fanu.
28An mbut wurad’a,
wani nafata ba, ti rumuyun ndi;
an tchol akulo aduk ablaud’a, nga ni tchiya.
29An mbut ni hâna wiyema,
an mbut ni arigeta ndratna mi.
30Babagan ndi mbut wurad’a, nga d’i fok keyo;
asogon mi ngal lei abo ta d’a kumura.
31Ading mana mi mbut ni vama ge horâ,
taulâ manda ti tchi ni tchina hi suma tchi horîna mi.
Currently Selected:
Job 30: BA
Highlight
Share
Compare
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Job 30
30
Job mi de kua ala: An mbut vama lasa hi suma an kalazina
1Job mi de kua ala:
Wani ki tchetchemba, suma gurei mana a nga san ad’unu.
Ni suma an gol abuyozi is ala
an min tchuguzi aduk adurei suma a nga ngom d’uwar manina d’uo na.
2Nad’enga me ba, an fat adjeu
abo azi sumala ad’engêzi dap peyo na ge?
3A it abo houd’a ki baktarad’a,
a ring a i abagei hur ful ma gangrasâ
ata yima dedei ma sa kak nga kua d’uo na.
4Azi nga dut hum aguna aduk azlupa,
a te ni sidei agu zenetna.
5A digizi woi aduk suma,
a siwel ad’uzi d’igi a siwel ad’u suma kula na.
6A nga hal yima kaka kur b’irlim ma nduvun ma i’îli’â,
kur angrifa, aduk ahinad’a mi.
7A nga tchi aduk azlupa d’igi korona na,
a mol nga tazi kä ad’u kekerezeuna.
8Azi ni suma lili suma zlazi nga d’uo
suma a digizi woi yam ambasa ki tod’ina.
*
9Ki tchetchemba, a nga hle sawala ki sed’enu,
an mbut ni va mazi ma sanda mi.
10A golon ni vama ndjendjed’a,
a tchol sä woi geven hina dei,
a nga tuvon ayôna iran bei ara ba.
11Wani nAlona ba, mi mbud’un amangeîd’a, mi hulongôn yan kä.
Kayam ndata, a kus djama d’a d’elezi lovotid’a woi avoronu.
12Suma tcho ndazina a tchol akulo yam bigan nda ndjufa,
a kan asen azlinga,
a nga min lovota kan á ban ndeyo.
13Suma a b’lagan lovot mandina
a nga hal lovota á ban ndeyo,
wani sama ndjunuzi nga d’i.
14A nga tchugï atan d’igi suma a tchuk ir gulumun ma tchod’a hohogo’â na,
a nga b’at tazi atan ad’u ahle suma b’laka.
*
15Mandarâ mi vanu, a hle subur manda woi
d’igi simetna mi hle vana woi na;
djivi manda ti kal lei
d’igi d’ugula ti kal lei na mi.
16Ki tchetchemba, muzugan mi b’lak kurun krovo,
bur ma ndaka mba wa kan mi.
17Andjege asogon nga mi mud’un krovo,
pupuluka nga d’i aran hina ta d’i.
18Baru mana mi b’lak kei abo tugud’ei d’a tcho ndata,
ti sizagan delen d’igi baru man nda ngola ti sizagan delen na.
19Alona mi gan ndei aduk dorbopma,
an mbut ni d’igi andaga d’a gugud’upa ki butna na.
*
20An nga ni yang á ndjununu,
wani ang nga humun ndi.
An tchol akulo avorongû,
wani ang golon ni hawa hina ta.
21Ang mbut man ma djangûna,
ang nga durun kabong ma sib’ika.
22Ang hlan akulo hur simetna, ang kagan kamu,
ang lud’un ndei aduk babar ma ngolâ.
23An wala ang mba in kur matna
ata yima suma arina a mba i kuana.
24Na ni sama nga mi i á bad’a woina,
nga mi simat abom akulo d’uo zu?
Sama mi nga kur ndakina,
nga mi hal sama mi ndjunuma d’uo zu?
25Adjeu sama nga kur ndakina,
an nga ni tchi kam ki simina iran nduo zu?
Hurun nga mi hat yam sama nga kur kid’akina mi d’uo zu?
26An tin hurun ala an ni fe ni djivid’a, wani ndaka mba ni ndad’u;
an djup mi b’od’a, wani nduvunda ti mba ni ndat zang.
*
27Aruwad’an nga mi mbuzuk kurun dudu bei ara ba,
bur ma ndaka mi fanu.
28An mbut wurad’a,
wani nafata ba, ti rumuyun ndi;
an tchol akulo aduk ablaud’a, nga ni tchiya.
29An mbut ni hâna wiyema,
an mbut ni arigeta ndratna mi.
30Babagan ndi mbut wurad’a, nga d’i fok keyo;
asogon mi ngal lei abo ta d’a kumura.
31Ading mana mi mbut ni vama ge horâ,
taulâ manda ti tchi ni tchina hi suma tchi horîna mi.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.