Job 28
28
Mudurid’a hi ned’id’a
1Yima a djugot zula á fe kawei ma hapma kuana mi nga,
yima a sal lora kuana mi nga mi.
2Kawei ma wurana a fumî kä aduk andagad’a,
ahinad’a a yorot ni yora ba, a fe ki kawei ma hleuna.
3Sana nga mi d’el nduvunda ad’u andagad’a,
nga mi hal kawei ma nga ngeid’a kur nduvun nda i’îlikina,
gak ata ad’ut ta dabi d’a yiyika.
4Nga mi djugot zula woi dei ata yima sa nga kaka kua d’uo na,
asem sa nga mi tchila kua d’i,
a nga djinizi akulo ki ziyona,
a nga lü lilinding woi dei ki suma.
5Andaga d’a tena mi buzugï kuad’a,
ad’ut ta kä yiyika ti ni b’laka,
a nga mbud’ut d’igi akud’a na.
6Naduk ahina mata ba, a fe safira kua,
naduk gugud’up mata ba, a fe lora kua mi.
7Alei ma te hliuna nga mi we lovot mata d’i,
aba’â iram wat nga d’uo mi.
8Amburei suma ayîna a tit nga kua yazi tu d’i,
azlona mi tchila nga kua d’uo mi.
9Sana mi tcho ahina d’a ad’eng nga a yat ala granit-ta,
mi djugot zula ad’u ahina d’a ngola.
10Nga mi ge b’irlima kä aduk ahinad’a,
nga mi wahle suma djivi suma kal teglesâ ki iramu.
11Nga mi d’el mbiyo ma mi djangâ,
nga mi nde ki vama ngeid’a kä na woi pid’ak mi.
*
12Wani ned’a a fat ni lara ge?
Wad’ud’a ti nga ni ata yima larina ge?
13Sa nga mi wat guzut ti,
sa nga mi fat yam andagad’a hi suma a nga ki irazina d’uo mi.
14Zul la yiyika ti dala: Ti nga kurun ndi!
Alum ma ngolâ mi dala: Ti nga geven nduo mi!
15Sana mi ndak á guzut ki lor ra djivi d’a kal teglesa d’i,
d’oze mi nga kawei ma hapma nga nga á guzut ki d’uo mi.
16-17Lor ra Ofir-ra
d’oze ahina onis sa guzut kal teglesa
d’oze ahina safira d’oze lora d’oze verâ
a ndak nga á ngazi ki sed’et ti,
sana ndak nga á mbud’ut ki dei
ma a minim ki lor ra kal teglesina d’uo mi.
18Korela#28.18 korela: Ki vun francais-na ala Corail; nahina d’a guzut kal tegles sa a fat kur alum ma ngolîd’a. kahina d’a a yat ala kristala
a ndak á ngazi ki sed’et ti.
Gusa hi ned’id’a kal gusa hi hed’eu ma guzum kal teglesâ.
19Ahina topas sa guzut kal tegles sa Etiyopi-d’a pî,
ti ndak nga ki sed’et ti,
lor ra bei zozota ba d’a pî,
ti ndjak nga ki sed’et tuo mi.
*
20Ned’a ti tcholï ni lara ge?
Wad’ud’a ti nga kaka nata yima lara ge?
21Ti ni ngeid’a ir suma yam andagad’ina pet,
aluwei suma akulona a wat nga d’uo mi.
22Zul la yiyik ka suma a nga ba woi kua d’a ki matna a nga dala:
Gagazi, ami humumi zla mata ki humamiya!
23NAlona tu ba, mi we lovot mata,
ni mam tu ba, mi we yima ti tcholï kuana mi.
24Ni mam ba, nga mi we gak avun dabid’a handagad’id’a,
mi nga mi wahle suma kä ad’u akulod’ina pet mi.
25Ata yima mi nga aneka hi simetnid’a
mi nga ngola hi mbinid’ina,
26ata yima mi he vuna malo ma sed’a,
mi ge lovota mi wiled’a ki breîd’a mi na,
27ata yi máma mi we ned’a, mi tagat tei abua,
mi gat ad’ud’u, mi kugut ala na ni ti ndak ko zu?
28Bugola, mi de mi sana ala:
Gagazi, le mandara Ma didina ni ned’a,
wal tang ngei dei ki tchod’a ni wad’ud’a mi.
Currently Selected:
Job 28: BA
Highlight
Share
Compare
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Job 28
28
Mudurid’a hi ned’id’a
1Yima a djugot zula á fe kawei ma hapma kuana mi nga,
yima a sal lora kuana mi nga mi.
2Kawei ma wurana a fumî kä aduk andagad’a,
ahinad’a a yorot ni yora ba, a fe ki kawei ma hleuna.
3Sana nga mi d’el nduvunda ad’u andagad’a,
nga mi hal kawei ma nga ngeid’a kur nduvun nda i’îlikina,
gak ata ad’ut ta dabi d’a yiyika.
4Nga mi djugot zula woi dei ata yima sa nga kaka kua d’uo na,
asem sa nga mi tchila kua d’i,
a nga djinizi akulo ki ziyona,
a nga lü lilinding woi dei ki suma.
5Andaga d’a tena mi buzugï kuad’a,
ad’ut ta kä yiyika ti ni b’laka,
a nga mbud’ut d’igi akud’a na.
6Naduk ahina mata ba, a fe safira kua,
naduk gugud’up mata ba, a fe lora kua mi.
7Alei ma te hliuna nga mi we lovot mata d’i,
aba’â iram wat nga d’uo mi.
8Amburei suma ayîna a tit nga kua yazi tu d’i,
azlona mi tchila nga kua d’uo mi.
9Sana mi tcho ahina d’a ad’eng nga a yat ala granit-ta,
mi djugot zula ad’u ahina d’a ngola.
10Nga mi ge b’irlima kä aduk ahinad’a,
nga mi wahle suma djivi suma kal teglesâ ki iramu.
11Nga mi d’el mbiyo ma mi djangâ,
nga mi nde ki vama ngeid’a kä na woi pid’ak mi.
*
12Wani ned’a a fat ni lara ge?
Wad’ud’a ti nga ni ata yima larina ge?
13Sa nga mi wat guzut ti,
sa nga mi fat yam andagad’a hi suma a nga ki irazina d’uo mi.
14Zul la yiyika ti dala: Ti nga kurun ndi!
Alum ma ngolâ mi dala: Ti nga geven nduo mi!
15Sana mi ndak á guzut ki lor ra djivi d’a kal teglesa d’i,
d’oze mi nga kawei ma hapma nga nga á guzut ki d’uo mi.
16-17Lor ra Ofir-ra
d’oze ahina onis sa guzut kal teglesa
d’oze ahina safira d’oze lora d’oze verâ
a ndak nga á ngazi ki sed’et ti,
sana ndak nga á mbud’ut ki dei
ma a minim ki lor ra kal teglesina d’uo mi.
18Korela#28.18 korela: Ki vun francais-na ala Corail; nahina d’a guzut kal tegles sa a fat kur alum ma ngolîd’a. kahina d’a a yat ala kristala
a ndak á ngazi ki sed’et ti.
Gusa hi ned’id’a kal gusa hi hed’eu ma guzum kal teglesâ.
19Ahina topas sa guzut kal tegles sa Etiyopi-d’a pî,
ti ndak nga ki sed’et ti,
lor ra bei zozota ba d’a pî,
ti ndjak nga ki sed’et tuo mi.
*
20Ned’a ti tcholï ni lara ge?
Wad’ud’a ti nga kaka nata yima lara ge?
21Ti ni ngeid’a ir suma yam andagad’ina pet,
aluwei suma akulona a wat nga d’uo mi.
22Zul la yiyik ka suma a nga ba woi kua d’a ki matna a nga dala:
Gagazi, ami humumi zla mata ki humamiya!
23NAlona tu ba, mi we lovot mata,
ni mam tu ba, mi we yima ti tcholï kuana mi.
24Ni mam ba, nga mi we gak avun dabid’a handagad’id’a,
mi nga mi wahle suma kä ad’u akulod’ina pet mi.
25Ata yima mi nga aneka hi simetnid’a
mi nga ngola hi mbinid’ina,
26ata yima mi he vuna malo ma sed’a,
mi ge lovota mi wiled’a ki breîd’a mi na,
27ata yi máma mi we ned’a, mi tagat tei abua,
mi gat ad’ud’u, mi kugut ala na ni ti ndak ko zu?
28Bugola, mi de mi sana ala:
Gagazi, le mandara Ma didina ni ned’a,
wal tang ngei dei ki tchod’a ni wad’ud’a mi.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.