Jean 18
18
Ved’a hi Jesus-d’a
(Gol Mat 26.47-56; Mar 14.43-50; Luc 22.47-53)
1Kid’a Jesus mi dahle ndazina dad’a, mi buzuk ki mam suma hata, a djak toliyon nda Kedron-nda. Ata yi máma, asinena nga; mi kal kua ki mam suma hata. 2Judas ma hum abo sumina, mi we yi máma, kayam Jesus ki mam suma hata a nga tok kua teteu. 3Kayam ndata, Judas mi yoï azigarâ adesâ ki suma a ngom gong nga kud’ora hAlonid’ina. Ni suma nglo suma ngat buzuna azi ki Fariziyêna a sunuzïna. Azi mba ki lalamba kaku d’a ganda kahle suma sïna aboziya. 4Jesus mi wahlena pet suma a nga mba kama. Kayam ndata, mi nde tam mbei iraziya, mi dazi ala: Agi halagi ni nge ge?
5Azi hulong dum ala: Jesus ma Nazarat-na.
Jesus mi dazi ala: An wana!
Judas ma hum abo sumina, mi nga tchola ki sed’ezi mi. 6Kid’a Jesus mi dazi ala: An wana d’a, a dadak kazigaziya, a puk kä. 7Kayam ndata, mi djobozi kua ala: Agi halagi ni nge ge?
Azi dum ala: Jesus ma Nazarat-na.
8Jesus mi hulong dazi ala: An dagi wa ala: An wana. Le agi halan ni anu ni, aragi suma wana a iya. 9Mi de hina, kayam zla d’a mam dat ala: Suma ang handjina, sa adigazi tu ba woi d’uo d’a ti ndak memet.
10Simon Pierre mi nga ki mbigeu d’a fiyaka, mi pad’at tei mi ka azongâ hi ma ngol ma ngat buzunina humam mba ndjufa woyo. Azong máma simiyêm ala Malkus. 11Kayam ndata, Jesus mi de mi Pierre ala: Ang hulong nik mbigeu manga kur aziyad’u. Kop ma Abun handjina, an tchum mbuo zu?
A i ki Jesus avok Anne
12Ata yi máma, azigarâ adesâ ki ma ngol mazina ki suma ngom yina hi Juif-fîna, a ve Jesus, a djinimu. 13Azi im mi Anne avok tua, kayam mam mi Kayif akunoma, ni ma ngol ma ngat buzuna kur biza ndata. 14Kayif ni ma mi de d’alâ mi Juif-fâ ala: Djivid’a sana tu mi mit yam suma ped’u na.
Pierre mi tin vunam yam Jesus
(Gol Mat 26.69-70; Mar 14.66-68; Luc 22.55-57)
15Simon Pierre ki ma hat ma dingâ a nga tit ad’u Jesus. Kayam ma ngol ma ngat buzuna mi we ma hat máma, sa máma mi kal ki Jesus hur azina hi ma ngol mámina, 16wani Pierre mi nga tchola avun agre’â abua. Kayam ndata, ma hat ma ma ngol máma mi wuma, mi nde woyo, mi de mi wei d’a ti ngom vun azinid’a ala ti kalï ki Pierre avo. 17Wei d’a ngom vun azina ndata, ti de mi Pierre ala: Angî ma aduk suma hata hi sa mámina mi d’uo zu?
Mi dat ala: An nga adigazi d’i.
18Kayam ni yima ab’lenga, azungeîna ki suma a ngom yina a ve nga akud’a kä ki kiwilâ, a nga hol taziya. Pierre mi nga tchola ki sed’ezi á hol tam mi.
Ma ngol ma ngat buzuna mi djop Jesus
(Gol Mat 26.59-66; Mar 14.55-64; Luc 22.66-71)
19Ma ngol ma ngat buzuna, mi djop Jesus yam mam suma hata, yam hat mamba mi. 20Jesus mi hulong dum ala: An nga ni de zlad’a woi mi suma duniyad’a mbambak, an nga ni hat teteu kur gongîyo magi suma toka, kur gong nga kud’ora hAlonid’a mi, ata yima Juif-fâ a nga toka kuana, an de nga zla d’a ngeid’a d’uo mi. 21Ni kayam me ba, ang djobon nge? Ang djop suma a hum zla mandina yam ahle suma an dazizina. Gola! Azi wahle suma an dazina.
22Kid’a mi de hina dad’a, ma dingâ aduk suma a ngom yina suma a nga tcholina, mi tumum iramu, mi dum ala: Ang hulong zla d’a ded’a mi ma ngol ma ngat buzuna ni hina zu?
23Jesus mi hulong dum ala: Le an de ni tchod’a ni, ang de woi yam tcho ndata. Wani le an de ni djivid’a ni, ni kayam me ba, ang tumun nge?
24Ata yi máma, Anne mi sunum ki djinda mi Kayif ma ngol ma ngat buzuna.
Pierre mi tin vunam yam Jesus kua
(Gol Mat 26.71-75; Mar 14.69-72; Luc 22.58-62)
25Ata yi máma, Simon Pierre, mi nga tchola á hol akud’a. Azi dum ala: Angî aduk mam suma hata mi d’uo zu?
Mi tin vunam ala: An nga adigazi d’i.
26Ma dingâ aduk azungeîna hi ma ngol ma ngat buzunina, ni ma Pierre ka hum wiyema woina, mi dum ala: An wang ki sed’em kur asinena d’uo zu?
27Kayam ndata, Pierre mi hulong tin vunam kua. Ata yi máma na wat, ahle’â mi hela.
Jesus mi nga avok Pilat
(Gol Mat 27.1-2,11-14; Mar 15.1-5; Luc 23.1-5)
28A nde Jesus woi avo hi Kayif ki yorogo tcholola, a im kur azina hi ma te yambina. Azi tazi tchuk nga kua d’i, kayam azi min mbut tazi ndjendjed’a d’i, kayam azi fe lovota te Pa’â. 29Kayam ndata, Pilat mi nde woyo, mi i geveziya, mi djobozi ala: Agi kalagi yam sa máma ni yam me ge?
30Azi hulong dum ala: Sa máma le ni sama tchona d’uo ni, ami nga mbangzi d’i.
31Kayam ndata, Pilat mi dazi ala: Agi vagiziya! Agi tagid’a kagi sariyad’a kam yam gat magid’a.
Juif-fâ a dum ala: Gat magid’a arami nga lovota á tchi sa d’i. 32Ahle ndazina a le hina á ndak ki vun zla d’a Jesus mi dat tei avok yam mad’am ma mam mba mi mitna ndak memet.
33Kayam ndata, Pilat mi hulong kur azina hi ma te yambina, mi yi Jesus, mi dum ala: Angî amulâ hi Juif-fîna zu?
34Jesus mi hulong dum ala: Ang de zla ndata ni ki yang ngoze ni suma ding ba, a dang kan ndju?
35 Pilat mi hulong dum ala: An ni ma Juif-fâ zu? Ang le ni me ba, simiyêng ki nglo suma ngat buzuna a hang abon nge?
36Jesus mi hulong dum ala: Leu manda ni ka hî kur duniyad’a d’i. Ladjï leu manda ni ka hî kur duniyad’a ni, sum mana a mba dur ayîna kanu, a mba d’elen á han abo Juif-fâ. Wani ki tchetchemba, leu manda nga ka hî d’i.
37Kayam ndata, Pilat mi dum ala: Ang doli namulâ?
Jesus mi hulong dum ala: Ang de wa, an namulâ. Ni kayam ndata ba, a vud’unu, an mba kur duniyad’a ná le glangâsâ yam gagazid’a. Sama lara pî ma nga kur gagazid’ina, nga mi humun zla manda.
38 Pilat mi dum ala: Gagazid’a ni me ge?
A ka sariya d’a matna yam Jesus
(Gol Mat 27.15-31; Mar 15.6-20; Luc 23.13-25)
Kid’a Pilat mi de zla ndata dad’a, mi hulong ndabua, mi i gen Juif-fâ, mi dazi ala: An fe nga zla kam tu d’i. 39Wani ni yam zla magid’a d’igi teteu kur bur ma vun tilâ an nga ni gagi sama dangeina akulo tu na. Kayam ndata, agi minigi an gagi namulâ hi Juif-fîna akulo zu?
40Ata yi máma, azi hulong de ki delezi akulo kua ala: Hawa! Ang gami ni mam mbi, wani ang gami ni Barabas akulo. Barabas máma ni ma kul ma tchi matna.
Currently Selected:
Jean 18: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Jean 18
18
Ved’a hi Jesus-d’a
(Gol Mat 26.47-56; Mar 14.43-50; Luc 22.47-53)
1Kid’a Jesus mi dahle ndazina dad’a, mi buzuk ki mam suma hata, a djak toliyon nda Kedron-nda. Ata yi máma, asinena nga; mi kal kua ki mam suma hata. 2Judas ma hum abo sumina, mi we yi máma, kayam Jesus ki mam suma hata a nga tok kua teteu. 3Kayam ndata, Judas mi yoï azigarâ adesâ ki suma a ngom gong nga kud’ora hAlonid’ina. Ni suma nglo suma ngat buzuna azi ki Fariziyêna a sunuzïna. Azi mba ki lalamba kaku d’a ganda kahle suma sïna aboziya. 4Jesus mi wahlena pet suma a nga mba kama. Kayam ndata, mi nde tam mbei iraziya, mi dazi ala: Agi halagi ni nge ge?
5Azi hulong dum ala: Jesus ma Nazarat-na.
Jesus mi dazi ala: An wana!
Judas ma hum abo sumina, mi nga tchola ki sed’ezi mi. 6Kid’a Jesus mi dazi ala: An wana d’a, a dadak kazigaziya, a puk kä. 7Kayam ndata, mi djobozi kua ala: Agi halagi ni nge ge?
Azi dum ala: Jesus ma Nazarat-na.
8Jesus mi hulong dazi ala: An dagi wa ala: An wana. Le agi halan ni anu ni, aragi suma wana a iya. 9Mi de hina, kayam zla d’a mam dat ala: Suma ang handjina, sa adigazi tu ba woi d’uo d’a ti ndak memet.
10Simon Pierre mi nga ki mbigeu d’a fiyaka, mi pad’at tei mi ka azongâ hi ma ngol ma ngat buzunina humam mba ndjufa woyo. Azong máma simiyêm ala Malkus. 11Kayam ndata, Jesus mi de mi Pierre ala: Ang hulong nik mbigeu manga kur aziyad’u. Kop ma Abun handjina, an tchum mbuo zu?
A i ki Jesus avok Anne
12Ata yi máma, azigarâ adesâ ki ma ngol mazina ki suma ngom yina hi Juif-fîna, a ve Jesus, a djinimu. 13Azi im mi Anne avok tua, kayam mam mi Kayif akunoma, ni ma ngol ma ngat buzuna kur biza ndata. 14Kayif ni ma mi de d’alâ mi Juif-fâ ala: Djivid’a sana tu mi mit yam suma ped’u na.
Pierre mi tin vunam yam Jesus
(Gol Mat 26.69-70; Mar 14.66-68; Luc 22.55-57)
15Simon Pierre ki ma hat ma dingâ a nga tit ad’u Jesus. Kayam ma ngol ma ngat buzuna mi we ma hat máma, sa máma mi kal ki Jesus hur azina hi ma ngol mámina, 16wani Pierre mi nga tchola avun agre’â abua. Kayam ndata, ma hat ma ma ngol máma mi wuma, mi nde woyo, mi de mi wei d’a ti ngom vun azinid’a ala ti kalï ki Pierre avo. 17Wei d’a ngom vun azina ndata, ti de mi Pierre ala: Angî ma aduk suma hata hi sa mámina mi d’uo zu?
Mi dat ala: An nga adigazi d’i.
18Kayam ni yima ab’lenga, azungeîna ki suma a ngom yina a ve nga akud’a kä ki kiwilâ, a nga hol taziya. Pierre mi nga tchola ki sed’ezi á hol tam mi.
Ma ngol ma ngat buzuna mi djop Jesus
(Gol Mat 26.59-66; Mar 14.55-64; Luc 22.66-71)
19Ma ngol ma ngat buzuna, mi djop Jesus yam mam suma hata, yam hat mamba mi. 20Jesus mi hulong dum ala: An nga ni de zlad’a woi mi suma duniyad’a mbambak, an nga ni hat teteu kur gongîyo magi suma toka, kur gong nga kud’ora hAlonid’a mi, ata yima Juif-fâ a nga toka kuana, an de nga zla d’a ngeid’a d’uo mi. 21Ni kayam me ba, ang djobon nge? Ang djop suma a hum zla mandina yam ahle suma an dazizina. Gola! Azi wahle suma an dazina.
22Kid’a mi de hina dad’a, ma dingâ aduk suma a ngom yina suma a nga tcholina, mi tumum iramu, mi dum ala: Ang hulong zla d’a ded’a mi ma ngol ma ngat buzuna ni hina zu?
23Jesus mi hulong dum ala: Le an de ni tchod’a ni, ang de woi yam tcho ndata. Wani le an de ni djivid’a ni, ni kayam me ba, ang tumun nge?
24Ata yi máma, Anne mi sunum ki djinda mi Kayif ma ngol ma ngat buzuna.
Pierre mi tin vunam yam Jesus kua
(Gol Mat 26.71-75; Mar 14.69-72; Luc 22.58-62)
25Ata yi máma, Simon Pierre, mi nga tchola á hol akud’a. Azi dum ala: Angî aduk mam suma hata mi d’uo zu?
Mi tin vunam ala: An nga adigazi d’i.
26Ma dingâ aduk azungeîna hi ma ngol ma ngat buzunina, ni ma Pierre ka hum wiyema woina, mi dum ala: An wang ki sed’em kur asinena d’uo zu?
27Kayam ndata, Pierre mi hulong tin vunam kua. Ata yi máma na wat, ahle’â mi hela.
Jesus mi nga avok Pilat
(Gol Mat 27.1-2,11-14; Mar 15.1-5; Luc 23.1-5)
28A nde Jesus woi avo hi Kayif ki yorogo tcholola, a im kur azina hi ma te yambina. Azi tazi tchuk nga kua d’i, kayam azi min mbut tazi ndjendjed’a d’i, kayam azi fe lovota te Pa’â. 29Kayam ndata, Pilat mi nde woyo, mi i geveziya, mi djobozi ala: Agi kalagi yam sa máma ni yam me ge?
30Azi hulong dum ala: Sa máma le ni sama tchona d’uo ni, ami nga mbangzi d’i.
31Kayam ndata, Pilat mi dazi ala: Agi vagiziya! Agi tagid’a kagi sariyad’a kam yam gat magid’a.
Juif-fâ a dum ala: Gat magid’a arami nga lovota á tchi sa d’i. 32Ahle ndazina a le hina á ndak ki vun zla d’a Jesus mi dat tei avok yam mad’am ma mam mba mi mitna ndak memet.
33Kayam ndata, Pilat mi hulong kur azina hi ma te yambina, mi yi Jesus, mi dum ala: Angî amulâ hi Juif-fîna zu?
34Jesus mi hulong dum ala: Ang de zla ndata ni ki yang ngoze ni suma ding ba, a dang kan ndju?
35 Pilat mi hulong dum ala: An ni ma Juif-fâ zu? Ang le ni me ba, simiyêng ki nglo suma ngat buzuna a hang abon nge?
36Jesus mi hulong dum ala: Leu manda ni ka hî kur duniyad’a d’i. Ladjï leu manda ni ka hî kur duniyad’a ni, sum mana a mba dur ayîna kanu, a mba d’elen á han abo Juif-fâ. Wani ki tchetchemba, leu manda nga ka hî d’i.
37Kayam ndata, Pilat mi dum ala: Ang doli namulâ?
Jesus mi hulong dum ala: Ang de wa, an namulâ. Ni kayam ndata ba, a vud’unu, an mba kur duniyad’a ná le glangâsâ yam gagazid’a. Sama lara pî ma nga kur gagazid’ina, nga mi humun zla manda.
38 Pilat mi dum ala: Gagazid’a ni me ge?
A ka sariya d’a matna yam Jesus
(Gol Mat 27.15-31; Mar 15.6-20; Luc 23.13-25)
Kid’a Pilat mi de zla ndata dad’a, mi hulong ndabua, mi i gen Juif-fâ, mi dazi ala: An fe nga zla kam tu d’i. 39Wani ni yam zla magid’a d’igi teteu kur bur ma vun tilâ an nga ni gagi sama dangeina akulo tu na. Kayam ndata, agi minigi an gagi namulâ hi Juif-fîna akulo zu?
40Ata yi máma, azi hulong de ki delezi akulo kua ala: Hawa! Ang gami ni mam mbi, wani ang gami ni Barabas akulo. Barabas máma ni ma kul ma tchi matna.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.