Jeremi 39
39
Suma Babilon-na a hle Jerusalem
(Gol 52.4-16; 2 Amul 25.1-12)
1Wana nahle suma a le ata yima a hle Jerusalem-ma: Kur biza d’a zlengâ d’a Sedekiyas amul ma Juda-na nga mi tamulid’a kur til ma zlengîna, Nebukanezar amul ma Babilon-na, mi mba ki azigar mama pet, a ngui Jerusalem. 2Kur biza d’a dogo yam tu d’a Sedekiyas nga mi tamulid’a kur bur ma zlengîna hi til ma fid’inina, azigar suma Babilon-na a tcho ir gulumuna hazì ma ngolîna. 3Suma nglona hamul ma Babilon-na a tchuk krovo hur azì ma ngolâ, a kak kä avun Agrek ma Krovona. Suma nglo ndazina ba wana: Nergal-Sareser, Samgar-Nebu, Sarsekim ma ngolâ hi suma adimbangîna, Nergal-Sareser ma ngolâ hi azigar suma nglonina, zlapa ki suma nglo suma dingâ hamul ma Babilon-nina pet.
4Ata yima Sedekiyas amul ma Juda-na ki suma dur ayîna a wazina, a yo ringâ, a buzuk kei kur azì ma ngolâ kandjege dangâla ki lovot ta kur asinena hamulâ d’a avun agrek ma aduk gulumun ma mbànina, a hle lovot ta i Araba-d’a. 5Wani azigar suma Babilon-na a digizi ad’uzi gak a ve Sedekiyas sä hur ful la Jeriko-d’a. A vumu, a im mi Nebukanezar amul ma Babilon-na avo Ribla kur ambas sa Hamat-ta. Nebukanezar mi kam sariyad’a kam ata yi máma. 6Amul ma Babilon-na mi ngat Sedekiyas groma avo Ribla iram kä na, mi ngat suma nglo suma Juda-na woi pet mi. 7Bugola, mi tcho ir Sedekiyas seyo, mi gum alei ma kawei ma hleuna asem mi im Babilon.
8Azigar suma Babilon-na a ngal azì ma amula kazina hi sumina woi pet, a hô gulumun ma Jerusalem-ma kä woi mi. 9Ata yi máma Nebuzaradan ma ngolâ hi suma a ngom yinina, mi yo suma a ar kaka avo kur azì ma ngolîna ki suma a i ad’uma ki suma d’al suma a arâ mi. 10Wani suma kid’ak suma aduk suma suma va mazi nga d’uo na, Nebuzaradan ma ngolâ hi suma a ngom yinina, mi hazi lovota á kak kur ambas sa Juda-d’a, mi he vuna kur bur máma á hazi asine ma guguzlud’a kasine ma dingâ mi.
A ge Jeremi akulo
11Nebukanezar amul ma Babilon-na mi he vuna yam Jeremi avun Nebuzaradan ma ngolâ hi suma a ngom yinina ala: 12Ang vum wana, ang tin irang kamu, ang lum vama tcho d’i, ang lum ahlena pet suma mam mba mi dangzina! 13Nebuzaradan ma ngolâ hi suma a ngom yinina, Nebusasban ma ngolâ hi suma adimbangîna, Nergal-Sareser ma ngolâ hi azigar suma nglonina zlapa ki suma nglo suma dingâ hamul ma Babilon-nina pet 14a sun a veï Jeremi kur gulumuna hi suma a ngom yinina, a mbam mi Gedaliya Ahikam goroma Safan gorom ngolona ala mi i ki sed’em avo hatamu. Jeremi mi ar kaka aduk suma.
Alona mi ge sunda ata Ebet-Melek
15Ata yima Jeremi mi nga d’ela kur gulumuna hi suma a ngom yinina tua na, Ma didina mi dum ala: 16Ang i de mi Ebet-Melek ma Etiyopi-na ala: Ma didin ma ad’engêm kal petna, Alona hi Israel-lîna, mi dala: Gola! An nga ni mba ki ndak ka an dat zlat yam azì ma ngol ma wanid’a, an nga ni mba ki tchod’a, an nga ni mba ki djivid’a d’i. Ahle ndazina a mba le ni irang angû. 17Wani kur bur máma an mba ni prud’ung ngeyo, a mba hang abo suma ang nga le mandarâ abozina d’i. An Ma didina ni de na. 18An mba ni sud’ung ngeyo, a mba tchang avun ayîna d’i. Ari manga mba d’i mbut ni d’igi va mang ma ang hurumï avun ayînina na, kayam ang tin hurung kanu. An Ma didina ni de na.
Currently Selected:
Jeremi 39: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Jeremi 39
39
Suma Babilon-na a hle Jerusalem
(Gol 52.4-16; 2 Amul 25.1-12)
1Wana nahle suma a le ata yima a hle Jerusalem-ma: Kur biza d’a zlengâ d’a Sedekiyas amul ma Juda-na nga mi tamulid’a kur til ma zlengîna, Nebukanezar amul ma Babilon-na, mi mba ki azigar mama pet, a ngui Jerusalem. 2Kur biza d’a dogo yam tu d’a Sedekiyas nga mi tamulid’a kur bur ma zlengîna hi til ma fid’inina, azigar suma Babilon-na a tcho ir gulumuna hazì ma ngolîna. 3Suma nglona hamul ma Babilon-na a tchuk krovo hur azì ma ngolâ, a kak kä avun Agrek ma Krovona. Suma nglo ndazina ba wana: Nergal-Sareser, Samgar-Nebu, Sarsekim ma ngolâ hi suma adimbangîna, Nergal-Sareser ma ngolâ hi azigar suma nglonina, zlapa ki suma nglo suma dingâ hamul ma Babilon-nina pet.
4Ata yima Sedekiyas amul ma Juda-na ki suma dur ayîna a wazina, a yo ringâ, a buzuk kei kur azì ma ngolâ kandjege dangâla ki lovot ta kur asinena hamulâ d’a avun agrek ma aduk gulumun ma mbànina, a hle lovot ta i Araba-d’a. 5Wani azigar suma Babilon-na a digizi ad’uzi gak a ve Sedekiyas sä hur ful la Jeriko-d’a. A vumu, a im mi Nebukanezar amul ma Babilon-na avo Ribla kur ambas sa Hamat-ta. Nebukanezar mi kam sariyad’a kam ata yi máma. 6Amul ma Babilon-na mi ngat Sedekiyas groma avo Ribla iram kä na, mi ngat suma nglo suma Juda-na woi pet mi. 7Bugola, mi tcho ir Sedekiyas seyo, mi gum alei ma kawei ma hleuna asem mi im Babilon.
8Azigar suma Babilon-na a ngal azì ma amula kazina hi sumina woi pet, a hô gulumun ma Jerusalem-ma kä woi mi. 9Ata yi máma Nebuzaradan ma ngolâ hi suma a ngom yinina, mi yo suma a ar kaka avo kur azì ma ngolîna ki suma a i ad’uma ki suma d’al suma a arâ mi. 10Wani suma kid’ak suma aduk suma suma va mazi nga d’uo na, Nebuzaradan ma ngolâ hi suma a ngom yinina, mi hazi lovota á kak kur ambas sa Juda-d’a, mi he vuna kur bur máma á hazi asine ma guguzlud’a kasine ma dingâ mi.
A ge Jeremi akulo
11Nebukanezar amul ma Babilon-na mi he vuna yam Jeremi avun Nebuzaradan ma ngolâ hi suma a ngom yinina ala: 12Ang vum wana, ang tin irang kamu, ang lum vama tcho d’i, ang lum ahlena pet suma mam mba mi dangzina! 13Nebuzaradan ma ngolâ hi suma a ngom yinina, Nebusasban ma ngolâ hi suma adimbangîna, Nergal-Sareser ma ngolâ hi azigar suma nglonina zlapa ki suma nglo suma dingâ hamul ma Babilon-nina pet 14a sun a veï Jeremi kur gulumuna hi suma a ngom yinina, a mbam mi Gedaliya Ahikam goroma Safan gorom ngolona ala mi i ki sed’em avo hatamu. Jeremi mi ar kaka aduk suma.
Alona mi ge sunda ata Ebet-Melek
15Ata yima Jeremi mi nga d’ela kur gulumuna hi suma a ngom yinina tua na, Ma didina mi dum ala: 16Ang i de mi Ebet-Melek ma Etiyopi-na ala: Ma didin ma ad’engêm kal petna, Alona hi Israel-lîna, mi dala: Gola! An nga ni mba ki ndak ka an dat zlat yam azì ma ngol ma wanid’a, an nga ni mba ki tchod’a, an nga ni mba ki djivid’a d’i. Ahle ndazina a mba le ni irang angû. 17Wani kur bur máma an mba ni prud’ung ngeyo, a mba hang abo suma ang nga le mandarâ abozina d’i. An Ma didina ni de na. 18An mba ni sud’ung ngeyo, a mba tchang avun ayîna d’i. Ari manga mba d’i mbut ni d’igi va mang ma ang hurumï avun ayînina na, kayam ang tin hurung kanu. An Ma didina ni de na.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.