Jeremi 37
37
Sedekiyas mi sun á djop zlad’a avun Jeremi
1Nebukanezar amul ma Babilon-na mi tin Sedekiyas Josiyas goroma amula yam ambas sa Juda-d’a balum Jekoniya Jojakim goroma. 2Wani Sedekiyas soze azungeî mama d’oze suma yam ambasina a hum nga zla d’a Ma didina mi dat avun ma djogom vunama Jeremi-d’a d’i.
3Amulâ Sedekiyas mi sun Jukal Selemiya goroma ki Sofoni ma ngat buzuna Mäseya goroma gen ma djok vun Alona Jeremi á dum ala: Ang tchen Ma didina Alo meina kamiya.
4Ata yi máma Jeremi nga mi ngui tita aduk suma, kayam azi gum nga kur gong nga dangeina d’uo tua. 5Azigarâ hi Faron-na a buzugï Ezipte. Suma Babilon suma a ngui Jerusalem-ma a hum zla ndata, a yo woi a ar Jerusalem.
6Ata yi máma Ma didina mi de mi Jeremi ala: 7Ang dazi ala: Ma didina Alona hi Israel-lîna mi dala: Agi dagi mamul ma Juda ma mi sunugï geven á djobona ala: Gola! Azigarâ hi Faron suma a mbeï á ndjunugina, a nga hulong yam ambas mazid’a avo Ezipte. 8Suma Babilon-na a mba hulongî a mba á dur azì ma ngol ma wana, a mba hlumu, a mba ngalam mbei kakud’a. 9Ma didina mi de kua ala: Ar agi lobogi tagi ala: Suma Babilon-na a mba wal lei dei ki sed’eya d’i, kayam azi i nga woi dei d’i! 10Ladjï agi durugi ayîna ki azigar suma Babilon suma a nga durugi ayînina, ladjï arî suma agi dagazina go pî, nge nge pî kur zlub’u mamba mba mi hulong mi tchol mi ngal azì ma ngol ma wana woi kakud’a!
A ge Jeremi dangeina
11Kid’a suma Babilon-na a yo woi abo azigar suma hi Faron-na a ar Jerusalem-mba, 12Jeremi mi min á nde woi Jerusalem á i yam ambasa hi suma hi Benjamin-nid’a á ve b’rau mam mba aduk sumid’a. 13Kid’a mi mbaza avun agre’â hi Benjamin-nid’a, ma ngolâ hi suma ngom yina ma a yum ala Jireya na, ni Selemiya goroma, ni Hananiya gorom ngolona, mi nga kua. Mi ve ma djok vun Alona Jeremi, mi dum ala: Ang i naduk suma Babilon-na!
14Jeremi mi hulong dum ala: Ni zla d’a kad’a! An nga ni i aduk suma Babilon-na d’i. Wani Jireya mi humum nga d’i, mi vum mi im mi suma nglona. 15Suma nglona huruzi mi zal ata Jeremi, a tomu, a gum dangeina avo hi Jonatan ma b’ir mbaktumba, kayam a mbud’um gong mamba gong nga dangeina. 16Ni hina ba, a ge Jeremi kur gong nga dangei d’a kä aduk andagad’id’a, mi kak kua tatâ.
17Amulâ Sedekiyas mi sun atam mi halamïya, mi djobom gumun avo hatam ala: Na ni zla d’a ding nga tcholï avun Ma didinid’a nga zu?
Jeremi mi hulong dum ala: Â, nga! Jeremi mi dum kua ala: A mba hang abo amul ma Babilon-na.
18Jeremi mi de mamulâ Sedekiyas kua ala: An langî tcho me mi ang kazungeî mangâ ki sum ndazina ba, agi gandi dangeina ge? 19Magi suma djok vun suma a djogogi vuna ala: Amul ma Babilon-na mba mi mba á durugi d’oze á dur ambas sa wanda d’uo na, a nga ni lara ge?
20Ki tchetchemba, salana amul mana, an nga ni tchenengû, ar ang hum tchen man nda hud’a, ar ang hulongôn kur gong nga dangeina avo hi Jonatan ma b’ir mbaktumba tala an mit sä kua d’a d’i.
21Amulâ Sedekiyas mi he vuna ala a ngom Jeremi kur gulumuna hi suma ngom yinina, ar a hum avungôna hi suma le avungôna ir palumbina gak avungô ma kur azì ma ngolîna mi dap tua. Ni hina ba, Jeremi mi ar kaka kur gulumuna hi suma ngom yinina.
Currently Selected:
Jeremi 37: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Jeremi 37
37
Sedekiyas mi sun á djop zlad’a avun Jeremi
1Nebukanezar amul ma Babilon-na mi tin Sedekiyas Josiyas goroma amula yam ambas sa Juda-d’a balum Jekoniya Jojakim goroma. 2Wani Sedekiyas soze azungeî mama d’oze suma yam ambasina a hum nga zla d’a Ma didina mi dat avun ma djogom vunama Jeremi-d’a d’i.
3Amulâ Sedekiyas mi sun Jukal Selemiya goroma ki Sofoni ma ngat buzuna Mäseya goroma gen ma djok vun Alona Jeremi á dum ala: Ang tchen Ma didina Alo meina kamiya.
4Ata yi máma Jeremi nga mi ngui tita aduk suma, kayam azi gum nga kur gong nga dangeina d’uo tua. 5Azigarâ hi Faron-na a buzugï Ezipte. Suma Babilon suma a ngui Jerusalem-ma a hum zla ndata, a yo woi a ar Jerusalem.
6Ata yi máma Ma didina mi de mi Jeremi ala: 7Ang dazi ala: Ma didina Alona hi Israel-lîna mi dala: Agi dagi mamul ma Juda ma mi sunugï geven á djobona ala: Gola! Azigarâ hi Faron suma a mbeï á ndjunugina, a nga hulong yam ambas mazid’a avo Ezipte. 8Suma Babilon-na a mba hulongî a mba á dur azì ma ngol ma wana, a mba hlumu, a mba ngalam mbei kakud’a. 9Ma didina mi de kua ala: Ar agi lobogi tagi ala: Suma Babilon-na a mba wal lei dei ki sed’eya d’i, kayam azi i nga woi dei d’i! 10Ladjï agi durugi ayîna ki azigar suma Babilon suma a nga durugi ayînina, ladjï arî suma agi dagazina go pî, nge nge pî kur zlub’u mamba mba mi hulong mi tchol mi ngal azì ma ngol ma wana woi kakud’a!
A ge Jeremi dangeina
11Kid’a suma Babilon-na a yo woi abo azigar suma hi Faron-na a ar Jerusalem-mba, 12Jeremi mi min á nde woi Jerusalem á i yam ambasa hi suma hi Benjamin-nid’a á ve b’rau mam mba aduk sumid’a. 13Kid’a mi mbaza avun agre’â hi Benjamin-nid’a, ma ngolâ hi suma ngom yina ma a yum ala Jireya na, ni Selemiya goroma, ni Hananiya gorom ngolona, mi nga kua. Mi ve ma djok vun Alona Jeremi, mi dum ala: Ang i naduk suma Babilon-na!
14Jeremi mi hulong dum ala: Ni zla d’a kad’a! An nga ni i aduk suma Babilon-na d’i. Wani Jireya mi humum nga d’i, mi vum mi im mi suma nglona. 15Suma nglona huruzi mi zal ata Jeremi, a tomu, a gum dangeina avo hi Jonatan ma b’ir mbaktumba, kayam a mbud’um gong mamba gong nga dangeina. 16Ni hina ba, a ge Jeremi kur gong nga dangei d’a kä aduk andagad’id’a, mi kak kua tatâ.
17Amulâ Sedekiyas mi sun atam mi halamïya, mi djobom gumun avo hatam ala: Na ni zla d’a ding nga tcholï avun Ma didinid’a nga zu?
Jeremi mi hulong dum ala: Â, nga! Jeremi mi dum kua ala: A mba hang abo amul ma Babilon-na.
18Jeremi mi de mamulâ Sedekiyas kua ala: An langî tcho me mi ang kazungeî mangâ ki sum ndazina ba, agi gandi dangeina ge? 19Magi suma djok vun suma a djogogi vuna ala: Amul ma Babilon-na mba mi mba á durugi d’oze á dur ambas sa wanda d’uo na, a nga ni lara ge?
20Ki tchetchemba, salana amul mana, an nga ni tchenengû, ar ang hum tchen man nda hud’a, ar ang hulongôn kur gong nga dangeina avo hi Jonatan ma b’ir mbaktumba tala an mit sä kua d’a d’i.
21Amulâ Sedekiyas mi he vuna ala a ngom Jeremi kur gulumuna hi suma ngom yinina, ar a hum avungôna hi suma le avungôna ir palumbina gak avungô ma kur azì ma ngolîna mi dap tua. Ni hina ba, Jeremi mi ar kaka kur gulumuna hi suma ngom yinina.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.