Jeremi 33
33
Vun ma hle ma awili ma yam Jerusalem-ma
1Kid’a Jeremi mi nga kur dangeina tua d’a, Ma didina mi dum yam á mbàd’a ala: 2An Ma didin ma landagad’a ni minit ni tinit ma a yan ala Ma didina na, an nga ni dangû: 3Ang yanu, an mba ni hulongông humba. An mba ni dang ngei yam ahle suma nglo suma a nga ngeid’a suma ang wazi nga d’uo na. 4Ni hina ba, an Ma didina Alona hi Israel-lîna ni de yam gongîyo suma kur azì ma ngol ma wanina, yam azì ma amula hamulei suma Juda-na ma a nga tom kä woi kandaga d’a a mbut ad’umba kayî ma durîna. 5Fata a i durâ ata suma Babilon-nid’a, a mba oî ki mad’a suma an mba ni tchazi kur ayî man ma bibiliunina, an mba ni ngei tan ndei ir azì ma wana yam asa’at mam mba mi lata.
6Wani an mba ni hum lafiyad’a, an mba ni tchilim mbilim d’igi sana mi tchil mbilâ hi sanina na, an mba ni ar suma kuruma a kak ki b’leng nga halasa ki d’engzenga ngola. 7An mba ni hulongî ki suma Juda suma a yozi magombina ki Israel suma a yozi magombina mi, an mba ni kagazi b’langâzina d’igi adjeu deid’a na. 8An mba ni mbud’uzi woi yed’et kur tcho mazi d’a pet ta azi lat avoronda, an mba ni vat hurun ndei yam tcho mazi d’a azi lat avoron a son vunan ndeid’a mi. 9Azì ma ngol ma wana mba mi mbut ni vama tan lan djivid’a kama, vama giled’a, vama subura kan an aduk andjaf suma pet suma yam andagad’ina. Fata a hum zla d’a djivi d’a lara ge d’a an mba ni lazizid’a, a mba djib’er ngola, a mba le mandarâ yam djivi d’a lara ge d’a, yam i mazi d’a avogovoka mi.
*
10Ma didina mi de kua ala: Agi suma Juda-na, agi nga dugud’ogi ded’a ala ambas magid’a ti b’lak wa woyo, sa d’oze d’uwar mi nga kua d’i. Gagazi, azì ma nglo ma Juda-na ki ir palum mba Jerusalem-mba a mbut wa hur fulâ ini, sa nga kua d’oze d’uwar mi nga kua d’uo mi. Wani a mba hum 11sawal la hur ma hapma ki sawal la furîd’a. A mba hum sawala hi ma tel atchad’a awilina ki sawala hi d’a a telet awilid’a kur ambas sa wanda. A mba hum dela hi suma a hle sawal la wandina ala:
Agi gilegi Ma didin ma ad’engêm kal petna,
kayam Ma didina ni ma djivina,
kayam o mamba nga d’i dap pi.
A mba hum dela hi suma a nga hahle suma ngat buzu suma le mersid’ina kur gong man nda kud’ora. Kayam an mba hulongî ki suma a yozi magomba kur ambas sa wandina, an mba ni kagazi blangâzi d’igi adjeu deid’a na. An Ma didina ni de na.
*
12Ma didin ma ad’engêm kal petna mi de kua ala: Azì ma b’lak kei ki tchetchemba ma sa d’oze d’uwar mi nga kua d’uo na kazì mam ma nglona pet, a mba min kangâna yam suma pola, a mba tuk d’uwar mazina tam kua. 13Kur azì ma nglo ma yam ahinad’ina, kur azì ma nglo ma kä ata yima ligitimina, kur azì ma nglo ma abo ma sutnina, kur ambasa hi suma hi Benjamin-nid’a, kur azì ma ngui Jerusalem-ma kazì ma nglo ma Juda-na, d’uwar ma gureina mba mi tok avok sama ndumuzina. An Ma didina ni de na.
Alona mba mi hulong hle va ma mam hle vunam kama d’i
14Ma didina mi dala: Gola! Burâ nga mi mba, an mba ni ndak vun zla d’a djivi d’a an dat yat Israel-lâ ki suma Juda-nid’a. 15Kur bur máma, ata yi máma, an mba ni ndeï ki sama d’ingêrâ ad’u andjafâ hi David-na. Mi mba mi tak d’ingêra ki gagazid’a mi suma kur ambas sa wandina. 16Kur bur máma mba mi sut suma Juda-na. Suma Jerusalem-ma a mba kak ki halasa, a mba yi Jerusalem ala Ma didina ni d’ingêr meid’a.
*
17Ma didina mi dala: David mba mi ba bei fe sama mi vrak blangâm yam zlam mba amula aduk Israel-lîna d’i. 18A mba ba bei fe suma hi Levi suma ngat buzu suma a vrak a tchol avoron a he he d’a hawa d’a ngala á ngal dubang ma his djivid’ina ki he d’a hawad’a kahle suma ngat buzuna burâ ki burâ d’uo mi.
*
19Ma didina mi de mi Jeremi kua ala: 20Le agi ndagagi á but vun man ma djin ma an djinim ki faleid’ina d’oze vun man ma djin ma an djinim ki andjeged’ina woi tala faleid’a kandjeged’a a kak ata yazi d’uo d’a ni, 21ata yi máma vun man ma djin ma an djinim kazong mana David-na mba mi but tei tala a fe gorom ma mba mi kak yam zlam mam mba amula á tamulina d’oze suma hi Levi suma ngat buzuna á lan sun mandina d’uo d’a mi. 22D’igi sana mi ndak á ndum ahle suma akulona d’oze mi ndak á nga les ma avun alum ma ngolîna d’uo na, an mba ni zul andjafâ hazong mana David-na ki suma hi Levi suma a lan sundina ni hina dedege mi.
*
23Ma didina mi de mi Jeremi ala: 24Ang nga hum zla d’a sum ndazina a nga data ko zu? A nga dala: Ma didina mi ar wa Israel ki Juda andjaf ma mbà ma mam manama woyo. Ni kayam ndata ba, a gol sum mana is, a golozi ni d’igi andjafâ d’uo na iraziya. 25Ma didina mi dala: Ladjï an djin vunan kandjeged’a ki faleid’a d’uo, ladjï an tin gat ta akulod’a ki d’a yam andagad’id’a d’uo mi ni, 26ata yi máma an mba ni gandjafâ hi Jakob-ma ki ma hazong mana David-na woyo, an mba ni hle sa ad’u andjavam aduk suma a mba te yam andjafâ hi Abraham-ma yam andjafâ hi Isa’â yam ma hi Jakob-ma d’uo mi. Kayam an mba ni hulongî ki mazi suma a yozi magombina avo, an mba ni wazi hohowozi mi.
Currently Selected:
Jeremi 33: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Jeremi 33
33
Vun ma hle ma awili ma yam Jerusalem-ma
1Kid’a Jeremi mi nga kur dangeina tua d’a, Ma didina mi dum yam á mbàd’a ala: 2An Ma didin ma landagad’a ni minit ni tinit ma a yan ala Ma didina na, an nga ni dangû: 3Ang yanu, an mba ni hulongông humba. An mba ni dang ngei yam ahle suma nglo suma a nga ngeid’a suma ang wazi nga d’uo na. 4Ni hina ba, an Ma didina Alona hi Israel-lîna ni de yam gongîyo suma kur azì ma ngol ma wanina, yam azì ma amula hamulei suma Juda-na ma a nga tom kä woi kandaga d’a a mbut ad’umba kayî ma durîna. 5Fata a i durâ ata suma Babilon-nid’a, a mba oî ki mad’a suma an mba ni tchazi kur ayî man ma bibiliunina, an mba ni ngei tan ndei ir azì ma wana yam asa’at mam mba mi lata.
6Wani an mba ni hum lafiyad’a, an mba ni tchilim mbilim d’igi sana mi tchil mbilâ hi sanina na, an mba ni ar suma kuruma a kak ki b’leng nga halasa ki d’engzenga ngola. 7An mba ni hulongî ki suma Juda suma a yozi magombina ki Israel suma a yozi magombina mi, an mba ni kagazi b’langâzina d’igi adjeu deid’a na. 8An mba ni mbud’uzi woi yed’et kur tcho mazi d’a pet ta azi lat avoronda, an mba ni vat hurun ndei yam tcho mazi d’a azi lat avoron a son vunan ndeid’a mi. 9Azì ma ngol ma wana mba mi mbut ni vama tan lan djivid’a kama, vama giled’a, vama subura kan an aduk andjaf suma pet suma yam andagad’ina. Fata a hum zla d’a djivi d’a lara ge d’a an mba ni lazizid’a, a mba djib’er ngola, a mba le mandarâ yam djivi d’a lara ge d’a, yam i mazi d’a avogovoka mi.
*
10Ma didina mi de kua ala: Agi suma Juda-na, agi nga dugud’ogi ded’a ala ambas magid’a ti b’lak wa woyo, sa d’oze d’uwar mi nga kua d’i. Gagazi, azì ma nglo ma Juda-na ki ir palum mba Jerusalem-mba a mbut wa hur fulâ ini, sa nga kua d’oze d’uwar mi nga kua d’uo mi. Wani a mba hum 11sawal la hur ma hapma ki sawal la furîd’a. A mba hum sawala hi ma tel atchad’a awilina ki sawala hi d’a a telet awilid’a kur ambas sa wanda. A mba hum dela hi suma a hle sawal la wandina ala:
Agi gilegi Ma didin ma ad’engêm kal petna,
kayam Ma didina ni ma djivina,
kayam o mamba nga d’i dap pi.
A mba hum dela hi suma a nga hahle suma ngat buzu suma le mersid’ina kur gong man nda kud’ora. Kayam an mba hulongî ki suma a yozi magomba kur ambas sa wandina, an mba ni kagazi blangâzi d’igi adjeu deid’a na. An Ma didina ni de na.
*
12Ma didin ma ad’engêm kal petna mi de kua ala: Azì ma b’lak kei ki tchetchemba ma sa d’oze d’uwar mi nga kua d’uo na kazì mam ma nglona pet, a mba min kangâna yam suma pola, a mba tuk d’uwar mazina tam kua. 13Kur azì ma nglo ma yam ahinad’ina, kur azì ma nglo ma kä ata yima ligitimina, kur azì ma nglo ma abo ma sutnina, kur ambasa hi suma hi Benjamin-nid’a, kur azì ma ngui Jerusalem-ma kazì ma nglo ma Juda-na, d’uwar ma gureina mba mi tok avok sama ndumuzina. An Ma didina ni de na.
Alona mba mi hulong hle va ma mam hle vunam kama d’i
14Ma didina mi dala: Gola! Burâ nga mi mba, an mba ni ndak vun zla d’a djivi d’a an dat yat Israel-lâ ki suma Juda-nid’a. 15Kur bur máma, ata yi máma, an mba ni ndeï ki sama d’ingêrâ ad’u andjafâ hi David-na. Mi mba mi tak d’ingêra ki gagazid’a mi suma kur ambas sa wandina. 16Kur bur máma mba mi sut suma Juda-na. Suma Jerusalem-ma a mba kak ki halasa, a mba yi Jerusalem ala Ma didina ni d’ingêr meid’a.
*
17Ma didina mi dala: David mba mi ba bei fe sama mi vrak blangâm yam zlam mba amula aduk Israel-lîna d’i. 18A mba ba bei fe suma hi Levi suma ngat buzu suma a vrak a tchol avoron a he he d’a hawa d’a ngala á ngal dubang ma his djivid’ina ki he d’a hawad’a kahle suma ngat buzuna burâ ki burâ d’uo mi.
*
19Ma didina mi de mi Jeremi kua ala: 20Le agi ndagagi á but vun man ma djin ma an djinim ki faleid’ina d’oze vun man ma djin ma an djinim ki andjeged’ina woi tala faleid’a kandjeged’a a kak ata yazi d’uo d’a ni, 21ata yi máma vun man ma djin ma an djinim kazong mana David-na mba mi but tei tala a fe gorom ma mba mi kak yam zlam mam mba amula á tamulina d’oze suma hi Levi suma ngat buzuna á lan sun mandina d’uo d’a mi. 22D’igi sana mi ndak á ndum ahle suma akulona d’oze mi ndak á nga les ma avun alum ma ngolîna d’uo na, an mba ni zul andjafâ hazong mana David-na ki suma hi Levi suma a lan sundina ni hina dedege mi.
*
23Ma didina mi de mi Jeremi ala: 24Ang nga hum zla d’a sum ndazina a nga data ko zu? A nga dala: Ma didina mi ar wa Israel ki Juda andjaf ma mbà ma mam manama woyo. Ni kayam ndata ba, a gol sum mana is, a golozi ni d’igi andjafâ d’uo na iraziya. 25Ma didina mi dala: Ladjï an djin vunan kandjeged’a ki faleid’a d’uo, ladjï an tin gat ta akulod’a ki d’a yam andagad’id’a d’uo mi ni, 26ata yi máma an mba ni gandjafâ hi Jakob-ma ki ma hazong mana David-na woyo, an mba ni hle sa ad’u andjavam aduk suma a mba te yam andjafâ hi Abraham-ma yam andjafâ hi Isa’â yam ma hi Jakob-ma d’uo mi. Kayam an mba ni hulongî ki mazi suma a yozi magombina avo, an mba ni wazi hohowozi mi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.