Jeremi 27
27
Jeremi mi hle dju’â kelemu
1Kid’a Jojakim Josiyas goroma amul ma Juda-na mi tin ad’ud’a á tamulid’a, Ma didina mi de mi Jeremi ala: 2Ang i par ziyona teteng, ang i tchet dju’â teteng mi, ang tchuk suma hiuna kelengû, 3ang sun suma wana mamul ma Edom-ma, mamul ma Mowap-ma, mamul ma Amon-na, mamul ma Tir-râ kamul ma Sidon-na abo suma sun suma azi sunuzi Jerusalem gen Sedekiyas amul ma Juda-nina. 4Ang hazi vuna a i gen suliyozina, a dazi zla d’a an Ma didin ma ad’engên kal petna, Alona hi Israel-lîna ni data. A i dazi ala an ni dala: 5An ni ma landagad’a ki suma kazurei suma a nga yam andagad’ina ki sib’ik man nda kal teglesa ki bigan nda nga zid’a kan akulo zid’a, an nga ni handagad’a mi suma tan lan djivid’a kazina. 6Ki tchetchemba, an nga ni hambas sa wanda pet abo Nebukanezar azong mana, amul ma Babilon-na, an nga ni hum azurei suma abageina á lum sunda. 7Andjaf suma pet a mba lum sunda, a mba le sunda mi goroma, a mba le sunda mi gorom ngolona gak atchogoi d’a ambas mamba mba d’i le sunda mandjaf ma ablauna, mamulei suma nglona mi d’a.
8Ma didina mi dala: Le andjaf suma ding ngoze leu d’a ding nga suma a min le sunda mi Nebukanezar ruo a min ala a ge djuk ma mi hazizina kelezi d’uo mi ni, an mba ni ngobozi kayî ma durâ ki baktarad’a ki tugud’ei d’a tcho d’a tchi matna, an mba ni humzi abom á dabazi woyo.
9Ar agi humugi magi suma djok vuna, magi suma a nga de zlad’a yam vama nga mi mbana, magi suma a nga dagi zlad’a hadïd’ina, magi suma a nga dagi zlad’a yam ahle suma akulo kur d’ugulina, d’oze magi suma mbut suma a nga dagi ala: Agi mba lagi sunda mamul ma Babilon-na d’uo na d’i. 10Wani zla d’a azi nga djogogizid’a ni zla d’a kad’a. Le agi humugiziya ni, a mba yogi igi sä woi dei kandaga magid’a, an mba ni digigi woyo, agi mba dabagi woi mi.
11Ma didina mi dala: Wani andjaf ma mi ge djuk ma amul ma Babilon-na mi humzi kelem mi lum sundina, an mba ni aram kur andaga mamba, mba mi zumud’u, mba mi kak kurut mi.
12An de zla ndata mi Sedekiyas amul ma Juda-na pet. Ni dum ala: Ang ki sum mangâ, agi gagi djuk ma amul ma Babilon-na mi hagizina kelegiya, agi lum sunda ki sum mama. Hina wani, agi mba sud’ugi tagiya. 13Ni kayam me ba, agi ki sum mangâ, agi tchagi tagi woi kayî ma durâ ki baktarad’a ki tugud’ei d’a tcho d’a tchi matna d’igi Ma didina mi de yam andjaf ma mi min á le sunda mamul ma Babilon-na d’uo na na ge? 14Ar agi humugi zla d’a suma djok vun suma a nga dagi ala: Agi mba lagi sunda mamul ma Babilon-na d’uo na d’i, kayam vun ma azi nga djogogizina ni zla d’a kad’a. 15Ma didina mi de kua ala: An sunuzï nga d’i. Azi nga djo’î vun ma ka zlad’a ki simiyênu. Le agi humuziya ni, an mba ni digigi woyo. Agi mba dabagi woi ki suma djok vun suma a nga djogogi vuna ndazina mi.
16An de mi suma ngat buzuna kablau d’a peta ala: Gola! Ma didina mi dala: Ar agi humugi suma djok vun suma a nga dala: Ar hina ndjö ahle suma kur gong nga kud’ora hi Ma didinid’ina, a mba hulongôzï yod’a avo Babilon-nu na d’i, kayam vun ma azi nga djogogizina ni zla d’a kad’a. 17Ar agi humugi zla mazid’a d’i, ar agi lagi sunda mamul ma Babilon-na. Ni kayam me ba, agi mbud’ugi azì ma ngol ma wana djona ge?
18Jeremi mi de kua ala: Le azi ni suma djok vun suma gagazina, le Ma didina mi hazi zla mamba abozi gagaziya ni, ar a tchen Ma didin ma ad’engêm kal petna ka tchetchem ala ar ahle suma ar kur gong mam mba kud’orina kahle suma kur azì ma amula hamul ma Juda-na ki suma kur Jerusalem-ma, ar a yozi a i ki sed’ezi Babilon ndi. 19Kayam Ma didin ma ad’engêm kal petna mi de zlad’a yam agu ma murgulina ki hal ma ngol ma mbusa ki kawei ma ad’um kä na kahle suma ding suma a ar kur azì ma ngolîna. 20Nahle suma Nebukanezar amul ma Babilon-na mi yozi nga d’uo kid’a mi ve Jekoniya Jojakim goroma amul ma Juda-na ki suma nglo suma Juda-na pet avo Jerusalem mi izi magomba Babilon-nda. 21Ma didin ma ad’engêm kal petna, Alona hi Israel-lîna, mi de yam ahle suma a ar kur gong mam mba kud’orina kahle suma a ar kur azì ma amula hamul ma Juda-na ki suma kur Jerusalem-ma ala: 22A mba yozi a izi Babilon, a mba ar sä kua gak bur ma an mba ni mba kazi ni hulongôzi ni mbazi ka hî na. An Ma didina ni de na.
Currently Selected:
Jeremi 27: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Jeremi 27
27
Jeremi mi hle dju’â kelemu
1Kid’a Jojakim Josiyas goroma amul ma Juda-na mi tin ad’ud’a á tamulid’a, Ma didina mi de mi Jeremi ala: 2Ang i par ziyona teteng, ang i tchet dju’â teteng mi, ang tchuk suma hiuna kelengû, 3ang sun suma wana mamul ma Edom-ma, mamul ma Mowap-ma, mamul ma Amon-na, mamul ma Tir-râ kamul ma Sidon-na abo suma sun suma azi sunuzi Jerusalem gen Sedekiyas amul ma Juda-nina. 4Ang hazi vuna a i gen suliyozina, a dazi zla d’a an Ma didin ma ad’engên kal petna, Alona hi Israel-lîna ni data. A i dazi ala an ni dala: 5An ni ma landagad’a ki suma kazurei suma a nga yam andagad’ina ki sib’ik man nda kal teglesa ki bigan nda nga zid’a kan akulo zid’a, an nga ni handagad’a mi suma tan lan djivid’a kazina. 6Ki tchetchemba, an nga ni hambas sa wanda pet abo Nebukanezar azong mana, amul ma Babilon-na, an nga ni hum azurei suma abageina á lum sunda. 7Andjaf suma pet a mba lum sunda, a mba le sunda mi goroma, a mba le sunda mi gorom ngolona gak atchogoi d’a ambas mamba mba d’i le sunda mandjaf ma ablauna, mamulei suma nglona mi d’a.
8Ma didina mi dala: Le andjaf suma ding ngoze leu d’a ding nga suma a min le sunda mi Nebukanezar ruo a min ala a ge djuk ma mi hazizina kelezi d’uo mi ni, an mba ni ngobozi kayî ma durâ ki baktarad’a ki tugud’ei d’a tcho d’a tchi matna, an mba ni humzi abom á dabazi woyo.
9Ar agi humugi magi suma djok vuna, magi suma a nga de zlad’a yam vama nga mi mbana, magi suma a nga dagi zlad’a hadïd’ina, magi suma a nga dagi zlad’a yam ahle suma akulo kur d’ugulina, d’oze magi suma mbut suma a nga dagi ala: Agi mba lagi sunda mamul ma Babilon-na d’uo na d’i. 10Wani zla d’a azi nga djogogizid’a ni zla d’a kad’a. Le agi humugiziya ni, a mba yogi igi sä woi dei kandaga magid’a, an mba ni digigi woyo, agi mba dabagi woi mi.
11Ma didina mi dala: Wani andjaf ma mi ge djuk ma amul ma Babilon-na mi humzi kelem mi lum sundina, an mba ni aram kur andaga mamba, mba mi zumud’u, mba mi kak kurut mi.
12An de zla ndata mi Sedekiyas amul ma Juda-na pet. Ni dum ala: Ang ki sum mangâ, agi gagi djuk ma amul ma Babilon-na mi hagizina kelegiya, agi lum sunda ki sum mama. Hina wani, agi mba sud’ugi tagiya. 13Ni kayam me ba, agi ki sum mangâ, agi tchagi tagi woi kayî ma durâ ki baktarad’a ki tugud’ei d’a tcho d’a tchi matna d’igi Ma didina mi de yam andjaf ma mi min á le sunda mamul ma Babilon-na d’uo na na ge? 14Ar agi humugi zla d’a suma djok vun suma a nga dagi ala: Agi mba lagi sunda mamul ma Babilon-na d’uo na d’i, kayam vun ma azi nga djogogizina ni zla d’a kad’a. 15Ma didina mi de kua ala: An sunuzï nga d’i. Azi nga djo’î vun ma ka zlad’a ki simiyênu. Le agi humuziya ni, an mba ni digigi woyo. Agi mba dabagi woi ki suma djok vun suma a nga djogogi vuna ndazina mi.
16An de mi suma ngat buzuna kablau d’a peta ala: Gola! Ma didina mi dala: Ar agi humugi suma djok vun suma a nga dala: Ar hina ndjö ahle suma kur gong nga kud’ora hi Ma didinid’ina, a mba hulongôzï yod’a avo Babilon-nu na d’i, kayam vun ma azi nga djogogizina ni zla d’a kad’a. 17Ar agi humugi zla mazid’a d’i, ar agi lagi sunda mamul ma Babilon-na. Ni kayam me ba, agi mbud’ugi azì ma ngol ma wana djona ge?
18Jeremi mi de kua ala: Le azi ni suma djok vun suma gagazina, le Ma didina mi hazi zla mamba abozi gagaziya ni, ar a tchen Ma didin ma ad’engêm kal petna ka tchetchem ala ar ahle suma ar kur gong mam mba kud’orina kahle suma kur azì ma amula hamul ma Juda-na ki suma kur Jerusalem-ma, ar a yozi a i ki sed’ezi Babilon ndi. 19Kayam Ma didin ma ad’engêm kal petna mi de zlad’a yam agu ma murgulina ki hal ma ngol ma mbusa ki kawei ma ad’um kä na kahle suma ding suma a ar kur azì ma ngolîna. 20Nahle suma Nebukanezar amul ma Babilon-na mi yozi nga d’uo kid’a mi ve Jekoniya Jojakim goroma amul ma Juda-na ki suma nglo suma Juda-na pet avo Jerusalem mi izi magomba Babilon-nda. 21Ma didin ma ad’engêm kal petna, Alona hi Israel-lîna, mi de yam ahle suma a ar kur gong mam mba kud’orina kahle suma a ar kur azì ma amula hamul ma Juda-na ki suma kur Jerusalem-ma ala: 22A mba yozi a izi Babilon, a mba ar sä kua gak bur ma an mba ni mba kazi ni hulongôzi ni mbazi ka hî na. An Ma didina ni de na.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.