Isai 9
9
1Suma a nga tit kur nduvundina,
a mba we b’o d’a ngola;
suma a nga kak kä kur ambas sa nduvundina,
b’od’a mba d’i b’o woi kazi mi.
2Ma didina, ang mba zuluziya,
ang mba tinizi á le furîd’a,
a mba le furîd’a avorong
d’igi suma a nga le furîd’a ata yima fet awunina na,
d’igi suma a nga er ad’uzi akulo ki hur ma hapma
ata yima a nga b’rau ahle suma a yozï avun ayînina na mi.
3Kayam djuk ma kelezina,
ki totogo d’a a tozi pepelezi ki d’a,
ki tatatagam ma a nga djobozi ki vunazina,
ang kuzuzi woi d’igi ang b’lak suma Madiyan-na woi adjeu na.
4Kayam atuguru ma lara ma mazi suma djangûna
a tchugum azezi á dur ayînina,
ki baru d’a nglo d’a tib’ak ki buzunid’a pet,
a mba tchuguzi aduk akud’a á ngalazi woyo.
5Kayam mba d’i vud’i gorâ,
Alona mba mi hei gorâ.
Mba mi tinim á te yamba,
mba mi yum ala
Ma suma a le atchap kama,
Ma de d’alâ#9.5 Ma suma a le atchap kama, Ma de d’alâ: D’oze: Ma de d’al ma suma a le atchap kama.,
Alo ma ad’engêm kal petna,
Abu d’a didinda,
Amulâ hi halasina.
6Leu mam mba ted’a mba d’i i avogovok
ki b’leng nga halas sa bei dabid’id’a.
Mba mi kak yam zlam mba amula hi David-ta,
mba mi te yam leu mamba,
mba mi tin d’ingêra ki gagazid’a hAlonid’a
ki tchetchemba gak didin.
Wana ni vama Ma didin ma ad’engêm kal petna
mba mi lum ki zlezleû mambina.
Ma didina hurum zal yam sum mama
(Gol 5.25)
7Ma didina mi sunï zlad’a á ngop suma hi Jakob-ma,
ti nde yam Israel-lâ.
8Suma pet a mba hum zla ndata,
nala, suma Efraim-ma pet
ki suma a nga kaka Samari
suma a nga de zlad’a ki yam mba ad’enga
ki subur tad’a ala:
9Derengel ma mi to kä woina,
ami mba hulong minim kahina d’a tcheta;
diyaga d’a a kat teid’a,
ami mba hulong pami agu sedrena blangâd’u!
10Ma didina mba mi mba ki
suma djangûna hi Resin-na kaziya,
mba mi he mazi suma djangûna
ahle suma dur ayîna aboziya.
11Suma Siri-na abo ma yorogona,
ki suma Filistê-na abo ma fladegena,
a mba ngo vunazi woi hagak ata Israel-lâ á ted’a.
Hina pet pî, hurum mi b’leng nga d’i,
abom mi ar nga zid’a akulo kamzi.
12Hina pî, Israel-lâ
a hulongî nga gen ma nga mi ngobozina d’i,
a hal nga Ma didin ma ad’engêm kal petna d’uo mi.
13Kayam ndata, Ma didina mba mi ka yamba kandjaud’a
kabo amilaûna ki tchereuna woi
aduk Israel-lâ kur bur ma tuna mi.
14Ma ngolâ ki ma suma a nga hum ngolina ni yamba,
ma djok vun ma nga mi hat suma zla d’a kad’ina
nandjaud’a mi.
15Suma a nga tak lovota mi sum ndazinina a vid’izi ni woyo,
suma a nga tit ad’uzina a hle ni lovot ta tchod’a mi.
16Kayam ndata, Salad’a tam nga d’i lum
djivid’a yam azungeî mazina d’i,
nga mi we hohowa mazi suma hokuyod’a
karop mazi suma modonod’a d’uo mi.
Kayam azi pet ni suma ndjendjed’a, ni suma asa’atna,
ni suma a nga de zla d’a ata yat tuo d’ina mi.
Hina pet pî, Ma didina hurum mi b’leng nga d’i,
abom mi ar nga zid’a akulo kamzi.
17Kayam asa’ata nga d’i ngal d’igi aku
d’a nga d’i ngal kekerezeuna azi kaweid’a woi
d’a nga d’i ngal agu d’a ndindika woid’a na,
andozot nga mi i akulo mi d’ugula gongzong.
18Abo ayîna hi Ma didin ma ad’engêm kal petnina,
ambasa ti vakud’a,
abo ayîna hi Ma didinina,
suma a mbut ni vam tena hakud’ina,
sa nga mi keng wiyem mbei d’uo mi.
19A nga hurum ahlena abo ma ndjufâ,
wani meid’a nga d’i arazi d’i,
a nga hurum ahlena abo ma gulana,
wani a nga hop pi.
Nge nge pî nga mi mut ni hliwim mam tamba.
20Andjafâ hi Manase-na nga mi mut andjafâ hi Efraim-ma,
andjafâ hi Efraim-ma nga ni mut andjafâ hi Manase-na,
azi djak a ndjak vunazi yam andjafâ hi Juda-na mi.
Hina pet pî, Ma didina hurum mi b’leng nga d’i,
abom mi ar nga zid’a akulo kamzi.
Currently Selected:
Isai 9: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Isai 9
9
1Suma a nga tit kur nduvundina,
a mba we b’o d’a ngola;
suma a nga kak kä kur ambas sa nduvundina,
b’od’a mba d’i b’o woi kazi mi.
2Ma didina, ang mba zuluziya,
ang mba tinizi á le furîd’a,
a mba le furîd’a avorong
d’igi suma a nga le furîd’a ata yima fet awunina na,
d’igi suma a nga er ad’uzi akulo ki hur ma hapma
ata yima a nga b’rau ahle suma a yozï avun ayînina na mi.
3Kayam djuk ma kelezina,
ki totogo d’a a tozi pepelezi ki d’a,
ki tatatagam ma a nga djobozi ki vunazina,
ang kuzuzi woi d’igi ang b’lak suma Madiyan-na woi adjeu na.
4Kayam atuguru ma lara ma mazi suma djangûna
a tchugum azezi á dur ayînina,
ki baru d’a nglo d’a tib’ak ki buzunid’a pet,
a mba tchuguzi aduk akud’a á ngalazi woyo.
5Kayam mba d’i vud’i gorâ,
Alona mba mi hei gorâ.
Mba mi tinim á te yamba,
mba mi yum ala
Ma suma a le atchap kama,
Ma de d’alâ#9.5 Ma suma a le atchap kama, Ma de d’alâ: D’oze: Ma de d’al ma suma a le atchap kama.,
Alo ma ad’engêm kal petna,
Abu d’a didinda,
Amulâ hi halasina.
6Leu mam mba ted’a mba d’i i avogovok
ki b’leng nga halas sa bei dabid’id’a.
Mba mi kak yam zlam mba amula hi David-ta,
mba mi te yam leu mamba,
mba mi tin d’ingêra ki gagazid’a hAlonid’a
ki tchetchemba gak didin.
Wana ni vama Ma didin ma ad’engêm kal petna
mba mi lum ki zlezleû mambina.
Ma didina hurum zal yam sum mama
(Gol 5.25)
7Ma didina mi sunï zlad’a á ngop suma hi Jakob-ma,
ti nde yam Israel-lâ.
8Suma pet a mba hum zla ndata,
nala, suma Efraim-ma pet
ki suma a nga kaka Samari
suma a nga de zlad’a ki yam mba ad’enga
ki subur tad’a ala:
9Derengel ma mi to kä woina,
ami mba hulong minim kahina d’a tcheta;
diyaga d’a a kat teid’a,
ami mba hulong pami agu sedrena blangâd’u!
10Ma didina mba mi mba ki
suma djangûna hi Resin-na kaziya,
mba mi he mazi suma djangûna
ahle suma dur ayîna aboziya.
11Suma Siri-na abo ma yorogona,
ki suma Filistê-na abo ma fladegena,
a mba ngo vunazi woi hagak ata Israel-lâ á ted’a.
Hina pet pî, hurum mi b’leng nga d’i,
abom mi ar nga zid’a akulo kamzi.
12Hina pî, Israel-lâ
a hulongî nga gen ma nga mi ngobozina d’i,
a hal nga Ma didin ma ad’engêm kal petna d’uo mi.
13Kayam ndata, Ma didina mba mi ka yamba kandjaud’a
kabo amilaûna ki tchereuna woi
aduk Israel-lâ kur bur ma tuna mi.
14Ma ngolâ ki ma suma a nga hum ngolina ni yamba,
ma djok vun ma nga mi hat suma zla d’a kad’ina
nandjaud’a mi.
15Suma a nga tak lovota mi sum ndazinina a vid’izi ni woyo,
suma a nga tit ad’uzina a hle ni lovot ta tchod’a mi.
16Kayam ndata, Salad’a tam nga d’i lum
djivid’a yam azungeî mazina d’i,
nga mi we hohowa mazi suma hokuyod’a
karop mazi suma modonod’a d’uo mi.
Kayam azi pet ni suma ndjendjed’a, ni suma asa’atna,
ni suma a nga de zla d’a ata yat tuo d’ina mi.
Hina pet pî, Ma didina hurum mi b’leng nga d’i,
abom mi ar nga zid’a akulo kamzi.
17Kayam asa’ata nga d’i ngal d’igi aku
d’a nga d’i ngal kekerezeuna azi kaweid’a woi
d’a nga d’i ngal agu d’a ndindika woid’a na,
andozot nga mi i akulo mi d’ugula gongzong.
18Abo ayîna hi Ma didin ma ad’engêm kal petnina,
ambasa ti vakud’a,
abo ayîna hi Ma didinina,
suma a mbut ni vam tena hakud’ina,
sa nga mi keng wiyem mbei d’uo mi.
19A nga hurum ahlena abo ma ndjufâ,
wani meid’a nga d’i arazi d’i,
a nga hurum ahlena abo ma gulana,
wani a nga hop pi.
Nge nge pî nga mi mut ni hliwim mam tamba.
20Andjafâ hi Manase-na nga mi mut andjafâ hi Efraim-ma,
andjafâ hi Efraim-ma nga ni mut andjafâ hi Manase-na,
azi djak a ndjak vunazi yam andjafâ hi Juda-na mi.
Hina pet pî, Ma didina hurum mi b’leng nga d’i,
abom mi ar nga zid’a akulo kamzi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.