Isai 60
60
B’o d’a awili d’a yam Jerusalem-mba
1Ndak Jerusalem, ndak tchol akulo,
ndak wile kayam b’o maka nga d’i nde woyo,
subura hi Ma didinid’a nga d’i tchol akulo kagu,
nga d’i b’o kak d’igi afat ta ti deî d’a na.
2Gola! Nduvunda ti duk wa yam andagad’a,
yima wurana mi duk wa yam andjaf suma mi.
Wani Ma didina mba mi tchol akulo á b’o woi kagu,
subur mamba mba d’i b’o woi kak mi.
3Andjaf suma a mba mba kur b’o maka,
amuleina a mba mba kur wile mak ka nga d’i wile kaka mi.
4Ndak mbut irak gol gevek ata yina pet.
Azi pet a toga, a nga djï gevegu.
Grok suma andjofâ a nga djï ata yima deina,
a yoï nga grok suma aropma akulo ahlabazi mi.
5Ndak mba d’i we, hina wani,
tak mba d’i lak djivid’a,
huruk mba mi oî ki furîd’a,
tak mba d’i lak djivid’a mi.
Kayam ndjondjoî d’a kur alum ma ngolîd’a
mba d’i mba avo hatagu,
ndjondjoîd’a handjaf sumid’a
mba d’i mba avo hatak mi.
6Suma djambala ablaud’a a mba oî yam ambas maka.
Azi ni suma djambal suma Madiyan-na ki suma Efa-na.
Azi pet a mba tcholï ni Seba,
a mba mba ki lora ki dubang ma his djivid’ina,
a mba gile Ma didina mi.
7D’uwar ma Kedar-râ a mba togomî avo hatagu,
gamlâ ma Nebayot-na mba mi mbut ni vama lak sunda.
A mba hazi he d’a hawa d’a ngala yam yi man ma ngal ahle suma ngat buzuna,
a mba lan tan djivid’a,
an mba ni subur gong man nda djifâ.
8Ni suma lara ba, a nga tit hina hitirizik d’igi d’ugula na
d’oze d’igi gugud’a ti pir ti i kur aziyat na ge?
9Kayam suma a nga kaka yam tilina a tin huruzi ni kanu,
batod’a hi suma Tarsis-sîd’a ti tchuk tat avok
á yoï gro’â ata yima deina ki bege mazi d’a hapa ki lor mazid’a,
yam simiyên an Ma didina Alo mak
ma tin tan irat vat yam Israel-lâ ma ni hak ngolina.
10Ma didina mi dala:
Andjaf suma dingâ grozina a mba hulong
á minik gulumun ma’â akulo,
amulei mazina a mba lak sunda,
kayam kur hur man ma zala an togu,
wani yam djivi manda an nga ni wak hohowogu.
11Vun agrek ma’â mba mi arî mala woi burâ ki burâ,
sa mba mi dugum falei d’oze andjege d’i,
kayam andjaf suma a fe lovota á kal ki ndjondjoî mazid’a avo hatagu,
amulei mazina ki suma ad’uzina mi.
12Andjaf suma d’oze andjaf suma kur leud’a a mba lak sunda d’uo na,
a mba tchazi woyo;
andjaf máma a mba dabam mbei pepet mi.
13Subur ra Liban-nda pet
kagu siprena kagu pêna kagu buisâ,
ki zla tazi pet a mba mba avo hatak
á he ngola mi yi man ma an tinim iram vama.
An mba ni subur yima an tin asen kuana mi.
14Suma a lak ndakina grozina a mba hulong yazi kä avorogu,
suma pet suma a golok isâ a mba grif kä avorogu,
a mba yak ala Azì ma ngolâ hi Ma didinina,
Siyon-nda hi Ma tin tam irat vat yam Israel-lînid’a.
15Gagazi, a arak keyo, a noyôk kei mi.
Sa nga mi kal avo hatak ki.
Wani ki tchetchemba,
an nga ni mbud’uk vama subura burâ ki burâ,
an nga ni mbud’uk vama furîd’a
kur atchogoi d’a lara ge pet mi.
16Andjaf suma kamulei mazina a mba wulugu.
Ata yi máma ndak mba d’i wala
an Ma didina ni ma sud’u’â,
an ni ma sib’ika hi Jakob-ma,
an ni ma wurak ka’â mi.
17An mba ni hak lora balum kawei ma hleuna,
an mba ni hak kawei ma hapma balum kawei ma wurana,
an mba ni hak kawei ma hleuna balum aguna,
an mba ni hak kawei ma wurana balum ahinad’a.
An mba ni mbut b’leng nga halasa ni vama ngomo’â,
d’ingêra ni vama te ka’â mi.
18A mba hum zla murud’umba kur ambas maka d’i,
a mba hum zla hurumba d’oze b’laka ir haga maka d’uo mi.
Ndak mba d’i yi gulumun ma’â ala Suta,
ndak mba d’i yi vun agrek ma’â ala Ma gile Alona.
19Nafata ba, mba d’i b’o kak falei d’i;
ni tilâ ba, mba mi b’o kak kuo mi.
Ni Ma didina ba, mba mi b’o kak burâ ki burâ,
Alo ma’â mba mi mbut ni subur maka.
20Afat maka mba d’i nik ki,
til ma’â mba mi kal nduvun nduo mi,
kayam Ma didina mba mi mbut ni b’o maka burâ ki burâ,
bur mak ma yor tad’a mba mi kal lei mi.
21Sum ma’â pet a mba mbut ni suma d’ingêra,
a mba kak kur ambasa gak didin.
Azi nagu ma an puma,
ni sun nda an lat kabon
á le sun nda yam subur mandid’a mi.
22Andjaf ma ngiyeû ma kalâ
mba mi mbut nandjaf ma dudubuna,
andjaf ma akid’ei ma kalâ
mba mi mbut nandjaf ma sib’ika.
An Ma didina mba ni b’at tan á lahle ndazina
fata yi mazina mi ndaka.
Currently Selected:
Isai 60: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Isai 60
60
B’o d’a awili d’a yam Jerusalem-mba
1Ndak Jerusalem, ndak tchol akulo,
ndak wile kayam b’o maka nga d’i nde woyo,
subura hi Ma didinid’a nga d’i tchol akulo kagu,
nga d’i b’o kak d’igi afat ta ti deî d’a na.
2Gola! Nduvunda ti duk wa yam andagad’a,
yima wurana mi duk wa yam andjaf suma mi.
Wani Ma didina mba mi tchol akulo á b’o woi kagu,
subur mamba mba d’i b’o woi kak mi.
3Andjaf suma a mba mba kur b’o maka,
amuleina a mba mba kur wile mak ka nga d’i wile kaka mi.
4Ndak mbut irak gol gevek ata yina pet.
Azi pet a toga, a nga djï gevegu.
Grok suma andjofâ a nga djï ata yima deina,
a yoï nga grok suma aropma akulo ahlabazi mi.
5Ndak mba d’i we, hina wani,
tak mba d’i lak djivid’a,
huruk mba mi oî ki furîd’a,
tak mba d’i lak djivid’a mi.
Kayam ndjondjoî d’a kur alum ma ngolîd’a
mba d’i mba avo hatagu,
ndjondjoîd’a handjaf sumid’a
mba d’i mba avo hatak mi.
6Suma djambala ablaud’a a mba oî yam ambas maka.
Azi ni suma djambal suma Madiyan-na ki suma Efa-na.
Azi pet a mba tcholï ni Seba,
a mba mba ki lora ki dubang ma his djivid’ina,
a mba gile Ma didina mi.
7D’uwar ma Kedar-râ a mba togomî avo hatagu,
gamlâ ma Nebayot-na mba mi mbut ni vama lak sunda.
A mba hazi he d’a hawa d’a ngala yam yi man ma ngal ahle suma ngat buzuna,
a mba lan tan djivid’a,
an mba ni subur gong man nda djifâ.
8Ni suma lara ba, a nga tit hina hitirizik d’igi d’ugula na
d’oze d’igi gugud’a ti pir ti i kur aziyat na ge?
9Kayam suma a nga kaka yam tilina a tin huruzi ni kanu,
batod’a hi suma Tarsis-sîd’a ti tchuk tat avok
á yoï gro’â ata yima deina ki bege mazi d’a hapa ki lor mazid’a,
yam simiyên an Ma didina Alo mak
ma tin tan irat vat yam Israel-lâ ma ni hak ngolina.
10Ma didina mi dala:
Andjaf suma dingâ grozina a mba hulong
á minik gulumun ma’â akulo,
amulei mazina a mba lak sunda,
kayam kur hur man ma zala an togu,
wani yam djivi manda an nga ni wak hohowogu.
11Vun agrek ma’â mba mi arî mala woi burâ ki burâ,
sa mba mi dugum falei d’oze andjege d’i,
kayam andjaf suma a fe lovota á kal ki ndjondjoî mazid’a avo hatagu,
amulei mazina ki suma ad’uzina mi.
12Andjaf suma d’oze andjaf suma kur leud’a a mba lak sunda d’uo na,
a mba tchazi woyo;
andjaf máma a mba dabam mbei pepet mi.
13Subur ra Liban-nda pet
kagu siprena kagu pêna kagu buisâ,
ki zla tazi pet a mba mba avo hatak
á he ngola mi yi man ma an tinim iram vama.
An mba ni subur yima an tin asen kuana mi.
14Suma a lak ndakina grozina a mba hulong yazi kä avorogu,
suma pet suma a golok isâ a mba grif kä avorogu,
a mba yak ala Azì ma ngolâ hi Ma didinina,
Siyon-nda hi Ma tin tam irat vat yam Israel-lînid’a.
15Gagazi, a arak keyo, a noyôk kei mi.
Sa nga mi kal avo hatak ki.
Wani ki tchetchemba,
an nga ni mbud’uk vama subura burâ ki burâ,
an nga ni mbud’uk vama furîd’a
kur atchogoi d’a lara ge pet mi.
16Andjaf suma kamulei mazina a mba wulugu.
Ata yi máma ndak mba d’i wala
an Ma didina ni ma sud’u’â,
an ni ma sib’ika hi Jakob-ma,
an ni ma wurak ka’â mi.
17An mba ni hak lora balum kawei ma hleuna,
an mba ni hak kawei ma hapma balum kawei ma wurana,
an mba ni hak kawei ma hleuna balum aguna,
an mba ni hak kawei ma wurana balum ahinad’a.
An mba ni mbut b’leng nga halasa ni vama ngomo’â,
d’ingêra ni vama te ka’â mi.
18A mba hum zla murud’umba kur ambas maka d’i,
a mba hum zla hurumba d’oze b’laka ir haga maka d’uo mi.
Ndak mba d’i yi gulumun ma’â ala Suta,
ndak mba d’i yi vun agrek ma’â ala Ma gile Alona.
19Nafata ba, mba d’i b’o kak falei d’i;
ni tilâ ba, mba mi b’o kak kuo mi.
Ni Ma didina ba, mba mi b’o kak burâ ki burâ,
Alo ma’â mba mi mbut ni subur maka.
20Afat maka mba d’i nik ki,
til ma’â mba mi kal nduvun nduo mi,
kayam Ma didina mba mi mbut ni b’o maka burâ ki burâ,
bur mak ma yor tad’a mba mi kal lei mi.
21Sum ma’â pet a mba mbut ni suma d’ingêra,
a mba kak kur ambasa gak didin.
Azi nagu ma an puma,
ni sun nda an lat kabon
á le sun nda yam subur mandid’a mi.
22Andjaf ma ngiyeû ma kalâ
mba mi mbut nandjaf ma dudubuna,
andjaf ma akid’ei ma kalâ
mba mi mbut nandjaf ma sib’ika.
An Ma didina mba ni b’at tan á lahle ndazina
fata yi mazina mi ndaka.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.