Isai 56
56
WAL LA HINDID’A
(a) NGOPA KI VUN MA HLED’A
(56—66)
A mba dik sa woi d’uo d’a
1Ma didina mi dala:
Agi ngomogi gagazid’a, agi tid’igi yam d’ingêra,
kayam sut manda ti ar wa go á mbad’a,
d’ingêr manda nga d’i nde tat tei abua.
2Sama mi le vama an duma,
ma nga tchola ngingringâ,
ma nga mi ngom bur ma sabatna
á mbud’um ndjendjed’a d’uo na,
ma nga mi d’el tam mbei ata tcho d’a lara ge petna,
mi le furîd’a.
3Ar andjaf ma ding ma mi djin tam ki Ma didinina mi dala:
Gagazi, Ma didina mba mi walan ndei ki sum mama d’i,
ar adimbangâ mi dala:
An nagu ma so ganangû d’uo mi.
4Kayam Ma didina mi de mi adimbang
suma a nga ngom bur ma sabatna
suma a mba man ahle suma an tan lan djivid’a kazi
suma a mba kak ngingring yam vun man ma djindina ala:
5An mba ni b’irizi simiyêzi kur gulumuna
hi gong man nda kud’orina
an mba ni yazi ki simi ma djivi ma kal simina
hi gro andjofâ ki ma hi gro aropmina,
an mba ni tinizi simi ma didin ma bei tchum mbei ba na mi.
6Wani andjaf suma ding suma a mba
zlap ki an Ma didina á lan sunda,
á le yam simiyên an Ma didina,
á kud’uron
suma pet suma a mba ngom bur ma sabatna
á mbud’um ndjendjed’a d’uo
suma a mba kak ngingring yam vun man ma djindina,
7an mba ni mbazi yam ahina man nda an tinit irat vata,
a mba le furîd’a kur gong man nda tchenda mi.
He mazi d’a hawa d’a ngala
kahle mazi suma ngat buzuna a mba mbut nahle suma his suma afufuîna
yam yi man ma ngal ahle suma ngat buzuna,
kayam a mba yi gong manda ala
Gong nga tchen nda yam suma peta.
8Salad’a Ma didin ma mi tok Israel
suma a b’rau woina, mi dala:
An mba ni togï suma dingâ kua
yam suma an togozi dana.
Suma hat suma a ndak nga d’uo na
9Agi amburei suma abageina
kamburei suma aduk agud’ina pet,
agi mbeyegï á tagi tena.
10Suma ndjola hi Israel-lîna pet ni suma duka,
a ni suma bei wed’a.
Azi pet nadurei suma ngela,
a ndak nga á bud’a d’i;
azi ni suma adïd’a dazina;
a burî kä, a tcho’î sena vam tu.
11Azi nadurei suma d’od’ok suma a nga hop ki va d’uo na,
azi ni suma pol suma bei wäd’u zlad’ina,
azi pet nge nge pî, mi hle ni lovot mamba,
nge nge pî, mi halî djivi d’a yam mam tambid’a mi.
12Azi nga dala: Agi mbeyegïya,
ami i halagï süm guguzlud’a,
ei mba gurud’i ki süm ma ayîna,
ei mba lei avin ni d’igi ini hina dedege.
Ad’um mba d’i ar kä woi ngola.
Currently Selected:
Isai 56: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Isai 56
56
WAL LA HINDID’A
(a) NGOPA KI VUN MA HLED’A
(56—66)
A mba dik sa woi d’uo d’a
1Ma didina mi dala:
Agi ngomogi gagazid’a, agi tid’igi yam d’ingêra,
kayam sut manda ti ar wa go á mbad’a,
d’ingêr manda nga d’i nde tat tei abua.
2Sama mi le vama an duma,
ma nga tchola ngingringâ,
ma nga mi ngom bur ma sabatna
á mbud’um ndjendjed’a d’uo na,
ma nga mi d’el tam mbei ata tcho d’a lara ge petna,
mi le furîd’a.
3Ar andjaf ma ding ma mi djin tam ki Ma didinina mi dala:
Gagazi, Ma didina mba mi walan ndei ki sum mama d’i,
ar adimbangâ mi dala:
An nagu ma so ganangû d’uo mi.
4Kayam Ma didina mi de mi adimbang
suma a nga ngom bur ma sabatna
suma a mba man ahle suma an tan lan djivid’a kazi
suma a mba kak ngingring yam vun man ma djindina ala:
5An mba ni b’irizi simiyêzi kur gulumuna
hi gong man nda kud’orina
an mba ni yazi ki simi ma djivi ma kal simina
hi gro andjofâ ki ma hi gro aropmina,
an mba ni tinizi simi ma didin ma bei tchum mbei ba na mi.
6Wani andjaf suma ding suma a mba
zlap ki an Ma didina á lan sunda,
á le yam simiyên an Ma didina,
á kud’uron
suma pet suma a mba ngom bur ma sabatna
á mbud’um ndjendjed’a d’uo
suma a mba kak ngingring yam vun man ma djindina,
7an mba ni mbazi yam ahina man nda an tinit irat vata,
a mba le furîd’a kur gong man nda tchenda mi.
He mazi d’a hawa d’a ngala
kahle mazi suma ngat buzuna a mba mbut nahle suma his suma afufuîna
yam yi man ma ngal ahle suma ngat buzuna,
kayam a mba yi gong manda ala
Gong nga tchen nda yam suma peta.
8Salad’a Ma didin ma mi tok Israel
suma a b’rau woina, mi dala:
An mba ni togï suma dingâ kua
yam suma an togozi dana.
Suma hat suma a ndak nga d’uo na
9Agi amburei suma abageina
kamburei suma aduk agud’ina pet,
agi mbeyegï á tagi tena.
10Suma ndjola hi Israel-lîna pet ni suma duka,
a ni suma bei wed’a.
Azi pet nadurei suma ngela,
a ndak nga á bud’a d’i;
azi ni suma adïd’a dazina;
a burî kä, a tcho’î sena vam tu.
11Azi nadurei suma d’od’ok suma a nga hop ki va d’uo na,
azi ni suma pol suma bei wäd’u zlad’ina,
azi pet nge nge pî, mi hle ni lovot mamba,
nge nge pî, mi halî djivi d’a yam mam tambid’a mi.
12Azi nga dala: Agi mbeyegïya,
ami i halagï süm guguzlud’a,
ei mba gurud’i ki süm ma ayîna,
ei mba lei avin ni d’igi ini hina dedege.
Ad’um mba d’i ar kä woi ngola.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.