Isai 52
52
Ndak Jerusalem, ndak zlit akulo
1Ndak Jerusalem, ndak zlit akulo, ndak zlit akulo atogo,
ndak hulong fad’eng maka.
Ndak Siyon, azì ma ngol ma a tinim iram vama,
ndak tchuk baru mak ma djifâ atagu,
kayam angoyogeina d’oze suma ndjendjed’a
a mba tin asezi avo hatak kuo d’a.
2Ndak Jerusalem, ndak tchol akulo,
ndak po gugum ma ata’â woyo.
Ndak gor wei d’a Siyon nda avok kur magombid’a,
ndak kak kä á but ziyo ma a djiniksi kele’â woyo.
3Ma didina mi dala: A guzugi woi ni hawa na, a mba hulongôgi ni hawa na bei wurak bege kagi ba mi. 4Salad’a Ma didina mi dala: Avok wani, sum mana a i Ezipte á kak kua. Bugola, suma Asiri-na a kid’eyêzi irazi ni bei zlad’a ba. 5Ki tchetchemba, an le ni nana ge? A i wa sum mana magomba ni hawana. Suma a te kazi kad’engina a nga de zlad’a ki delezi akulo. Kur bur ma lara ge pet a nga lazan simiyênu. 6Ni kayam ndata ba, sum mana a mba wan simiyênu. Kur bur máma a mba wala an ma nga ni de zlad’ina ni an ba wana.
Ma didina mi hulong Jerusalem
7Djivid’a yam sama nga mi djï akulo yam ahuniyôna
á de zla d’a djivid’a woina,
yam ma nga mi de woi yam b’leng nga halasa,
yam djivid’a ki sutina,
ma nga mi de mi Jerusalem ala:
Alona namul ma’â na.
8Mak suma ndjola a nga de zlad’a ki delezi akulo,
a nga er ad’uzi akulo ki furîd’a abo tazi tu,
kayam a nga we Ma didina ki irazi
nga mi hulongî kur Siyon.
9Ang yima teteng ma Jerusalem ma b’lak keina,
ang er ad’ung akulo ki furîd’a,
kayam Ma didina nga mi b’leng hur sum mama,
nga mi wurak yam mam Israel-lâ mi.
10Ma didina mi tak abom ma bei tchod’ina
woi ir andjaf suma pet.
Suma avun dabid’a handagad’ina pet
a mba we suta hAlo meinid’a.
Agi buzugugi woi avo Babilon
11Agi igiya, agi igiya,
agi buzugugi woi ata yi máma,
agi dogi vama ndjendjed’a d’i,
agi buzugugi woi avo Babilon!
Agi suma nga zigi ahlena hi Ma didinina,
agi mbud’ugi tagi woi yed’et.
12Agi b’ad’agi tagi á buzuka d’i,
agi buzugugi woi ki ringâ d’uo mi,
kayam Ma didina mi nga avorogiya,
Alona hi Israel-lîna mba mi kak ndjola blogogi mi.
Ndaka hazongâ hi Ma didinid’a
13Ma didina mi dala:
Azong mana mba mi i avogovogo,
mba mi subur tamu,
mba mi hle yam akulo, a mba hum ngola mi.
14Suma ablaud’a a mba golomu,
a mba hat huruzi kamu,
kayam iram mbut hohoud’a,
ti nga d’igi ir sana na d’uo d’a.
15 Andjaf suma ablaud’a a mba le atchap kamu,
amuleina a mba duk vunazi yam zla mamba,
kayam azi mba wäd’u vama a dazizi nga zlam yam tu d’uo na,
a mba hum vama azi humum nga yazi tu d’uo na mi.
Currently Selected:
Isai 52: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Isai 52
52
Ndak Jerusalem, ndak zlit akulo
1Ndak Jerusalem, ndak zlit akulo, ndak zlit akulo atogo,
ndak hulong fad’eng maka.
Ndak Siyon, azì ma ngol ma a tinim iram vama,
ndak tchuk baru mak ma djifâ atagu,
kayam angoyogeina d’oze suma ndjendjed’a
a mba tin asezi avo hatak kuo d’a.
2Ndak Jerusalem, ndak tchol akulo,
ndak po gugum ma ata’â woyo.
Ndak gor wei d’a Siyon nda avok kur magombid’a,
ndak kak kä á but ziyo ma a djiniksi kele’â woyo.
3Ma didina mi dala: A guzugi woi ni hawa na, a mba hulongôgi ni hawa na bei wurak bege kagi ba mi. 4Salad’a Ma didina mi dala: Avok wani, sum mana a i Ezipte á kak kua. Bugola, suma Asiri-na a kid’eyêzi irazi ni bei zlad’a ba. 5Ki tchetchemba, an le ni nana ge? A i wa sum mana magomba ni hawana. Suma a te kazi kad’engina a nga de zlad’a ki delezi akulo. Kur bur ma lara ge pet a nga lazan simiyênu. 6Ni kayam ndata ba, sum mana a mba wan simiyênu. Kur bur máma a mba wala an ma nga ni de zlad’ina ni an ba wana.
Ma didina mi hulong Jerusalem
7Djivid’a yam sama nga mi djï akulo yam ahuniyôna
á de zla d’a djivid’a woina,
yam ma nga mi de woi yam b’leng nga halasa,
yam djivid’a ki sutina,
ma nga mi de mi Jerusalem ala:
Alona namul ma’â na.
8Mak suma ndjola a nga de zlad’a ki delezi akulo,
a nga er ad’uzi akulo ki furîd’a abo tazi tu,
kayam a nga we Ma didina ki irazi
nga mi hulongî kur Siyon.
9Ang yima teteng ma Jerusalem ma b’lak keina,
ang er ad’ung akulo ki furîd’a,
kayam Ma didina nga mi b’leng hur sum mama,
nga mi wurak yam mam Israel-lâ mi.
10Ma didina mi tak abom ma bei tchod’ina
woi ir andjaf suma pet.
Suma avun dabid’a handagad’ina pet
a mba we suta hAlo meinid’a.
Agi buzugugi woi avo Babilon
11Agi igiya, agi igiya,
agi buzugugi woi ata yi máma,
agi dogi vama ndjendjed’a d’i,
agi buzugugi woi avo Babilon!
Agi suma nga zigi ahlena hi Ma didinina,
agi mbud’ugi tagi woi yed’et.
12Agi b’ad’agi tagi á buzuka d’i,
agi buzugugi woi ki ringâ d’uo mi,
kayam Ma didina mi nga avorogiya,
Alona hi Israel-lîna mba mi kak ndjola blogogi mi.
Ndaka hazongâ hi Ma didinid’a
13Ma didina mi dala:
Azong mana mba mi i avogovogo,
mba mi subur tamu,
mba mi hle yam akulo, a mba hum ngola mi.
14Suma ablaud’a a mba golomu,
a mba hat huruzi kamu,
kayam iram mbut hohoud’a,
ti nga d’igi ir sana na d’uo d’a.
15 Andjaf suma ablaud’a a mba le atchap kamu,
amuleina a mba duk vunazi yam zla mamba,
kayam azi mba wäd’u vama a dazizi nga zlam yam tu d’uo na,
a mba hum vama azi humum nga yazi tu d’uo na mi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.