Isai 22
22
A ge hum suma Jerusalem-ma
1Wana ni zla d’a a dat yam hor ra vana nde tam mbei ir sana kuad’a:
Ang azì ma ngol ma Jerusalem-ma,
ni me ba, ang ki sum mangâ pet,
agi djagagi akulo yam dudura ge?
2Ang azì ma ngol ma vuna kang wü
ma oîd’a ki siwel la gandjaud’ina,
ang azì ma furîd’a, mang suma a tchazina,
a tchazi nga ni ki mbigeu d’a fiyaka d’i,
suma a bona,
a tchazi nga navun ayîna d’uo mi.
3Mang suma nglona a yo ringâ ki zla tazi pet,
suma yet yeûd’a, a yozi magomba,
suma a nga kaka kurungâ pet, a yozi magomba,
suma a ring ngei deina pî, a yozi magomba mi.
4Kayam ndata, an dagi ala:
Agi hlagi iragi woi kanu, agi golon ndi,
aran an tchi tchi ma hat hurâ,
agi kawagi tagi á b’lengên hurun
yam b’laka hi sum manid’a d’i.
5Kayam Salad’a Ma didina Alo ma ad’engêm kal petna
mi suni ini tcha d’a tatad’a
ki kusa ki zulona keya,
wulul la ndindinga nga d’i b’ik kä b’ib’ik
kur hor ra vana nde tam mbei ir sana kuad’a,
tchi ma gandjauna nga mi i akulo yam ahuniyôna.
6Agi suma Elam-ma, agi yogi yeûd’a kakulud’u,
suma a nga kur pus ma dur ayîna
ki suma djang akulumeina a nga i avogovogo.
Azigar suma Kir-râ a buzuk mboriyo mazina woi abu mi.
7Ang azì ma ngol ma Jerusalem-ma,
hor mang nga djif fa heîd’a nga d’i oî ki pus ma dur ayîna,
suma djang akulumeina a ndjar nga avun agre’â á durâ mi.
8Vama mi ndjun suma Juda-na mi nga d’uo d’a.
Kur bur máma agi mbud’ugi iragi
yam ahle suma ayî suma a nga tchuka kä
kur gong nga a yat ala Gonga hagud’a na.
9Agi wagi zul la tetenga ndjandjak ka nga ata gulumun
ma yam Azì ma ngolâ hi David-nid’a,
agi ngomogi mbina kä kur yima ve mbiyo ma kä na.
10Agi ndumugi gongîyo suma Jerusalem-ma,
agi togi gongîyo suma dingâ kä woi
á fe lovota á min gulumun ma ad’eng ma ngunguna.
11Agi wagagi yima ve mbina aduk gulumun ma mbàna
yam mbiyo ma nga kä kur yima ve mbina ma adjeuna,
wani agi tinigi nga djib’er magid’a
yam Ma mi lahle ndazinina d’i,
agi tinigi nga iragi yam Ma mi min ahle
ndazina adjeu dedeina d’uo mi.
12Salad’a Ma didin ma ad’engêm kal petna
mi yagi kur bur máma ná tchina,
ná yor tad’a, ná welegi yagi woyo,
ná tchugugi baru d’a dodora atagi mi.
13Wani agi nga ayâgiya, agi nga lagi furîd’a,
agi nga tchagi amuzleina, agi nga tchagi aho’â,
agi nga mud’ugi hliuna, agi nga tchagi süm guguzlud’a,
agi nga dagi ala:
Ei teya, ei tcheya, avin ei boya!
14Ma didin ma ad’engêm kal petna
mi tagan zla ndata woyo.
Mi dala mam mba mi vat hurum mbei
yam tcho magi ndata d’i gak mat magina!
Salad’a Ma didin ma ad’engêm kal petna mi de na.
Ma sunda Sepna a mba pad’am mbeyo
15Salad’a Ma didin ma ad’engêm kal petna mi dala: Ang i ata ma sunda Sepna ma te yam azì ma amulina, ang dum ala:
16Ang le ni me ka hî ge?
Ni me mangâ nga ka hî ba,
ang djugot zulung ka hî ge?
Ang djugot zulung akulo yam yima ndingâ,
ang tcho ahinad’a á min yi mang
ma tos tangâ akulo yam ahinad’a ge?
17Gola! Ang ma ad’engâ,
Ma didina mba mi gangî kä woi kad’enga,
mba mi d’ud’ung d’igi baru d’a par ra d’utina.
18Mba mi d’ud’ungû, mba mi d’ud’ung d’igi bala na,
mba mi gangza woi yam andaga d’a bubud’a
ki pus mang ma subura pet, ang mba mit sä kua,
ang ma mbut azina hi salangâ zulonina.
19Ma didina mi dang ala:
An mba ni diging ngei kur sun manga,
an mba ni pad’ang ngei ata yang ma kaka mi.
20Kur bur máma an mba ni yazong mana
Eliyakim Hilkiya goroma.
21An mba ni tchugum baru mang nga ngola atamu,
an mba ni djinim d’ik mangâ furumu,
an mba ni hum ad’eng manga abom mi.
Mam mba mi mbut ni suma Jerusalem-ma abuziya,
suma hi Juda-na abuzi mi.
22An mba ni hum lakle d’a avun azina hi David-nid’a abomu.
Le mi malamu ni, sama duguma nga d’i,
le mi dugumu ni, sama malama nga d’uo mi.
23An mba ni b’alam kä
d’igi suma a b’al pondena ata aguna na,
mba mi kak yam zlam mba subura yam sum mama.
24Ahle suma subur suma kur azina habuma pet suma djivina ki suma tchona, a mba deng tazi atam d’igi ahle suma gurei suma sun suma tetengâ tin ad’ud’a ata halâ dei gak mba ata duguyona, a gabazi ata pondena akulo na. 25Ma didin ma ad’engêm kal petna mi dala: Kur bur máma ponde ma b’alam kä máma, mam mba mi pad’am mbeyo, mba mi gum kä woi andaga, anek ka kamba mam mba mi hlat teyo. Wana ni zla d’a Ma didina mi data.
Currently Selected:
Isai 22: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Isai 22
22
A ge hum suma Jerusalem-ma
1Wana ni zla d’a a dat yam hor ra vana nde tam mbei ir sana kuad’a:
Ang azì ma ngol ma Jerusalem-ma,
ni me ba, ang ki sum mangâ pet,
agi djagagi akulo yam dudura ge?
2Ang azì ma ngol ma vuna kang wü
ma oîd’a ki siwel la gandjaud’ina,
ang azì ma furîd’a, mang suma a tchazina,
a tchazi nga ni ki mbigeu d’a fiyaka d’i,
suma a bona,
a tchazi nga navun ayîna d’uo mi.
3Mang suma nglona a yo ringâ ki zla tazi pet,
suma yet yeûd’a, a yozi magomba,
suma a nga kaka kurungâ pet, a yozi magomba,
suma a ring ngei deina pî, a yozi magomba mi.
4Kayam ndata, an dagi ala:
Agi hlagi iragi woi kanu, agi golon ndi,
aran an tchi tchi ma hat hurâ,
agi kawagi tagi á b’lengên hurun
yam b’laka hi sum manid’a d’i.
5Kayam Salad’a Ma didina Alo ma ad’engêm kal petna
mi suni ini tcha d’a tatad’a
ki kusa ki zulona keya,
wulul la ndindinga nga d’i b’ik kä b’ib’ik
kur hor ra vana nde tam mbei ir sana kuad’a,
tchi ma gandjauna nga mi i akulo yam ahuniyôna.
6Agi suma Elam-ma, agi yogi yeûd’a kakulud’u,
suma a nga kur pus ma dur ayîna
ki suma djang akulumeina a nga i avogovogo.
Azigar suma Kir-râ a buzuk mboriyo mazina woi abu mi.
7Ang azì ma ngol ma Jerusalem-ma,
hor mang nga djif fa heîd’a nga d’i oî ki pus ma dur ayîna,
suma djang akulumeina a ndjar nga avun agre’â á durâ mi.
8Vama mi ndjun suma Juda-na mi nga d’uo d’a.
Kur bur máma agi mbud’ugi iragi
yam ahle suma ayî suma a nga tchuka kä
kur gong nga a yat ala Gonga hagud’a na.
9Agi wagi zul la tetenga ndjandjak ka nga ata gulumun
ma yam Azì ma ngolâ hi David-nid’a,
agi ngomogi mbina kä kur yima ve mbiyo ma kä na.
10Agi ndumugi gongîyo suma Jerusalem-ma,
agi togi gongîyo suma dingâ kä woi
á fe lovota á min gulumun ma ad’eng ma ngunguna.
11Agi wagagi yima ve mbina aduk gulumun ma mbàna
yam mbiyo ma nga kä kur yima ve mbina ma adjeuna,
wani agi tinigi nga djib’er magid’a
yam Ma mi lahle ndazinina d’i,
agi tinigi nga iragi yam Ma mi min ahle
ndazina adjeu dedeina d’uo mi.
12Salad’a Ma didin ma ad’engêm kal petna
mi yagi kur bur máma ná tchina,
ná yor tad’a, ná welegi yagi woyo,
ná tchugugi baru d’a dodora atagi mi.
13Wani agi nga ayâgiya, agi nga lagi furîd’a,
agi nga tchagi amuzleina, agi nga tchagi aho’â,
agi nga mud’ugi hliuna, agi nga tchagi süm guguzlud’a,
agi nga dagi ala:
Ei teya, ei tcheya, avin ei boya!
14Ma didin ma ad’engêm kal petna
mi tagan zla ndata woyo.
Mi dala mam mba mi vat hurum mbei
yam tcho magi ndata d’i gak mat magina!
Salad’a Ma didin ma ad’engêm kal petna mi de na.
Ma sunda Sepna a mba pad’am mbeyo
15Salad’a Ma didin ma ad’engêm kal petna mi dala: Ang i ata ma sunda Sepna ma te yam azì ma amulina, ang dum ala:
16Ang le ni me ka hî ge?
Ni me mangâ nga ka hî ba,
ang djugot zulung ka hî ge?
Ang djugot zulung akulo yam yima ndingâ,
ang tcho ahinad’a á min yi mang
ma tos tangâ akulo yam ahinad’a ge?
17Gola! Ang ma ad’engâ,
Ma didina mba mi gangî kä woi kad’enga,
mba mi d’ud’ung d’igi baru d’a par ra d’utina.
18Mba mi d’ud’ungû, mba mi d’ud’ung d’igi bala na,
mba mi gangza woi yam andaga d’a bubud’a
ki pus mang ma subura pet, ang mba mit sä kua,
ang ma mbut azina hi salangâ zulonina.
19Ma didina mi dang ala:
An mba ni diging ngei kur sun manga,
an mba ni pad’ang ngei ata yang ma kaka mi.
20Kur bur máma an mba ni yazong mana
Eliyakim Hilkiya goroma.
21An mba ni tchugum baru mang nga ngola atamu,
an mba ni djinim d’ik mangâ furumu,
an mba ni hum ad’eng manga abom mi.
Mam mba mi mbut ni suma Jerusalem-ma abuziya,
suma hi Juda-na abuzi mi.
22An mba ni hum lakle d’a avun azina hi David-nid’a abomu.
Le mi malamu ni, sama duguma nga d’i,
le mi dugumu ni, sama malama nga d’uo mi.
23An mba ni b’alam kä
d’igi suma a b’al pondena ata aguna na,
mba mi kak yam zlam mba subura yam sum mama.
24Ahle suma subur suma kur azina habuma pet suma djivina ki suma tchona, a mba deng tazi atam d’igi ahle suma gurei suma sun suma tetengâ tin ad’ud’a ata halâ dei gak mba ata duguyona, a gabazi ata pondena akulo na. 25Ma didin ma ad’engêm kal petna mi dala: Kur bur máma ponde ma b’alam kä máma, mam mba mi pad’am mbeyo, mba mi gum kä woi andaga, anek ka kamba mam mba mi hlat teyo. Wana ni zla d’a Ma didina mi data.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.