Hebre-na 4
4
1Kayam ndata, ei golei tei djivi yam vun ma hle ma Alona mi hleizi yam yima tuk ta mamina. Ar sa adigagi mi kid’ak kei ata yima tuk ta mama d’i. 2Kayam ei humi Zla d’a Djivid’a d’igi suma hur fulîna a humut na mi. Azi humud’u, wani azi le nga sunda kat ti. Kayam ata yima azi humutna, azi he nga gagazid’a kat tuo mi. 3Ei suma hei gagazid’ina, ei nga kalei ata yima tuk ta ma Alona mi de kam ala:
An hurun zal ngola, an gun tan ala:
Azi mba kal ata yima azi tuk tazi kua ki sed’ena d’uo na.
Mi de zla ndata nata yima mi dap sun mam mba avok ka mam le duniyad’ina. 4Kayam mi de kur mbaktum mamba ata yima dingâ yam bur ma kid’iziyana ala: Alona mi ar sun mamba, mi tuk tam kur bur ma kid’iziyana. 5Mi de kua ala: Azi mba kal ata yima tuk tad’a ki sed’en ndi. 6Suma a hum Zla d’a Djivid’a avo’â a kal nga kua a tuk tazi ki sed’em mbi, kayam a he nga gagazid’a d’i. Wani Alona mi he lovota mi suma hiuna á kal kua. 7Kayam ndata, Alona mi nga nga bur ma ding ma a yum ala Ini na, d’igi David mi dadjeu dei na ala:
Le agi humugi del Alona ini ni,
ar agi b’alagi hurugi d’i.
8Le Josue mi hazi yima tuk tad’a ni, Alona dok nga mi de zlad’a yam bur ma ding bugol luo d’a. 9Kayam ndata, bur ma sabat ma tuk tad’a yam suma hAlonina mi nga. Ni d’igi bur ma kid’iziya ma Alona tuk tam kuana na. 10Kayam sama kal ata yima tuk tad’a hAlonina, mi tuk tam yam sun mamba, d’igi Alona mi tuk tam yam sun mamba na mi. 11Kayam ndata, ei b’ad’ei tei á kalei ata yima tuk ta máma. Ar sa adigei mi so vuna d’igi suma adjeu hur fulâ a so vuna á kid’ak kei bei kal ata yima tuk tad’a na d’i.
12Kayam zlad’a hAlonid’a narid’a, ti nga d’i le sunda. Te matna kal mbigeu d’a fiyak ka siyat mbàd’a. Nga d’i te gak ti wal tad’a ki muzu’â, gak ti wal ir aso’â kandjulora mi. Ti nga d’i ka sariyad’a yam djib’era hi sana d’a mi ngat kurum krovod’a. 13Vama ndak á ngei tam avok Alona nga d’i, wani ahle suma Alona mi lazina a ni woi pid’ak avok mam Ma ei mba i ki zla meid’a avoroma.
Jesus ni ma ngol ma ngat buzu ma kal teglesâ
14Ei nga ki ma ngol ma kal ma ngat buzu ma kal sä akulo avok Alonina. Ni Jesus, Alona Goroma. Kayam ndata, ar ei vei he gagazi meid’a ad’eng ngingring. 15Kayam ngol mei ma ngat buzu máma ni ma ndak á hat hurum yam amangeî meid’a d’uo na d’i, kayam a kugum kur ahlena pet d’igi ei na, wani mi le nga tcho d’i. 16Kayam ndata, ar ei hud’i go gen zlamba hAlonid’a, bei mandarâ ba, ata yima sumad’a nga kuana, kayam mi wei hohowoya, mi vei sumad’a á ndjuni ata yima ei kur kid’akina.
Currently Selected:
Hebre-na 4: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Hebre-na 4
4
1Kayam ndata, ei golei tei djivi yam vun ma hle ma Alona mi hleizi yam yima tuk ta mamina. Ar sa adigagi mi kid’ak kei ata yima tuk ta mama d’i. 2Kayam ei humi Zla d’a Djivid’a d’igi suma hur fulîna a humut na mi. Azi humud’u, wani azi le nga sunda kat ti. Kayam ata yima azi humutna, azi he nga gagazid’a kat tuo mi. 3Ei suma hei gagazid’ina, ei nga kalei ata yima tuk ta ma Alona mi de kam ala:
An hurun zal ngola, an gun tan ala:
Azi mba kal ata yima azi tuk tazi kua ki sed’ena d’uo na.
Mi de zla ndata nata yima mi dap sun mam mba avok ka mam le duniyad’ina. 4Kayam mi de kur mbaktum mamba ata yima dingâ yam bur ma kid’iziyana ala: Alona mi ar sun mamba, mi tuk tam kur bur ma kid’iziyana. 5Mi de kua ala: Azi mba kal ata yima tuk tad’a ki sed’en ndi. 6Suma a hum Zla d’a Djivid’a avo’â a kal nga kua a tuk tazi ki sed’em mbi, kayam a he nga gagazid’a d’i. Wani Alona mi he lovota mi suma hiuna á kal kua. 7Kayam ndata, Alona mi nga nga bur ma ding ma a yum ala Ini na, d’igi David mi dadjeu dei na ala:
Le agi humugi del Alona ini ni,
ar agi b’alagi hurugi d’i.
8Le Josue mi hazi yima tuk tad’a ni, Alona dok nga mi de zlad’a yam bur ma ding bugol luo d’a. 9Kayam ndata, bur ma sabat ma tuk tad’a yam suma hAlonina mi nga. Ni d’igi bur ma kid’iziya ma Alona tuk tam kuana na. 10Kayam sama kal ata yima tuk tad’a hAlonina, mi tuk tam yam sun mamba, d’igi Alona mi tuk tam yam sun mamba na mi. 11Kayam ndata, ei b’ad’ei tei á kalei ata yima tuk ta máma. Ar sa adigei mi so vuna d’igi suma adjeu hur fulâ a so vuna á kid’ak kei bei kal ata yima tuk tad’a na d’i.
12Kayam zlad’a hAlonid’a narid’a, ti nga d’i le sunda. Te matna kal mbigeu d’a fiyak ka siyat mbàd’a. Nga d’i te gak ti wal tad’a ki muzu’â, gak ti wal ir aso’â kandjulora mi. Ti nga d’i ka sariyad’a yam djib’era hi sana d’a mi ngat kurum krovod’a. 13Vama ndak á ngei tam avok Alona nga d’i, wani ahle suma Alona mi lazina a ni woi pid’ak avok mam Ma ei mba i ki zla meid’a avoroma.
Jesus ni ma ngol ma ngat buzu ma kal teglesâ
14Ei nga ki ma ngol ma kal ma ngat buzu ma kal sä akulo avok Alonina. Ni Jesus, Alona Goroma. Kayam ndata, ar ei vei he gagazi meid’a ad’eng ngingring. 15Kayam ngol mei ma ngat buzu máma ni ma ndak á hat hurum yam amangeî meid’a d’uo na d’i, kayam a kugum kur ahlena pet d’igi ei na, wani mi le nga tcho d’i. 16Kayam ndata, ar ei hud’i go gen zlamba hAlonid’a, bei mandarâ ba, ata yima sumad’a nga kuana, kayam mi wei hohowoya, mi vei sumad’a á ndjuni ata yima ei kur kid’akina.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.