Hebre-na 10
10
1Gata hi Juif-fîd’a nangus ahle suma djivi suma a nga mbana, nga nahle ndazina tazi d’a gagazid’a d’i. Hina, ahle suma ngat buzu suma a nga hazi bizad’a ki bizad’a yam gat ndatina a ndak á mbut suma a hut go gen Alonina memet ti. 2Ladjï suma a nga kud’or Alonina a mbuzuzi ni woi yed’et yazi tu kur tcho mazid’a ni, azi dok djib’er yam tcho d’a kuruzi krovod’a d’uo d’a, a mba hahle suma ngat buzuna kua d’uo mi. 3Wani ahle suma ngat buzu suma hina na a nga gazi humazi yam tcho mazi d’a azi nga lat bizad’a ki bizad’id’a. 4Kayam buzuwa amuzlei suma andjuveina ki buzuwa aho’â a ndak á hle tchod’a woi d’i.
5Kayam ndata, ata yima Christ mi mba yam andagad’ina, mi de mAlona ala:
Ang min nga vama ngat buzuna
ki he d’a hawad’a hi d’uwarîd’a d’i,
wani ang minin wa tanu.
6Tang lang nga djivid’a
yam ahle suma ngat buzu suma ngala
kahle suma ngat buzu suma zlup yam tchod’a woina d’uo mi.
7Kayam ndata, an dala: Alo mana, Gola!
An mba wa á le min manga,
d’igi a b’irin zlan kur mbaktum manga na.
8Avok mi dala: Le ahle ndazina ni yam minda hi gatid’a pî, ang min nga ahle suma ngat buzuna ki he d’a hawad’a hi d’uwarîd’a kahle suma ngat buzu suma ngala kahle suma ngat buzu suma zlup yam tchod’a woina d’i, tang lang nga djivid’a kazi d’uo mi. 9Bugola, mi dala: Alo mana, Gola! An mba wa ná le min manga. Kayam ndata, mi yo ahle suma ngat buzu suma adjeuna woyo, mi vragazi ki buzu ma ngata hi Christ-sâ. 10Kayam Jesus Christ mi ndak vun minda hAlonid’a, mi mbuzi tcho meid’a woi yed’et ata yima mi he tam mbei vama ngat buzuna yam tu gak didina.
11Ma ngat buzu ma lara ge pî mi nga tchola burâ ki burâ á le sun nda ngat buzu mamba teteu. Ni buzu ma ngat ma ndak á hle tchod’a woi d’uo na. 12Wani ata yima Christ mi he tam vama ngat buzuna yam tu gak didin yam tchod’ina, mi kak kä ata Alona bigam mba ndjufa. 13Ki tchetchemba, nga mi djup gak Alona mba mi mbut mam suma djangûna vama tin asema, 14kayam buzu ma ngat ma tu máma mi mbut suma mi mbuzuzi woi yed’et kur tcho mazid’ina memet gak didin.
15Muzuk ma bei tchod’a ba na mi lei glangâsâ hina mi, ata yima mi de avok ala:
16Ma didina mi dala: Wana ni vun ma djin
ma an mba ni djinim ki sed’ezi bugol bur mámina:
An mba ni tin gat manda kuruziya,
an mba ni b’irit kur djib’er mazi d’a kuruzi krovod’a mi.
17Bugola mi dala: An mba ni djib’er yam tcho mazid’a ki tchila mazid’a d’uo d’a. 18Ata yima Alona mi vat hurum mbei yam tcho ndatina, vama ngat buzu ma ding ma yam tchod’ina nga d’uo d’a.
Ei hud’i go gen Alona
19Kayam ndata b’oziyona, ei ndak á kalei ata yima Alona mi tinim iram vam ma kal teglesâ bei mandarâ ba ni yam buzuna hi Jesus-na. 20Mi malei lovot ta awili d’a arid’a á kalei kur baru d’a ka ira, nala, hliwimu. 21Ei nga ki Ma ngol ma ngat buzu ma te yam gonga hAlonid’ina. 22Kayam ndata, ei hud’i go gen Alona ki hur ma tuna ki he gagazi d’a ndak memeta ki huri ma mbusa woi yed’et yam djib’er ra tcho d’a kuri krovod’a pet ki ta d’a a mbuzut tei ki mbiyo ma hirwilingîd’a. 23Ei vei tei ad’enga bei gigeta ba yam hur mei ma tin ma ei nga dei woi kama, kayam Alo ma hle vunama ni Ma d’engzengâ. 24Ei djib’erei yam tei á zud’i tei akulokulo á le od’a, á le sun nda djivid’a mi. 25Ei arei tok meid’a woi d’igi suma dingâ a nga le na d’i, wani ei zud’i tei akulokulo, kayam agi wagi burâ hi Salad’ina mi ar go.
26Le ei nga ngei huri á i avogovok kur tcho d’a led’a ata yima ei wei ad’u gagazid’a da na ni, ngat buzu ma ding ma yam tcho meid’ina nga d’uo d’a. 27Wani vama arâ ba wana: Ei nga djubi ki mandarâ sariya d’a nga d’i mbad’a hAlonid’a kaku d’a bibiliu d’a mba d’i ngal suma bei hum vun Alonina woid’a. 28Sama lara pî ma tchila yam gata hi Moise-sina, a mba tchum mbei bei wum hohowom yam glangâsâ hi suma mbà d’oze hindi. 29Wani sama gol Alona Goroma isâ ni ma gol buzuna hi vun ma djin ma Alona mi mbud’um yed’et ki sed’ema vama hawanina, ni ma las Muzuk ma sumad’a mi na. Agi djib’eregi nga ala sama hina na, Alona mba mi kam sariyad’a kam ngola kala d’uo zu? 30Kayam ei wei mam ma dala: Atchugul la sad’a ni manda; ni an ba, mba ni sad’u na. Mi de kua ala: An Ma didina mba ni ka sariyad’a yam sum mana. 31Ni vama mandar ma ngolâ á ndabo Alo ma arina.
32Wani agi djib’eregi yam bur ma avo’â. Ata yima agi wagi b’od’a hAlonid’ina, agi vagi tagi ad’enga kur ndjiget ta ngola ki djop vuna. 33Bur ma dingâ suma a ngulugiya, a lagi ndaka avok suma mi. Bur ma dingâ agi ni suma suma a lazi ndaka hina na ndrozina mi. 34Kayam agi wagi hohowa suma dangeina. Ata yima suma a hurum ahle maginina, agi lagi furîd’a, kayam agi wagi ala agi nga kahle suma djivi suma kal tegles suma gak didina. 35Ar tagi tchuk lus yam vama agi tinigi hurugi kama d’i, kayam wurak mamba nga ngola. 36Kayam ndata, ar agi vagi tagi ad’enga á le minda hAlonid’a, kayam agi vagi vama mam hlagi vunam kama. 37D’igi a de kur mbaktumba hAlonid’a na ala:
Yina ar nde,
Ma nga mbana nga mi mba,
nga mi le lilinga d’i.
38Sa man ma d’ingêrâ mba mi kak karid’a
ni yam he gagazid’a.
Wani le mi hulong bugolo ni,
tan mba d’i lan djivid’a kam mbi.
39Wani ei nga naduk suma a nga hulong bugol á bad’a woina d’i, wani ei naduk suma a he gagazid’a suma a nga kur lovot ta sutina.
Currently Selected:
Hebre-na 10: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Hebre-na 10
10
1Gata hi Juif-fîd’a nangus ahle suma djivi suma a nga mbana, nga nahle ndazina tazi d’a gagazid’a d’i. Hina, ahle suma ngat buzu suma a nga hazi bizad’a ki bizad’a yam gat ndatina a ndak á mbut suma a hut go gen Alonina memet ti. 2Ladjï suma a nga kud’or Alonina a mbuzuzi ni woi yed’et yazi tu kur tcho mazid’a ni, azi dok djib’er yam tcho d’a kuruzi krovod’a d’uo d’a, a mba hahle suma ngat buzuna kua d’uo mi. 3Wani ahle suma ngat buzu suma hina na a nga gazi humazi yam tcho mazi d’a azi nga lat bizad’a ki bizad’id’a. 4Kayam buzuwa amuzlei suma andjuveina ki buzuwa aho’â a ndak á hle tchod’a woi d’i.
5Kayam ndata, ata yima Christ mi mba yam andagad’ina, mi de mAlona ala:
Ang min nga vama ngat buzuna
ki he d’a hawad’a hi d’uwarîd’a d’i,
wani ang minin wa tanu.
6Tang lang nga djivid’a
yam ahle suma ngat buzu suma ngala
kahle suma ngat buzu suma zlup yam tchod’a woina d’uo mi.
7Kayam ndata, an dala: Alo mana, Gola!
An mba wa á le min manga,
d’igi a b’irin zlan kur mbaktum manga na.
8Avok mi dala: Le ahle ndazina ni yam minda hi gatid’a pî, ang min nga ahle suma ngat buzuna ki he d’a hawad’a hi d’uwarîd’a kahle suma ngat buzu suma ngala kahle suma ngat buzu suma zlup yam tchod’a woina d’i, tang lang nga djivid’a kazi d’uo mi. 9Bugola, mi dala: Alo mana, Gola! An mba wa ná le min manga. Kayam ndata, mi yo ahle suma ngat buzu suma adjeuna woyo, mi vragazi ki buzu ma ngata hi Christ-sâ. 10Kayam Jesus Christ mi ndak vun minda hAlonid’a, mi mbuzi tcho meid’a woi yed’et ata yima mi he tam mbei vama ngat buzuna yam tu gak didina.
11Ma ngat buzu ma lara ge pî mi nga tchola burâ ki burâ á le sun nda ngat buzu mamba teteu. Ni buzu ma ngat ma ndak á hle tchod’a woi d’uo na. 12Wani ata yima Christ mi he tam vama ngat buzuna yam tu gak didin yam tchod’ina, mi kak kä ata Alona bigam mba ndjufa. 13Ki tchetchemba, nga mi djup gak Alona mba mi mbut mam suma djangûna vama tin asema, 14kayam buzu ma ngat ma tu máma mi mbut suma mi mbuzuzi woi yed’et kur tcho mazid’ina memet gak didin.
15Muzuk ma bei tchod’a ba na mi lei glangâsâ hina mi, ata yima mi de avok ala:
16Ma didina mi dala: Wana ni vun ma djin
ma an mba ni djinim ki sed’ezi bugol bur mámina:
An mba ni tin gat manda kuruziya,
an mba ni b’irit kur djib’er mazi d’a kuruzi krovod’a mi.
17Bugola mi dala: An mba ni djib’er yam tcho mazid’a ki tchila mazid’a d’uo d’a. 18Ata yima Alona mi vat hurum mbei yam tcho ndatina, vama ngat buzu ma ding ma yam tchod’ina nga d’uo d’a.
Ei hud’i go gen Alona
19Kayam ndata b’oziyona, ei ndak á kalei ata yima Alona mi tinim iram vam ma kal teglesâ bei mandarâ ba ni yam buzuna hi Jesus-na. 20Mi malei lovot ta awili d’a arid’a á kalei kur baru d’a ka ira, nala, hliwimu. 21Ei nga ki Ma ngol ma ngat buzu ma te yam gonga hAlonid’ina. 22Kayam ndata, ei hud’i go gen Alona ki hur ma tuna ki he gagazi d’a ndak memeta ki huri ma mbusa woi yed’et yam djib’er ra tcho d’a kuri krovod’a pet ki ta d’a a mbuzut tei ki mbiyo ma hirwilingîd’a. 23Ei vei tei ad’enga bei gigeta ba yam hur mei ma tin ma ei nga dei woi kama, kayam Alo ma hle vunama ni Ma d’engzengâ. 24Ei djib’erei yam tei á zud’i tei akulokulo á le od’a, á le sun nda djivid’a mi. 25Ei arei tok meid’a woi d’igi suma dingâ a nga le na d’i, wani ei zud’i tei akulokulo, kayam agi wagi burâ hi Salad’ina mi ar go.
26Le ei nga ngei huri á i avogovok kur tcho d’a led’a ata yima ei wei ad’u gagazid’a da na ni, ngat buzu ma ding ma yam tcho meid’ina nga d’uo d’a. 27Wani vama arâ ba wana: Ei nga djubi ki mandarâ sariya d’a nga d’i mbad’a hAlonid’a kaku d’a bibiliu d’a mba d’i ngal suma bei hum vun Alonina woid’a. 28Sama lara pî ma tchila yam gata hi Moise-sina, a mba tchum mbei bei wum hohowom yam glangâsâ hi suma mbà d’oze hindi. 29Wani sama gol Alona Goroma isâ ni ma gol buzuna hi vun ma djin ma Alona mi mbud’um yed’et ki sed’ema vama hawanina, ni ma las Muzuk ma sumad’a mi na. Agi djib’eregi nga ala sama hina na, Alona mba mi kam sariyad’a kam ngola kala d’uo zu? 30Kayam ei wei mam ma dala: Atchugul la sad’a ni manda; ni an ba, mba ni sad’u na. Mi de kua ala: An Ma didina mba ni ka sariyad’a yam sum mana. 31Ni vama mandar ma ngolâ á ndabo Alo ma arina.
32Wani agi djib’eregi yam bur ma avo’â. Ata yima agi wagi b’od’a hAlonid’ina, agi vagi tagi ad’enga kur ndjiget ta ngola ki djop vuna. 33Bur ma dingâ suma a ngulugiya, a lagi ndaka avok suma mi. Bur ma dingâ agi ni suma suma a lazi ndaka hina na ndrozina mi. 34Kayam agi wagi hohowa suma dangeina. Ata yima suma a hurum ahle maginina, agi lagi furîd’a, kayam agi wagi ala agi nga kahle suma djivi suma kal tegles suma gak didina. 35Ar tagi tchuk lus yam vama agi tinigi hurugi kama d’i, kayam wurak mamba nga ngola. 36Kayam ndata, ar agi vagi tagi ad’enga á le minda hAlonid’a, kayam agi vagi vama mam hlagi vunam kama. 37D’igi a de kur mbaktumba hAlonid’a na ala:
Yina ar nde,
Ma nga mbana nga mi mba,
nga mi le lilinga d’i.
38Sa man ma d’ingêrâ mba mi kak karid’a
ni yam he gagazid’a.
Wani le mi hulong bugolo ni,
tan mba d’i lan djivid’a kam mbi.
39Wani ei nga naduk suma a nga hulong bugol á bad’a woina d’i, wani ei naduk suma a he gagazid’a suma a nga kur lovot ta sutina.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.