Esdras 4
4
Suma djangûna hi Juif-fîna a nga
1Kid’a suma a kak djangûna ki suma Juda-na ki suma Benjamin-nina a hum ala suma a yozi magombina a mba wa a nga min gong nga kud’ora hAlona hi Israel-lîna akulo mi d’a, 2a mba gen Zorobabel ki suma nglo sumazina, a dazi ala: Ar ami minimi gong nga kud’ora ki sed’egiya, kayam ami nga kud’uromi Alo magina d’igi agi nga kud’urom na mi. Ami nga hum he d’a hawad’a ni kur atchogoi d’a Esar-Hadon amul ma Asiri-na mi mbami ka hid’a dei.
3Wani Zorobabel, Josue ki suma ding suma nglo sumazina a hulong dazi ala: Ndologi nga ki ami tala ei mini gonga mAlo mamina ki sed’egi tu d’a d’i; ni ami tamid’a hol ba, ami minit mi Ma didina Alona hi Israel-lîna d’igi Sirus amul ma Perse-na mi hami vuna na.
4Ata yi máma suma yam ambas ndatina a tchuk suma Juda-na tazi susub’ok, a mbud’uzi mandarâ á min gong ndata, 5a he beged’a mi suma de d’alâ á d’el sun ndata. A le hina kur atchogoid’a hi Sirus amul ma Perse-nid’a gak mba kur atchogoid’a hi Dariyus amul ma Perse-nid’a mi.
A de zla Juif-fâ woi avok amulâ Artazerses
6Kur atchogoi d’a Asuwerus mi tin ad’ud’a á tamulid’a, suma djangûna hi Juif-fîna a b’ir mbaktumba á tchuk zlad’a yam suma a nga kaka avo Juda ki Jerusalem-ma.
7Kur atchogoid’a hi Artazerses-sa, Biselam, Mitredat, Tabel ki ndrozi suma a arâ a b’ir mbaktumba mi Artazerses amul ma Perse-na ki b’ira hi suma Aram-mid’a, a vat ad’ut tei ni ki vun ma Aram-ma mi. 8Rehum ma te yamba ki Simsai ma b’ir mbaktumba a b’ir mbaktumba mamul ma ngolâ Artazerses á kal yam suma Jerusalem-ma ala:
9Rehum ma te yamba, Simsai ma b’ir mbaktumba ki ndrozi suma a arâ, nala, suma Din-na, suma Arfarsata’â, suma Tarpel-lâ, suma Arfaras-sâ, suma Ere’â, suma Babilon-na, suma Sus-sâ, suma Deha-na, suma Elam-ma, 10zlapa kandjaf suma ding suma Osnapar ma suma a nga hum ngolina mi yozi mi tchuguzi ka hî kur azì ma ngol ma Samari-na ki suma ding suma sä woi abo alum ma Efrat-na abo hina. (Ahle suma dingâ a ar tua mi.)
11Wana ni mbaktum mba a sunut mamulâ Artazerses-sa ala:
Ami azungeî mang suma nga abo alum ma Efrat-na ka hina ami nga dangû:
12Amulâ, ang we Juif suma a tcholï hatang a mba adigami ka hî avo Jerusalem-ma ki yam mazi d’a ad’enga kasa’at mazid’a, a nga min azì mazina akulo, a ge nga ad’u gulumuna kä, a nga minim akulo mi. 13Amulâ, ang we woi tetet ala le azi min wa azì máma ki gulumun mama akulo ni, azi mba wuragang bege d’a a ngazizi kazid’a, d’oze tara, d’oze bege d’a a i kakoid’id’a#4.13 beged’a a i kakoid’id’a: Nala, bege d’a a wuragat á kal ki yam ambas sa dingid’a. d’uo mi. Hina wani, ang mba fe va kur aziyang ma amula tu d’i.
14Kayam ndata, ami suma djinimi vunami ki sed’engâ#4.14 ami suma djinimi vunami ki sed’engâ: Zla ndata ad’ut ki vun Hebre-na ala: Ami suma a nga tami ndjuvuna avo hatangâ. Ndjuvuna ni vama taka yam vun ma djinda. Gol Sun Lev 2.13., ami minimi d’ala sum ndazina a golong is zu d’a d’i. Ni kayam ndata ba, ami b’iring ki mbaktumba wana, 15ar ang hal kur mbaktum mba ge humba habuyong ngolod’a, ang mba fe, ang mba we kur mbaktum mba ge humba ala sum ndazina ni suma yam mba ad’enga, ni suma huneîd’a, ni suma a kak djangûna kamuleina kazì ma dingâ teteng mi. Ni suma a tchol huneîd’a adjeu ki suma te yambina. Ni kayam ndata ba, a b’lagazi kaziyazi woi wana. 16Ami nga vang ad’ud’a, le azi min wa azì máma ki gulumun mama akulo ni, ang mba fe yima te leud’a abo alum ma Efrat-na ka hî d’uo d’a.
Amulâ Artazerses mi hulong b’irizi mbaktumba
17Bugola, amulâ mi hulong humba mi ma te yamba Rehum ki ma b’ir mbaktumba Simsai ki ndrozi suma a ar nga kaka Samari-na ki suma a nga kaka ata yima dingâ yam andagad’a sä abo alum ma Efrat-na abom ma fladegenina ala:
An gagi depa.
18Mbaktum mba agi sunundjïd’a, a ndumut ni woi avoron an tanda. 19An he vuna ala a hal kur mbaktum mba ge humba. Azi fe kur mbaktum ndata ala sum ndazina adjeu a kak djangûna kamuleina, a zut suma á tchol ki huneîd’a mi. 20Adjeu amulei suma ad’engâ a nga kur Jerusalem. Ni suma a te yam suma pet suma a nga kaka abo alum ma Efrat-na woi hina, suma a nga wuragazi bege d’a a ngazizi kazid’a d’oze tara d’oze bege d’a a i kakoid’id’a mi.
21Kayam ndata, agi hazi vuna, a ar bei le sunda, a min azì máma d’i gak an he vuna tua. 22Agi gologi tagi djiviya, ar agi luwugi ki zla ndata tala tchod’a ti zul avogovok ba, ahle ndazina a b’lak kei ata amuleina d’uo d’a.
23Ata yima a ndum mbaktumba hamulâ Artazerses-sa avok Rehum ki Simsai ma b’ir mbaktumba ki ndrozi suma dingâ nduma, a i Jerusalem atogo zak ata Juif-fâ kahle suma sïna aboziya, a d’elezi bei le sunda kad’enga. 24Nata yi máma ba, a d’el sunda hi gong nga kud’ora hAlonid’a avo Jerusalem gak kur biza d’a mbà d’a Dariyus amul ma Perse-na nga mi tamulid’a.
Currently Selected:
Esdras 4: BA
Highlight
Share
Compare
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Esdras 4
4
Suma djangûna hi Juif-fîna a nga
1Kid’a suma a kak djangûna ki suma Juda-na ki suma Benjamin-nina a hum ala suma a yozi magombina a mba wa a nga min gong nga kud’ora hAlona hi Israel-lîna akulo mi d’a, 2a mba gen Zorobabel ki suma nglo sumazina, a dazi ala: Ar ami minimi gong nga kud’ora ki sed’egiya, kayam ami nga kud’uromi Alo magina d’igi agi nga kud’urom na mi. Ami nga hum he d’a hawad’a ni kur atchogoi d’a Esar-Hadon amul ma Asiri-na mi mbami ka hid’a dei.
3Wani Zorobabel, Josue ki suma ding suma nglo sumazina a hulong dazi ala: Ndologi nga ki ami tala ei mini gonga mAlo mamina ki sed’egi tu d’a d’i; ni ami tamid’a hol ba, ami minit mi Ma didina Alona hi Israel-lîna d’igi Sirus amul ma Perse-na mi hami vuna na.
4Ata yi máma suma yam ambas ndatina a tchuk suma Juda-na tazi susub’ok, a mbud’uzi mandarâ á min gong ndata, 5a he beged’a mi suma de d’alâ á d’el sun ndata. A le hina kur atchogoid’a hi Sirus amul ma Perse-nid’a gak mba kur atchogoid’a hi Dariyus amul ma Perse-nid’a mi.
A de zla Juif-fâ woi avok amulâ Artazerses
6Kur atchogoi d’a Asuwerus mi tin ad’ud’a á tamulid’a, suma djangûna hi Juif-fîna a b’ir mbaktumba á tchuk zlad’a yam suma a nga kaka avo Juda ki Jerusalem-ma.
7Kur atchogoid’a hi Artazerses-sa, Biselam, Mitredat, Tabel ki ndrozi suma a arâ a b’ir mbaktumba mi Artazerses amul ma Perse-na ki b’ira hi suma Aram-mid’a, a vat ad’ut tei ni ki vun ma Aram-ma mi. 8Rehum ma te yamba ki Simsai ma b’ir mbaktumba a b’ir mbaktumba mamul ma ngolâ Artazerses á kal yam suma Jerusalem-ma ala:
9Rehum ma te yamba, Simsai ma b’ir mbaktumba ki ndrozi suma a arâ, nala, suma Din-na, suma Arfarsata’â, suma Tarpel-lâ, suma Arfaras-sâ, suma Ere’â, suma Babilon-na, suma Sus-sâ, suma Deha-na, suma Elam-ma, 10zlapa kandjaf suma ding suma Osnapar ma suma a nga hum ngolina mi yozi mi tchuguzi ka hî kur azì ma ngol ma Samari-na ki suma ding suma sä woi abo alum ma Efrat-na abo hina. (Ahle suma dingâ a ar tua mi.)
11Wana ni mbaktum mba a sunut mamulâ Artazerses-sa ala:
Ami azungeî mang suma nga abo alum ma Efrat-na ka hina ami nga dangû:
12Amulâ, ang we Juif suma a tcholï hatang a mba adigami ka hî avo Jerusalem-ma ki yam mazi d’a ad’enga kasa’at mazid’a, a nga min azì mazina akulo, a ge nga ad’u gulumuna kä, a nga minim akulo mi. 13Amulâ, ang we woi tetet ala le azi min wa azì máma ki gulumun mama akulo ni, azi mba wuragang bege d’a a ngazizi kazid’a, d’oze tara, d’oze bege d’a a i kakoid’id’a#4.13 beged’a a i kakoid’id’a: Nala, bege d’a a wuragat á kal ki yam ambas sa dingid’a. d’uo mi. Hina wani, ang mba fe va kur aziyang ma amula tu d’i.
14Kayam ndata, ami suma djinimi vunami ki sed’engâ#4.14 ami suma djinimi vunami ki sed’engâ: Zla ndata ad’ut ki vun Hebre-na ala: Ami suma a nga tami ndjuvuna avo hatangâ. Ndjuvuna ni vama taka yam vun ma djinda. Gol Sun Lev 2.13., ami minimi d’ala sum ndazina a golong is zu d’a d’i. Ni kayam ndata ba, ami b’iring ki mbaktumba wana, 15ar ang hal kur mbaktum mba ge humba habuyong ngolod’a, ang mba fe, ang mba we kur mbaktum mba ge humba ala sum ndazina ni suma yam mba ad’enga, ni suma huneîd’a, ni suma a kak djangûna kamuleina kazì ma dingâ teteng mi. Ni suma a tchol huneîd’a adjeu ki suma te yambina. Ni kayam ndata ba, a b’lagazi kaziyazi woi wana. 16Ami nga vang ad’ud’a, le azi min wa azì máma ki gulumun mama akulo ni, ang mba fe yima te leud’a abo alum ma Efrat-na ka hî d’uo d’a.
Amulâ Artazerses mi hulong b’irizi mbaktumba
17Bugola, amulâ mi hulong humba mi ma te yamba Rehum ki ma b’ir mbaktumba Simsai ki ndrozi suma a ar nga kaka Samari-na ki suma a nga kaka ata yima dingâ yam andagad’a sä abo alum ma Efrat-na abom ma fladegenina ala:
An gagi depa.
18Mbaktum mba agi sunundjïd’a, a ndumut ni woi avoron an tanda. 19An he vuna ala a hal kur mbaktum mba ge humba. Azi fe kur mbaktum ndata ala sum ndazina adjeu a kak djangûna kamuleina, a zut suma á tchol ki huneîd’a mi. 20Adjeu amulei suma ad’engâ a nga kur Jerusalem. Ni suma a te yam suma pet suma a nga kaka abo alum ma Efrat-na woi hina, suma a nga wuragazi bege d’a a ngazizi kazid’a d’oze tara d’oze bege d’a a i kakoid’id’a mi.
21Kayam ndata, agi hazi vuna, a ar bei le sunda, a min azì máma d’i gak an he vuna tua. 22Agi gologi tagi djiviya, ar agi luwugi ki zla ndata tala tchod’a ti zul avogovok ba, ahle ndazina a b’lak kei ata amuleina d’uo d’a.
23Ata yima a ndum mbaktumba hamulâ Artazerses-sa avok Rehum ki Simsai ma b’ir mbaktumba ki ndrozi suma dingâ nduma, a i Jerusalem atogo zak ata Juif-fâ kahle suma sïna aboziya, a d’elezi bei le sunda kad’enga. 24Nata yi máma ba, a d’el sunda hi gong nga kud’ora hAlonid’a avo Jerusalem gak kur biza d’a mbà d’a Dariyus amul ma Perse-na nga mi tamulid’a.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.